26/11/2024
"طُوبَى لِصَانِعِي السَّلاَمِ، لأَنَّهُمْ أَبْنَاءَ اللهِ يُدْعَوْنَ." (مت 5: 9).
جميل أن يكون فيه صفحه نقدر نكتب فيها عن دكتور جورج.. و مش لازم نذكر الاسم.. د. جورج ربنا ينيح نفسه كان أكتر حد يكتم أسرار.. لما حكيت لأسرته إنه ياما دخل بيتنا و أنا صغيره كانوا مستغربين.. كان بيزورنا يصلح ما بين ماما و بابا.. بهدوء و صبر.. معرفش كان بيقولهم إيه.. بس هو مريح جدا و كمان له هيبه رغم هدوءه.. بيحتوي الناس.. و كان خادم أمي قبل ما تتجوز و طبعا كانت بتسمع كلامه.. بأتصور كده إن لو بابا و ماما كانوا إنفصلوا لا سمح الله و أنا و أخويا دلوقتي بنشتغل و في سن إرتباط كانت هتكون إيه حالنا و مشاعرنا تجاه فكره الإرتباط و إيه حكم الناس علينا؟! و احنا في مجتمع بيحكم على الظاهر.. شكرا دكتور جورج.. ربنا يمتعك بالسما و يجازيك على صنيعك مع أهلي.. يا ريت أي زوجين بينهم خلافات يطلبوا صلواته لإنه كما في السماء كذلك على الأرض.. نؤمن أن المنتقلين يشعرون بنا و يطلبوا من أجلنا لأننا ضمن الجسد الواحد الذي لمخلصنا الصالح..
