Esraa Mo'men إسراء مؤمن

04/09/2025

"هدنة" بودكاست مجاني على قناة التيليجرام 🌸
#هدنة

05/07/2025

30/06/2025

"زي ما الست محتاجة تحس بالأمان الرجل كمان محتاج يحس بالتقدير "

👆 الجملة دي قديمة اوي وكلنا عارفينها ...
بس اللى مش كلنا عارفينه هو ايه سبب احتياج الست للأمان و ليه الرجل محتاج للتقدير.. 😎

صدقوني لو عرفنا الأسباب الحقيقية ورا الإحتياجات هنبطل نحتاج من بره حاجة لأننا هنكون تمام من جوة...

💜والمقصد هنا ب" جوه" يعني الطاقة (الذكورية والأنثوية) جوانا..
💖والإحتياج شئ أساسي في حياتنا وطبيعة نفسية لينا ، لكن اللى مش طبيعي احتياجتنا تكون غير متزنه واضطرابنا ده يكون بيتحكم في قرارنا وسلوكنا بشكل مش بيخدمنا او بيدعم أهدافنا في الحياة...

👈 وعليه ايه رأيك نسيبنا من الذكر والأنثى كأنواع ونركز عليهم كطاقة...

انتي لو محتاجة الأمان من الراجل يبقى انتي مش حاسة بالأمان تجاه طاقتك الأنثوية اللي جواكي..

👈💔و ده بيسبب مشاكل زي :
✴️ الخوف من العلاقات.
✴️ البعد عن التفاعلات او الهروب من التواصل بعمق مع الآخريين.
✴️السلوك : عدم القدرة على المواجهة في المشاكل مع الآخريين وبالتالي الهروب من العلاقات وانهاءها بدلا من إيجاد حلول حقيقية لتطوير العلاقة.

وانت لو لسه محتاج تقدير من الست بره، يبقى انت مش مقدر الطاقة الذكورية جواك ...

👈😎 و ده بيسبب مشاكل زي :
❗الخوف من المسؤلية و الهروب من المواقف اللى بتحتم عليك تتصرف او تاخد قرار.
❗ الخوف من الفشل او التعرض للهجوم و ده بيخليك ترفض المناقشة في اى موضوع فيه خلاف او اختلاف في وجهات النظر.
❗السلوك : بتدخل علاقات سطحية و تنهيها وقت الجد.

⁉️ طيب لو حد فينا حس ان عنده مشكلة من لمشاكل دي يحلها ازاي ؟🤔

انا عارفة ان الكلام في الحلول مش سهل خاصة لو منغير خطوات عملية تطبيقية تقولكم تعملوا ايه و ازاى!!

فا المشاكل دي بنحلها خطوة خطوة بالتفاصيل في ملف "العلاقات إرتقاء"

واول خطوة هي اشتراكك في "أمسيات العلاقات" 😉💞

كل اللى عليكي دلوقتي تكتبيلي في التعليقات مهتمة وهيتم التواصل معاكي بتفاصيل الحجز والإشتراك 💖

29/06/2025

"كنت متوقعة بعد الجلسات علاقتي بربنا هتتصلح"

✴️ من أهم العلاقات اللى كلنا بنسعى دايما انها تكون احسن واقوى واقرب هي علاقتنا بربنا ...

وبالأخص عميلاتي دايما بيهتموا بالجانب ده في شغلنا مع بعض 🌿🌻

⁉️ من ضمن الاسئلة اللى جاتلي بعد إنهاء باكدج جلسات one to one
"إسراء انا كنت فاكرة اول ما نخلص هعرف اتواصل مع ربنا وهقرأ القرآن بشكل مختلف بس ما حصلش"

و ده سؤال كتير مننا ممكن يسأله ، لأن الطبيعي لما نشتغل على نفسنا وعلى علاقتنا بذاتنا بالتبعية علاقتنا بربنا بتطور للأفضل...

المشكلة اللي بتحصل لمعظمنا في العلاقات هي "التوقعات"...

⛔ كتير مننا للأسف بيحط اهداف العلاقة في شكل توقعات ويبقى منتظر انها تحصل ببساطة.

⛔ بنحط التوقعات كسبيل لإرضاءنا في العلاقة وبنعتبر ان الطرف التاني مفروض عليه تنفيذ توقعاتنا عشان ده دليل على اهتمامه بينا وبالعلاقة.

⛔ بعض مننا بيعتبر ان التوقعات هي وسيلة من وسائل جذب الشريك المناسب او الحصول على العلاقة المرغوب فيها.

وللأسف كل الطرق دي تعتبر من المشاكل اللى بتؤدي لفشل العلاقات في الأساس 😎💔

لكن عشان نقدر نستفيد من التوقعات دي ونحولها لسبب نبني من خلاله علاقتنا الجاية ويعرفنا أكتر عن نفسنا وعن احتياجاتنا مهم تحضري "أمسيات العلاقات"
واللى تعتبر خطوة مهمة في وعيك بالعلاقات..
👈 وبتعرفي فيها العلاقات بتتبني على ايه ؟
👈 وكمان بتنتهي ليه ؟

وحاليا متاح الإشتراك في "أمسيات العلاقات" بعرض خاص و لفترة محدوده 🌹🌿

ابعتيلي مهتمة وهبعتلك التفاصيل 🌸💞

27/06/2025

" العلاقة انتهت"
إمتى تقولي الجملة دي على علاقة انتي فيها وامتى تعرفي ان العلاقة ما انتهتش فعليا رغم ان بالمنطق والواقع والسلوك بيقولوا انها انتهت؟!!

العلاقة الطبيعية بتمر بعدة مراحل..

المرحلة الأولى (الإقبال والتعرف).
المرحلة الثانية (الإختيار ثم قرار).
المرحلة الثالثة ( بناء العلاقة).
٠المرحلة الرابعة (الصراع والمواجهة).
المرحلة الخامسة (تحدي معرفة الحقيقة)
المرحلة السادسة (الإستمرار والنهاية)
المرحلة السابعة (التطور والتغيير)

وكل مرحلة من دول جواها مراحل تاني ، فا تخيلي انتي تدخلى المرحلة الاولى وتخلصي وتنطي على المرحلة رقم 6

او تلاقي نفسك معديه على 3 مراحل من ال 7 وفيه مراحل وقعت منك 🤷

عشان تعرفي أكتر عن المراحل وسماتها بالتفصيل انضمي لجروب
"العلاقات إرتقاء"

و شاركيني في التعليقات من خلال ال 7 مراحل ...
انهي مرحلة بتمري بيها في كل العلاقات؟
وايه المرحلة اللى ماكنتيش تعرفي انها موجوده ويمكن عمرك ما مريتي بيها؟

23/06/2025

في البوست اللى فات طلبت منكم نتخلى عن 👇
👈 بذل الجهد..
👈المحاولة في التغيير..
👈المعافرة عشان نوصل لصورة مثالية تحسسنا "بالرضا" عن العلاقة ..

وسألتكم تفتكروا ممكن نحط مكانهم ايه ؟!

ودلوقتي انا هوضحلكم 3 حاجات مهمين لو تمسكنا بيهم علاقتنا هتختلف تماما...
1️⃣ الود رغم الأذى.
2️⃣ الرحمة رغم القسوة.
3️⃣ الفرصة رغم الجهل.

وعشان تعرفي قصدي وتفهمي وجهة نظري صح بدعوكي للإنضمام لجروب "العلاقات إرتقاء" في التيليجرام..

لو لسه مادخلتيش الجروب اكتبي في التعليقات "العلاقات إرتقاء" وهيتم التواصل معاكي بالتفاصيل 🌸💫

21/06/2025

"بصراحة كده انا حاسة اني عايزة اتجوز من الأول 😅"

دي الجملة اللى طلعت من عميلة واحنا بنتكلم عن أسس بناء "العلاقة الزوجية"..

انا عملت المقياس واتكلمنا عن احنا فين وهنروح فين ونروح ازاى وهى ختمت كلامها بالجملة دي...

والحقيقة عميلتي عندها حق وانتي كمان لو حضرتي ورشة عمل" لتسكنوا إليها المستوى الأول" هتقولى أكتر من كده..

سيبنا من وجهة نظر العميلة وخلوني اديلكم الزتونه من وجهة نظر المختص 🤩✋

اللى معظمنا بيعمله وينفذه ويعيش عشان يحققه في العلاقة الزوجية، هو البحث والمحاولة وبذل المجهود من أجل التحسين اللى بالمناسبة بنحطله شرط سواء واعيين او لأ هو #التغيير

طبعا التغيير موجود ولكن كنتيجة نتعامل مع معطياتها مش كهدف نعيش العلاقة عشان نحققة...

طيب تخيلوا لو تخلينا عن 👇
👈 بذل الجهد..
👈المحاولة في التغيير..
👈المعافرة عشان نوصل لصورة مثالية تحسسنا "بالرضا" عن العلاقة ..

تفتكروا لو هنتخلى عن ال 3 دول وانا عارفه انه صعب وبمثابة عملية انتح.. ارية.. ولكن يا ستي تخيلي معايا وخديني على قد عقلي وقوليلي هنحط مكانهم ايه ؟؟

20/06/2025

"العلاقات بتتبني وتتأسس على الثقة و الأمان و الصدق"

و عشان تلاقيهم في العلاقة مش هيكونوا موجودين في المرحلة الأولى أبدا..

ولكن بيبدأ يظهرلهم بشاير كده من بعيد في النص التاني من المرحلة الثانية في العلاقات..

فا لو انتي دخلتى العلاقة ولقيتي نفسك واثقة اوى..
حاسة بأمان جدا..
والشخص اللى معاكي واضح وضوح over..

اتأكدي ان فيه حاجة غلط..

وانا هنا بتكلم عن حدوث ال 3 مجتمعين، و حاجة غلط هنا مش مقصود بيها ابدا في الطرف التاني، انا أقصد عندك انتي 😅

👀خوفتكم 👀!!

اطمنكم بقى 😂

العلاقة الطبيعية السوية اللى بتبدأ بداية متزنة من اهم سماتها ؟!

1️⃣ تثير جواكي بعض المخاوف الطبيعية والصحية .

2️⃣ بتكوني فيها بين أحوال انك متطمنه ومستغربه و خايفة ومش عارفة تحددي مشاعرك.

3️⃣بتكوني مرتاحة.

4️⃣ بتتخيلي ان العلاقة بتكمل وتبني أحلام وفي المقابل بتتخيلي ان العلاقة مش هتكمل ويا ترى هيحصل ايه ؟!

5️⃣ بتبدئي تنظري في شخصية الطرف الآخر و تعمليلها زي تحليل كده وتطابقي بين سماتك وسماته ، ويظهرلك أفكار تطوري بيها من نفسك عشان تتواصلي أكتر بسمات أخرى عنده انتي معتبرها مميزات.

عايزة تعرفي العلاقات بتنتهي ليه ؟!

الاجابة في جروب
انضمي لينا الآن 🌹💖
سيبيلي تعليق وهبعتلك اللينك 🤩😉

18/06/2025

🤩 في البوست اللى فات اتكلمت معاكم عن المرحلة الأولى في العلاقات، و جه وقت اشرحلكم بالتفاصيل المرحلة الثانية (البناء او التخلي)..

في المرحلة دى بنكون اختارنا بناء على المرحلة الأولى، العلاقة دي هتستمر ولا لأ

👈لو لأ فا فيه اصول نتخلى بيها عن العلاقة ومن ضمنها (الإستعداد - الصدق - المواجهة - الإتصال - الإنفصال)..

👈اما لو الإختيار إننا هنكمل يبقى هندخل في (البناء)..

✅عشان العلاقة تتبني محتاجين ( مساحة آمنة - صدق - استعداد للتجربة - قوة لمواجهة التحديات - شجاعة لمواكبة التطورات - مرونة للتغيير)..

طيب ده يعني ايه بقى؟

ده اللى هوضحه اكتر في جروب "العلاقات إرتقاء"

ولحد ما اقابلك هناك عايزة اعرف منك في التعليقات 👇

🌸 كم علاقة اختارتي فيها التخلي؟ و كام منهم ناهيتي العلاقة بالأصول ؟!

🌸 كم علاقة قررتي فيها الإستمرار، وانتي معاكي أدوات مرحلة "البناء" ؟!

16/06/2025

"كنت حاسة بتميزي و متحمسة اكون انا واكون حقيقتى في العلاقة لحد ما للأسف انتهت نهاية غير متوقعة و دلوقتي حاسة بالإحباط" 😕

دي جملة قالتهالي عميلتي في اول جلسة من جلسات "العلاقات إرتقاء" 👉

عارفين مشكلتها كانت فين ؟!
المشكلة هنا مش فبيها ولا في خطواتها ولا كمان في الشعور(الإحباط)..

المشكلة الحقيقية كانت في التوقعات 🔍🙆

اكبر مسببات فشل العلاقات هى #التوقعات

العلاقة في اولها بتعتمد على (الإستكشاف والإستقبال) وبعدها بتحتاج مننا (إنصات لصوتنا الداخلي) وبعدين بتيجى اهم مرحلة وهى(الإختيار)
و دى 👆كانت المرحلة الأولى في العلاقات 😉

اما المرحلة الثانية هى مرحلة (البناء او التخلي) و دى هتكلم عنها بالتفصيل في البوست الجاي 🤩

وعشان تعرفي معلومات اكتر عن العلاقات سيبيلي "العلاقات إرتقاء" في التعليقات عشان اضيفك على الجروب المجاني 🌸💖

14/06/2025

" للاسف حاسة ان فيه حاجة ناقصة" 😔

من أهم المشكلات اللى بتواجه الأنثى في العلاقات وخاصة العلاقة العاطفية ، انها دايما بتحاول تكتمل وتعمل كل اللى عليها قبل الزواج عشان تحصل على علاقة مناسبة.. مريحة.. ناجحة.. مميزة.. 💖💫

الخطوات دى زى ايه؟؟

انها 🤩
1️⃣ تتعالج وتحرر صدمات ومعتقدات عن الزواج التقليدي سواء الخاصة بطفولتها او بعلاقة زواج الوالدين او اللى اتبنت على معتقدات وثقافة المجتمع .
2️⃣ بتاخد كورسات وتدخل ورش عمل وتطور وعيها بالزواج وبالعلاقة .
3️⃣ بتمر بخطوات الإستعداد للزواج وتتممها كلها .

ومع ذلك احتمال تحس ان لسه فيه حاجة ناقصة.. وتشك ان العيب فيها طالما الشخص المناسب ليها لسه ماظهرش في حياتها ، او ان العلاقة اللى بتحلم بيها وبتتتمناها لسه ما حصلتش واتجسدت في الواقع بتاعها 😞

✋ لو انتي واحدة من الإناث دي، اكتبيلي في التعليقات "حاجة ناقصة" وهبعتلك لينك الجروب المجاني اللى من خلال وجودك فيه هتفهمي وتعرفي ده بيحصل ليه؟! ومطلوب منك تعملي ايه 😉

09/04/2025

🌱 مفتقده الشعور بالسلام !

شاركيني وجهة نظرك في التعليقات 😉