14/05/2023
معلومه على الماشى ..
فيه كروت الكشف عن المخدرات ..
لما بنشوف الكارت .. بنقول لو ادى خط واحد يبقى positive .. ولو خطين يبقى negative
حد عنده فكره ايه السبب !!!
يعني ايه فكره عمل الكروت دى ... ؟؟
احنا عندنا من ضمن الطرق اللى بتتفاعل بيها الادويه او المخدرات مع خلايا الجسم طريقة اسمها competitive inhibition
بمعنى ..
ان لو عايزين نثبط عمل ماده معينه .. نجيب ماده مشابهه لها في التركيب ونحطها معاها في وسط التفاعل .. الماده التانيه دى يكون عندها القابليه انها تتفاعل اسرع .. فتروح تشغل مكان الماده الاولى ... اللى هو عباره عن receptor ... لما تشغل مكانه تمنع دخول الماده الاولى ... وبالتالى التفاعل مش هيحصل
طب ده ايه علاقته بكروت المخدرات ؟ ..
احنا اصلا جسمنا في مركبات طبيعيه .. تشبه في تركيبها المخدرات لكن تأثيرها طبيعى على الجسم .. زي المورفين
فاحنا لما بناخد مخدرات بقى عندنا ماده طبيعيه وماده دخيله .. شبه بعض في التركيب .. لكن مختلفين في التأثير .. وخاصة التأثير التراكمى
المخدرات بتعمل عمل الماده الدخيله .,. اللى هي تروح تشغل المكان بسرعه بدل الماده الاصليه عشان تمنع حدوث التفاعل ..
والتست قائم على تفاعل بين اجسام مضاده موجوده عند T line في الكارت .. وبين الانتيجين المناسب ليها في اليورين ...
في حالة لما يكون المخدر موجود في الجسم ... بيروح على الجزء المخصص بتاع التفاعل (( مكان الشرطه اللى بتظهر ... يقوم يشغل مكان التفاعل .. فلما تيجى الماده اللى شبهه في التركيب تتفاعل مش هتلاقى المكان .. فيقف التفاعل .. ومايظهرش لون ..
ولما يكون الجسم خالى من المخدر .. يظهر خطين ,.,. دليل على حدوث Ab -
Ag reaction بصوره طبيعيه
