ايمان عثمان -مستشار تربوي و معالج زواجي-

02/05/2025

بعد كتير من الاحداث اللي بتحصل الامهات ابتدت تسأل هو احنا مفروض نقول ايه لأولادنا يفهموه عن نفسهم وعن كل مايتعلق بالجنس عموما خاصة انهم بيسمعوا ويعرفوا من مصادر خارجيه فكان لازم يبقى فيه اجابات عند الأم تقولها لما يسألوها و لازم تكون سابقه بخطوه و توضح اللي هم محتاجين يعرفوه قبل ما يوصل لهم بالطريقه الخطأ
من هنا اقترحت عليهم اني هاعمل ورشة العمل دي للأمهات علشان اجاوبهم على اسألة كتير من اللي بتدور في بالهم
يسعدني اشتراككم 🙂

20/04/2025

(اتعلم تقدم شغلك مش بس تنجزه)
قرأت الجمله دي في مقال ولفتت انتباهي
الناس اللي بتعمل في صمت وشايفين ان (سأترك انجازي يتحدث عني ) الكلام دا غير صحيح مهنيا
طول ما انا صامت مش هتشاف حتى انجازي ممكن ما يتقدرش
دا لو استبعدنا كمان احتمالية ان هيجي آخر ينسبه الى نفسه او يقول ان هو المحرك علشان الانجاز دا يتم او هو صاحب الفكره وانا بس منفذ
من أحد المعوقات الأساسيه اللي بتخلي الشخص يكون صامت ومش بيقدم صح لنفسه ولانجازه ....The perfectionism
الا وهي الكماليه انتظر ان الانجاز يكتمل و اعمل فيه كل التعديلات والاصلاحات و اراجعه كمان وقتها ان شاء الله هاتكلم عنه
مش لازم تكتمل الفكره ، نقدمها كفكره تحت التطوير والعمل ونظهر كأصحاب فكر وخطط تحت التنفيذ ودا في حد ذاته مفيد جدا وفي صالحنا
من ما يشكل أيضا عائق أساسي law self esteem
ضعف تقدير الذات و عدم رؤيتي لقيمة ما انجزه النابع من عدم تقديري لذاتي و صعوبة تعبيري عن نفسي وما انجزه خوفا من النقد او اي محاولات للتقليل من شأني سأقف امامها عاجز لأني في قرارة نفسي لا أعتقد بقيمتي فعلا و قادر على رؤية عيوبي و أخطائي بشكل اوضح بكثير من رؤيتي لمميزاتي
القدره على تقدير الذات من أهم عوامل نجاح الإنسان اجتماعيا ومهنيا

09/02/2025