Healthmania by Dr Eman Ragab

Healthmania by Dr Eman Ragab د.ايمان رجب
طبيب بشري كلية الطب قصر العيني
اخصائي التغذية العلاجية وعلاج السمنة والنحافة

د.ايمان رجب
طبيب بشري كلية الطب قصر العيني
اخصائي التغذية العلاجية وعلاج السمنة والنحافة
دبلومة التغذية العلاجية بالمعهد القومي للتغذية

لما حد يسألني ايه افضل زيت ممكن أقلي بيه انا : متقليش 😁
21/02/2024

لما حد يسألني ايه افضل زيت ممكن أقلي بيه
انا : متقليش 😁

خلوا بالكم من اي منفذ بيع اي اكل هيلثي لازم تفهموا الاول قبل ما تشتروا انتوا عايزين اكل صحي من ناحية ايه ؟ السعرات ولا ص...
02/05/2023

خلوا بالكم من اي منفذ بيع اي اكل هيلثي لازم تفهموا الاول قبل ما تشتروا
انتوا عايزين اكل صحي من ناحية ايه ؟
السعرات ولا صحتك عموما
لو السعرات احب اقولك ان سعرات حصة دقيق الشوفان واصدقائه هي هي سعرات حصة الدقيق الابيض
ف لو انت هتاكل نفس الكمية وانت ضميرك مرتاح ان ده سعرات اقل ف اللي وصل لك من السعرات هوهو مفيش اختلاف

طيب الصحة ؟!
متجريش علي نوع الدقيق فقط
اعرف المنتج ده معمول بمادة دهنية عاملة ازاي
ما ممكن يبقي المنتج بدقيق القمح الكامل ومعمول من سمن صناعي مهدرج يبقي انت كدة استفادت ايه ؟!
طيب مادة التحلية ؟
خالي سكر تمام نسكت ؟ لا نعرف ايه يعني البديل المنتج ده طعمه مسكر لازم تعرف مضاف ليه ايه
لو قالولك سكر فركتوز مثلا يبقي انت لبست لان ده ارخص الانواع اللي ممكن تتحط علي المنتج وزيادته بيزود الدهون الثلاثية ف الدم
هما بيحطوه عشان مش بيعلي سكر الدم زي الجلوكوز
وبالمناسبة ده السكر اللي موجود ف الفواكه ف احنا بناكلها ف العادي باعتدال مش بنخلص كيلو الموز ف قعدة
وفي سكر الدايت بدون ذكر اسمه او نوعه ف لازم تحذر منه لانه ممكن يعمل لك مقاومة انسولين مع الوقت

طيب حضرتك ليك حصة يومية من البروتين والدهون صح
يبقي تاخد بالك من الحاجة اللي معمولة من دقيق اللوز او جوز الهند مثلا دي بتتحسب تبع الدهون
واللي معمولة من دقيق العدس او الحمص مثلا دي تبع حصة البروتين
يبقي لازم نبقي فاهمين احنا عايزين ايه قبل ما نشتري عشان نشتري صح وميتضحكش علينا

لا يجب ان يبقي الطعام بين درجة حرارة ٦٥ و ٥ درجة مئوية أكثر من ساعتين⚠️
09/04/2023

لا يجب ان يبقي الطعام بين درجة حرارة ٦٥ و ٥ درجة مئوية أكثر من ساعتين⚠️

علموا أطفالكم الاشطر هو اللي يمضغ الاكل احسن مش اللي ياكل اسرع المضغ اول خطوة للهضم السليم 👌
25/03/2023

علموا أطفالكم الاشطر هو اللي يمضغ الاكل احسن مش اللي ياكل اسرع
المضغ اول خطوة للهضم السليم 👌

١٠ دقايق رياضة قبل الفطار تبدأ تحرق من دهونك مباشرة !❤️
23/03/2023

١٠ دقايق رياضة قبل الفطار تبدأ تحرق من دهونك مباشرة !❤️

بمناسبة الأحداث الاقتصادية اللي بنمر بيها تقريبا معظم الشعب بيدور ازاي يوفر عشان يعيش او يستثمر مدخراته بشكل ذكي او الا...
30/10/2022

بمناسبة الأحداث الاقتصادية اللي بنمر بيها
تقريبا معظم الشعب بيدور ازاي يوفر عشان يعيش او يستثمر مدخراته بشكل ذكي او الاتنين مع بعض

لكن ناس كتير جدا بتفكر توفر علي حساب صحتها
او تستثمر ف اي حاجة الا صحتها 😞

الأكل الصحي يبان غالي لكن الغير صحي أغلى علي فكرة 🤷‍♀️

أغلى لان اكل الشارع غالي
والمعلبات غالية
وسناكس السوبر ماركت غالية
والصوصات غالية
وزيت القلية بكميات غالي
والجبن الصفراء و اللانشون وباقي مصنعات اللحوم غالية
والعلاج غالي
والكشف المتكرر عند الدكاترة غالي
والصحة لما بتروح تمنها غالي جدا

انك تستثمر ف صحتك وصحة أولادك دا استثمار طويل المدى هيوفر عليك باذن الله تعب ومصاريف ممكن تضيع تحويشة عمرك لا قدر الله

محتاجين نغير وجهة نظرنا ناحية أكلنا وعاداتنا الغذائية لان المعدة هي بيت الداء 💔

لذلك هقترح عليكم بعض البدايل الأرخص 🤗

🌱بدل ما تجيب جبن مصنعة من اللبن الطبيعي اشتري جبنة قريش
🌱التقليل من اللحوم الحمراء عادة صحية في الاساس
🌱البروتين النباتي متوفر و أرخص متاح في البقول والحبوب
🌱لما تقللي عمايل الحلويات هتوفري كمية سكر وزيت ودقيق كبيرة
🌱لما تستبدلي القلية بالتشويح او التسوية ف الفرن ب دهنة بسيطة من زيت صحي او سمن بلدي هتوفري او هيكون بنفس سعر كمية زيت القلية الكبيرة اللي بتستخدميها يوميا

شوية تعديلات هتفرق معانا من غير ما نيجي علي صحتنا 👍
حاولوا توفروا ف كل حاجة براحتكم لكن فكروا توفروا صح ازاي في بند الغذاء بالذات

دمتم بصحة وعافية ❤️

د.ايمان رجب

كل سنة وانتم طيبين 😍اللي حصل الصبح حصل خلاص 😅بس متكرروش تاني ارجوك 🫣وانقذ ما يمكن انقاذه 🤗الصور من الصفحة الرسمية للمعهد...
02/05/2022

كل سنة وانتم طيبين 😍
اللي حصل الصبح حصل خلاص 😅
بس متكرروش تاني ارجوك 🫣
وانقذ ما يمكن انقاذه 🤗
الصور من الصفحة الرسمية للمعهد القومي للتغذية ❤️

27/04/2022

رمضان بيخلص
احترسوا من كل ما صغر حجمه و زادت سعراته 😱😂

16/04/2022

ما نسيبنا من الحلويات شوية ونركز ف فاكهة الصيف اللي ابتدت تظهر 😍
وكل ما تاكل فاكهة جميلة ومسكرة ادعي ربنا يطعمك من الجنة ❤️

بتشربوا مية ولا بتفتكروها وقت السحور بس 😱بفكركم بشرب المية كوب كبير كل ساعة من الفطار للسحور 👍
03/04/2022

بتشربوا مية ولا بتفتكروها وقت السحور بس 😱
بفكركم بشرب المية كوب كبير كل ساعة من الفطار للسحور 👍

كل عام وانتم بخير 😍😍😍😍اعاده الله عليكم بالخير واليمن والبركات والصحة والسعادة 🥰❤️رمضان كريم 🌹
01/04/2022

كل عام وانتم بخير 😍😍😍😍
اعاده الله عليكم بالخير واليمن والبركات والصحة والسعادة 🥰❤️

رمضان كريم 🌹

لو كل يوم في رمضان فطرت علي تمرة وشوية مية وصليت المغرب ورجعت تفطر علي شوربة و طبق السلطة وخلصت بروتينك وبعده اكلت من أي...
28/03/2022

لو كل يوم في رمضان فطرت علي تمرة وشوية مية وصليت المغرب ورجعت تفطر علي شوربة و طبق السلطة وخلصت بروتينك وبعده اكلت من أي اكل موجود تاني ع السفرة بعدهم و شربت بعده مباشرة كوباية عادية من مشروبك الرمضاني ايا كان ايه هو
يبقي متحرمتش خالص و برضو معكيتش 😉😍😍
ايا كان السفرة عليها ايه لو عملت الخطوات دي هتيجي ع الحاجات اللي سعراتها عالية وتقيلة وهتشبع مش هتقدر تكمل وهنبقي دوقنا من كل الاكل واتبسطنا 💃

وخلوها قاعدة عامة ف رمضان او ف غير رمضان .. 🌹كلوا واشربوا ولا تسرفوا 🌹

Address

Cairo

Website

Alerts

Be the first to know and let us send you an email when Healthmania by Dr Eman Ragab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category