Dr.Mahmoud Ezz

26/07/2025

حاله اليوم
مريضه عندها ١٧ سنه جايه بتشتكي من همدان شديد وصفرا بالعين واحتقان بالزور مع وجود الالام بالبطن وترجيع وارتفاع بدرجة الحراره
عملت تحاليل قبل ما تجيلنا وكان في ارتفاع في كرات الدم البيضا ووظائف الكبد والصفرا وكانت تحاليل فيروسات الكبد وفيروس أ سلبي وتحليل الكبد المناعي سلبي
بفحص المريضه لاقينا في ارتفاع بدرجه الحراره وطبعا صفرا واضحه بالعين وتغير لون اللسان للابيض المنقط وصعوبه في البلع حتي للريق بتاعها مع تورم شديد باللوزتين وصديد شديد عليهم وكمان تضخم في الغدد الليمفاويه في الزور والرقبه مع وجود الم شديد مع فحصها
عملنا طبعا السونار ولاقينا تضخم بالكبد والطحال مع وجود الم اثناء فحص الطحال بالسونار
طبعا بعد الفحص الدقيق واستخدام السونار راح تشخيصنا لوجود عدوه فيروسيه بتعمل اعراض في الجهاز الهضمي والجهاز التنفسي العلوي وكمان بتعمل تضخم في الكبد والطحال وهو فيروس (ايبشتاين بار) (EBV) وده بيعمل مرض يسمي (infection mononucleosis)(الحمي الغديه )
طبعا طمنا المريضه ان العدوي الفيروسيه دي مش خطيره وانها بتاخد بس ادويه للاعراض اللي عندها وتقوي المناعه وبتتحسن باذن الله
بس احتاجنا نكتب مضاد حيوي عشان الصديد الموجود علي اللوزتين وعامل سخونه شديده
تم طلب التحليل المؤكده للتشخيص و جاتلنا المريضه ف استشاره بعد تحسن حالتها تدريجياً وبفضل الله هي الان بصحه جيده تماماً
استنونا وكل يوم حاله جديده تخص امراض الباطنه والجهاز الهضمي والكبد
او ابعتولنا اي استفسار او لو حابين نتكلم عن موضوع شاغل تفكيركم

12/06/2025

🚨🚨🚨

القئ الدموي ( ترجيع الدم ) حاله بتختلف خطورتها من بسيطه الي خطيره وقاتله وده باختلاف اسبابها وكميه الدم المفقود وتأثيره علي العلامات الحيويه.

ايه الاسباب ؟؟؟

أسباب من المرئ ( الوصله بين الفم والمعده )

التهاب المريء: بيحصل من إرتجاع المواد الحمضية من المعدة إلى المريء بصفه متكرره وده بيأذي المرئ

دوالي المريء: تمدد الأوردة في المريء نتيجه اي سبب يعمل ارتفاع ضغط الدم في الوريد البابي الكبدي ( مثلا تليف الكبد) وده قد يؤدي إلى نزيف

قطع او تمزق في المريء: قد ينتج عن القيء الشديد أو الإجهاد على المريء.

سرطان المريء: الأورام الخبيثة قد تسبب نزيف نتيجه اختراق الوعاء الدموي.
تناول الأدوية المضادة للالتهابات والمسكنات والأسبرين بكثرة: قد تسبب تآكل بطانة المعدة والمريء.

اما بالنسبه للاسباب الخاصه بالمعده والأثني عشر

التهابات المعده الشديده ودي بتعمل تهييج في جدار المعده وممكن تعمل قرح بسيطه خالص بس المشكله انها بتفتح ف وعاء دموي.

القرحة المعدية: ودي بتبقي اكبر نسبيا واشهر مكان ليها في الاثني عشر وممكن تفتح في شريان دموي كبير وده يؤدي إلى نزيف.

سرطان المعده او الاثني عشر : وده بيكون في الاورام الكبيره نسبيا فبياكل في جدار المعده او الاثني عشر وياكل كمان في الاوعيه الدمويه فبيكون في نزيف

الإصابات أو الصدمات البطنية: قد تؤدي إلى نزيف داخلي.

وجود اي تغيرات في الاوعيه الدمويه من اتساع شديد ف الاوعيه الدمويه ممكن يعمل برضه نزيف.

ملحوظه قد تكون موجوده قبل ترجيع الدم هو تغير في لون البراز للاسود وده نتيجه هضم الدم اللي نازل خلال الجهاز الهضمي

عند ملاحظة تغير لون البراز او ترجيع للدم لازم نتحرك عشان نعرف السبب ونتعالج صح.

في انتظار اسألتكم واستفساراتكم عليي رسايل الصفحه لو حابين نتكلم عن مواضيع معينه شاغله تفكيركم بخصوص الامراض الباطنه وامراض الجهاز الهضمي والكبد

القناطر الخيريه - برج الأطباء أعلي معمل البرج - امام صيدليه عزمي
يوم السبت والاثنين والثلاثاء والخميس من الساعه ٧ حتى الساعه ١٠ مساءاً.

02/04/2025

29/03/2025

عيدكم مبارك سعيد

كل عيد وحضراتكم جميعا بخير وصحه وسعاده
عيدكم مبارك سعيد

قبل ما نبدأ الفطار والكحك والبسكوت بتاع عيد الفطر
لازم نعرفكم ان جهازنا الهضمي اتعود طول فتره الصيام ف شهر رمضان علي وجبتين خفاف بس وكان مريح طول نهار رمضان فبالتالي الاقبال علي الاكل بشراهة بيعمل زي صدمه للمعده والقولون وده بيخلي في عرضه للحموضه والارتجاع واضطراب القولون والتلبك المعوي والاسهال او الامساك
طب والعمل
بنحاول نفطر علي تمر قبل صلاه العيد واما بنرجع بنفطر فطار خفيف ونتدرج في كميات الوجبات بتاعتنا لحد ما نرجع للطبيعي
ونبعد عن الاسراف في المعجنات والحلويات عشان فيها دهون وسكريات عاليه
وطبعا مينفعش ناكل اسماك مملحه زي الرنجه والفسيخ عشان لسه السوايل قليله جوه جسمنا من الصيام ودول بيكون فيهم املاح عاليه
نبعد عن المشروبات الغازية لانها بتعمل انتفاخ وحموضه وممكن تعمل الالام شديده سواء ف المعده او القولون
بلاش برضه كسل وخمول اجازه العيد عشان ميبقاش الجهاز الهضمي كسلان هو كمان
نفرح بالعيد نستمتع بالطريقه الصحيه للافطار ونبعد عن الكسل ونزور الاقارب ونتبادل التهاني
وكل عام وانتم بخير
تقبل الله منا ومنكم صالح الاعمال

25/02/2025

كل عام وأنتم جميعا بكل خير وصحه
رمضان مبارك علي الجميع وتقبل الله منا ومنكم الصيام والقيام وصالح الأعمال
#رمضان٢٠٢٥

#رمضانكريم

رمضان كريم وكل سنه وانتوا جميعا طيبين.

* زي ما بنستعد وجهز نفسنا للعبادة لازم برضه نجهز جسمنا للنظام الغذائي خلال شهر رمضان
الايام قبل رمضان بنصحي بدري اكتر من معادك المعتاد وتفطر بدري علي قد ما تقدر ده هيخلي جهازك الهضمي يتظبط من ناحيه المواعيد الجديده في الاكل والشرب .

حريفه الكافيين القهوة و النسكافيه والشاي
لازم يقلل طبعا لفنجان او كوبايه واحد والافضل يكون علي معاد افطار رمضان عشان مخك يظبط معاد الكافيين بتاعه

* مريض السكر ظبط سكرك وادويتك اكتر واكتر عشان نبعد عن اي خلل في سكر الدم سواء كان نقص او زياده
مش بس مريض السكر لاء مرضي الغدد وباقي الامراض المزمنه والضغط وخصوصا المرضي اللي بياخدو مدرات بول اللي بتسبب جفاف دي لازم تتاخد مع الافطار عشان نقدر نشرب سوايل بعدها

* ولان عدد ساعات الصيام اكتر من ١٠ ساعات يوميا جسمنا بيحول يعلن حاله من التأهب والاستعدادات فبيقلل كميه الطاقه المبذولة ومعدلات الحرق عشان يقلل معدلات الجفاف.

* اولا بالنسبه للافطار
* طبعا انك تكسر صيامك علي سنه نبينا عليه الصلاة والسلام ب ٣ تمرات من افضل طرق كسر الصيام عشان في سكريات طبيعيه تنقذ جسمك من انخفاض معدل السكر وتدي جسمك الحيويه والنشاط وشرب كوبايه مايه او لبن او عصير وبلاش السوايل الساقعه اوي خصوصا في الافطار لانها بتعمل زي صدمه كده للجهاز الهضمي وده يخلي ف الآلام في البطن وعدم ارتياح
ويا سلام بقي لو نستني ١٠ دقايق كده او ربع ساعه نصلي فيهم المغرب وبعد كده نرجع ناكل
طبعا الخضار والفاكهة من اساسيات يومك الكامل بعد الافطار ولحد السحور
وكمان شرب كميات من السوايل من ٢- ٣ لتر في فتره من الافطار للسحور
الخضار بأليافه الصحيه اللي بتظبط عمليه الهضم وحركه الجهاز الهضمي واللي بتمنع حدوث امساك وكميه الفيتامينات والمعادن والسوايل المفيده جدا اللي موجوده
البروتينات والكربوهيدرات اللي موجوده في الشوفان والبطاطا والبطاطس والرز او المكرونه واللحوم والفراخ والاسماك بانواعها موجود فيها دهون صحيه
ومفيش مانع من بعض من الدهون بشرط النافعة زي المكسرات والافوكادو وجوز الهند

* اكل المقليات والحوادق في رمضان بيزود من التهابات المعده والحرقه والتهاب القولون والانتفاخات

* نيجي بقي للحلويات ايوه الكنافه والقطايف
يفضل اننا نقلل كميه الحلويات والسكريات لان جرام السكريات بيحتاج ٣ جرام مايه الامتصاص فبالتالي كتر السكريات يعمل جفاف وعطش.

* اما بالنسبه للسحور
ابعد عن اي موالح او حراق او صوصات او بروتينات حيوانيه (زي المعلبات واللحمه) طبعا عشان منعطش بسرعه
ومفيش اي مشكله في البروتينات النباتيه زي الفول والبقوليات
والخضار اكيد خصوصا اللي مليان سوايل زي الخس والخيار والكابوتشا
مع شرب سوايل بصوره كويسه وطبعا بلاش برميل المايه ع السحور لان كليتك هتشتغل عليه وتفضي معظمه وهتعطش برضه .

في النهايه نحاول نلتزم قدر الامكان بالنظام الغذائي وخير الامور الوسط بلاش افراط.

وكل سنه وانتوا طيبين وربنا يتقبل منا ومنكم الصيام والقيام وصالح الاعمال

في انتظار اسألتكم واستفساراتكم عليي رسايل الصفحه لو حابين نتكلم عن مواضيع معينه شاغله تفكيركم بخصوص الامراض الباطنه وامراض الجهاز الهضمي والكبد
#رمضان2024

#رمضانكريم

06/02/2025

كل ما كان الاكتشاف بدري كل ما كان العلاج اسهل

في مبادرة لرئيس الجمهوريه موجوده حاليا في جميع الوحدات الصحية للكشف المبكر عن سرطان القولون
عن طريق اختبار حديث يكتشف وجود الحمض النووي للاورام في البراز
f***l immuno-chemical test (FIT test)

لو سنك فوق ال ٤٥ سنه
لو عندك تاريخ مرضي عائلي لاورام الجهاز الهضمي
لو في تاريخ عائلي لوجود زوائد لحميه بالقولون

توجه لاقرب وحده صحيه وسجل اسمك واعمل التحليل مجاناً

اهتم بالكشف المبكر على سرطان القولون في هذه الحالات👇🏻

الكشف المبكر والمتابعة المستمرة تحميك من مضاعفات المرض👌

09/01/2025

اللهم علمنا ما ينفعنا وانفعنا بما علمتنا

24/12/2024

وكان فضل الله عليك عظيما
شكرا لصاحبه البوست
اللهم اجعلني خير مما يظنون وانفعنا بما علمتنا

16/12/2024

هي الكورونا لسه موجوده يا دكتور ؟!!!
للاسف الكورونا مش هتنتهي وهتفضل تتحور وتبقي زي الانفلونزا الموسمية كده

في متحور جديد من كورونا (XEC) موجود الايام دي وعنده القدره علي الانتشار السريع وبيصيب الاطفال بشده

**اعراضه**
- همدان وصداع شديد وتكسير في الجسم.
- ارتفاع في درجه الحراره.
- احتقان في الزور.
- التهاب في الشعب الهوائية في صور كحه واحيانا ضيق تنفس.
- احيانا الم في البطن مع ترجيع او اسهال.

**الوقايه**

- شرب السوايل الدافئه
- تقويه المناعه بالاكل الصحي الغني بالفيتامينات وخصوصاً فيتامين سي.
- المحافظه علي التباعد قدر المستطاع وخصوصاً لو بدأنا نحس بأي من الأعراض
- غسل الايدي باستمرار
- ارتداء الكمامه ان امكن وخصوصاً في المواصلات العامه والأماكن التجمع المغلقه.

عياده دكتور محمود عز بالقناطر الخيريه امام صيدليه عزمي اعلي معمل البرج.

يوم السبت والاثنين والثلاثاء والخميس من الساعة ٤ عصرا حتى الساعه ٩ مساءاً.

وفي انتظار اسألتكم واستفساراتكم علي رسايل الصفحه لو حابين نتكلم عن مواضيع معينه شاغله تفكيركم بخصوص الامراض الباطنه وامراض الجهاز

12/12/2024

حصوات المرارة هي ترسبات صلبة بتتكون جوه المرارة، وهي عضو صغير يقع تحت الكبد ويخزن العصارة الصفراوية التي تساعد في هضم الدهون. بتتكون الحصوات عندما لما بيحصل خلل في مكونات العصارة الصفراوية، زي ارتفاع مستويات الكوليسترول او الكالسيوم، أو نتيجة بطئ في تدفق العصارة الصفراوية.

**الأعراض**
كتير حصوات المرارة بتكون بلا اعراض. او بتعمل

ألم جامد في الجزء العلوي اليمين من البطن. وساعات بيمتد إلى الكتف اليمين أو الظهر.

غثيان وقيء.

انتفاخ أو عسر هضم.

اصفرار الجلد والعينين في حال انسداد القناة الصفراوية.

سخونيه في حاله التهاب المراره ودي حالة بتحصل لما بيتعرض الجدار الداخلي للمرارة للالتهاب سواء عن طريق عدوى بكتيرية أو التهيج الناتج عن حصى المرارة.
والتهاب المرارة أعراضه هي ألم شديد د في الجانب العلوي الأيمن من البطن، وحمى، وغثيان، وقيء، واصفرار الجلد والعينين.
أما التهاب المرارة المزمن فبيكون أقل شدة وأعراضه ألم مزمن في الجانب العلوي الأيمن من البطن واضطرابات هضمية

**الأسباب**

زيادة الوزن أو السمنة.

تناول وجبات غنية بالدهون والكوليسترول.

فقدان الوزن السريع.

مرض السكري.

التقدم في العمر (خاصة بعد سن الأربعين).

**التشخيص**

لو عندك أعراض وجود حصوات المرارة أو التهاب المرارة، لازم تعمل موجات صوتيه علي البطن ( السونار ) لانها اهم وسيله لتشخيص حصوات المراره وكمان بتعمل الفحوصات اللازمه لتأكيد التشخيص وبدايه العلاج المناسب والمتابعة. ممكن في بعض الأحيان العلاج يكون عن طريق استئصال المراره جراحياً.

حصوات المراره حجمها صغير ومشاكلها كبيره شخصها صح عشان تعالجها صح في انتظاركم في عياده القناطر الخيريه امام صيدليه عزمي اعلي معمل البرج

يوم السبت والاثنين والثلاثاء والخميس من الساعة ٤ عصرا حتى الساعه ٩ مساءاً.

وفي انتظار اسألتكم واستفساراتكم علي رسايل الصفحه لو حابين نتكلم عن مواضيع معينه شاغله تفكيركم بخصوص الامراض الباطنه وامراض الجهاز الهضمي والكبد.

05/12/2024

بتشتكي دايما من معدتك سواء حموضه او ارتجاع
دايما عندك الالام بالبطن مش عارف سببها او لو كنت بتعاني من امساك وانتفاخ او حتي العكس اسهال وسخونه بالبطن
بتعاني من اي مشكله تخص جهازك الهضمي او قلقان يكون عندك اي مشكله تخص الكبد وعاوز تطمن .

في انتظار اسألتكم واستفساراتكم علي رسايل الصفحه لو حابين نتكلم عن مواضيع معينه شاغله تفكيركم بخصوص الامراض الباطنه وامراض الجهاز الهضمي والكبد

او زورونا في عياده القناطر الخيريه - امام صيدليه عزمي - برج الأطباء - اعلي معمل البرج
يوم السبت والاتنين والثلاثاء والخميس من الساعة ٧ مساءاً حتى الساعه ١١ مساءاً.

عياده أبو الغيط - كوبري أبو الغيط - أمام الوحده الصحيه - بجوار موقف الميكروباص
السبت والثلاثاء والخميس من الساعه ٤ عصراً حتي ٧ مساءاً