Dr. Lamiaa Elattal clinic

04/05/2025

عيادة ٦ اكتوبر
مركز ويست بارك الطبي
حي الورود -خلف مول العرب
عيادة BF 17
مواعيد العمل الاتنين ٦-٨
الخميس ٦-٨
تليفون : 01550058832
6th october clinic
West park medical center
Clinic BF17
Monday. 6-8
Thursday 6-8

https://maps.app.goo.gl/ZVSD8iEnaVZwTeTJ7?g_st=com.google.maps.preview.copy

30/03/2025

25/07/2023

الالتروكسين من أشهر أدوية خمول الغدة الدرقية أو نقدر نقول إنه أشهرها علي الاطلاق بيعتمد عليه نسبة كبيرة جدا من الناس
والدوا ده إنسحب مؤخرا من السوق
ونظرا لحالة التوتر عند مرضي الغدة الدرقية واستغلال البعض لده في بيع علب قديمة ل الاتروكسبن بأسعار غالية جدا وجب التنبيه ان الدوا له بدائل تحتوي علي نفس المادة الفعالة
بدائل الالتروكسين المتاحة في السوق المصري
Euthyrox.
Thyroxin
T4 - thyro
البدائل ده فيها نفس المادة الفعالة بنفس التركيزات
بتاخد نفس الجرعة بالظبط وتتابع مع طبيبك
ودمتم سالمين 💖💖

16/03/2023

ونقول تاني لأي حد بيسأل 😄😍🥰

امتي آخد حباية الغدة في رمضان ؟؟؟؟
سؤال متكرر ل مريض خمول الغدة الدرقية
حباية الغدة لازم تتاخد علي معدة فاضية وتقعد بعدها ساعة علي الاقل قبل ما تاكل علشان امتصاصها يكون مظبوط وده بيخلي الموقف مع الصيام صعب
بنقول ل مريض الغدة عندك اختيار من تلاتة
١ . تاخد الحبة بعد الفطار وتقعد ساعة وبعدين تاكل
٢ . تاخد الحبة بين الفطار والسحور بشرط متاكلش قبلها ب ٣ ساعات ومتاكلش بعدها ب ساعة
٣. تاخد الحبة قبل الفحر مباشرة وتبدأ الصيام بشرط تكون أخر وجبة اكلتها مر عليها ٣ ساعات
وكل سنة والجميع بخير وصحة يارب ☺️☺️

16/03/2023

رمضان جانا 😄😄
السؤال المتكرر لمريض السكر أصوم ولا لا
مبدئيا كل مريض سكر حالة مستقلة و لازم ترجع لطبيبك علشان يحدد لك اذا كنت تقدر تصوم أو لا
بس نقدر في العموم نقول :
مينفعش تصوم لو انت
١. طفل أقل من ١٢ سنة ومريض سكر النوع الأول وماشي علي انسولين
٢. حامل وعندك السكر ومحتاجة انسولين بانتظام مش ماشية علي نظام غذائي فقط
٣ . لو انت فوق ال ٦٥ سنة وماشي علي انسولين وعندك مضاعفات للسكر في القلب أو الكلة أو جلطات قريبة
ال تلاتة دول الصيام خطر عليهم جدا
ممكن تصوم لو انت
مريض سكر النوع التاني وسنك من ٢٠-٥٠ سنة وماشي علي حبوب ومفيش مضاعفات للسكر بشرط يكون في متابعة قريبة للسكر التراكمي
في العموم أكبر مشكلة لمريض السكر في رمضان هي المياه لازم تشرب مياه كتيييييير ما بين الفطار والسحور
وتخلي بالك من الكنافة والقطايف 🙈🙈
ورمضان كريم 🥰🥰
دمتم سالمين

20/11/2022

ونقول تاني
بلاش نلعب في الهرمونات
متاخديش كورتيزون علشان تتخني ولا تاخدي ثايروكسين علشان تخسي ولا تاخد تيستوستيرون علشان تبني عضلات
متعملوش كده والنبي 🙈🙈
الهرمونات من أكتر الحاجات حساسية في الجسم وأي لعب فيها بيلخبط هرموناتك الداخلية
وعلشان تتظبط تاني بيبقي صعب جدا جدا
من الآخر كده ده منطقة محرمة خليك بعيد عنها
ودمتم سالمين 💕💕💖💖

11/10/2022

التدخين والقدم السكري
من أكتر مضاعفات السكر اللي بتقلق الناس هي احتمالية حدوث القدم السكري
ومع كل الاحتياطات اللي بياخدها المريض أحيانا ده بيحصل برده
هنا أنا حابة أركز علي أثر التدخين علي سرعة ظهور المشكلة ده في مريض السكر مع صعوبة علاجها كمان
لأن التدخين بيأثر علي الأوعية الدموية في القدمين
فببساطة بيخلي الدورة الدموية للقدمين سيئة ف بالتالي التئام أي جرح صعب
ويدخل مريض السكر بسهولة جدا في الدايرة المفرغة للقدم السكري واللي كتير من المرضي للأسف بيعانوا منها وممكن تنتهي لا قدر الله ببتر جزء من القدم
لو كل الدكاترة بتقولك بطل سجاير ف أنا بقول ل مريض السكر متقعدش مع حد بيشرب سجاير مش بس تبطل
صحتك أهم ب كتير
ودمتم بصحة وعافية 💖💖💖

05/06/2022

….. سكر الحمل …..
أكتر سؤال بتسأله مريضة سكر الحمل يعني أنا كده بقيت مريضة سكر خلاص ؟
شوفي يا ستي
في حالات بيختفي فيها سكرالحمل بعد الولادة وحالات تانيه بيستمر
كل مريضة سكر حمل لازم تتابع السكر بعد الولادة ولمده مش أقل من ٣ -٦ شهور علشان نقدر نحدد
لكن في العموم كده
اللي بيظهر عندها السكر من الشهر الأول وبيكون السكر التراكمي من البداية عالي ده غاليا هتبقي مريضة سكر
لكن لو ظهر السكر في الشهور الاخبرة وكان التراكمي بتاعها مش عالي اوي بيبقي في احتمال كبير يختفي السكر بعد الولادة

23/03/2022

امتي آخد حباية الغدة في رمضان ؟؟؟؟
سؤال متكرر ل مريض خمول الغدة الدرقية
حباية الغدة لازم تتاخد علي معدة فاضية وتقعد بعدها ساعة علي الاقل قبل ما تاكل علشان امتصاصها يكون مظبوط وده بيخلي الموقف مع الصيام صعب
بنقول ل مريض الغدة عندك اختيار من تلاتة
١ . تاخد الحبة بعد الفطار وتقعد ساعة وبعدين تاكل
٢ . تاخد الحبة بين الفطار والسحور بشرط متاكلش قبلها ب ٣ ساعات ومتاكلش بعدها ب ساعة
٣. تاخد الحبة قبل الفحر مباشرة وتبدأ الصيام بشرط تكون أخر وجبة اكلتها مر عليها ٣ ساعات
وكل سنة والجميع بخير وصحة يارب ☺️☺️

09/03/2022

قست السكر لقيته ٤٠٠
ومن ساعتها مش باكل غير شوربة خضار
ف لقيت نفسي هفتان ودايخ قمت رجعت آكل تاني ف لقيته
بقي ٤٠٠ 😦😦
الحوار ده سمعته من مرضي كتييييير
هو مفيش وسط يا جماعة!!!
مريض السكر مش محتاج يجوع ويمنع كل أنواع الأكل ومينفعش برده يحط ٣ معالق سكر علي الشاي ويشرب ٤ شاي في اليوم غير البيبسي والفاكهة والعصير
مريض السكر محتاج ياكل أكل متوازن ويلتزم بالدوا
ويمنع السكريات اللي ملهاش لازمة
بس كده
سهلة والله 😍😍😍