https://www.facebook.com/111503311445730/

Maha Sharafelden-مها شرف الدين

Home
Egypt
Cairo
Maha Sharafelden-مها شرف الدين

Contact information, map and directions, contact form, opening hours, services, ratings, photos, videos and announcements from Maha Sharafelden-مها شرف الدين, Therapist, New cairo التجمع الخامس, Cairo.
(1)

* Certifed life coach -ICF
• Positive psychology coach -ICF
* Certified CBTpractitioner
* Certified emotinal therapist
•عن طريق الجلسات وورش العمل بساعدك
تحرر مشاعرك وتغير افكارك السلبيه الخطأ وتحقق اهدافك وتوصل لعلاقه ناجحه مع نفسك ومع الاخرين

30/07/2025

انا اسفه مبديش اجابات ..ولا حلول للمشاكل اللي بتمر بيها لومحتاج حلول وقتيه !؟
دا بالظبط اللي بيحصل معايا وبقوله لما عميل او عميله تقولي انا جايه عشان عاوز حل لمشكلتي ..
متستغربش 👇🏻👇🏻

في الكوتشنج المفروض الكوتش مش دوره يقدملك الحل على طبق ويقولك اتفضل ..ولكن دوره الحقيقي انه يعلمك ويديك ادوات وتدريبات تفتح مسارات التفكير في عقلك عشان تلاقي لكل مشكله عندك مجموعه من الحلول مش حل واحد..ولكن يبقى السؤال الاساسي ..هل عندك الوعي والمسؤوليه الذاتيه تجاه نفسك للتطبيق والاكتشاف جوا نفسك ؟؟!!!
دي بتاعتك انت وقرارك انت
قولولي رايكم في الكلام دا وايه الاحتياج اللي ممكن تروح لكوتش او معالج يساعدك فيه بالطريقه دي ؟؟

#وعي

27/07/2025

“قبولك لنفسك زي ما أنت مش ضعف…
دي هو الخطوة الأولى لأي قوه حقيقيه”

يمكن إحنا احياناً للاسف كتير بنحارب في نفسنا أكتر من الحياه وبنفوق على كابوس اضطرابات نفسيه وكرب نفسي لاننا بنعيش في حلم المثاليه الوهمي …

بس لما نمد إيدنا لروحنا برفق ونقول: أنا كفاية زي ما أنا..بنشوف القوة الحقيقية اللي جوانا. .
اقبل ضعفك
اقبل عيوبك
اقبل انسانيتك
اقبل ان الصح انك مش لازم دايماً تكون صح ..
ولا لازم تكون مثالي في عيون نفسك او غيرك

ومن هنا ايه رايكم نبدا كمان نشوف الناس اللي حوالينا بمرونه اكتر وان فيهم عيوب ونقبلها
وانهم بشر مش ملايكه بيغلطو وبيحاولو من غير ما نحكم لا عليهم ولا على نفسنا ونسيب الحكم لله

ودلوقت تقدر تشاركني ايه ممكن يكون عيبك اللي انت عارفه كويس وهل متقبله ولا لسه ؟!

#وعي

21/07/2025

رسالتي ليك اليوم
استمع الى رسائل قلبك واتبع شغفك ..القلوب لاتكذب ابداً..فكن انت فقط

#وعي

18/07/2025

🙏علّمني ربي…
من مريم إن أصعب اللحظات اللي بنحس فيها إننا لوحدنا هي غالبًا أقرب لحظة لرحمة ربنا.
“فأجاءها المخاض إلى جذع النخلة قالت يا ليتني مت قبل هذا وكنت نسيًا منسيًا”.

دي لحظة انكسار حقيقي… مش بس ألم جسدي، لكن إحساس بالوحدة، والضغط، والخوف من نظرات الناس وأحكامهم.
مشاعر كتير زي
• الخوف من كلام الناس.
• الإحساس بالعجز قدام المواقف.
• تمني الهروب من الألم.

لكن ربنا ألهمها صوت يطمنها:
“فناداها من تحتها ألا تحزني قد جعل ربك تحتك

• الوجع مش علامة ضعف، لكنه مرحلة وعي: في الكوتشنج بنقول إن اللحظة اللي بنوصل فيها لقاع الألم، هي اللحظة اللي نقدر نختار فيها نقوم ونكون افضل من الاول .

• الشكر والرضا يبدأوا لما نشوف الهدايا اللي وسط المحن… زي الجذع اليابس اللي هزته فنزل منه رطبًا، رمز للحياة وسط الألم.

علّمني ربي…
إن كل مرة قلبي بيقول “مش قادر” فيه صوت من ربنا بيقول: “ألا تحزني”.
وإن كل ألم، مهما كان ثقيل، بيحمل جواه بذرة حياة جديده.

#وعي
#علمني _ربي

16/07/2025

👫 علشان تحافظ على علاقتك بولادك في سن المراهقة، خليك دايمًا الحضن الآمن ليهم.. مش السجن اللي بيهربوا منه
10 نصايح بسيطة.. من القلب انعلمتهم في رحلتي مع ولادي اقدر انهارده انقلهالك عن تجربه❤️👇

1. اسمعهم بجد
مش بس تسمع صوتهم.. اسمع مشاعرهم، أفكارهم، حتى لو مش متفق معاها. متقاطعهمش ولا تحكم عليهم بسرعة.

2. ابعد عن أسلوب المحقق
“كنت فين؟ مع مين؟ ليه؟” كل دي أسئلة تخوفهم. بدلها بـ “وحشتني.. طمني عليك” يومك كان حلو؟ احكيلي لو فاضي ..

3. اختار المعارك الصح
مش لازم تعلّق على كل تفصيله عدّي شويه . سيب مساحة للغلط والتجربة. التربية مش حرب، دي فن وعلاقه آمنه

4. اظهر حبك بوضوح
كلمة “بحبك” و”أنا فخور/ة بيك” بتفرق معاهم حتى لو عملوا نفسهم مش فارق معاهم بيخزنوها في قلبهم.

5. اعترف بغلطك لو غلطت
لما تقول “آسف”، أنت بتعلمه الشجاعة والاحترام.. مش بتقلل من نفسك.

6. خلي البيت مكان راحة مش محكمة
يلاقوا في البيت حضن ودفا مش توتر وتهديد.
لازم يحسوا إنهم مش لوحدهم في أي أزمة.

7. خليك قدوه من غير وعظ
سلوكك هو اللي بيعلّم أكتر من كلامك.
كون الشخص اللي تحب ابنك يطلع زيه.

8. متقارنش ولا تكسّر فيهم
“بص ابن خالتك عامل إيه؟!” الكلمة دي بتوجع.
حبهم هما زي ما هما.

9. شجّعهم يعبروا عن نفسهم
حتى لو أفكارهم مختلفة، خليك منفتح ومرن . ده بيخليهم يثقوا في نفسهم وفيك.

10. افتكر إنهم بيكبروا.. بس لسه محتاجينك
يمكن يقلّ الكلام، تزيد الخناقات، بس جواهم بيقولوا: “خليك جنبي.. بس من غير ما تخنقني”.

❤️ ابنك/بنتك مش محتاجين منك الكمال او المثاليه .. محتاجين قلبك وحضنك واحتواءك ليهم.

15/07/2025

🌗سر الاختلاف مابينا هو اللي بيكملنا وبيكمل الصوره بالوان كتير متناسقه ..
🌖كل واحد فينا حياته مش زي التاني ..
كل واحد فينا شايل شيلته محدش يعرف عنها حاجه
بس في الاخر كلنا بشر ولازم نتقبل ادميتنا واختلافاتنا ..

🌘كلنا بتمر علينا تحديات ..صدمات ..احداث تفرحنا واحيانا تؤلمنا ..ولكن ازاي بنتعامل معاها وازاي بتأثر فينا هو دا الفرق ..
ازاي بنخرج منها ؟؟
اكثر نضجاً وحكمه ؟
ولا بنقف بعدها ؟؟

🌑احنا مش شبه بعض في ردود افعالنا ولا في طاقتنا ..لكن كلنا فبني ادم
🌔حر رنفسك من الاحكام على الناس ..
متحكمش على حد انت مكنتش مكانه ولا مريت بظروفه وتطلب منه رد فعل شبهك انت

🌕وافهم ان كل واحد له نمط شخصيه وموءثرات خارجيه وداخليه زي مثلاً 👇🏼
🌿قيم اتزرعت فينا وكبرت معانا وبتحركنا من غير ما نحس او نشعر
🌿نقاط قوه ونقاط ضعف بتأثر فينا وفي طريقة حياتنا
🌿افكار ومشاعر بتحرك سلوكه الانساني
🌿احتياجات نفسيه وفسيولوجيه مختلفه تماماً عنك بتكون دافع له وبتحركه في حياته

🌞الخلاصه
خلينا نقبل بعض ونتعاطف مع بعض بكل اختلافاتنا ونتعلم نتحرر من الاحكام على بعض ..
دع الخلق للخالق

#انا #انسان

12/07/2025

🌿قد ايه جميل اننا نكون حقيقين ..اصليين ..
ودي بداية طريق السلام مع نفسك ..
والفهم لبشريتنا بكل تلقائيه ..
بقبول لضعفنا الانساني ..
من غير أحكام او نقد داخلي ..
من غير مشاعر الذنب او جلد ذات ..

🌿وليام چيمس قال مقوله عجبتني اوي
إذا تقابل شخصان ، فإن الموجودين في الواقع يكونون ستة أشخاص:-
1️⃣فهناك شخص كما يرى نفسه،
2️⃣وشخص كما يراه الأخر،
3️⃣وشخص كما هو فعلا

🌿ياترى احنا مين في الثلاثه دول ؟؟

🌿انك تفهم نفسك دا مش سهل ابداً بس لازم تجتهد وتسعى لاكتشاف نفسك الحقيقيه وعالمك الداخلي ..

🌿انت مش افكارك ولا مشاعرك اللي ممكن توهمك وتتلاعب بيك ..
انت الانسان البسيط العادي جداً اللي واقف ورا كل دول وبيحركهم ..

🌿دور على الانسان الحقيقي اللي جواك واوعى تتوه من نفسك في زحمة الدنيا

11/07/2025

بوست الجمعه ..صباح الخير وجمعة طيبه
علّمني ربي…
أن المشاعر مش ضعف…
وإن حتى أقوى القلوب، بتمر بلحظات تنهار فيها وتبكي.

علّمني من دموع يعقوب وهو بيشتاق ليوسف وبرغم انه نبي…إن الحزن مش ضد الإيمان وإن البكاء مش قلة صبر.
بسم الله الرحمن الرحيم
“وتولّى عنهم وقال يا أسفى على يوسف وابيضّت عيناه من الحزن فهو كظيم”.

ومن دعوة زكريا اللي نادى ربه “نداءً خفيًا”…
فهمت إن حتى الهمس اللي جوّه قلبي والخوف اللي بعدي بيه مسموح نمر بيه مسموع عند ربّنا.

علّمني ربي إن كل شعور فيه وجع وراه حكمه
وإنه زي ما الألم بيكشف جروحي…
الوعي بيها وفهمها بيديني فرصه عظيمه أشفيها.

علّمني إن الشعور اللي بننكره، بيتحوّل لصوت داخلي بيخوفنا ويزود علينا احاسيس جسمانبه عنيفه …
لكن الشعور اللي بنحضنه ونطبطب عليه بيفتح باب سلام واستشفاء جوانا

مهما كان عندك غضب او خوف او حزن ...هي اكيد وراها رسالة خير بتقولك حاجه ..
ثق ان مشاعرك ليك مش عليك …
مشاعرك هي مرآتك وبتنعكس عليك.

افهمها وعاملها كطفل صغير يستنجد بيك وخلي ربنا في الصوره
وهتشوف قد ايه النور ساعات بيطلع حتى من وجعك...
صباحكم مشاعر

#وعي

The healers hub
@

07/07/2025

اولاً ..صباح الخير🌹🌹
انا وجودي في حياتكم مش صدفه ..
إحنا في حياة بعض فترات ومراحل، مش دايمًا للنهايه
في ناس ربنا بيبعتهم لنا لحكمة، مش دايمًا لاخر الحياه…
أحيانًا لرسالة
أو لشفاء
أو حتى لاختبار.

🔹 ربنا قال:
“وَتِلْكَ الْأَيَّامُ نُدَاوِلُهَا بَيْنَ النَّاسِ”صدق الله العظيم
[آل عمران: 140]
الأيام، والناس، والقلوب… بتتغير وتتبدّل.
حتى أقرب الناس لقلبك، مش دايمًا هيكملوا معاك الطريق.

وإحنا كمان بنتغيّر…
💭 أولوياتنا، واحتياجاتنا، وحتى طريقتنا في الحب والعطاء…
فلما الحياة بتتغيّر والمشاعر وطريقة التفكير بتتغير فطبيعي إن الناس اللي فيها كمان تتغيّر.

أوقات بنبعد مش لأننا اتغيرنا للأسوأ…
لكن لأننا كبرنا… وفهمنا نفسنا أكتر قدرنا نوسع دايرة تفكيرنا ونحتوي مشاعرنا واحتياجاتنا بقت مختلفة.

مش كل الناس محطة نهائية…
في ناس كانت " عابره" مش تقليل منهم ابداً لا سمح الله
وهنا معناها انها بتخليك تعبُر وتعدي مرحله مع نفسك أو توصل لحقيقه او هدف

والحكمه والخلاصه ؟
اعرف إن كل شخص موجود في حياتك في وقت كان له معنى ورساله ودور في توقيت معين … حتى لو اختفى متزعلش ولا تندم .

04/07/2025

صباح الخير..
اسفه للي هقوله بس حقيقه
لما تضحك وإنت مش تمام متهربش من نفسك وتشوش على اللي جواك

في ناس بتضحك وهي مش مرتاحة…
تدي طاقة للي حواليها وهي جواها محتاجة اللي يسمعها.
تظهر قوية… وهما بيحاولوا بس يفضلوا واقفين.

أوقات بنعدي على مشاعرنا بسرعة،
نخبيها… نكمل… نقول “أنا تمام”، بس الحقيقة إننا مش دايمًا بخير.
مش لأننا ضعاف،
بس علشان اتعلمنا نكتم… ونسكت… ونشد على نفسنا.

اللي بتحسّيه مش غريب،
اللي جواك حقيقي حتى لو مش باين للي حواليك.

🌿 ربنا قال:
“ولا تهنوا ولا تحزنوا وأنتم الأعلون إن كنتم مؤمنين”
[آل عمران: 139]
يعني الحزن وارد… بس قيمتك أعلى، ونفسك تستاهل الراحة.

يمكن اللي بتحسيه دلوقتي محتاج بس مساحه،
محتاج يتفهم من غير حُكم…
وده اللي بشتغل عليه دلوقتي مع ناس كتير:
إزاي نفهم مشاعرنا، ونفكّر بطريقة أحن على نفسنا…
نشتغل على التشوهات اللي بتشوّه رؤيتنا لذاتنا…
ونرجّع لنفسنا التوازن اللي راح في الزحمه عشان احنا نستحق ان نعيش حياه تستحق ان تعاش .

لو محتاجة مساحة آمنة تتكلمي فيها،
أنا هنا علشانك ابعتي رساله واحجزي متستنيش
010 20218340whtsapp 💌

03/07/2025

أوقات كتير لما تفكّر ترتاح…
نحس شعور الذنب👆🏼‼️

ولما تقول “لأ” لأول مرة بعد عمر من “حاضر”
صوت داخلي يلومك…
وكأنك بتعمل جريمه مش بتحمي حدودك النفسيه

المشكلة مش في الراحه او انك تقول مره اسف لا مش هقدر…
المشكلة إنك اتعودت تشوف راحتك أنانيه
وتشوف احتياجاتك “رفاهية” مش حق نفسك عليك

بس خليني أقولك:
اللي زرعوا فيك الشعور بالذنب…
ما كانوش بيحبوك “أنت” قد ما كانوا بيحبوا “نفعك”اللي بتقدمه ..

وفي علم النفس، ده اسمه:
تدني الاستحقاق وتكوين ذنب مزيف عندك.

🩶 إوعى تخاف تحب نفسك…
اللي بجد بيحبك هيفرح إنك بقيت تختارها وتقدرها وتراعيها زي نا بتراعيهم .

ربنا سبحانه وتعالى قال ﴿وَلَا تَنسَ نَصِيبَكَ مِنَ الدُّنْيَا﴾
صدق الله العظيم
هنا فيه تذكير رقيق من ربنا إنك مش لازم تنسى نفسك وانت بتدي غيرك… حتى الدنيا فيها نصيبك .. راحتك.. وقتك..وكرامتك
#نعود

#وعي

30/06/2025

مش دايمًا الصدمة بتكسرنا… أحيانًا بتفتح جوانا أبواب مش ممكن كنا نعرف إنها موجودة.

آه، الصدمة موجعة. بتخلينا نحس إن الأرض اتسحبت من تحت رجلينا.
بس اللي محدش بيتكلم عنه كفاية… هو النمو اللي بييجي بعدها.

بنفتكر دايمًا “كرب ما بعد الصدمة” ونتكلم عن الألم والمعاناه وده مهم.
بس اللي يمكن مش واخد حقه، هو إن الصدمة نفسها ممكن تكون بداية نسخة أقوى وأعمق منك.

في الكوتشنج، بنسمي ده:
Post-Traumatic Growth ( النمو بعد الصدمه )

النمو اللي بيخلي عندك:
• عمق أكتر في نظرتك لنفسك وللحياة.

• هدوء في مشاعرك… مش برود، لكن نضج.

• إحساس بالامتنان، حتى لحاجات بسيطة جدًا.

• شغف بالتعلُّم… وكأنك عايز تفهم نفسك والناس أكتر.

• رغبة إنك تساعد غيرك، لأنك “مريت من هنا”.

• شعور إنك عايش بمعنى جديد… مش بس بتعدّي الأيام.

أنا مش بقول ما تحزنش، ولا تستعجل تعافيك.
بالعكس، خد وقتك، احزن، واسمح لنفسك تحس بكل حاجة.

بس في وسط ده… افتكر:
الصدمات ممكن تبنيك… مش بس توجعك.
وجوا الوجع فيه بداية لنسخة منك أحسن وأنضج وأقوى.

وكأنها لحظة استواء داخلي يعني بلغة علم النفس "نضوج "وكأن ربنا بيجهزك لحاجه او رساله كبيره
زي ما حصل مع كل الانبياء والرسل
في قصة سيدنا موسى قال تعالى
“فَلَمَّا اسْتَوَىٰ وَاسْتَوَىٰ فِي نَفْسِهِ نُودِيَ مِن شَاطِئِ الْوَادِي الْأَيْمَنِ”
مر بصعوبات كتير عشان يكون نبي

ربنا مبيجبش حاجه وحشه احنا اللي نظرتنا للامور ضيقه وضعيفه حاول توسع نظرتك للابتلاء هتلاقي نفسك بتعدي وبتتغير وبقيت افضل نسخه من نفسك

#وعي
#نعود

#صدمات

Address

New Cairo التجمع الخامس
Cairo

Telephone

+201020218340

Website

facebook.com

Alerts

Be the first to know and let us send you an email when Maha Sharafelden-مها شرف الدين posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Maha Sharafelden-مها شرف الدين:

Shortcuts

Want your practice to be the top-listed Clinic in Cairo?