https://www.facebook.com/110580234632623/

Medhat Demerdash Psychotherapist, ٨١ طريق النصر بجوار طيبة مول, Cairo (2026)

16/02/2025

الفيبروميالجيا .. اللص الخفي

كلام عاوز تركيز شويه

مرض العصر
السيدات اللي كتير بتشتكي إنها على طول تعبانة، وبتعاني من آلام منتشرة في جسمها كله، رغم إن تحاليلها كلها سليمة.
حاولي تركزي في كل كلمه في البوست لعله يرشد الكثير منكن عن سبب آلامهن
الفيبروميالجيا مرض نفسي عضوي..؟؟؟..
هو مرض يُصيب النساء أكتر من الرجال ده مبدئياً.

تاني شئ بيتسلل للشخصية الحساسة أو الكتومة في زعلها أو اللي تعرضت لصدمه نفسية كبيرة في حياتها ..
وبيزيد الألم مع سوء الحاله النفسية..
وهو عبارة عن اضطراب في الناقلات العصبية المسئولة عن إحساسك بالألم...
هو مرض مزمن (يعني مش بيخف ولازم تتعاملي معاه طول حياتك متل مرض السكر .
طيب ايه هو الوجع اللى بتحسي بيه فيبروميالجيا..Absolutly
لازم تتوافر الشروط التالية:
• ألم في العضلات مزمن بيزيد أحياناً ويقل أحياناً، منتشر في أجزاء متفرقة في الجسم، وخاصة الTendr points الموضحة في الصورة تحت.
• ألم متساوي في جانبي الجسم.
• ألم مزمن لمدة لا تقل عن 6 شهور.
• إنك بتعملي كل تحاليل المناعة بتلاقيها سليمة وكويسه
أسبابة:
العلم لم يتوصل للسبب الحقيقي لوقتنا هذا والأرجح إنه مرض وراثي.
أعراضه:
• ألم مزمن بعضلات الجسم وخاصة عند اللمس، بيخليكي مش قادرة تعملي الأنشطة اليومية البسيطة.
• الألم بيزيد مع الراحة وأثناء النوم.
• بتصحي من النوم الصبح تعبانة رغم إنك المفروض نمتي عشان ترتاحي، وأول ما تبدئي تقومي من السرير وتتحركي الألم بيقل.
• احياناً تقومي من النوم تحسي إن مفاصلك متيبسة وتفك أول ما تتحركي.
• اضطرابات في النوم، مش عارفه تنامي عدد ساعات طويلة متواصلة، عادة بتصحي كل شوية من الألم.
• صداااااااااع.
• ذاكرة ضايعة.
• تركيز سيئ .
• انتباه...مافيش.
• وكل هذا بيرافقه شوية اكتئاب وتوتر وقلق، نتيجة إنك مش عارفه تمارسي حياتك بشكل طبيعي.
• غالباً مريضة الفيبرو بتعااااااني من القولون العصبي وضغط بالمثانة
مضاعفات المرض:
ما يميزه إنه لا يؤثر بالسلب على أعضاء الجسم.. يعني مش ذي الأمراض المناعية.
مضاعفته تتمثل في
• ألم بيزيد مع مرور الوقت.
• زيادة اضطرابات النوم.
• ممكن تدخلي في مرحلة اكتئاب.
علشان كده لازم تساعدي نفسك.. وتغيري نمط حياتك عشان تقهري المرض
علاجه في الطب الحديث
بيعتمد على أدوية علاج الأكتئاب والصرع
وهذا النوع من الأدويه بيعمل أعراض جانبيه بتكون أكتر من الألم اللي كنتي رايحه تتعالجي منه
طيب ايه هو الحل علشان أقلل من شعوري بالألم؟؟
*طبعا قليل اللي بيقدر يلتزم بس في ناس قادرة تلتزم
• العبي رياضة وخاصة المشي.
• السباحة لو عندك مشاكل في المفاصل.
• تمارين المقاومة، هتقوي كتلتك العضلية وتقلل الشعور بالالم.
• تمارين التنفس يومياً.
• ابعدي عن العلاقات المؤذية...
• ابعدي عن الضغوط العصبية.

التغذية السليمة...........
حقاً لا يوجد نظام غذائي لمريض الفيبرو، ولكن اتباع نظام غذائي صحي، بيقلل التهابات الجسم و بيساعد على تخفيف الألم.
• أبعدي عن السكر الأبيض والدقيق الأبيض.
• قللي اللحوم الحمرا.
• امنعي الدهون المضرة (زيوت نباتية وسمن وزبد صناعي) من الأخر ما تاكليش أكل الشاااااارع.
• قللي منتجات الألبان.
• قللي الكافيين.
• استخدمي الكركم مع شوية فلفل أسود في الأكل.
• زودي من مصادر فيتامين
‏ C (موجود في معظم الخضار والفاكهة بس كليهم فريش)
‏ A (موجود في الخضار والفاكهة اللي لونهم برتقالي)
‏ E (الأسماك وخاصة السالمون والمكسرات

19/01/2025

نفسية المرأة
معلومات من علم النفس عن المرأة :
1- عندما تصمت المرأة أمام من تحب تأتي الكلمات على هيئة دموع
2- المرأة في البدايه تخاف أن تقترب منك ، و بالنهايه تبكي حين تبتعد عنها قليل من الرجال يفهمها
3- نصف جمال المرأة في ردود افعالها ... احمرار الخدين ، لمعة العين و ضياع الكلام في حركة اليدين
المتعانقتين خجلآ
4- المرأة إما كيد عظيم ، أو حب عظيم ، و أنت من يحدد أيها الرجل ... فإن مكرت بها مكرت بك ، وإن أحببتها عشقتك
5- تعشق المرأة وردة حمراء ، تأتيها على حين فجأه و ترضيها في لحظة غضب
6- المرأة تداوي و هي محمومة ، و تواسي و هي مهمومة ، و تسهر وهي متعبة ، و تحزن مع من لا تعرف ، و تبكي يوم زفافها ... فـ ارفقو بها ...كما قال نبينا☟
"رفقا بالقوارير"
7-أكثر ما يسعد البنت بهذه الحياة حضن والدها ، وبعد ما تصبح إمرأه الحب و الامان الذى تستمدهما من زوجها
8- المرأة تحب أن تعامل كطفله دائما مهما كبرت
9- عندما تغار المرأة ارسم قبله على يديها ، دعها تشعر بأنها نعمه من الله لديك
10-المرأة الهادئة الناعمة أكثر ضجيجا بقلب الرجل
11- و ما المرأة إلا نبضة شفافة حساسة ، تخشى العتاب و يخجلها الملام ... فـ انتبه لها يا من تحبها
12- المرأه تستطيع أن تربي طفلا بلا أب ،، لكن لا يمكن للرجل أن يربي طفلا بلا أم
فهي رااائعة المرأة حينمـا تكون ( أم -ابنة - أخت - زوجه)
13- لا تعشق الأنثى بعينيك فعيناك ربما تجد الأجمل لكن أعشقها بقلبك فالقلوب لا تتشابه أبدا
14-محاولة التفاهم مع أنثى غاضبة يشبه تقليبك لأوراق الجريدة وسط العاصفة فقط احتضنها وسوف تهدأ
15- مهما كبرت المرأة تبقى يسعدها السؤال ويبكيها الإهمال
16- الرجل يعتقد إن المرأة تحب الغني وتعجب بالوسيم والمشهور الحقيقة إنها تحب من يكون لها أخا وصديقا وسندا ويحترم عقلها
وكيانها وشخصيتها
17- عندما تصمت المرأة أمام من تحب تأتي الكلمات
على هيئة دموع
18- المرأة كالجيتار لا تعطي ألحانها إلا لمن يتقن العزف على أوتار قلبها
19-الأنثى مثل البحر جميلة في مظهرها جحيم في غضبها غامضة في أعماقها
20- سئلت أنثى من هو الرجل بنظرك قالت ،؛،
من يكون ناصحا لي وليس معاقبا من كان واثقا بي وليس مراقبا من يكون رجلا لي وليس علي
🌹

20/10/2024

الوسواس القهري (١)

يعني إيه "وسواس قهري"!؟؟

صحيح الوسواس القهري نظريا مبقاش ضمن اضطرابات القلق في دليل التشخيص ولكنه عمليا اضطراب قلق بإمتياز

القلق هو العرض الأساسي في الاضطراب ده
القلق من أى حاجة وعلى أى حاجة طول الوقت ولذلك ممكن الوسواسي يُنهك نفسيا وطاقته تخلص ويوصل لدرجة الاكتئاب بسبب
البنزين اللي عمال يحرقه على الفاضي في دماغه

طول الوقت مسجون جوه أفكاره غير المنطقية اللي بتأمره يعمل حاجات غير منطقية

طيب تعالوا نتعرف على أعراضه بشكل علمي مفصل :

١-الوسواس القهري ممكن يكون عبارة عن أفكار وسواسية بس وممكن يكون عبارة عن أفكار مرتبطة بأعراض قهرية :

أفكار أو اندفاعات أو صور بتنط في دماغ الشخص بشكل متكرر ،وعادة بتكون صور أو أفكار غير مرغوب فيها،ومتطفلة على دماغه وهو مش عارف يفلفص منها ،زى(سب الذات الإلهية،يشتم أى حد أو يضربه أو يعذب أى حيوان أو يقتله من غير سبب،صور لأعضاء جنسية......،) طبعا ده كله جوه دماغه فقط

بيحاول دايما يحارب الأفكار دي عن طريق الأعراض القهرية

طيب الأعراض القهرية دي زى إيه !؟

سلوكيات متكررة زى (يغسل إيديه كتير لدرجة إن إيديه تلتهب ،يفضل يرتب كل حاجة طول الوقت لدرجة إنه ممكن يتعصب أو يتوتر جدا لو حاجة اتشالت من مكانها ،يفضل يتحقق من كل حاجة ويتأكد منها زى قفل الأبواب والشبابيك ،قفل باب العربية كويس ولا لأ وممكن يرجع ١٠٠ مرة عشان يتأكد ،قفل البوتجاز وشال فيشة المكواة ولا لأ وممكن يخرج ويرجع أكتر من مرة عشان يشوفها،يعيد الوضوء أو الصلاة كتير أو يشك انهم اتعملوا صح بشكل مبالغ فيه )

ومش بس سلوكيات ممكن يعمل أفعال عقلية زى إنه لازم يردد وِرد معين أو يتمتم بكلمات معينة زى التسبيح ،أو يعد درجات السلم ،يعد بلاطات السيراميك البيضا والسودا.....وهكذا

طيب هل أى حد بيعمل الحاجات دي مريض!؟

لا تعالوا نشوف شروطها

لازم السلوكيات أو الأفعال دي يكون الغرض منها تقليل القلق أو منعه، أو منع كارثة هتحصل ،يعني اللي بيحس إنه لازم يقرأ الأذكار أو يردد آيات قرءانية أو يعمل طقوس معينة في وقت معين وإنه لو نسي في يوم أو معملش كده يتشائم ويفتكر إن في مصيبة هتحصل ده عنده عرض مرضي صريح

أى حد بيفتكر إن أفكاره مسئولة عن الكوارث وانه لو بطل يقلق المصيبة هتحصل ومبيعرفش يفصل بين الفكر والحدث عنده عرض مرضي صريح

لازم تكون الوساوس أو الأفعال دي مستهلكة للوقت ومعرقلة لحياته الاجتماعية أو المهنية (يعني أكتر من ساعة يوميا مثلا)

يعني يغسل إيديه يوميا في ساعة لحد ما تنهري أو ياخد شاور في ساعتين أو يقعد ساعة في الحمام لو دخل يعمل بيبي عادي(ويستثنى من ذلك اللي عندهم إمساك طبعا) أو يعيد الصلاة أو الوضوء أكتر من مرة
أو ياخد ساعتين في غسيل الأطباق وتنظيفها قبل ماياكل

أو يفضل يراجع على الشغل اللي خلصه ١٠٠ مرة بمنتهى البطء ويضيع وقته ويعطل الشغل لدرجة إن مديره وزمايله يتذمروا منه وممكن يخسر شغله

لو عندك كل اللي فوق ده وبالشروط دي
ده معناه إن عندك وسواس قهري

لكن لو إنت عندك بعض الأعراض لكن مش مسببه عرقلة في حياتك المهنية والإجتماعية والعاطفية إذن تعتبر مجرد(سمات)لا تصل في شدتها لدرجة الاضطراب

08/10/2024

كثير منكم بيسألنى عن القلق وهل القلق دة مرض نفسى ام لا

إزاى أقدر أفرق بين القلق العادي والقلق المرضي ؟!

القلق العادي
ده اللي في بعض التصنيفات بيسمى "القلق الموضوعي" Objective Anxiety
وده بيكون ناتج عن إدراك الشخص لخطر مهدد ومحدد وموجود بالفعل في البيئة ووظيفة القلق في الحالة دي إنه يقضي على الخطر ده أو يدافع ضده أو حتى يتجنبه
زى مثلا إن في حد هايرفع سكينة عليا أو حيوان مسعور بيهاجمني أو أخطاء عملتها في الشغل أو خوف طبيعي من الامتحانات أو الاحداث الجديدة في الحياة زى الزواج والطلاق وولادة طفل
أى الخوف من أشياء لها مايبررها

ولكن القلق المرضي "العصابي" Neurotic Anxiety
بيكون سببه غامض وغير محدد بالنسبة للشخص ،زى التشاؤم غير المنطقي أو المخاوف المرضية من الحيوانات والأماكن الواسعة أو المغلقة أو من مواجهة الناس في المواقف الاجتماعية وسبب النوع ده من القلق بيوضح خلال جلسات العلاج الدينامي لما يقدر المعالج يتعرف على المادة اللاشعورية اللى بتهدد بالدخول لحيز الشعور واللى بيناضل المريض في سبيل كبتها عن طريق أعراض القلق

08/10/2024

يفاجأ المرضى بقدرتي على تحمُّل سماع البؤس طوال اليوم. حتى فى ظروف مرضى الصعبة
أقول لهم: "نعم، هذا مؤثر على الأعصاب بلا شك، ولكن عزائي هو أن المعالج النفسى الذي لا يتأثر لا يستطيع أن يؤثر"، كما قال يونج. لهذا السبب بالتحديد يصبح العلاج النفسي موهبة أكثر من كونه مجرد مهنة لكسب العيش. لو كان العلاج مهنة فقط، لما استطعت تحمل المزيد من متاعبها. لكن ما يدفعني هو الرغبة في مساعدة الآخرين وتغييرهم للأفضل، لأصبح جزءًا لا يتجزأ من أي قصة نجاح. وهذا وحده ما يساعدني في تحمل سماع البؤس يوميا
برحابة صدر وبدون ملل ولا مشقة

مدحت دمرداش / استشارى العلاج النفسى والادمان والارشاد الاسرى وتعديل مسار

،

20/09/2024

المشاكل الكتير فى العلاقات الأسرية او الزوجية مش معناها أبدا إن العلاقة سيئة أو فاشلة ولكن ده إسمه إنعدام تواصل أو تواصل سىء وله حل
إنما اللى مالوش حل ان العلاقات تبقى باردة مفيهاش مشاكل أصلا
لما مريض بيقولى العلاقة بينى وبين أبويا سيئة وفاشلة
بسأله :سيئة بمعنى ايه ؟! بتتخانقوا كتير يعنى ولا مش بتتخانقوا خالص بس كل واحد له عالم لوحده والاحتكاك بينكم نادر ؟!!
وبسأل نفس السؤال للزوج أو الزوجة اللى بيشتكوا من شريكهم
المشاكل مش معناها ان العلاقات فاشلة يا جماعة
بالعكس ده معناه ان فى حراك فى العلاقة ، فى تواصل بالفعل بس محتاج تهذيب ، فى ود واهتمام ومناغشة ونكش وكلام رايح جاى
الخوف الحقيقى هو من إن العلاقة تبقى باردة لدرجة ان مفيش مشاكل خالص لأن مفيش كلام أصلا وكل واحد فيكم يبقى عايش عيشة والسلام
العلاقات المثالية عادى يتخللها عراك من آن لآخر بدون ما يأثر على مثاليتها

20/09/2024

عادي إن أى حد يشعر بالقلق في مواجهة الناس أو في المواقف الاجتماعية حتى لو كان شخصية عامة ومشهورة ؟
……………………………
القلق في الحالة دي بيكون مهم عشان بيساعد الإنسان يكون يقظ وحريص وحذر ده غير إنه لا يعوق الإنسان عن ممارسة وظايفه الحياتية

طيب إمتى نقول إن القلق مرضي وتحول لاضطراب!؟

لما القلق يوصل لدرجات شديدة تسبب له خلل اجتماعي

طيب إيه أعراضه؟

-خوف وقلق ملحوظ من العديد من المواقف الاجتماعية زى إنه يتكلم أو ياكل ويشرب قدام الناس أو يقابل ناس أغراب عنه

-خوف وقلق ملحوظ إنه يتصرف بشكل محرج أو تبان عليه أعراض القلق وده يخلي حد يتريق عليه

-تجنب لمعظم المواقف الاجتماعية واذا تحمل بعض المواقف اللي بيتجبر يكون جزء منها بيتحملها تحت ضغط شديد

-لازم يكون القلق الشديد ده بيكون من مواقف الناس العاديين مش بيقلقوا منها

-شرط إن أعراض القلق والتجنب تكون مستمرة ل ٦شهور أو أكثر يعني ماتكونش حالة عارضة تابعة لأى موقف ضاغط وعدت أو بسبب أى تأثير فيسيولوچي خاص بتعاطي أى أدوية

-زى ماقلت قبل كده لازم القلق يكون مسبب إعاقة اجتماعية ومهنية أو اكاديمية لصاحبه
يعني القلق يكون ملاحقه وهو بيذاكر وهو في المدرسة أو وهو بيشتغل أو وهو بيتعامل مع أهله وأصدقائه أو أى حد

ممكن كمان ميعرفش يخطب ولا يتجوز بسبب إنه مش عارف يتعامل مع الجنس الآخر أو بيكون قلقان من تقييمها له هى أو أهلها

طيب بيتعالج؟

أيوة له علاج دوائي ونفسي بيحسن الحالة كتير وبيخلي المريض يرجع لممارسة حياته بشكل طبيعي ونسبة التحسن بتكون (حسب كل حالة)

23/08/2024

من يحب أن يقي أبناءه من الأمراض النفسية فليتبع هذه الخطوات الملخصة من كتاب "أسرار تربية الأبناء وبناء الثقة" ؛ وسترى النتيجة...
برنامج بناء العلاقة مع الأبناء :

١- عشرون دقيقة يومياً حوار مع الأبناء باعتبارهم أصدقاء ( بدون نصح ولا حديث عن المدرسة ولا توجيه ) .

٢- التعبير عن مشاعر الود والحب من الأباء للأبناء من ٥ - ١٠ مرات يومياً .

٣- مدح الأبناء يومياً خمس مرات على سلوك إيجابي فعله .

٤- مدح الأبناء يومياً خمس مرات على الشكل الخارجي ( ابتسامته - شعره- عينيه - أي شيء فيه ) .

٥- مرتان اسبوعيا مشاركة الابن نشاط خارج البيت حتى لو استغرق خمس دقائق ( مشي - رياضة - تمشيه - لفّه بالسيارة ) .

٦- ثلاث دقائق يومياً لتثبيت القيم قبل النوم :
-كنت سعيداً عندما رأيتك اليوم تفعل كذا.
- مساعدتك لأختك الصغيرة كان جميلا منك.
- وفاءك بالاتفاق جميل.

٧- مرتان أسبوعياً عشاء مع العائلة في البيت أو خارجه يكون وقته طويل حتى يتم الحديث والتحاور مع العائلة بوقت أكثر .

٨- من (١-٣) دقائق يومياً [ كلي آذان صاغية ] وتتنفذ على النحو التالي:
-الجلوس مع الابن في مكان هاديء واطلب منه أن يقول كل ما يريد بلا قيود ولا نقاش ولا أرد عليه ولا أقاطعه ولا تعقيد وحينما تنتهي ٣ دقائق انتهت الجلسة.

٩- عبّر عن حبك لإبنك من خلال السلوكيات اليومية :
( خمس لمسات يومياً ) :
- اللمس على نهاية رأس الابن
وتعني " الرأفة والرحمة "
- وضع اليد على الرأس " الفخر"
- وضع اليد على الجبين "التهدئة"
- وضع اليد على الوجنتين" الشوق"
- مسكة اليد " تقوية العلاقة والحب"
- إذا كان غضبان أو وجود مشاعر سلبية "امسح بيدك على صدرة "

أربع قبلات يومياً :
-في الجبين " الاستقبال "
-في الرأس" فخر واعتزاز"
-في الخد " الشوق"
- في اليد "الاستقبال والشوق"

واربع ضمات احتضان متفرقه خلال اليوم .

أخيراً : ابن علاقة مع ابنك حتى يصبح بين يديك محباً مطيعاً وخلوقاً وباراً فبهذا البرنامج تبني شخصيته وتتعرف على ذاته وتقوي محبته وتصبح الأب النموذج الأمثل في نظره
وتتلاشى كل المدمرات للعلاقة التي كنت تمارسها من قبل أو كانت سبباً في اضطراب شخصيته أو عناده أو عنفه أو مراهقته المزعجة أو انحرافه أو سبباً للأمراض الناتجة من السلوك التي تم شرحها في المدمرات سابقاً .

قل لابنك أو ابنتك : شكرا إنك موجود فى حياتي..

فضلا لا أمراً "

14/07/2024

من يحب أن يقي أبناءه من الأمراض النفسية فليتبع هذه الخطوات الملخصة من كتاب "أسرار تربية الأبناء وبناء الثقة" ؛ وسترى النتيجة...
برنامج بناء العلاقة مع الأبناء :

١- عشرون دقيقة يومياً حوار مع الأبناء باعتبارهم أصدقاء ( بدون نصح ولا حديث عن المدرسة ولا توجيه ) .

٢- التعبير عن مشاعر الود والحب من الأباء للأبناء من ٥ - ١٠ مرات يومياً .

٣- مدح الأبناء يومياً خمس مرات على سلوك إيجابي فعله .

٤- مدح الأبناء يومياً خمس مرات على الشكل الخارجي ( ابتسامته - شعره- عينيه - أي شيء فيه ) .

٥- مرتان اسبوعيا مشاركة الابن نشاط خارج البيت حتى لو استغرق خمس دقائق ( مشي - رياضة - تمشيه - لفّه بالسيارة ) .

٦- ثلاث دقائق يومياً لتثبيت القيم قبل النوم :
-كنت سعيداً عندما رأيتك اليوم تفعل كذا.
- مساعدتك لأختك الصغيرة كان جميلا منك.
- وفاءك بالاتفاق جميل.

٧- مرتان أسبوعياً عشاء مع العائلة في البيت أو خارجه يكون وقته طويل حتى يتم الحديث والتحاور مع العائلة بوقت أكثر .

٨- من (١-٣) دقائق يومياً [ كلي آذان صاغية ] وتتنفذ على النحو التالي:
-الجلوس مع الابن في مكان هاديء واطلب منه أن يقول كل ما يريد بلا قيود ولا نقاش ولا أرد عليه ولا أقاطعه ولا تعقيد وحينما تنتهي ٣ دقائق انتهت الجلسة.

٩- عبّر عن حبك لإبنك من خلال السلوكيات اليومية :
( خمس لمسات يومياً ) :
- اللمس على نهاية رأس الابن
وتعني " الرأفة والرحمة "
- وضع اليد على الرأس " الفخر"
- وضع اليد على الجبين "التهدئة"
- وضع اليد على الوجنتين" الشوق"
- مسكة اليد " تقوية العلاقة والحب"
- إذا كان غضبان أو وجود مشاعر سلبية "امسح بيدك على صدرة "

أربع قبلات يومياً :
-في الجبين " الاستقبال "
-في الرأس" فخر واعتزاز"
-في الخد " الشوق"
- في اليد "الاستقبال والشوق"

واربع ضمات احتضان متفرقه خلال اليوم .

أخيراً : ابن علاقة مع ابنك حتى يصبح بين يديك محباً مطيعاً وخلوقاً وباراً فبهذا البرنامج تبني شخصيته وتتعرف على ذاته وتقوي محبته وتصبح الأب النموذج الأمثل في نظره
وتتلاشى كل المدمرات للعلاقة التي كنت تمارسها من قبل أو كانت سبباً في اضطراب شخصيته أو عناده أو عنفه أو مراهقته المزعجة أو انحرافه أو سبباً للأمراض الناتجة من السلوك التي تم شرحها في المدمرات سابقاً .

قل لابنك أو ابنتك : شكرا إنك موجود فى حياتي..

02/06/2024

لو دربت عضلات مخك كل يوم على اكتساب عادة او صفة معينة هتبني عضلات معنوية جيدة في عقلك زى جسمك

12/05/2024

اضطراب الشخصية الحدية (٩)
…………………………………….

إيه أكتر معركة شرسة في حياة مريضة اضطراب الشخصية الحدية !؟

معركتها مع نفسها 🤷🏼‍♀️

دايما داخلة خناقة مع نفسها بسبب الصراع اللي بتعيشه مابين اللي فرضته عليها التربية الجافة الخالية من الحب والاهتمام ومابين اللي نفسها تكون عليه ومابين احساسها بالذنب عشان لسة مش عارفة توصل للي هى عايزاه ومابين مشاكلها اللي بتقع فيها كل شوية وتأخرها لورا

لذلك كل ما تقوم وتشد حيلها تيجي رياح الماضي توقعها وتنجرح وترجع تنزف وتتلهي في النزيف وتبطل تعافر وتفضل تلف في الدايرة دي لحد ماتتعالج

وعشان كده هى مش بتحب تقعد مع نفسها ومش بتتحمل لحظات الفراغ عشان بيبقى كلها خناق

لذلك بتحاول تملاها بأى حاجة تلهيها عن الفراغ القاتل ده
زى العلاقات المؤذية
مخدرات
سجاير
أكل
شراء بشكل مبالغ فيه
و للأسف كل الحاجات دي مضرة وبيكون لها انعكاس سىء على حياتها بالكامل

عشان كده مفيش بديل غير العلاج

26/04/2024

هل نتغيّر عندما نتجاوز الأربعين أو الخمسين او الستين او السبعين !!

“نعم أنا أتغيّر ”، هذا ما قالته سيدة شارفت على السبعين، حينما سئلت: “ما الذي تغير لديك؟”، فقالت:

1-أدركت للتوّ أنني لست مثل “أطلس” في أساطير اليونان، والعالم لا يقف على ظهري !

نعم، أنا أتغيّر..!!

2-لقد توقفتُ منذ مدّة عن مساومة بائع الفواكه والخضار، فبالنهاية، لن تزيدني بعض القروش غنىً، لكنها قد تساعد ذلك البائع المسكين على توفير مستلزمات لابنائه!

نعم، أنا أتغيّر..!!

3- صرتُ أدفع لسائق سيارة الأجرة من دون انتظار الباقي فقد تضع المبالغ الإضافية ابتسامة على وجهه على أيّ حال إنه يكدّ من أجل لقمة العيش أكثر مما أفعل أنا اليوم !

نعم، أنا أتغيّر..!!

4-لقد تعلمتُ عدم انتقاد الناس حتى عندما أدرك أنهم على خطأ فبالتالي لم يعد يهمّني إصلاح الناس وجعل الجميع مثاليين إن السلام مع الكل أفضل من الكمال الوهمي !

نعم، أنا أتغير..!!

5- صرتُ أمارس فن المجاملات بسخاء وحرية بلا نفاق. إذ تعلمت بالخبرة أن ذلك يُحسّن المزاجَ ليس فقط لمن يتلقى المجاملة، ولكن خصوصا بالنسبة لي أيضا !

نعم، أنا أتغير ..!!

6- تعلمتُ ألا أنزعج عن تجعّد يحدث على قميصي أو اتساخ فيه. فبالتالي إن قوة الشخصية أهم بكثير من المظاهر !

نعم، أنا أتغير..!!

7-صرتُ أبتعد بهدوء عن الناس الذين لا يقدروني. فبالتالي قد لا يعرفون قيمتي، لكنني أنا أعرف جيدا من أنا ! واصبحت لا اهتم لمن يخذلني فانا اعلم ان الله يصرفهم عني لانهم لا يستحقون ان يكونوا في دائرة اهل الفضل بل وانهم طردوا من باب الاحسان وتولوا معرضين.

نعم، أنا أتغيّر...!!

8- لقد صرت هادئاًعندما أواجه أحدهم يستفزني بعدوانية كي يدخلني في جدل عقيم..!!
على أي حال، في النهاية، لن يبقى من كل الجدالات شيء، وأنا لم أعد أتحمل فااقول أنت صح ،✔ وانسحب بهدوء.

نعم، أنا أتغيّر..!!

9-إذ تعلمتُ أن أعيش كل يوم بايجابية وأطور في عملي وشعاري(( فليغرسها))

نعم، لقد تغيرتُ..

10-إنني أعمل كل ما يجعلني أشعر بالسعادة وأن أستمتع بحياتي فالعمر يمضي وأولادي جزء من حياتي وليس كل حياتي .!!
وأن أستمتع بعلاقتي مع الله وأكثر من طاعاتي فبعد موتي كم من سيذكرني؟؟ وإلى متى؟؟

وبالتالي فهمتُ بأني أنا المسؤول عن سعادتي في الدنيا و راحتى فى الآخرة …

Medhat Demerdash Psychotherapist

16/02/2025

19/01/2025

20/10/2024

08/10/2024

08/10/2024

20/09/2024

20/09/2024

23/08/2024

14/07/2024

02/06/2024

12/05/2024

26/04/2024

Address

Telephone

Website

Alerts

Shortcuts

Share

Category