20/07/2025
طيب جايه اقول كلمتين مهمين جدا واللي حابب ينتقدني مفيش مشكله
في بنوته اسمها علياء طالعه ترند اليومين دول معلش بس كدا ايه الهجوم وكمية الشتايم وكمية التريقه والتنمر اللي عليها دي منكرش أن اول فيديو شوفته ليها ظهرلي استغربت هي بتعمل كدا ليه ممكن استنكرت الطريقه بتاعتها بس مكنتش اعرف قصيتها كنت فاكرها واحده هايفه بمعنى اصح طالعه تعمل كدا عشان ريتش وقرف هتقولولي طب ماهي بتعمل كدا عشان ريتش فعلا وتطلع ترند اوك معاكم بس خلاص كفايه تنمر كفايه تريقه ع شكلها وأسلوبها كفايه دي بشر مهما كان ظروفها صعبه معندهاش ام ولا اب ولا عيله عايشه لوحدها بتحاول مع الدنيا لوحدها متربيه ع الشحاته فا كبرت عليها حتى مشغلتش دماغها أنها ممكن تشتغل وتجيب القرش لنفسها بطريقه افضل من كدا ودا مش ذنبها دا ذنب الي ربها وعلمها كدا ولمه طلعت الدنيا محدش وجهها صح ولمه طلعت ترند وهي بتغني قمرون مفيش راااااجل دكر عنده شهامه ورجوله ومقتدر كلمها وقالها تعالي أنا هشغلك وبلاش السكه دي لكن الكل حب يطلع ع قفها ترند ونزل وشير وعلموها اللايفات بتاعت التيك توك وعلموها يعني ايه ترند وقرف بدل ما يحتضنوها ويشغلوها ويحاولو يقفو جمبها ويعرفوها ازاي تجيب القرش بالحلال حتى لو كانت هتمسح في مكان بس اسمها شغاله مش بتمد ايديها لاي مخلوق وبتتنمرو ع شكلها ليه هي خلقة ربنا وحشه؟
اتقوا الله انتو متعرفوش الكلمه الي بتخرج منكم ممكن تأذي ازاي ممكن كلمه منك او منها توصلها للموت عشان دي انسانه وعندها احساس وبتحس وقلب بيحزن وبيفرح مش عجباك أو شايف انها مينفعش تبقى ع السوشيال ميديا متتفرجش اعمل بلوك أو اعمل اسكرول وخلاص لكن متأذيش وارجو أن حد يحتضن البنت دي ويبعدها عن السكه دي تماما ويفهمها الدنيا صح
{واتقوا يوماً ترجعون فيه إلي الله }
