إسلام خميس -Eslam Khames

11/01/2026

أنت مش كسول .. أنت مشتت
أوقات كتير من كثرة المهام و الأهداف اللي عايز تنجزها
عقلك بيحس بعبء كبير و ضغط
و لانه مبرمج علي حمايتك و راحتك
بيجعلك تشعر أنك ليس لديك طاقة تبدأ
و في البداية يكون الأمر تسويف ثم تدريجيا يتحول إلي كسل
و لكن كن رحيما بذاتك يا رفيق
و أعد ترتيب أولوياتك و أوراقك ولا تحمل نفسك فوق ما تستطيع

07/01/2026

كل حدث مر بك لن يتركك كما كنت
إما يجعلك تتغير للافضل و تتطور
و إما أن ياخذك إلي الأسفل
و أنت لك القرار

07/01/2026

عمرك فكرت إن المشكلة مش في الإجابة…
المشكلة في السؤال نفسه؟
أغلبنا بيسأل يوميًا،
لكن قليل اللي يعرف إن للسؤال فن وقواعد.
القاعدة الذهبية؟
👈 لو عايز إجابة واضحة… لازم تسأل سؤال واضح.
امبارح في قناة إنستجرام
(مجتمع الأذكياء اجتماعيًا)
اتناقشنا في فن السؤال
وإزاي صياغة سؤال واحدة
ممكن تغيّر طريقة تفكيرك… وطريقة تعامل الناس معاك.
لو مهتم تطوّر ذكاءك الاجتماعي
وتكون جزء من مجتمع بيفهم الناس قبل ما يتكلم
✍️ اكتب في التعليقات: ذكاء اجتماعي
وهيوصلك رابط الانضمام مباشرة

05/01/2026

واحدة من أكتر طرق التعافي و الوصول الي التوازن النفسي
هي الاستثمار في علاقة آمنة
علاقة آمنة تشعر فيها بالأمان بدون شروط تحررك من خوف الهجر
علاقة آمنة تشعر فيها بالقبول بدون شروط تحررك من خوف الرفض
علاقة آمنة تشعر بأنك متقبل كما أنت تحررك من الخجل

أول اتصال آمن ممكن يحقق كل ما سبق هي الاتصال القوي بخالقك في المقام الأول
ثم الاستثمار في علاقة آمنة قد تكون مع معالج يسمعك بدون حكم و يتواصل معك بتراحم
او قد تكون علاقة مع إنسان سوي أيا كان وصف العلاقة او مسماه

مساءك سلام يملي قلبك
و سكينة تسكن نفسك 😊

02/01/2026

من أهم أنماط التفكير اللي هتساعدك في ٢٠٢٦✍️
🫲عدم الاكتفاء
👈لا تكتفي باي انجاز تحققه
لا تظن إنك حققت انجازات كبيرة فهناك ما هو أكبر
جميل إنك تحتفل و الأجمل إنك تشكر ربك
بس افتكر إنك تكون غير مكتفي، كن دائما متعطش للمزيد
كنت مهووسا بالنجاح لا تكتفي 👌
🙏

30/12/2025

قبل ما تخطط للعام الجديد 🤌
اقعد مع نفسك شوية… وركّز في الأربع خطوات دي:
الامتنان 👈
امتنّ لكل خطوة عملتها، لكل تجربة عدّت، ولكل نعمة لسه معاك، وانت داخل على العام القادم.
التخلي 👈
سيب القصص القديمة اللي كانت بتعطّلك،
وتخلّى عن بقايا أهداف ما بقتش شبهك ولا مناسبة لمرحلتك الحالية.
التصالح 👈
تصالح مع نفسك على اللي ما اتحققش،
ومع اللي بتسميه “عيوب” — وأنا بسميه نقاط محتاجة تطوير مش جلد ذات.
النية 👈
خلي نيتك واضحة:
إنك تكون نسخة أفضل منك…
مش إنك تستنى من السنة الجديدة تبقى أفضل لوحدها.

20/12/2025

تفتكر ايه أسرع و أسهل طريقة لتحقيق التوازن النفسي ؟
قولا واحداً و بعد دراسات و ابحاث اتعملت
هو الذكاء الاجتماعي

لذلك هكون في ضيافة الزميلة الفاضلة أ. أمنية نيازي
في لقاء مجاني و مميز
نبدإ بيه العام الجديد بداية مختلفة

مش كل سنة جديدة بتبقى بداية حقيقية…
ومش كل حماس أول السنة بيكمّل للآخر.

ميعادنا مع اللقاء الشهري المجاني…
والمرّة دي لقاء مختلف لأنه جاي مع بداية سنة جديدة ✨

كلنا بنبدأ السنة بشغف
وبنحط خطط
وبنقول: السنة دي غير.
لكن الحقيقة الهادية
مش كل اللي عنده شغف بيكمّل
ولا كل اللي حاطط خطط بيعرف يكمّلها.

المهم إن يبقى عندك توازن نفسي…
توازن يخليك تعرف تمشي الطريق للنهاية.

ومع بداية السنة، حابة أقدّم لكم مفاجأة حقيقية 🌱
هيكون معانا د/ إسلام خميس معالج نفسي متخصص في الذكاء الاجتماعي
هيكلمنا عن الذكاء الاجتماعي والذكاء العاطفي
وإزاي نقدر نعمل توازن بينهم
علشان نعرف نتعامل مع نفسنا ومع الناس بوعي أكتر وراحة أكتر

اللقاء ده مساحة آمنة وبداية جديدة
وبإذن الله يكون خطوة مختلفة في أول السنة.

📅 الجمعة 2 يناير 2026
⏰ 7 مساءً بتوقيت مصر
📍 اللقاء مجاني – لينك التسجيل موجود في أول تعليق

14/12/2025

بيعيش في سلام داخلي لا يقدر بثمن الإنسان اللي بيتعامل مع الآخرين من غير حكم أو تنصيف
لان في العمق شايف أن كل إنسان له مميزات و عيوب ، يفعل الخير و الشر ، يسعي الي الصلاح و ربما يقع في إفساد
المنطق ده بيشوف الحلو في كل انسان
و يفصل الإنسان عن سلوكه
فلان انسان كويس لكن سلوكه في هذا الموقف انا لا اتفق معه
فلان انسان ناضج و راقي لكن أفكاره انا لا اتفق معه فيها
ده الإنسان اللي بيعيش في سلام
أما اللي بيشخص كل اللي حواليه و ينصف كل سلوك
و يقرأ معلومتين يسقطهم علي اللي حواليه
و ده فلان وعي أقل ، و فلان عنده كذا ، و فلان نرجسي و فلان سيكوباتي
بيخرج بعد فترة شايف أن العالم مكان مش مناسب ليا
و ده في العمق بيبعده كل البعد عن السلام الداخلي اللي في الأساس درجة من درجات جنتك في الدنيا و الآخرة.

[ تسع أعشار السلام الداخلي في عدم الحكم علي الآخرين]
إسلام خميس.

05/12/2025

لو في مهارة واحدة بس تطويرها هيغير كل علاقاتك
تفتكر هتكون ايه ؟

01/12/2025

تخيل للحظة إن حياتك عبارة عن قاعة محكمة كبيرة شغالة 24 ساعة..
وأنت واقف هناك لوحدك، جوه "قفص الاتهام".
ومين هما القضاة؟
ببساطة.. هما كل الناس اللي حواليك: أهلك، صحابك، مديرك في الشغل، وحتى الناس اللي بتتابعك على السوشيال ميديا!
المشكلة إنك عايش في خوف، ومستني في كل تصرف بتعمله "حكم البراءة" منهم:
لبست طقم جديد؟.. عينك في عينيهم: "ياترى هيحكموا إنه شيك ولا هيتريقوا؟"
قولت رأي في قعدة؟.. بتتلفت حواليك: "ياترى هيوافقوني ولا هيصدر حكم إني مابفهمش؟"
الحقيقة الموجعة إنك ضيعت عمرك بتحاول تكسب القضية دي، ونسيت أهم حاجة:
إنك أصلاً بريء، ومفيش تهمة من الأساس!
مشكلتك الحقيقية مش في "الحكم" اللي هما بيصدروه..
مشكلتك إنك سلمت "مطرقة القاضي" لإيد الناس، وواقف مستني الإذن منهم عشان تكون نفسك.
🔴 النضج النفسي الحقيقي بيبدأ هنا:
لما تسحب المطرقة دي من إيديهم..
لما تقفل باب المحكمة دي تماماً، وتفهم إن محدش ليه حق يحاكمك.. ومحدش واخد "توكيل" بتقييمك غيرك أنت.
اخرج من القفص.. الجلسة اترفعت.. وأنت حر.

19/11/2025

في الغالب بتحس لما تكون وسط الناس بتوتر ، دقات قلبك بتزيد ، بتفكر باتري هما ملاحظين التوتر اللي انا حاسس بيه ، وقتها بتحس أن الحل أنك تتجنب المواقف اللي بتكون فيها محور اﻻهتمام أو علي الاقل فيها تجمع .
الحقيقة اللي لازم تعرفها أن مش معناه ضعف في شخصيتك ، و لكن دي أعراض الرهاب الاجتماعي
اللي ناس كتير بتكون
في الغالب بتحس لما تكون وسط الناس بتوتر…
دقات قلبك بتزيد…
وتبدأ تفكر:
"يا ترى هما واخدين بالهم؟
واضح عليّ؟
طب أعمل إيه دلوقتي؟"
وساعتها بتحس إن الحل إنك تتجنب المواقف اللي فيها تجمع…
أو أي لحظة ممكن تبقى فيها في الواجهة.
لكن الحقيقة اللي لازم تعرفها…
إن ده مش ضعف منك …
ولا مجرد أعراض جسدية
دي أعراض الرهاب الاجتماعي…
واللي ناس كتير جدًا بتمرّ بيه من غير ما حد يعرف.
المشكلة مش في التوتر نفسه…
المشكلة في إنك بتفسّر التوتر كإنه دليل إنك “مش مناسب”…
مع إنّه في الأصل، استجابة دفاعية من جسمك بيحاول يحميك من أي إحراج أو نقد.
ولو ركّزت شوية… هتلاقي إن اللي بيستنزف طاقتك مش الموقف…
لكن الحوار اللي بيدور جوا دماغك بعد الموقف:
"ليه قلت كده؟
ليه اتوترت؟
طب هما شايفين إيه؟"
جرّب تبص للموضوع من زاوية أبسط:
إنت
إنت مش توترك …
ولا توترك يقلل من قيمتك …
ولا قيمتك هتتأثر بأراء الآخرين لانك مُكرم من خالقك من البداية .
إنت محتاج تبطل تحاكم نفسك على كل إحساس بيحصل جواك
محتاج تشوف أنك بشر و اﻻخرين بشر زيك
حكمهم عليك مش تقييم ده مجرد رأي
قيمتك الحقيقة من خالقك فقط مش اراء الآخرين 👌
قولي…
إيه أكتر جملة فرقت معاك في البوست ؟

15/11/2025

لما تنصت لرأي الطرف التاني و تسمعه للآخر مش معناه بالضرورة اتفاقك معاه ، و لما تتفهم مشاعره مش معناه أنك تمر بالشعور نفسه ، و لما تختلف مع شخص في رأي أو فكر مش معناه بالضرورة أختلافك معاه كشخص

دي اساسيات اللي حصل و بيحصل مشاكل كتير في #العلاقات بسبب نسيانها .