Dr.samar kamal diabetes and nutrition, د.سمركمال للسكر و التغذية العلاجية

02/05/2026

دراسة حديثة علي سكريين النوع الأول بعد استخدمهم لادوية GLP-1 لمدة عام كامل :

* انخفاض معدلات دخول الطوارئ والحجز بالمستشفيات
* تحسّن أفضل في التحكم بمستويات السكر في الدم
* انخفاض في نسبة السكر التراكمي (HbA1c)
* عدم زيادة خطر الإصابة بحموضة الدم (DKA)

ورغم أن هذه الأدوية ليست معتمدة رسميًا حتى الآن لسكر النوع الأول، فإن النتائج #مبشّرة، ليس فقط من ناحية الوزن، كمان ليها فوايد محتملة على القلب والكلى

28/04/2026

أعلنت هيئة الدواء المصرية عن #سحب عدد من التشغيلات الخاصة بدواء النقرس staturic 40 mg، و الكولسترول Vanish 10/40 كإجراء احترازى لضمان جودة وسلامة الادوية و سحبه من الصيدليات ....
اي حد بياخد النوعين دول يراجع طبيبه المعالج لتعديله 🙏...

11/04/2026

ناس كتير بتبدأ أدوية انقاص الوزن #مونجارو #ويجوفي مثلا وتروح للدكتور مرة واحدة… وبعدها تكمل لوحدها، على أساس إن “خلاص مش هيقول جديد” او بتكسل ...

و تلاقي بعد كام شهر، وصلت لاقصي جرعة 15 كمثال…و يبص على الميزان، يلاقي
❄️الوزن ثابت ...
❄️أو نازل 2–3 كيلو في شهور ...
❄️و في حالات بتيجيلي بتاخد جرعه ١٥ و بتزيد ف الوزن كمان 🤦‍♀️💁📈
بكدة للاسف قللت علي نفسك فرص الاستفادة بالدوا علشان كسلت او مهتمتش بالمتابعة..

أدوية التخسيس مش مجرد جرعة بتزيد وخلاص…
محتاجة تعديل مستمر حسب استجابة جسمك، أكلك، نشاطك، وأي أعراض جانبية.

📌 النصيحة :
لو بتاخد الحقن دي، لازم تتابع مع دكتورك:
• كل أسبوعين
• أو على الأقل مرة كل شهر بعد نهايه كل تركيز للقلم علشان يقدر يحكم علي نزول الوزن ويحددلك الجرعه الي هتكمل عليها او يساعدك لو حصل ثبات للوزن ...
المتابعة جزء أساسي من العلاج ..

#دسمركمال

08/04/2026

📌وصول إلى 6.5% أو أقل لا يعني الشفاء من السكر
(الشفاء له شروط، أهمها تحسّن و )

ولا يعني إنك “تحتفل” بالنتيجة فتقلل الأدوية ❌أو توقف الإنسولين ❌أو تتحول لأقراص ❌🤔بدون استشارة الطبيب..

الرقم يعكس فقط التحكم… وليس اختفاء المرض.

📌التوصيات حاليا كمان بتاكد ان التراكمي لوحده مش كفاية
لأنه ممكن يكون الرقم كويس ((كرقم )) لكن هو حصل نتيجة لهبوط متكرر في السكر…
وده في حد ذاته خطر وبيؤدي لمضاعفات.

علشان كده:
لا غنى عن القياسات اليومية والمتابعة المستمرة.
#دسمركمال

07/04/2026

31/03/2026

من افضل الفواكه المناسبه للسكرين و لاي حد بيعمل دايت:

القيم الغذائية في 100 جم فراولة ((الكميه زي الي في الصورة ))

• السعرات الحرارية: 30 كالوري فقط 🔥

• الكربوهيدرات في الكميه الي في الصورة تقريبا ٧ جم منهم ٢ الياف يعني صافي ٥ جم كارب...

لو معاك اكتر من ١٥ ممكن كمية زي دي تتاخد بدون #انسولين لو اقل من ٥جم كارب...

مصدر فيتامينات ومعادن مهمة 💪
زي فيتامين C وبوتاسيوم و مضادات اكسدة

31/03/2026

البوست من #سنتين و لسه مش متوفر في مصر في ناس بتيجي مخصوص علشان تاخده بسبب البوستات المنتشره عليه مؤخرا

31/03/2026

في العيادة ملاحظة ان في ناس خصوصا (السيدات )رافضين ادوية التخسيس و بيعانوا من السمنة #سنين ؛مش عشان خوف م الدوا نفسه ولا حتي م الاعراض الجانبيه ...

مش عوزين يبدءوا علشان :

📌يا خوف من كلام الناس…
📌يا من فكرة انهم “اختاروا الطريق الأسهل و مبذلوش مجهود كفاية؟!!!”


فالنتيجة؟
تأنيب ضمير قبل ما الرحلة تبدأ أصلا و يفضلوا في دوامة السمنة ...

وكأننا لازم نتعب أكتر عشان نستحق نتحسن !

📌الفكرتين مش صح اصلا لان في الحقيقة:
إنت بتختار وسيلة تساعدك، و ده #وعي
وإنك تاخد خطوة صح لجسمك وصحتك، ده #حقك

فمتخليش صوتك الداخلي او نظره الناس تعطلك و تأخرك ..

اختار اللي يناسب جسمك وظروفك مادام باشراف طبي ..

و دايما بنصح اي حد بيتابع معايا

((ضبط وزنك في #صمت مش لازم تدي تفاصيل لكل الي حواليك ؛
لان اكيد هتقابل يا ناس تحبطك يا حد يديلك معلومات غلط ))

الي نزل وزنه بدايت فقط ماشا الله عليه ممتاز و دي قدراته و ظروفه و جسمه مساعدينه ؛و الي لجاء لمساعده دوا كذلك عامل مجهود و عنده وعي و بيحسن من جودة حياته 🙏

#دسمركمال

19/03/2026

في الاعاده افادة لان للاسف #الغلطه دي مازالت مكررة ...

مفيش حاجه اسمها يعمل تحليل هوما اي ار ، او مقاومة انسولين؟!!

الي مازال بعض ممن يسموا نفسهم اخصائي تغذيه بيطلبوه ،

لو حد طلبوا منك و انت سكر نوع اول افهم انه مش فاهم لا طريقه التحليل و لا طبيعه المرض،و ميعرفش اصلا هو طالبه ليه و لا عوز يكتشف ايه ؟!!!

فممكن بتوهك و هيوهمك انك عندك مشكله كبيره ..

#دسمركمال

23/01/2026

‏PFAS مواد كيميائية صناعية

• بتستخدم عشان تخلي الحاجات ما تمسكش دهون أو مية وتستحمل حرارة عالية ..
•المواد دي مش بتتكسر بسهولة في الجسم ، عشان كده اسمها
‏“Forever Chemicals”
و بتاثر علي الهرمونات

• ليها علاقة بـ:
• زيادة الوزن
• مقاومة الإنسولين
• اضطراب الغدة الدرقية
• صعوبة الحفاظ على نزول الوزن بعد جراحات السمنةسكر الحمل ⬇️

‏PFAS موجودة في الحاجات دي :

• 🍳 أواني التيفال / المقالي الغير لاصقة
• 🍔 علب الأكل الجاهز
• ☕ الأكواب الورق
• 🧴 بعض المكياج المقاوم للماء (فاونديشن ثابت، ماسكارا ووتر بروف )
• 🍿 أكياس الفشار الميكروويف.
الخلاصة السريعة:
أي حاجة مكتوب عليها
‏Non-stick – Waterproof – Stain-resistant – Grease-proof

يبقى نشك فيها