08/07/2024
لما مبنحبش نفسنا..هنحطها في مواقف مؤذية او مؤلمة او مهينة..هنقبل باقل مما نستحقه...وهنسكت او نقبل على معاملة سيئة..هنمشي في سكك وتصرفات لا تحقق لنا شيء سوى الصراعات او الدراما او المعاناة او الخسائر.،...هنهمل في انفسنا وفي تعليمها اللي ناقصها..وتحقيق اللي عايزاه....هندور بهوس وكأنه الحل الوحيد على اللي يحبنا ويهتم ويحمي ويحترم ويعلم ويوجه...وكانه شفاءنا....
والسؤال ازاي؟ ازاي حد مبيحبش نفسه...وبيتعامل معاها كدة هيقابل اللي يحبه ويعامله بشكل مختلف؟ ولو قابله ازاي هيصدقه؟
محبة النفس مش أنانية ولا دعوة للامبالاة بالناس ولا شيء هلامي؟ محبة النفس شيء مهم وضروري....ومبيعرفش يحب الناس كويس اللي مبيحبش نفسه كويس...من تمام محبة الذات..محبة الناس واحترامها اصلا.
محبة النفس مش مجرد ادعاء..محبة النفس موقف وقرار وتوجه راسخ جوانا بيظهر في اداءنا تجاه نفسنا والناس.
