28/04/2026
صباح الخير 🌷
أحترم نفسك .. يعني احترم حدودك وافهم صح الحدود مش
* هجوم
* ولا رفض للناس
* ولا قسوه منك
الحدود هي وضوح
إنك تقول
* ده ينفع معايا
* وده لا
ودا يحصل من غير:
* خوف
* ولا ذنب وجلد ذات
* ولا تبرير زيادة
💡 الفرق المهم👇🏻
❌ بدون حدود:
تقول “آه” وإنت متضايق
✅ بحدود:
تقول “لا”… وإنت مرتاح
🪞 خليني اقولك مثال بسيط
حد طلب منك حاجة فوق طاقتك
بدل ما تقول:
“ماشي” (وأنت مضغوط)
ممكن تقول:
“مش هقدر المرة دي”
بهدوء ومن غير شرح طويل
الاهم بقا من غير إحساس بالذنب
💔 ليه “لا” صعبة؟
لأنك فاكر إن:
رفض الطلب = رفض الشخص
لكن الحقيقة:
إنت بترفض موقف… مش إنسان
🌿خلي الوعي اللي يحررك
إنت مش مسؤول عن:
* رضا كل الناس
* ولا توقعاتهم
* ولا ردود أفعالهم
لكن الحقيقه مسؤول عن نفسك🙋🏻♀️
💭 اسأل نفسك بصدق قبل ما توافق:
* أنا عايز ده فعلًا؟
* ولا بخاف أرفض؟
فرق بسيط…
بس بيكشف الحقيقة
⏳ تمرين 60 ثانية
افتكر موقف وافقت فيه وأنت مش عايز
واكتب:
* كنت حاسس بإيه؟
* ليه ما قلتش لا؟
* كنت خايف من إيه؟
وبعدين اسأل:
“لو رجع بيا الوقت… كنت هعمل إيه؟”
وافتكر
(قولك لا… أحيانًا هو أقرب شكل لاحترام نفسك )
#طمانينة
#وعي
#أمان
