Maaly ahmed

30/03/2026

معلومه سريعه❤️❤️

قبل الذهاب لتشخيص أطفالكم بـ ADHD✋️

الخطوة الأولى والأهم هي التأكد من سلامتهم العضوية.✋️

لان ​الأعراض النفسيه و السلوكية (مثل تشتت الانتباه والنشاط الزائد....العصبيه ...تقلب المزاج.... وسوء التركيز والبطيء.... مع التأثير المباشر ع السلوك ) ممكن تكون اسبابها عضويه وليست عصبيه✋

️ أو ممكن تبقي مصاحبة ل ADHD ومزوده شدة الاعراض ع الطفل وتؤثر سلبا ع اي تدخل سلوكي او دوائي✋️

️ملحوظه
ممكن يبقي ADHD ومعاه مشاكل عضويه عادي
لكن الفكره هنا 👇
ان لازم نتأكد الأول هل في مشاكل عضويه ولا لاء✋️

ولو في وتم معالجتها هل الاعراض لسه مستمره بعد معالجة الاسباب العضويه دي ولا لاء ... ساعتها نكمل رحلة التشخيص بشكل سليم ووافي ✋️

الاسباب العضويه دي زي 👇
نقص الفيتامينات والمعادن
خاصة الحديد. ماغنسيوم، فيتامين D، B12، والزنك، لان نقصهم بيسبب تشتت وضعف تركيز وضبابيه وعصبيه واعراض شبيه بأعراض الـ ADHD.جدا

كمان ​مشاكل الجهاز الهضمي والتهابات الأمعاء
والطفيليات ال بتسبب محور الامعاء _ الدماغ👈 وال بتعمل ضبابية ذهنية وسوء امتصاص للمواد الغذائية وتسريب فالمخ بيلتهب
فيأثر بشكل مباشر على وظائف الدماغ والسلوك✋️

كمان مننساش فحص اضطرابات الغدة الدرقية.لانه شبيه برضو ف اعراضه بالADHD جدا ✋️✋

ف​ماتبدأوش برحلة تشخيص ال ADHD قبل ماتستبعدو المسببات العضوية لان ممكن جدا يكون الاعراض سببها عضوي ويتم تشخيص طفلك بسبب عصبي بشكل خاطيء
​ ✍️✍️✍️

18/03/2026

جالي سؤال
ايه هيا الوظايف التنفيذيه 🤔
ع جروب اهالي ال ADHD عندي ع الواتس

الوظائف التنفيذية حوالي ١٠–١١ مهارة… لكن أهم الأعمدة الأساسية منها خمس مهارات
ذاكره عامله. تخطيط. كف سلوكي . بدء المهمه . والمثابره

الخمس وظايف دول مع طفل ال adhd👈 بتكون مجهدة ذهنيا لأن دماغهم بيضطر لمعالجة كل خطوة بشكل واعي ومنفصل في كل مره بيعمل نفس المهمه علي عكس طفل مش adhd✋️

هديكم مثال تفهموني بيه ✍️✍️

ابسط شيء هو مهمة غسل الايدين
يبان شيء عادي جدا .. لكن لما تحللها هاتفهم انها معقده جدا

أم طلبت من ابنها ال بيلعب يغسل ايده عشان يأكل 👀

دماغ الطفل ال ماعندوش ADHD
بيعمل كذا خطوة بسرعة جدا
تقريبا في ثواني👇

أولا التخطيط فاول لحظه👇
الطفل بيفهم المطلوب فورا ...لازم أروح الحمام
وأغسل إيدي.

ثاني شيء بدء المهمة ف اللحظه الثانيه 👇
يوقف اللعب فورا ويروح الحمام بدون ما يقول استني شوية أخلص لان الدماغ صرفتله شوية دوبامين تخليه يبدأ

ثالثهم هو كف الاندفاع ف اللحظه الثالثه👇
لما يوصل للحمام ما يفتحش الميه بسرعة وخلاص
لاء… يضبط حرارة الميه الأول عشان تبقى مناسبة

اللحظة الرابعه تيجي وهو بيستخدم الذاكرة العاملة طول الوقت من اول مهاره لاخر مهاره
الطفل بيفتكر خطوات اداء المهمه
ويعملها معالجه من أول فتح المايه...لصابون....لفرك
الأيد....بعدين شطفها وتنشيفها👌

اللحظة الاخيره بيجي فيها الوظيفه الخامسه المثابره
ال هيا التنفيذ ..ينفذ بدون مماطله وبدون مايندفع ولا ينسي خطوه وكمان يستمر للنهايه👌

كل العمليه دي تمت ف ٥ ثواني بس وبسبب التكرار اصبحت محفوظة بدون ما الطفل يتذكر بصعوبة او يتشتت.✋️

لأن الطفل عمل دا الاف المرات.بشكل منظم وثابت وبدون تشتت او عشوائيه فالدماغ حفظتها تلقائيا خلاص

تعالو بقي لطفل ADHD
الأم تقول روح اغسل إديك👇

ال بيحصل ان الطفل بيقول تمام
لكن الدماغ مش بتخطط بشكل واضح
الطفل بيقول لنفسه . اغسل ايدي فين .. الحمام. فين الحمام؟ طب فيه مايه.. طب في سخن وساقع..طب ايه الخطوات. أنا نسيت طب ينفع اغسلها بالمطبخ🫢

فاللحظة الثانية تبدأ وبدأ المهمه ال هيا الوظيفه التانيه عطلانه
لأن المخ ما طلعش دوبامين كفاية يقوله يلا ابدأ دلوقتي.بسبب ضبابية التخطيط✋️ .
.١٥دقيقة بتمر والطفل بيماطل🙄

تيجي اللحظة الثالثة بعد 15 دقيقة
الطفل أخيرا بيروح طب ليه ؟
لان الأم جابت اخرها وقالت
بصوت عالي الآن تروح الحمام🙄

الطفل أخيرا وصل الحمام

في الحمام يظهر ضعف الوظيفه الثالثه ال هيا كف الاندفاع
الطفل بيفتح المايه وبدون تفكير وبدون ما يختبر درجة الحرارة. فبيلاقيها سخنه جدا 🥵

يقول يوووه سخنه ويسحب إديه بسرعة.
فيبدأ يتشتت فيبص ميلاقيش الصابونه ف مكانها ف الجهه اليمين فيبدأ يتحرك بشكل عشوائي في الحمام يفتح درج يدور فين الصابون يتلفت حواليه
المهم يكتشف انها قدامه بس علي الجهه الشمال💤

تيجي بقي👇
اللحظة الرابعة الطفل بيبص للصابونه وبيقول نسيت الخطوات هغسل ايدي بالمايه الاول ولا بالصابونه الاول

خلاص هغسل بالصابونه
يفضل يفرك بدون نظام لانه تايه ومتشتت
وعشان ينهي التشتت دا والتعب النفسي ال حس بيه
بسبب عجزه عن التركيز
يبدأ يقول خلاص..خلصت
الأم تقول ليه
لاء لسه ما خلصتش افرك أكثر😕

الطفل بيقولها أنا فركت وغسلت خلاص
ويبدأ يتعصب
الام تقوله مغسلتش بين صوابعك

تيجي هنا الوظيفه الاخيره (المثابرة)👇
الطفل يقول خلاص بقي خلصت دا ممل جدا
ويقوم شاطف ايده من الصابون بسرعه
ويخرج جري بدون ماينشف✋️

وف الاخر امر بسيط خالص زي غسل الايدين استهلك تقريبا نص ساعه عشان يتعمل وكمان ماتعملش كامل ولا بالطريقه الصح✋️
والطفل حس بالعجز واصبح عايز يرجع يحس بالهدوء والسعاده تاني عايز دوبامين فبيجري ع اللعب ...والام حاسه انه بيعاند ومش هامه غير اللعب بس ❤️

هو دا ضعف الوظايف التنفيذيه عند طفلك ال انت مش حاسسها 🥺

هيا دي معاناته اليوميه ال بيخوضها يوميا في كل مهمه صغيره او كبيره بيشوفها جبل كبير قدامه وبتستهلك كل طاقته التنفيذيه🥺✋️

عشان كدا بتظهر تصرفات المماطله . التسويف. النسيان. التشتت .الكسل . العناد. الهروب. الجدال ✋️

والحل هنا مش إننا نزق الطفل أو نضغط عليه…
الحل إننا نساعد دماغه بتنظيم الخطوات... وتبسيط المهمة وإضافة حافز بشكل مرتب ومنظم وبدون ضغط نفسي لحد ماتصبح عاده من عاداته👌

ماتنساش الايك دليل ع مرورك الكريم🩵💙

✍️✍️

15/03/2026

معلومة عالسريع❤️❤️

أطفال كتير عندهم Adhd لما بيتنقلوا من نشاط لنشاط بيظهر عليهم مقاومه شديده وانفعال قوي جدا وتلاقيهم فجأة بيصرخوا أو يعيطوا أو يرمو نفسهم على الأرض.

ناس كتير بتشوف ده دلع أو عناد... لكن الحقيقة إنه أزمه في المرونه المعرفيه…✋️ بتسبب ان العقل عندهم هنج وتعب ومش عارف يعمل ريستارت

ودي حاجة الطفل مش بيختارها... ده جزء من طريقة تشغيل دماغه.
طيب جالي سؤال ع الخاص… فين الحل؟

الحل إننا ندربه على المرونه دي لحد ما يكتسبها ومقاومته للتغيير تقل بالتدريج.✋️

اولا
نبدأ من بدري، من وهو عنده ٤ سنين نعلمه المرونه من خلال اللعب.
يعني إيه؟🤔
يعني نلعب معاه ألعاب أدوار.. ونخليه ينتقل من شخصيه لشخصيه، ونبدل في قواعد اللعب وهو يتقبل دا .
زي مره يبقى هو الشرطي، ومره السارق ومره يبقى المريض. ومره الدكتور وهكذا.
الهدف هنا إننا ندرب دماغه على تقبل التغيير وتعلم التبديل بين الحالات..👌

ثانيا التمهيد وبناء جسر المرونه
مثال بسيط عشان نفهم قصدي👇
لو الطفل مشغول بالموبايل، نقوله
في الساعة ٥ عندك حاجات لازم تعملها..والساعة دلوقتي ٥ إلا ٥… يعني معاك ٥ دقايق وتقفل الموبايل كدا مهدنا للمخ وانذرناه ..فبدأ يتهيأ ويتجهز👀

بعد كدا لما تخلص الـ٥ دقايق ما نروحش نشد الموبايل فجأة… لأ نقوله
هعد لحد ٣ ونقفل الموبايل… ١، ٢، ٣
ليه عملنا كده ..عملنا كدا عشان نوصل ل تهيئة كامله للمخ عشان يعرف ينط من مود اللعب لمود المسؤوليه👍

بعدها نيجي لـ مرحلة الانتقال نفسها،ودي اهم نقطه هتريحنا من مقاومه كبيره

ودي لازم تكون على شقين
• الشق الأول: نطلب منه يعمل حاجة بسيطه زي انه يشرب شوية ميه او ياكل حاجة صغيره او يجري أو يقفز كام قفزه كأننا بنعمل جسر مريح ينقله من مهمه لمهمه🫴

• الشق التاني: نبدأ المذاكرة بالجزء اللي بيحبه او الماده ال بيحبها
مش منطقي نبدأ معاه بحاجه هو أصلا بيكرهها، لإن كده هنرجع خطوات لورا✋️

بعد ما الطفل ينجح في الانتقال حتى لو بنسبة بسيطه ييجي جزء التثبيت السلوكي
يعني كل مرة المقاومة بتقل… لازم نعزز فورا
مش لازم بجايزه ممكن بكلمه حلوه حضن او ملصق نجوم او نقاط هتتجمع.. أو حتى برافو أنا فخور بيك🩵💜

بس الأهم ممنوع تماما أي أسلوب عنيف
لأن العنف بيهدم المرونة، مش بيبنيها

ملحوظه اولي ..👇
المرونه بتفضل تطور لحد سن ٢٥ سنه تقريبا ✋️

فمن ٣ ل ٧ سنوات دا افضل وقت نبدأ بتبادر الادوار لان اللعب التخيلي عندهم بيكون ع اعلي مستوي👌

من ٧ ل١٢ هندرب ع التفاوض المسبق. ومعاهم الخطوه الثانيه ال هيا التمهيد.. جسر المرونة.. والبدء بالمادة المحببة
لانهم بيحتاجو المنطق اكتر👌

من ١٣ سنه لفوق
​بدل ألعاب الأدوار هنستخدم ألعاب الفيديو الاستراتيجية أو الرياضة اللي فيها تغيير خطط سريع
و​بدل العد (١، ٢، ٣) هنستخدم العقود السلوكيه أو تطبيقات إدارة الوقت على الموبايل عشان يحس باستقلاليته.
مع التفاوض المسبق 👌

ملحوظه تانيه
المرونة مش هتيجي في يوم وليله
بس لو دربناه هنوصل اكيد ان يكتسب المرونه المعرفيه ال هتساعده بعد كدا ف حياته الجايه ان شاءالله ❤️

ماتنساش الايك دليل ع مرورك الكريم ❤️
✍️✍️

13/03/2026

هقولكم سر صغير…🫢
✨
النهارده هينزل ملفين مهمين جدًا:
• ملف نمائي كامل تم تطبيقه بنجاح بفضل الله – ذكاة علم
• ملف شامل عن طيف التوحد الشديد – ذكاة عن أبويا وأختي الله يرحمهم

و
تقريبًا كل مشكلة سلوكية بتوصلني في الرسائل
(اندفاعية – خناقات إخوات – تشتت انتباه – عناد شديد – مشاكل المذاكرة – وخطة للمذاكرة للأعمار من ٤ إلى ١٥ سنة)

بيكون عندي لها ملف كامل وخطة علاجية تمشي معاكم خطوة بخطوة.👌

وكمان فيه شيتات تدريب جاهزة على:
• الانتباه
• التركيز
• الإدراك
• وحاجات تانية كتير

وكمان شيتات تأسيس وصعوبات تعلم.✋️

لكن المفاجأة إن الملفات دي مش هنا…
هي كلها على التليجرام.✍️

📂 على التليجرام هتلاقوا:
• ملفات كاملة عن الاندفاعية وإدارة السلوك
• حلول عملية لـ مشاكل الإخوات والغيرة بينهم
• ملفات متخصصة عن ODD اضطراب التحدي المعارض
• شرح وتدريبات لـ ADHD تشتت الانتباه وفرط الحركة

🧠 وكمان:
• ملفات المشاكل الحسية
• شيتات وتمارين انتباه وتركيز جاهزة للطباعة والاستخدام مع الأطفال
• شيتات تأسيس وصعوبات تعلم



لو حابين كل الملفات دي
اكتبوا في التعليقات و اذكرو الله بذكر او استغفار
يكون شيء نؤجر عليه سوا امام الله🤲
وساعتها هفهم إنكم عايزين لينك التليجرام
وأنا هبعته لكم.

ومتنسوش ❤️
اللايك والشير عشان يوصل لناس محتاجة فعلًا.

✍️

07/03/2026

قصه قصيره للاadhd

07/03/2026

امبارح اتكلمنا عن الكونسرتا وطريقة العمل بتاعته

تعالو نتكلم انهاردا عن دواء الاستراتيرا ال هو الاتوموكستين لأطفال ADHD (اضطراب تشتت الانتباه وفرط الحركة)
ونفهم بيشتغل إزاي في المخ 👇

شايفين الصورة ال امامكم دي هيا شرحالكم كل حاجه😁

هشرح ليكم كتابه برضو ❤️
هو زي الكونسرتا
الخليه الاولي عليها مادة النورأدرينالين
وشايفين الخلية التانية ال عليها المستقبلات؟
دي المكان اللي الرسالة العصبية بتوصل له.

وبرضو في حاجة اسمها
Transporter 👇

وده البروتين الناقل لمادة النورأدرينالين
اللي بيرجعه تاني للخلية الأولى بعد ما الرسالة توصل ✋️

تعالو نتخيل المشهد مع بعض 👌

في المخ فيه خلايا عصبية بتتكلم مع بعض طول الوقت.

بين كل خليتين في مسافة صغيرة جدا اسمها الفراغ العصبي
وده المكان اللي بتتنقل فيه الرسائل العصبية.👌

الخلية الأولى تبعت رسالة
عن طريق مادة اسمها النورأدرينالين.

مادة النورأدرينالين 👇
له دور مهم جدا في تنظيم حاجات كتير زي
الانتباه والتركيز
اليقظة والانتباه للمحيط
تنظيم الطاقة الذهنية
التحكم في الاندفاع
القدرة على الاستمرار في المهمة
تنظيم الاستجابة للضغوط

في الوضع الطبيعي 🙄

الخلية الأولى تطلع النورأدرينالين
يروح للخلية التانية
يمسك في المستقبلات شوية
فتوصل الرسالة العصبية بشكل واضح.

الرساله دي هيا طريقة المخ ال بيشتغل بيها وبيشغل بيها
الوظايف العصبيه عنده ✋️

وبعد كده يرجع جزء من
النورأدرينالين تاني للخلية الأولى
عن طريق البروتين الناقل.

دا العادي✋️
---

لكن عند أطفال ADHD

بيكون النظام المسؤول عن النورأدرينالين مش شغال بالكفاءة المطلوبة بسبب الناقل العصبي بيسحبهم بسرعه

فالإشارة العصبية بتبقى ضعيفة والرساله متداخله وغير مستقره هنا
الطفل بيلاقي صعوبة في👇
أن يثبت انتباهه....ويكمل المهمة للنهاية...وينظم نفسه
ويفكر قبل ما يتصرف.

هنا بييجي دور دواء الاستراتيرا 👌

الاستراتيرا اسمه العلمي
Atomoxetine)اتوموكستين
وال منه انواع كتير باسم مادته الفعاله بمصر

طيب بيعمل إيه؟ 👇

الاستراتيرا يمسك في البروتين ويكلبش برضو ف الناقل للنورأدرينالين
اللي اسمه
Norepinephrine Transporter

ويمنعه يسحب النورأدرينالين بسرعة من الفراغ العصبي ✋️

فإيه اللي يحصل؟

النورأدرينالين يفضل موجود وقت أطول بين الخليتين
فتزيد فرصته في الارتباط بالمستقبلات.

وبالتالي👇
تركيز النورأدرينالين يذيد
والإشارة العصبية تقوى
والرسالة توصل بشكل أوضح ومستقر
ويتحسن عمل القشرة الجبهية في المخ.

علشان كده مع الوقت بنلاحظ إن الطفل👇
يقدر يركز أكتر
يكمل المهمة للنهاية
ينظم نفسه بشكل أحسن
ويتحكم في اندفاعه شوية.

طيب ايه الفرق بين الاستراتيرا والكونسرتا؟ 🤔

الكونسرتا بيشتغل أساسا على الدوبامين
وبيمنع رجوعه بسرعة للخلية الأولى.

فالدوبامين يفضل في الفراغ العصبي فترة أطول
فتتحسن الإشارة العصبية بسرعة 👌

الدوبامين دا هو اللي بيخلي المخ يقول👇
يلا نبدأ… الحاجة دي تستاهل مجهود
ومن غيره بيحصل تسويف وملل سريع

علشان كده بنلاحظ إن تأثير الكونسرتا
بيظهر في نفس اليوم لانه بينشط النظام العصبي فورا👌

أما الاستراتيرا👇
بيشتغل أساسا على النورأدرينالين
ال بيعمل تنظيم تدريجي للنظام العصبي.
علي الهادي 🤌

النورأدرينالين دا هو اللي بيخلي المخ يقول
ركز… خليك ثابت في المهمة✋️
من غيره يحصل تشتت سريع
مع فقدان التركيز وصعوبة الاستمرار في المهمة.👌

علشان كده تأثيره
مش بيظهر في نفس اليوم
وغالبا بيحتاج أسابيع علشان يبدأ التحسن يظهر.فعليا ✋️

يعني باختصار 👌

الكونسرتا👇
يعمل بشكل أسرع في نفس اليوم
ويؤثر على الدوبامين بالاخص

أما الاستراتيرا👇
يعمل بشكل تدريجي وعلي الهادي
ويؤثر أساسا على النورأدرينالين.

لكن الاثنين هدفهم واحد✍️

تحسين كفاءة الإشارة العصبية المسؤولة عن الانتباه والتنظيم.

الأعراض الجانبيه للاستراتيرا
جفاف الفم نقص الشهية
الدوخة... الغثيان والإمساك ... الشعور بالتعب
امساك....انخفاض ضغط الدم...احتباس البول
تلف الكبد ف بعض الحالات
افكار انتحاريه ف بعض الحالات💔


لو عايزين تعرفو طريقة عمل الكونسرتا اضغط هنا 👇
https://www.facebook.com/share/p/1GZpVrQyaz/

لو حبيتو البوست
ما تنسوش اللايك والشير علشان يوصل لأكبر عدد من الأهالي ويعبرلي عن مروركم الكريم ❤️

✍️

07/03/2026

تعالو نتكلم عن دواء الكونسرتا لاطفال adhd (اضطراب تشتت الانتباه وفرط الحركه ) وهل هو خطر ام لاء ونفهم العمليه بتمشي ازي

شايفين اللون البرتقالي ال امامكم دا👇
دا هو الدوبامين ف الخلية الاولي
والخلية التانيه ال عليها دا باللون الاخضر هو المستقبلات

طيب شايفين كلمة ال Transporter👇
هو دا البروتين الناقل للدوبامين اللي بيرجعه للخلية الأولي يعتبر البوابه ال بتمر منها الدوبامين من والي ✋️

تعالو بقي معايا تخيلو إن في المخ فيه خلايا عصبية بتتكلم مع بعض.
بين كل خليتين في مساحة صغيرة جدا اسمها الفراغ العصبي ال بيتكلمو فيها الخليتين دول من خلال الرسايل👌

الخلية الأولى بتبعت رسالة للخلية التانية ال عليها المستقبلات عن طريق مادة اسمها الدوبامين.ال لونه برتقالي

الدوبامين ده مهم جداا لبعض الوظائف العصبية زي
الانتباه
الدافعية
التحكم في الاندفاع
التنظيم التنفيذي.
هيا ال بتشغلهم 👌

هنا الدوبامين بيطلع من الخلية الأولى، يروح للخلية التانية، يمسك في مستقبلاتها هناك فتره مناسبه قبل مايرجع تاني … وساعتها الرسالة توصل كويس.وتتقرأ كويس والدوبامين يشغل الوظايف كويس
دا العادي🙄

لكن في دماغ أطفال ADHD بيحصل إن الدوبامين بيرجع بسرعة قوي قبل ما الرسالة العصبيه تاخد وقتها الكافي

ودا لان الناقل بيسحبهم بسرعه من الفراغ العصبي بسبب خلل فيه

هنا كأن الرسالة اتبعتت واتسحبت ف ثواني بالتالي الدوبامين مقدرش يشغل الوظايف بشكل مستقر فالوظائف هنا بتضعف وكفاءتها بتقل وبتدخل ف بعضها 😫

هنا بييجي دور دواء الكونسرتا.👌

الكونسرتا ببساطة بيبطأ رجوع الدوبامين للخلية الأولى شوية.عن طريق انه يكلبش وبيمسك ف ال
Transporter
ال هو البروتين الناقل
ويمنعها تعمل شغلها فمش تسحب الدوبامين ال بالفراغ بين الخليتين ✋️
فالدوبامين يفضل موجود بين الخليتين ف الفراغ وقت أطول وبالتالي فرصته في الارتباط بالمستقبلات تزيد. فبتالي الاشاره العصبيه تقوي فالرسالة العصبية توصل بشكل أوضح.ومستقر اكتر👌

فالوظايف العصبيه ال بتعتمد ع الدوبامين تنشط ومن هنا بنقول انه منشط

لانه بينشط الوظايف العصبيه لما يحافظ ع استقرار الدوبامين ويمنع امتصاصه وتسريبه بسرعه فيذداد تركيزه ف الفراغ ✋️

علشان كده بنلاحظ إن الطفل
يقدر يركز أكتر
يسمع التعليمات بشكل أحسن
ويتحكم في اندفاعه شوية.
الدافعية والرغبة في الإنجاز بتتحسن✋️

كلامي دا عشان نفهم إن الكونسرتا
بينظم الدوبامين وبيخليه مستقر

مش بيزود الدوبامين ولا بيصنعه
ولا بيجبر الخلية على إنتاج دوبامين جديد
ولا بيدي المخ جرعات فجائيه
زي المنشطات بتاعة الادمان🥱

ومش بيغير شخصية الطفل
هو بس بينظم الإشارة العصبية شوية

فمش هيتلف الدماغ
ولا هيسبب ادمان
وتأثيره وقتي اليوم بيومه
سواء كتأثير او اعراض جانبيه
هو زي نظاره نظر لبستها شوفت
قلعتها رجعت زي مانت😎

وطبعًا الجرعة بيحددها الطبيب حسب احتياج كل طفل.
لان بيتحدد حسب الوزن والسن والشده والاهم هو استجابه الطفل

ملحوظه
ادوية ال adhd
هيا كونسرتا.. ريتالين . اتوموكستين(استراتيرا

اما ادوية اعراض الذهان زي ابيكسدون
وما يماثلها ليست من ادوية ال adhd

الدواء ليس هو العلاج فقط✋️
هو فقط يسمح للطفل لاكتساب المهارات
بشكل اكتر انتاجيه فلازم تدخل
نفسي سلوكي معرفي مع الرياضه
والاكل الصحي. والتفهم والدعم الكامل👌

الاعراض الجانبيه
الأعراض الشائعة الأخرى:
ألم البطن العلوي...نقص الشهية...الأرق واضطرابات النوم
الغثيان والقيء....الصداع....الدوخة ...قلق، فقدان وزن، مشاكل بصرية، عصبية، تنميل/تنغيز في الأصابع والتعرق. متلازمه رينود ...واحتمال زيادات متوسط النبض ومشاكل قلبيه ف بعض الحالات

عايزين تعرفو طريقة عمل الاستراتيرا ال
هو الاتوموكستين اضغط هنا 👇
https://www.facebook.com/share/p/1EGxHyZWdG/

وماتنسوش الايك والشير اشاره منك ليا ع مرورك الجميل
❤️
✍️

07/03/2026

كتير من الأمهات لما الدكتور يكتب لطفلهم
دواء زي الكونسرتا لل adhd
( اضطراب تشتت الانتباه وفرط الحركه
بيبقوا قلقانين جدا💔

اصله جدول
اصله منشط
ابني هايبقي مدمن😳

هل ادي ابني العلاج ولا كفايه العلاج السلوكي والرياضه
طيب🤔
خليني أبسط الصورة شوية ليكم✍️

هو لو الطفل عنده قصر نظر شديد تفتكري هل يكفي أن نطلب منه أن يجتهد أكثر في القراءة؟

أو أن نعمل معاه تمارين العين؟ طبعا لا✋️

هو محتاج نظارة (التي هي الدواء)
عشان يشوف الكلام بوضوح
وبعدين نبدأ نطلب منه يقرأ ويتعلم (العلاج السلوكي).👌

الدواء هو العدسة التي بتوضح الرؤية
والرياضة والعلاج السلوكي
هما العلم والمهارات ال بيكتسبها الطفل
بعد مابقي قادر يشوف بوضوح👌

ولو عايز تفهم الكونسرتا دواء ال adhd
بيشتغل ازاي ادخل علي اللينك
دا
https://www.facebook.com/share/p/1NinzqkpMm/

وماتنسوش الايك والشير اشاره منك ليا ع مرورك الجميل
❤️
✍️

22/02/2026

زمان كان بيعتقد إن انعزال طفل التوحد هو نوع من الذهان لأنه عايش في عالمه الخاص

وكان الأطباء النفسيين بيعتبروا التوحد عباره عن أعراض ذهانية ناتجة عن فصام مبكر

ولكن الذهان نادر جدا قبل ١٢ عام وبالغالب يظهر بالمراهقه

وبفضل علماء مثل اسبرجر تم التفرقه بينهم

12/02/2026

طفل ٨ سنوات معايا في جلسه تشخيص اون لاين

لاحظت ان بيحتاج اكرر السؤال اكتر من مره علي الرغم من ان في هدوء نسبي كبير اثناء الجلسه🤔

الام شكوتها اساسا ان ابني ما بيسمعش كلامي أبدا🙄
بيطلب دايما اكرر السؤال

والشكوى كانت كألاتي👇
-بأقول ليه تعال اغسل ايدك مش بيرد عليا
أقوم أصرخ عليه بأسمه يقوم يقولي ايه وليه بتصرخي كدا؟ عامل نفسه مكنش سامع☹️
- في المدرسة المس بتقول مش بيركز ومش بينفذ التعليمات
- لما أقوله جيب الكتاب من الأوضة وحطه على الطاولة بيجيلي بس بالكتاب ومش فاكر باقي الكلام🥺

التشخيص بتاعه👇
ان الدكتور شخصه بطفل adhd تشتت الانتباه وعنده مشكله كبيره ف الذاكره العامله مع سمات توحد ❌
وفحص السمع طلع كويس

هنا انا كنت خلاص خلصت جزء جمع المعلومات ✍️
واثناء فحصي للملف لقيت الولد فعلا ع اكتر من مقياس
زي كونرز بيقول انه adhd
لكن في مقياس منهم وال بيقيس اعراضه دي وظيفيا
بيقول لاء مش adhd✋️

ركزت ف اعراضه لقيته فعلا
في اعراض اخري تنفي ان المشكله ف الانتباه بشكل كامل
وكمان مش مستوفي محكين مهمين من محكات ال adhd
من غيرهم يبقي مفيش adhd 👀

المهم ان من ضمن المحكات دي هو محك ان اعراضه ماتتفسرش بشكل اخر لكن
انا شكيت ف المعالجه السمعيه👀

فتعالو معايا ندخل دماغ الطفل ونفهم ايه اصل الحكايه
👇👇👇👇
اعتبرو الطفل اسمه احمد
الموقف هنا ان الأم بتطلب من أحمد
ينضف أسنانه قبل النوم
الساعة ٩ بالليل في الصالة⏰

والأصوات ال كانت الموجودة بالوقت دا
هو 👇
التلفزيون (مسلسل)🔊
🔊 صوت الجيران
صوت المراوح 🔊
🔊 صوت أخته الصغيرة بتلعب
صوت الأم يا احمد روح نضف سنانك🔊
👇
في دماغ أحمد👇
كل الأصوات لها نفس الأهمية وشغاله بنفس الوقت بنفس الدرجه

الدماغ هنا بيقول
إيه ده؟ في ايه . انا سامع اصوت كتير بنفس الوقت انا مش عارف أركز على مين المهم ✋️

النتيجة أحمد مش مميز طلب أمه أصلا
ولا دماغه قادره تطفي الأصوات الغير مهمة🙄

عامل زي راديو دائرة التحكم في التردد بتاعته اتكسرت فيه👇
فهنا كل المحطات اشتغلت في نفس الوقت
صوت أغاني ع أخبار ع إعلانات ع تشويش .

بالتالي المخ بينهار لانه مش قادر يفهم او يميز أي حاجة واضحة فنلاقي بقي
عدم سمعان الكلام.. ع التجنب والهروب.. علي الحركه الذياده والتشتت علي عدم الفهم علي استهلاك الوقت✋️

المهم طلبت من الام تعمل فحص المعالجه 👌

مشكوره عملته طلع الولد ٧٠ ف الميه بيعرف يفلتر 😲

فاهمين دا معناه ايه 👇

معناه ان من كل 10 معلومات سمعية تدخل أذنه
7 معلومات بس بتوصل لكن 3 معلومات منهم بتضيع أو تختلط أو تشوش لان الطبيعي الكويس لحد ٩٠ ف الميه.
ولو المشكله خفيفه يبقي لحد ٨٠ ل٨٥ ف الميه. ف ٧٠ دا ضعف متوسط لشديد

ودا معناه ان
الأم لما تقوله مثلا
خلاص كده اكل انت فطرت خلاص
قوم اغسل إيدك يلا وجهز شنطتك للمدرسة

ال هيوصله وهيسمعه هو 👇
خلاص... من الإفطار... إيديك.. جهز .. للمدرسة
فيرتبك ويقول إيه علاقة إيدي بالمدرسة
واجهزها للمدرسه ازاي🤔

وتكون ردة فعله طبعا يقعد مكانه مش عارف يعمل إيه
وردة فعل الأم انت ليه مش بتسمع الكلام؟😠

في الفصل
المس بتقول افتحوا كتاب الرياضة صفحة 15 واقرأوا المثال الأول هو ال قدر يفلتره ويسمعه
افتحوا... الرياضة...صفحه... المثال...

فهو فهم ان افتح كتاب الرياضة... بس على أي صفحة؟ وأعمل إيه؟وطبعا ردة فعله يستنى
هنا المس هتزعقله و هاتقول انه مش بيركز في الفصل☹️

ومع اصحابه
لما يقوله واحد منهم تعال نلعب بالكرة
في الشارع الساعه ٤

ال سمعه هو تعال نلعب... ف الشارع.. ٤

فهو هنا هيسأل هنلعب إيه وإمتى بالضبط؟😣

وبتكون ردة فعله ف الغالب
عشان تعب من تعليقاات ال حواليه ال
بتقوله انت مش بتسمع او غبي 💔 انه هيختار يسكت
فبتالي مش بيروح المعاد
وصاحبه يزعل ويحصله عزلة اجتماعية تدريجية💔

والام تروح بيه لدكتور مخ واعصاب
ويتشخص غلط ويتهري ادويه
ومفيش نتيجه حتي غير تراكم الاحباطات
وظهور مشاكل سلوكيه ونفسيه وتحول الولد
من طفل مليان حيويه لكهل مثقل بالأدوية والمهدئات
واتحرم من التدخل السليم لان علاج المعالجه السمعيه
مختلف تماما عن ال adhd

فمش كل حاجه نقول adhd او توحد
لازم تختارو حد فاهم يشخص حالة ابنك صح
عشان مايحرمهوش من التدخل الصح

ملحوظه تشخيص الطفل هو اضطراب المعالجه السمعيه مع سمات adhd مصاحبه

اسم الاختبار
(CAPD Testing)

تابعو التعليقات

وماتنسوش الايك والشير اشاره منك ليا ع مرورك الجميل
❤️
✍️✍️

07/02/2026

تجربه

04/02/2026