Dr / Enas Elsayed Khalil

13/05/2025

12/01/2025

🚩 ازاي تعالج الكلوستيرول العالي وال LDL العالي
والدهون الثلاثيه ؟؟... ركز معايا عشان تفهم كل حاجه بنفسك وتتعالج صح ..وهشرح بكل سهوله وبدون اي تعقيد

⚠️الناس واخدين فكره غلط عن الكلوستيرول والدهون الثلاثيه ...تعالوا افهمكم انتوا ظالمينهم ليه

🔷الكبد يوميا بيفرز 3 الاف مليجرام من الكوليسترول

طيب ليه ي كبد بتفرزه طالما بيضر الجسم ؟!

🔸اولا الكوليسترول مهم جدا للجسم لانه بيغطي الأنسجة والأوعية بتاعه الجسم ..عشان شغله كمضاد للالتهابات كمان بيشارك في انتاج العصاره الصفراوية...
يعني بكل اختصار لو معندكش كوليسترول ف جسمك كويس
يعني الأوعية والأنسجة بتاعتك عرضة ليدخل الميكروبات والجراثيم
ويحصلك التهابات ومشاكل لاحصر لها في الصفائح الدموية
ده غير مشاكل كتير في القلب
ده غير أن مفيش هرمون بيطلع في جسمك الا لما يكون فيه
الكوليسترول لان الكوليسترول هو الأساس والمنظم بتاع تكوين الهرمونات خصوصا الهرمونات الجنسية
زي التستوستيرون عند الرجال
والاستروجين والبرجسترون عند السيدات

ده غير دوره في ترطيب وتغطيه اي جرح بيحصلك
ف الكوليسترول مهم جدا جدا لجسمك

🔶طيب الكولستيرول عشان يروح من الكبد للجسم محتاج حاجه توصله .. هي دي بقي ال LDL وال HDL
ال LDL مواصله للكوليسترول من الكبد للخلايا .. عشان تشتغل
وال HDL مواصله للكوليسترول من الخلايا للكبد .. بيلم بقي الكوليسترول الزايد و التالف من الخلايا للكبد ليعيد تصنيعه

المشكله بقي بتحصل فين ؟ .. النواقل دي لو فيها أي مشكله
ده بيأثر علي جودة الكوليسترول اللي رايح واللي راجع

🔹المشكله في دي سهله ..سهله تتظبط لو نظمت أكلك بس
لان دورهم مهم في الجسم وبسيط وملوش علاقه بتعبك

🚩المشكله الكبيره بجد اللي مسببالك كل المشاكل والأمراض
هي الدهون الثلاثية قولا واحدا
جسم الانسان بيفرز نوعين من الدهون
الكوليسترول وده شرحناه بطريقه مبسطه
والدهون الثلاثية Triglyceride

⚠️ليه ربنا خالق الدهون الثلاثية ؟؟؟

▪️لانها مهمه جدا بتوصللك احتياج جسمك من الطاقه من اكلك يعني انت مثلا لو جسمك النهاردة محتاج ١٠٠ وحده طاقة .....اللي بيوديهم للخلايا...هي الدهون الثلاثية

🔹 طيب دلوقتي اكلت ٣٠٠ وحده طاقه وده زياده عن احتياج جسمك ب ٢٠٠..كل ده مثال بس..اي اللي بيحصل ف الجسم؟
جسمك هياخدهم ويوصلهم عن طريق الدهون الثلاثية للخلايا اللي محتاجه بس ١٠٠ وحده طاقه بس ...تمام ؟
بس دلوقتي فيه ٢٠٠ زياده .. جسمك هيتصرف ازاي ؟؟ هتروح الدهون الثلاثية واخداه الاكل الزياده ده وتروح تخزنها داخل الخلايا .. اللي هو خديهم يمكن نحتاجهم قدام

🔸بالتالي بتعمل لك سمنة زائدة ..ومهما عملت نزولك وحش
ودي مش مشكلتي اللي انا خايف منها عليك اوي
المشكله انها بتبدأ بقى تسد الأوعية الدموية.. يجيي ال LDL
عشان يدخل الكوليسترول المهم للخلايا .. ميعرفش يدخل خالص .. بسبب أن الدهون الثلاثيه قفلت الاوعيه بالدهون

🔹تروح للدكتور يكتبلك علاج الكوليسترول ؟؟؟
بالعقل كده هو اصلا مفهوش مشكله .. انت معالجتش الأصل
وهي الدهون الثلاثيه ... لازم تخليها معدتش تخزن اكل في الخلايا اللي مليانه دهون ..
وللاسف تروح للدكتور يقولك قلل أكلك وخلاص وخد العلاج ده هيظبطلك الدنيا .. صدقني الموضوع كبيرر اوي عن كده !!
هتبقي بتاخد العلاج بتاع الكوليسترول وماشي عليه وفاكر أن امورك تمام
هوب تلاقي عندك مشاكل في القلب وبالتالي يجيلك الضغط

🚩طيب اي الحاجات اللي تقول إن اللي قدامي ده عنده دهون ثلاثيه عاليه؟

🔸 لو انتي عندك خمول في الغده الدرقيه فبالتالي عندك خلل في الانزيمات بتاع الجسم وخلل في انزيمات الكبد والكلي كمان فبالتالي هتعملك مشكلة مع الدهون الثلاثية

🔹لو بتاكلي فاست فود كتير أو أكل الدليفري والمطاعم والسوبر ماركت

🔸لو انتي دايما عصبية ومتوتره ومنفعله وبتسهري كتير
ف الكورتيزول هيزيد وده لما يزيد بيحب الانسولين
فيخلي الانسولين يعلي في الدم فيعملك التهابات شديده
فيرفعلك الدهون الثلاثية

🚩طيب اي الحل بقي
الدايت قولا واحدا .. ومع مختص تغذيه فاهم اوي لانك دلوقتي عندك مشاكل صحيه غير وزنك العالي

وفيه خرافه غلط أن اللي عنده كوليسترول عالي
متاكلش لا بيض ولا لحمه ولا اكل في دهون ولا سمنه ولازبده ... الكلام ده عاري من الصحه والله

⚠️ الدهون ملهاش اي علاقة بارتفاع الكوليسترول
الدهون بريئة ومظلومة .. وكل الكلام ده هجص
ارتفاع الكولستورول بيجي نتيجة اكل السكريات والنشويات كتيررر اوووي .. ف دخلت لجسمك اكل اكتر من احتياجاته فبالتالي السكر زاد في الدم .. ف زود إفراز الأنسولين
ف التالي بعد كده .. انت علي تكه من السكر

🔹روح حلل سكر صايم ( fasting blood glucose )
وهتتفاجئ بالرقم اللي هيعدي ال ٩٥
ولو عندك التهابات وجسمك مدقدق وواجعك.. مناخدش اي علاج.. لان ده السبب قولا واحدا
وزي م قولنا انت علي تكه برضه من مشاكل القلب و الضغط والجلطات ... ف فوقوا لنفسكم

🚩 افضل نظام هو الصيام ( اسلامي أو متقطع )
بمعني انك هتنقطع عن الاكل اطول فترة ممكنه من اليوم .. خلى الجسم يصلح نفسه بنفسه .. يرجع تانى يشوف ايه اللى باظ فى جسمك و يصلحه +
🔸كمااان طول فتره الدايت ..قلل قلل قلل قلل لدرجة قريبه من المنع ..كل ما هو سكر او نشويات ..خليه ياخد من الشوية اللى مخزنهم وعاملك كل المشاكل

🔶تاني حاجه .. النوووووم يا جماعه
جوده نومك الليلي مهمه جدا جدا ليك..خلي كبدك بيقوم بوظائفه في تنضيف السموم وقت نومك .. ده غير تجديد خلايا الجسم ❤️

🔷تالت حاجه الرياضة يومين ل تلاته في الاسبوع
مش اقل من ١٥ دقيقة يوميا حتي لو مشي

🔶رابع حاجه تقلل الأوميجا 6 وزود الاوميجا 3 ؟
الأوميجا 6 يأتي من الفاست فود واكل الدليفري والمطاعم والسوبر ماركت والزيوت المهدرجة
لان ده السبب في الالتهابات اللي مخليه جسمك واجعك

وعشان يقل الأوميجا 6 زود الأوميجا 3
خد الاوميجا 3 : من الخضروات الورقية( زي الكرمب واللفت والسبانخ )أو الجوز أو بذور الكتان والشيا .. وب أكل الأسماك زي السلمون والسردين والماكريل و الرنجة والتونة .. أو من المكملات في اي صيدليه
▪️(الاوميجا 3) من اقوى مضادات الاكسدة وتحميلك القلب وتحميلك الاوعية الدموية وتحميلك الجسم من ارتفاع الضغط .. كل الناس لازم تزود الاوميجا 3 ومريض الضغط خاصه

🔶فيتامين د : اي مريض ضغط روح حلل (فيتامين د )
والله بشوف في العياده والمتابعة ارقام كارثية ٨ و٩ و١٢ و١٣
عاوز ضغطك يبقي طبيعي ....لاااازم فيتامين د
يكون بين ال٥٠ وال ٨٠ .. مفيش هزار في كده والله
🚩 فيتامين د ... من اهم الحاجات في حياتك
🔸اتكلمنا في بوست كامل عنه .. هسيب اللينك تحت (مهم)

🚩فيتامين سي والماغنسيوم والبوتاسيوم .. طبق سلطه محترم الصبح وبليل يوميا وبس كده

🔶تقليل التوتر والقلق .. لما سيادتك ترفع البوتاسيوم وترفع الماغنسيوم والأوميجا 3 وفيتامين سي زي ماقولنا
دول صدقني هيساعدوك تقلل التوتر وكمان شويه مشي يوميا واي رياضه بسيطه التوتر والقلق هيروح

🚩خدها مني لما هتقل الدهون الثلاثية
انت كده عالجت المشكلة كلها من اولها لآخرها

🚨 و الأفضل تتابع مع طبيب تغذيه فاهم .. لأن المتابعه فيها تفاصيل تانيه كتير .. وحسب سنك ووزنك وحالتك الصحيه مفروض يتصمم النظام المناسب ليك .
دمتم بصحة وعافية
Dr / Enas Elsayed Khalil

11/01/2025

5 لصحتك 👇
عندما تقشر الموز لتتناولها تظهر هذه الخيوط التي تكون بين قشرة الموز واللب، فتقوم تلقائياً بنزعها، ولكن ما لا تعرفه هو أن هذا أكثر فعل خاطئ تقوم به فلهذه الخيوط أهمية كبيرة في الموز كما أن فوائدها الصحية لا تحصى.
تسمى هذه الخيوط علميّاً "Phloem" وهي عبارة عن أنسجة رفيعة من أبرز وظائفها نقل العناصر الغذائية من الشجرة لداخل حبة الموز لذلك يتم تشبيهها بأنها شرايين الفاكهة، مع العلم أنها ليست موجودة فقط في الموز بل في عدة نباتات وفواكه ولكن الفارق أنها ليست بارزة كثيراً في باقي الأنواع.
هذه الخيوط التي لطالما رمينها كانت أكثر أهمية مما نعتقد
لهذه الخيوط أهمية كبيرة على صحتنا، فهي غنية جداً بالألياف أكثر من حبة الموز الكاملة، بحسب ما نقله البروفيسور الأمريكي نيكولات غيليت، فضلاً عن عناصر غذائية أخرى أبرزها فيتامين بـ6 وبـ12 إضافة إلى المغنيزيوم والبوتاسيوم والبروتين لذلك يجب تناولها مع الموز بدلاً من رميها.

04/12/2024

5 لصحتك

03/12/2024

5 لصحتك