Doctor L diet

14/09/2024

لازم لو لاحظنا الاعراض دى نعمل تحليل فيتامين د عشان لو اتاكدنا من نقصه نبدأ نشوف العلاج المظبوط تحت اشراف الطبيب لان ممكن تحتاجى بس تظبيط اكل او علاج اقراص او حقن على حسب النسبة بيتحدد نوع العلاج و جرعته عشان كدة لازم تحت اشراف الدكتور :)
لاى استشارة ممكن تبعتيلى على الواتس اب
٠١٠١٤١٣٤٠٧٢ د. انجى 🥰🙂

08/09/2024

الايودين عنصر من العناصر المهمة فى تكوين ال thyroid hormones اللى بيساعد فى نمو المخ و بيساعد فى تحويل الاكل لطاقة دة غير ان الغدة دى بتخرج calcitonin اللى مسئول عن الحفاظ على مستوى الكالسيوم
عشان كدة لازم نهتم بوجود الايودين ف. اكلنا

13/07/2024

ليه نشترى ايس كريم من برة مليان مواد حافظة و سكرايات كتير و الوان صناعية لما ممكن نعمله فى البيت بكل سهولة.. دة ايس كريم مانجا بالبنجر
فوايد البنجر .. ١. مضاد للاكسدة .. يعيد تجديد الخلايا و يقلل الاصابة بالسرطان
٢. مضاد للالتهاب
٣. بيحسن وظايف القلب و الرئة فاكيد مفيد لمرضى الضغط و القلب
٤ . بيزيد النشاط

09/10/2023

انهاردة هتكلم عن الفرق بين creatine & carnitine عشان بيحصل بينهم لغبطة
Creatine :
نوع من انواع ال Amino acids اللى موجودة فى البروتين
موجود فين بقا ؟
جزء جسمنا بيصنعه طبيعى فى الكبد و الكلى و البانكرياس و جزء من الاكل ( اللحوم الحمرا و السمك و منتجات الالبان ) و طبعا موجود فى شكل supplements ( powder , tablest,
liquids , energy bars)
هل الكرياتين لوحده كافى انى ابنى عضلات؟
لا طبعا .. اكل كويس ( مواعيد و نوع الاكل بيفرق) تمرين كويس ( عدد المرات و نوع التمرين) و نوم كويس .. مع كرياتين supplements
كل الناس تاخده ؟
لا مش لازم اللى عايز يgain muscles و بيتمرن كتير )advanced training) طب هيفرق فى ايه؟
١. بيسرع الاستشفاء العضلى
٢. بيزود ال anabolic hormones ( growth , hormone, estrogen , testosterone insulin) و دول طبعا بيشتغلو على بناء و تقوية العضلات عشان تقدر تزود فى الاوزان
٣. بيدخل الماية جوة العضلات ( 70% of muscles is water)
L- Carnitine
بيحرق الدهون
بس 🙂

05/10/2023

بما اننا بنواجه متحور جديد من كوفيد و كمان داخلين على الشتا لازم نعرف ايه الاكلات اللى بتقوى المناعة
١. الاغذية الغنية ب vitamin C
بتقوى المناعة و تقلل فترة العدوة .. زى الفلفل و السبانخ و الليمون و البرتقال و الجوافة
٢. Probiotics الجهاز الهضمى بتاعنا فى باكتريا نافعة بتعمل ايه؟ بتنظم توازن الطاقة و بتقوى الاستجابة المناعية و بتمنع نمو مسببات المرض .. زى الجبنة و الزبادى و اللبن
٣.zinc يقوى جهاز المناعة و اعادة بناء الانسجة .. فى اللحمة و البقوليات(الحمص) و المكسرات ( السودانى )و منتجات الالبان و البيض و القمح و الشوفان و الحبهان

18/09/2023

"الانسان لا يترك الرياضة لأنه يكبر في السن، بل يكبر في السن لأنه يترك الرياضة"...‏تحية لهذا الشيخ الذي لم يمنعه كبر السن من ممارسة الرياضة ،الله يبارك💪😍

28/08/2023

من علامات نقص فيتامين د
١. تسافط الشعر
٢. تغيرات مزاجية
٣. اضطرابات فى النوم و ارق
٤. وجع العضم و العضلات
٥. ارهاق
٦. تكرار التعب
طب فيتامين د موجود فين فى اكلنا السمك ( الماكريل و التونة) المشرومصفار البيض الكبدة
و طبعا من الشمس بس وقت الصبح او قبل المغرب

17/07/2023

اية المكونات الاساسية اللى محتاجنها عشان نعمل كتلة عضلية
To GAIN MUSCLE 💪
١. طبعا الحوم الحمرا (صافى)و الفراخ .. غنية بال amino acids و دة اهو عنصر فى تكوين العضلات

٢. السمك ... خاصتا التونة و السلمون high protein. و فيهم omega 3 fatty acid دة نوع من انواع الدهون المفيدة اللى بيعتمد عليها جسمنا فى كتير من العمليات الحيوية و بيخلى الدايت بتعنا متوازن

٣. البيض ... البيضة الواحدة فيها تقريبا ٧ جم بروتين و vitamin D , B2 المهمين فى بناء و تقوية العضم

٤. منتجات الالبان ... غنية بالبروتين و الكالسيوم لتقوية العضم و الاسنان و العضلات

٥. السمك ... التومة و السلمون high in protein and Omega 3 fatty acid و دة نوع مهم جدا من الدهون المفيدة اللى باحافظ على وظايف القلب و الكلى و الكبد و نسبة الكولسترول فى الدم

٦. الحبوب الكاملة ... زى القمح (الشوفان) و الرز دة مصدر مهم للطاقة و الاستشفاء العضلى

و طبعا الناس اللى داخلة بطولة او عايزة تعمل فورما فى وقت اسرع whey protein دة بروتين صافى يناخده بعد التمرين مع ماية عشان يبقا سريع الامتصاص او مع لبن و شوفان او ندخله فى وجبة نزود بيه البروتين الطبيعى بتاعنا

اللى حابب يسال عن اى حاجة تخص التغذية ابعتولى و هرد عليكو اى وقت 🙂

24/06/2023

سلام عليكم
بما اننا خلاص دخلنا فى الصيف حابة اكلمكو عن اكلات بتحمينا من اشعة الشمس الضارة .. احسن علاج للبشرة او الشعر انك تغذيه من برة ( بالكريمات و الزيوت ) و من جوة ( بالفيتامينات)
عشان نحمى بشرتنا من اشعة الشمس الضارة بالصن بلوك .. دة من برة .. طب من جوة ؟
بالاكلات الغنية (antioxidan) زى البطيخ و الطماطم و الموالح بصفة عامة
Beta carrotine .. زى الجزر و البطاطا و الكنتالوب
Vit E & omega 3 .. زى المكسرات و بذور الشيا و الافوكادو و الاسماك
المكونات دى اصلا اساس مكونات الصن البلوك
فحلو لو ناكلها و نحافظ على بشرتنا اكتر بطريقة طبيعية ☺️

25/03/2023

21/03/2023

كل سنة وانتو طيبين ، ربنا يتقبل منا صيامنا و صلاتنا و خير اعمالنا
هو ممكن نخس فى رمضان ؟ اه طبعا لان الصيام شبيه جدا بنظام دايت الصيام المتقطع
هنتكلم انهاردة عن النظام الغذائى فى رمضان و اجمل نصايح نقولها هى نصايح الرسول صلى الله عليه و سلم ( تلت للطعام و تلت للمية و تلت للهوا) .. هقسمها كدة على حسب الحالة الصحية (. انواع الاكل فقط و ليس كميات عشان بتختلف من شخص لاخر)
الشخص الطبيعى
اولا نعجل بالفطار و طبعا كلنا بنعمل كدة 😀 بس منهجمش على الاكل .. واحدة واحدة
نحاول ناخد بين الفطار و السحور ٢ سناك، بين الوجبة و السناك من ساعتين ل ٣ ساعات
🌸وجبة الفطار
١.خشاف ( ٣ تمرات ، ١ مشمشية متقطعة ،١ قراصيا ، ٣ زبيب و ٣ مكسرات) طبعا من غير سكر لان لو نقعنا كل دة هينزل سكرياته و اللى عايز يزيد فى الوزن يزود عن الكمية دى
٢. بعد الخشاف او التمر نروح نصلى و بعدها نبتدى بشربة او سلطة واحنا بنتفرج على رامز 😀
٣. بروتين و رز عقبال كا نوصل للنشويات ان شاء الله نكون شبعنا 😉
يعنى ناكل على ٣ مراحل بين كل مرحلة ١٠ دقايق
و لو حابين ناكل حاجة حلوة يبقا بعد الفطار علطول عشان نكون شبعانين و منكلش منها كتير و ببرضه ناخد قطعة قد صوابع الايد الواحدة 🤨
🌸بعد التراويح .. ناخد اول سناك نشويات برضه و بروتين و حضار و كل واحد بكمياته على حسب سعراته
🌸تانى سناك .. سلطة او فاكهة
🌸السحور .. فول و بيض و جبنة و اهم حاجة الجبنة و ياريت لو جبنة قريش ( اقل نسبة دهون و نشويات تقريبا كلها بروتين و مش اى بروتين دة كازايين ، مين دة 🤨دة بروتين بطيئ الامتصاص يعنى بيصمد معانا كتير و هيأخر احساسك بالجوع و العطش

# تلت للطعام و تلت للمية و تلت للهوا
# افطر واحدة واحدة نقسم الوجبة على ٣ مراحل بين كل مرحلة من ٥ ل ١٠ دقايق
# المية مهمة جدا جدا عشان الهضم و عشان نزود الحرق و نحافظ على الكتلة العضلية .. كل ساعة كوب ماية على الاقل
# نزود من الخضار
# نستبدل الحلويات بالفاكهة
# نقلل من الكفايين عشان مدر للبول يعنى هنفقد كمية كبيرة من الماية مع قلة شرب الماية فى رمضان ( او مع كوب الشاى او القهوة ٢ كوب ماية )

استنونى فى بوستات تانية عن تغذية مرضا السكر و مقاومة الانسولين و الغدة و تغذية الرياضين و النحافة 😉

25/02/2023

General tips for bulking phase
انهاردة هتكلم عن جزء يخص التغذية الرياضية .. bodybuilding .. مرحلة التضخيم 💪
* الهدف زيادة الوزن من ٢٥٠ ل ٥٠٠ جم فى الاسبوع
* نزود بروتين و نشويات و دهون صحية
* نزود سعراتنا من ٤٥٠ ل ٥٠٠ كالورى فى يوم التمرين
* وجبة بعد التمرين تحتوى على ٢٥ - ٣٠ جم بروتين
* ناكل بعد نص ساعة من التمرين بروتين عشان نساعد فى بناء العضلة و نشويات عشان نعوض الطاقة اللى فقدناها و بلاش حضار بعد التمرين
* فنجان قهوة قبل التمرين هتحسن من تركيزك فى التمرين (mind is the first organ to get your goal) و يحسن من ادائك الرياضى و يعلى الحرق
* لو عندك اصابة زود بروتين و ناخد (glutamin , argenine , creatine ) للاستشفاء العضلى و بيساعد فى تكوين انسجة جديدة
* 6 packs start from the kitchen 🏋️