08/07/2021
هنتكلم عن جهاز التنفس الصناعي ( Ventilator )
✅
الــ Ventilator دا جهاز بنستخدمة للمرضى الى مش قادرين يتنفسوا او مش قادرين يكملو النفس لوحدهم لاى سبب كان ممكن تلف الرئتين او تحت تخدير عام فى العمليات الكبيرة او مرض زى COPD .
الجهاز دا بنلاقية فى معظم الرعايات ICU وغرف العمليات OR وليه اشكال كتير .
دلوقت نقدر نعرف إيه الحالات إلى بنستخدم معاهم الــ Ventilator
⛔ في حالات فقد الوعي وإنعاش القلب والصدر
⛔في حالات الصدمات لتوقف التنفس والقلب
⛔في حالات أمراض الجهاز العضلي العصبي مثل حالات الوهن العضلي
⛔في حالة اصابة المخ والحبل الشوكى وذلك تأثير مركز التنفس بالمخ
⛔في حالات أمراض التي تؤدى إلى نقص الأكسجين مثل
COBD و pulmonary edema و RDS
⛔في حالات أمراض القلب مثل
CONGESTIVE HEART Failure
و حالات الصدمة القلبية
⛔بعد العمليات الجراحية مثل عمليات القلب المفتوح والعمليات التى تحتاج الى تخدير طويل
#ملحوظة 👌
حالات دى كلها الــ Ventilator بيشتغل معاهم زى بعض ؟! اكيد لا
بيشتغل مع كل حاله حسب درجه الوعى وحسب قد ايه المريض قادر يتنفس والاختلاف دا بنسميه Modes
Ventilator Modes
زى ما قولنا فى الاول ان الــVentilator بيشتغل حسب درجه الوعى وحسب قد ايه المريض قادر يتنفس فالو المريض مش قادر يتنفس خالص لانه مش مسيطر على عمليه التنفس يبقى هيتوصل على Controller Ventilators طيب لو المريض بيتنفس بس مش قادر ياخد الاكسجين الى يكفيه يبقى لازم نساعدة ونوصله على Assistor Ventilator
_ فيه Ventilator Modes كتير بس هنشرح منهم اكتر 3 بنستخدمهم
(Controlled Mechanical Ventilation) CMV *
التنفس الصناعى الاجبارى المستمر
فى الـmode دا المريض بيتعتمد على الجهاز بشكل كلى لان الجهاز بيحدد عدد مرات التنفس وكميه الهوا الى هتدخل للرئتين المود دا بيستخدم عادة للمرضى الى عندهم اصبه فى الراس وأثرت على مركز التنفس فى المخ او اثناء التخدير لانه بيرخى كل العضلات الى منهم العضلات الى مسئوله عن التنفس
(Synchronous Intermittent Mandatory Ventilation )SIMV 👌
التنفس المتوافق بين الجهاز والمريض
فى الـ mode دا الجهاز بيخلى المريض يتنفس لوحدة وبيديله الباقى علشان يكمل كميه هوا محددة , علشان كدة الـ mode دا بنستخدمه قبل فصل المريض من على الــ Ventilator
(Constant Positive Airway Pressure) CPAP
التنفس عن طريق اعطاء هواء بضغط
فى الـ mode دا الجهاز بيدى المريض هوا تحت ضغط علشان يحافظ على وجود كميه هوا تفضل فى الحويصلات الهوائيه
_ ودى Ventilator Mode تانى
Inverse Ratio Ventilation (IRV)*
High Frequency Ventilation (HFV)*
Independent Lung Ventilation (ILV)*
Pressure Support Ventilation (PSV)*
Positive End Expiratory Pressure (PEEP)*
_ دلوقت نتكلم عن الــ Ventilator بيكون من ايه .
بأختصار بتكون من جزئين
- الجزء الاول ميكانيكي أو هوائي (Pneumatic )
وبيكون هو الى مسئول عن تزويد المريض بكمية الهواء المطلوبة ...
- مجموعة من الأنابيب الهوائية التي تسمح بدخول و خروج الهواء ، لتشكل ما يسمى بالدائرة التنفسية Respiratory Circuit
- مجموعة من الصمامات Valves or Regulators هى الى مسئوله عن دخول الهوا وخروجه
- الفلاتر أو المرشحات Air Filters هى الى مسئوله عن تنقيه الهواء المفروض بتنظف على طول علشان دى بتبوظ بسرعه
- المرطب Humidifier هو المسئول عن ترطيب الهواء وتحكم فى درجه حرارته
-الجزء الثاني ... وهو الأهم .... الجزء الإلكتروني Electronic Part
بيكون فيه Sensors لـ (الضغط + Pressure لحجم Volume + معدل الجريان Flow + درجة الحرارة( Temperatureولو حصل مشكله بيحصل Alarms
( ملحوظه )👉
في بعض الأنواع الأخرى لأجهزة التنفس الصناعي ... تكون عملية السيطرة على كل من الشهيق و الزفير من خلال تحديد ضغط معين للهواء Pressure Controlled يتم عنده الأنتقال بين المرحلتين ... أو قد يحدد حجم معين للهواء Volume Controlled لأجل السيطرة على الدورة التنفسية للمريض .... وفي كل هذه الأنواع تتحول الأشارة إلى أشارة كهربائية ليسهل تحليلها و التعامل معها من قبل وحدة السيطرة في الجهاز
Ventilator Alarms
Alarms الى بتحصل على الجهاز لما يكون متوصل بالمريض
Low Tidal Volume *
معناه كمية الهواء الداخل في النفس الواحد قليلة
ودا ممكن يحصل علشان البالون مش مليانه كويس او انه بيسرب او المريض بيتنفس لوحدة او الانابيب مش متوصله كويس فيها تسريب او وجود شرخ فى المرطب من الاخر اى تسريب من اى حته .
No tidal Volume
معناه مفيش هوا داخل للمريض
ودا ممكن يحصل علشان انبوبه اتفكت خالص او الفينتليتور وقف خالص او الكهربا قطعت
high Pressure
معناه ارتفاع في ضغط الهواء
انخفاض ضغط الهواء المريض ضاغط باسنانه على الانبوبه او علشان الانبوبه متنيه او الوصله وممكن علشان فيه ميه فى الوصله او المريض محتاج يتشفطله او الانبوبه اتحركت ولصقت فى جدار القصبه او انها دخلت رئه واحدة ودا بيبان لما نسمع بالسماعه
Low Pressure
معناه انخفاض ضغط الهواء
ودا ممكن يحصل علشان البالون مش مليانه كويس او انه بيسرب او المريض بيتنفس لوحدة او الانابيب مش متوصله كويس فيها تسريب او وجود شرخ فى المرطب من الاخر اى تسريب من اى حته
Low Oxygen Inlet
معناه انخفاض الأكسجين
ودا ممكن يحصل علشان مشكله فى فى وصله الاوكسجين او الشبكه فصلت اوكسجين
ملحوظه
الاصفر vacuum
الابيض Oxygen
الاسود fresh air
_ ازى اجهز المريض علشان الفصل من الجهاز
-اتأكد من ان المريض واعى
-ميكنش فيه نزيف او سخونه او الم شديد
-يكون اخر ABG كويس
-ميكنش فيه مشكله فى رسم القلب
_ ازى افصل المريض
-اخلى المريض فى وضع الجلوس
-تشفيط كويس من الانبوبه والفم علشان ميشرقش المريض
-فضى الهوا من البالون الى فى الانبوبه
-بتقول للمريض خد نفس واشرحه الى هيحصل
-شد الانبوبه وخرجها
-قول للمريض يكح علشان يخرج كل البلغم
-تكون مجهز جلسات نيبولايزر
-تعمل جلسه تخبيط على ظهر المريض
-تاخد بالك درجه الوعى ولون المريض والمنيتور وتقعد جنب المريض
- تسحب ABG بعد نص ساعه .
ليصلگ گل جديد علق .. بـكومنت تم ، UP 👌❤
🩺
