https://www.facebook.com/1128211080556824/

صيدلية الدكتور ايمن -عزبة النخل Dr.Ayman pharmacy, Cairo (2025)

21/04/2025

فقر الدم او الانيميا....
يعني إيه أنيميا؟
الأنيميا أو فقر الدم معناها إن عدد كرات الدم الحمرا أو الهيموجلوبين (اللي بيشيل الأكسچين) قليل، وده بيخلي الجسم مبيوصلوش أكسچين كفاية، فبتحس بتعب وخمول ودوخة.
أشهر الأعراض اللي بتحس بيها:
★ دايمًا تعبان ومرهق حتى لو مانتش بتعمل مجهود
★ ضربات قلبك سريعة أو بتحس بخفقان
★ بتنهج بسرعة أو بتحس إن نفسك قليل
★ وشك باهت أو مصفر ....ومافيش شهية للاكل
★ دايمًا عندك صداع أو دوخة
★ ممكن شعرك يقع أو ضوافرك تتكسر

التحاليل المهمة لتشخيص الأنيميا:
★ CBC (صورة دم كاملة): دي الأساس، بتشوف منها نسبة الهيموجلوبين وعدد كرات الدم الحمرا
★ Ferritin: ده مخزون الحديد في الجسم
★ Serum Iron: نسبة الحديد في الدم
★ TIBC: قدرة الجسم على حمل الحديد
★ Folate & B12: لو ناقصين ممكن يعملوا نوع من الأنيميا
★ Reticulocyte count: بيقيس هل الجسم بيكوّن كرات دم جديدة ولا لا
★ تحليل البراز: لو في شك بنزيف داخلي
أنواع الأنيميا:
★ أنيميا نقص الحديد: دي أكتر نوع شائع، وغالبًا بسبب تغذية ضعيفة، أو فقد دم زي دورة شهرية غزيرة أو نزيف بالمعدة
★ أنيميا نقص فيتامين B12 أو الفوليك أسيد: بتحصل بسبب سوء تغذية أو مشاكل في الامتصاص
★ أنيميا تكسير الدم (Hemolytic): الجسم بيكسر كرات الدم بسرعة
★ أنيميا مزمنة: مع أمراض مزمنة زي الكُلى أو السرطان
مفاهيم خاطئة عن الأنيميا:
❌ مش كل حد تعبان عنده أنيميا
❌ مش كل أنيميا سببها الحديد
❌ لو شربت عصير البنجر مش شرط الأنيميا تتعالج
❌ الأنيميا ممكن تكون خطيرة لو ماتعالجتش
❌ ممكن يكون تحليلك طبيعي وانت لسه عندك أعراض، يبقى لازم نفهم السبب كويس
العلاج الدوائي:
★ لو نقص حديد: بتاخد حبوب حديد (يفضل على معدة فاضية + فيتامين C معاه)
★ لو نقص B12: بتاخد حقن أو حبوب B12او لصقات B12 علي اللسان
★ لو نقص فوليك: بتاخد أقراص فوليك أسيد
★ في الحالات الشديدة: ممكن نقل دم أو حقن حديد وريد
العلاج بالتغذية:
★ أكل غني بالحديد زي:
الكبدة
اللحمة الحمرا
السبانخ
العدس
البقول
العسل الأسود
★ وفيتامين C بيساعد في امتصاص الحديد (زي الليمون، البرتقال، الفلفل الألوان)
★ ابعد عن الشاي والقهوة بعد الأكل مباشرة لأنها تمنع امتصاص الحديد
★ لو B12 ناقص: زود من البيض، اللحوم، ومنتجات الألبان
★ لو فوليك أسيد ناقص: كل خضار ورقي أخضر زي الجرجير والسبانخ
نصايح عامة:
★ ماتخدش مكملات حديد من نفسك من غير تحليل
★ حافظ على تغذيتك كويسة حتى لو مافيش أنيميا
★ البنات بالذات في سن المراهقة والحوامل أكتر ناس عرضة للأنيميا، لازم يتابعوا كويس
★ لو طفل دايمًا تعبان ,ومافيش شهية للاكل ومش بيركز، ممكن يكون عنده أنيميا

20/04/2025

تم افتتاح مستشفي الشهيد المهندس أحمد شوقي
و التابعة لجامعة عين شمس
بجوار محطة مترو الدمرداش للاستفسار
01558572144
خاصة للمسنين من 60 عام الي ما فوق .
المواعيد يوميا حتى الواحدة ظهرا،
وبعد ذلك يدخل الطوارىء و العلاج مجانا،
وبها رعايه حرجة ورعاية مركزة مجانا،
وبها علاج اقتصادى أيضا
وهى على أعلى مستوى
الرجاء إرسالها حتى تعم الفائدة.
جزاكم الله خيرا

16/04/2025

أدوية التخسيس: تاخدها إمتى؟ وإيه الصح وإيه الخطر؟
★ أول حاجة لازم نعرفها:
أدوية التخسيس مش سحر… ومش بتخسسك وإنت قاعد، لكن بتساعد لو ماشي على نظام أكل مظبوط وبتتحرك ولو شوية.
★ أشهر أنواع أدوية التخسيس وبتشتغل إزاي:
1. أدوية بتسد النفس (مثبّطات الشهية)
زي: (ساكسيندا)
بتخلي المخ يحس بالشبع أسرع
مفيدة جدًا للناس اللي بتاكل كتير ومش بتشبع
المفيد؟
بتقلل الأكل وتساعدك تتحكم في شهيتك
الخطير؟
ممكن تعمل غثيان، صداع، إمساك، وتقلل السكر في الدم لو خدت مع أدوية سكر
2. أدوية بتقلل امتصاص الدهون
زي: أورليستات
بتمنع الجسم يمتص الدهون اللي في الأكل
الدهون بتنزل في البراز
المفيد؟
لو بتاكل دهون كتير، بتساعد تقلل اللي جسمك يمتصه
الخطير؟
ممكن تعمل إسهال دهني، انتفاخ، ونقص فيتامينات
3. أدوية بتزود الحرق
زي: حبوب الشاي الأخضر،
المفيد؟
ممكن تزود الحرق شوية لو بتتمرن
الخطير؟
ممكن ترفع الضغط، ضربات القلب، وتسبب قلق
4. أدوية بتشتغل على السكر والأنسولين
زي: ميتفورمين (جلوكوفاج)
بتساعد الناس اللي عندهم مقاومة أنسولين أو تكيّس مبايض
★ مين اللي ممكن ياخد أدوية تخسيس؟
اللي وزنه عالي جدًا (مؤشر كتلة فوق 30)
أو فوق 27 ومعاه ضغط أو سكر أو كوليسترول
واللي جرّب نظام غذائي ومافيش فايدة
★ ومين ممنوع تمامًا ياخدها؟
الحوامل والمرضعات
الناس اللي عندهم مشاكل قلب
أي حد بياخد أدوية تانية تتفاعل معاها
★ خلاصة الكلام:
الدوا مش بديل للأكل الصحي، هو عامل مساعد
لازم الدكتور يحدد نوع الدوا ومينفعش ناخده من نفسنا
اللي يخس بالدواء من غير نظام… هيرجع وزنة يزيد تاني أول ما يوقفه
---

15/04/2025

"لو بتاخد دوا ضغط؟ اسمع الكلام ده للآخر!"
★ أول حاجة لازم نعرفها: الضغط مش مجرد رقم عالي في الجهاز، لأ ده مرض مزمن بيأثر على القلب، الكلى، والمخ لو اتساب من غير علاج.
★ أدوية الضغط مش كلها زي بعض! فيه أكتر من نوع وكل واحد ليه طريقته في الشغل:
مدرات البول (زي لازيكس وانداباميد): بتقلل الميه والأملاح اللي في الجسم.
مثبطات البيتا (زي كارفيديلول وكونكور): بتهدي ضربات القلب وتقلل الضغط.
مثبطات ACE (زي كابتوبريل وإنالابريل): بتوسع الأوعية الدمويه ومن اشهر اثارها الجانبيه بتعمل كحه
حاصرات قنوات الكالسيوم (زي أملوديبين): بترخي العضلات اللي حوالين الأوعية الدموية.
★ معلومة غريبة: في بعض الحالات الدكتور ممكن يكتبلك دواين أو تلاتة مع بعض! ليه؟ علشان كل واحد منهم بيشتغل على سبب مختلف من أسباب ارتفاع الضغط.
★ خد بالك:
أدوية الضغط مش مسكنات… يعني ماتوقفهاش لمجرد إن الضغط بقي كويس.
في ناس بتاخد الدوا الصبح، وفي ناس بالليل. الدكتور هو اللي يحدد الوقت المناسب حسب الحالة.
لو نسيت تاخد الجرعة، ماينفعش تعوضها بجرعتين مرة واحدة!
★ أسئلة كتير بتتسأل:
"هو أنا هفضل آخد دوا طول حياتي؟"
غالبًا آه، بس في حالات قليلة لو الوزن نزل، والأكل بقى صحي، والرياضة بقت عادة… ممكن الدكتور يقلل الدوا.
"فيه أعشاب تنفع بدل الدوا؟"
الأعشاب ممكن تساعد، لكن عمرها ما تغني عن العلاج… وخصوصًا لو الضغط عالي.
★ خد بالك من التفاعلات!
فيه أدوية ممكن تزوّد مفعول أدوية الضغط أو تضعفه، زي مسكنات الألم القوية أو مزيلات الاحتقان… علشان كده دايمًا اسأل الصيدلي أو الدكتور قبل ما تاخد أي دوا جديد.
★ نصيحة ذهبية:
قيس ضغطك باستمرار

01/04/2025

الاهل والاحباب كل سنة وانتم طيبين وعيد فطر سعيد
أحب أفكركم إن لازم تاخد الكورس المصري كامل،
هتفطر كحك وتتغدى رنجه أو فسيخ معناها هيجيلك إنتفاخ،
لأنك نسيت الحلبة المنبتة اللي فيها إنزيمات هاضمة
ومطهرة طبيعية، ما نحرفش في الثوابت لو سمحتم
للاسف مبقاش ناس كتير تعمل الحلبة المنبتة فى العيد
توضيح:هناك اتجاة بالغرب لاستنبات الحبوب واكلها والثابت ان إنبات الحلبة بيزيد فوايدها عن مجرد شرب منقوعها،
البذور المنبتة بشكل عام بيكون فيها إنزيمات
هاضمة بالإضافة لفوايد الحلبة المعروفة

31/03/2025

النهارده في فنانه ماتت حسب ما قيل بسبب المراره.....رحمة اللة عليها وعلي امواتنا اجمعين ..
التهاب المرارة شائع لكن امتى تكون مشاكل المرارة مهددة للحياة؟ وكيف تتجنب الخطر؟
★ التهاب المرارة ممكن يبقى خطير لو اتأخر العلاج، وده يحصل لما تتسد القناة المرارية أو يحصل التهاب بكتيري شديد. لو المشكلة متعالجتش، ممكن تسبب مضاعفات قاتلة.
أخطر المضاعفات اللي ممكن تسبب الوفاة:
★ انفجار المرارة: لو الالتهاب زاد جدًا، ممكن المرارة تتمزق، وساعتها العصارة المرارية تنتشر في البطن وتسبب التهاب بريتوني خطير ممكن يؤدي للوفاة.
★ تسمم الدم.... البكتيريا ممكن تدخل الدم بسبب التهاب المرارة، وساعتها الجسم يدخل في صدمة إنتانية تسبب فشل في الأعضاء.
★ غرغرينا المرارة: لما الدم مبقاش يوصل للمرارة بسبب الالتهاب، الأنسجة بتموت، وده ممكن يؤدي لانفجارها أو عدوى شديدة جدًا.
★ التهاب القناة الصفراوية الحاد: لو الحصوات سدّت القناة المرارية بالكامل ومعاها عدوى، ممكن يحصل التهاب شديد وسريع الانتشار يؤدي لتسمم الدم.
إزاي تعرف إنك في مرحلة خطر؟
لو عندك ألم شديد ومستمر في البطن (خاصةً الجانب الأيمن العلوي) مع أي من الأعراض دي، لازم تروح المستشفى فورًا:
✅ حرارة عالية أو رعشة.
✅ قيء مستمر أو فقدان شهية شديد.
✅ اصفرار الجلد والعينين (يرقان).
✅ ضربات قلب سريعة وضعف عام.
✅ انتفاخ شديد في البطن مع ألم لا يختفي.
نصائح لمرضى المرارة عشان تتجنب المضاعفات الخطيرة:
✔️ متأجلش العلاج لو عندك التهاب في المرارة، لازم تتابع مع دكتور فورًا.
✔️ لو عندك حصوات، تابع حالتك، ولو الدكتور قال إنك محتاج عملية، متتأخرش.
✔️ التزم بالأكل الصحي: قلل الدهون المشبعة، وابعد عن الأكل المقلي والدسم اللي ممكن يسبب نوبات ألم المرارة.
✔️ شرب مياه كفاية عشان تمنع ركود العصارة الصفراوية اللي ممكن تؤدي لحصوات.
✔️ لو ظهرت أي أعراض خطيرة، روح الطوارئ فورًا، لأن التأخير ممكن يكون مميت.
وصل المعلومه لغيرك

30/03/2025

هم خمس معلومات يعرفها مريض بياخد كونكور
★ ما توقفوش فجأة
لو بطلت كونكور مرة واحدة، ممكن يحصل تسارع في ضربات القلب أو ارتفاع مفاجئ في الضغط، فلازم توقفه بالتدريج وتحت إشراف الدكتور.
★ خدوه في نفس الميعاد كل يوم
مهم تثبت الميعاد عشان تأثيره يفضل مستقر وما يحصلش لخبطة في الضغط أو ضربات القلب
★ الكونكور ممكن يخليك تحس بدوخة أو تعب في الأول، فلو حاسس بكده، خد بالك وانت واقف أو بتتحرك بسرعة.
★ ما تلعبش رياضة عنيفة فجأة. الكونكور بيقلل من استجابة القلب للمجهود، فلو هتلعب رياضة، خليك تدريجي وما تبالغش في التمارين القوية.
★ خد بالك لو عندك سكر أو ربو. لأنه ممكن يخلي أعراض انخفاض السكر مش واضحة، وممكن يزود مشاكل التنفس عند اللي عندهم ربو، فلو عندك أي منهم، لازم الدكتور يكون عارف.

30/03/2025

امتى تاخد الفيتامينات؟ التوقيت بيفرق فعلاً ولا كلام فاضي؟
ناس كتير بتسأل: "هو أنا المفروض آخد الفيتامينات الصبح ولا بالليل؟ قبل الأكل ولا بعده؟" الحقيقة إن التوقيت ممكن يفرق مع بعض الفيتامينات والمعادن، وده اللي هنتكلم عنه النهارده!
★ فيتامينات بتدّي طاقة.. خدها الصبح
زي فيتامين C وفيتامينات B (B12، B6، الفوليك أسيد).
فيتامين B12 بالذات بيزود النشاط، فلو خدته بالليل ممكن يبوظ نومك.
ممكن تاخدها على معدة فاضية، بس لو حسيت إن معدتك بتتضايق، خدها مع أكل خفيف.
★ فيتامينات محتاجة دهون.. خدها مع الأكل
زي فيتامين A، D، E، K.
الجسم مش بيقدر يمتصهم كويس لو خدتهم لوحدهم، فلازم يكون مع الأكل اللي فيه دهون يعني اكل دسم
فيتامين D الأفضل تاخده الصبح أو الضهر، لإن فيه كلام إنه ممكن يقلل الميلاتونين (هرمون النوم).
★ معادن ليها وقت معين
الحديد: بيتاخد أحسن على معدة فاضية، بس ممكن يوجع المعدة، فالأفضل يكون مع فيتامين C عشان يمتص كويس.
المغنيسيوم: بيساعد على الاسترخاء، فلو بتعاني من قلق أو أرق، خدها بالليل.
الكالسيوم: بلاش تاخده مع الحديد لإنهم بيتنافسوا على الامتصاص، والأحسن يكون بالليل عشان ممكن يساعد على النوم.
★ حاجات تخلي بالك منها
القهوة والشاي: الكافيين بيقلل امتصاص الحديد والكالسيوم، فخلي بينهم وبين المكملات ساعتين على الأقل.
★ طيب هو التوقيت بيفرق فعلًا؟
في أغلب الحالات، الأهم هو الاستمرار على المكمل مش التوقيت، بس مع بعض الفيتامينات والمعادن، التوقيت ممكن يحسن الامتصاص أو يمنع المشاكل الجانبية.
لو بتاخد كذا مكمل، حاول توزعهم على مدار اليوم عشان تتجنب أي تداخل بينهم.
إنت بتاخد مكملات؟ وبتاخدها إزاي؟

30/03/2025

..معلومه عن دواء....
★ليبراكس واحد من اشهر الادويه المستخدمه للقولون العصبي
★في ماده مهدئه مع الاستخدام الطويل ممكن تسبب ادمان
★بتظهر فتحليل المخدر*ات
★ممكن يعمل امساك
★التوقف المفاجئ عنه بعد استخدام فتره طويله يسبب القلق والاكتئاب
★ممكن ياثر علي التركيز ويعمل دوخه
★ممنوع للناس اللي عندها ميه زرقه علي عينها
★ممنوع للناس اللي عندها تضخم فالبروستاتا
★ممنوع للاطفال والحوامل والناس اللي عندها مشاكل فالمسالك البوليه

23/01/2025

not just a clinic, it's a safe place for children 🍃
بيت الشمس ، وحدة الطب النفسي للاطفال
المكان الذي أحب في العباسية ♥️
الكشف بجنيه
دكاترة واخصائيين كفء ، اغلب اختبارات الاطفال بتتعمل باسعار رمزية
جلسات فردية وجروبات جماعية للعلاج النفسي لاضطرابات الاطفال
مفيش انتظار ، مفيش طوابير ، بتحجزى في معاد وبتروحى فيه
معادش في حجة للامهات اللي متأخرة علي علاج ابنائها بحجة ارتفاع تكاليف العلاج النفسي 💚

المكان ده بيقدم خدمات حقيقي زي الدينامو

العنوان ا شارع صلاح سالم مدينة نصر بجوار ارض المعارض القديمه
مستشفى العباسيه للصحه النفسيه
اقرب محطة مترو ارض المعارض
:
مواعيد العيادة :
سبت واثنين وخميس من ٩ صباحا
بتروح اول مرة بشهادة ميلاد الطفل بتحجز موعد مع التمريض وبعد كدا بتيجى بالطفل في الموعد المحدد
السن اطفال لحد ١٢ سنة 💚
رقم للتواصل مع بيت الشمس :
01140730797
الرقم بيكون شغال كل يوم من الساعة ٩ ل١:٣٠

14/12/2024

شراب هاي سيز مكمل غذائي بنكهة البرتقال يحتوي على زيت كبد الحوت، والذي يستخدم لتعزيز القدرات الذهنية ومهارات التفكير واضطرابات النطق والتغلب على مشاكل الكلام لدى الأطفال ، بالإضافة إلى تحسين الحالة الصحية عموما و يشار إلي هاي سيز ايضا كعلاج لحب الشباب، التجاعيد، ونقص الفوسفات. والذي من اشهر اعراضة الشعور بآلامٍ في العظام وضعف الشهية ...متوفر في عبوة 120مللي بسعر ٤٩ جنية ..منتج ممتاز سعرة مازال جيد

14/12/2024

زاد اللغط في مصر بشأن حقن التخسيس؛ الأوزيمبك و ساكسندا والمونچارو، التي أصبح من الصعب العثور عليها رغم ثمنها الباهظ. لذا كان من الواجب التوعية ونشر المعلومات الصحيحة عن هذه الحقن وتأثيرها، وهذه بعض الأسئلة المهمة وإجاباتها الواضحة:
1- هل هذه الحقن تخفض الوزن فعلًا؟ وكيف تقوم بذلك؟
نعم، تخفض الوزن عند معظم مرضى السمنة، ومرضى السكر، ويكون خفض الوزن أكبر عند المرضى الذين يعانون السمنة فقط بدون السكر؛ ففي حين أن متوسط خفض الوزن يتراوح من 16 إلى 21% عند مرضى السمنة بعد نحو 70 أسبوعًا من تناول أعلى جرعة، فالانخفاض في المتوسط نحو 11 إلى 16% عند مرضى السكر المصابين بالسمنة. وخفض الوزن ناتج من خفض الشهية في مراكز المخ التي تستجيب لهذه الحقن.
2- هل هذه الحقن لمرضى السكر أم لمرضى السمنة؟
المادة الفعالة في النوعين واحدة، ولكن بأسماء مختلفة، وجرعات أعلى لعلاج السمنة عن المستخدمة في علاج السكر؛ فالأوزيمبك لعلاج السكر حتى جرعة 2 مجم، ووجوڤي لعلاج السمنة حتى جرعة 2.4 مجم، ولكنهما مركب واحد اسمه سيماجلوتيد كذلك فإن مونچارو لعلاج السكر، وزيبَّاوند لعلاج السمنة، وجرعاتهما متماثلة حتى 15 مجم، والمادة الفعالة فيهما هي نفس المادة، وتسمى ترزيباتيد
3- ما أهم الأعراض الجانبية لهذه الحقن؟
يعد الغثيان هو أهم الأعراض الجانبية، وتختلف شدته من إنسان إلى آخر، ويقل بالتدرج في زيادة الجرعات المستخدمة بدءًا من الجرعة الأصغر، على ألا تقل الفترة المستخدمة قبل زيادة الجرعة عن أربعة أسابيع. بقية الأعراض الجانبية تشمل القيء، والإسهال الشديد، أو الإمساك الشديد، وهو ما قد يستدعي التوقف عن العلاج، أو خفض الجرعة.
4- هل تُسبب هذه الحقن سرطان الغدة الدرقية أو سرطان البنكرياس؟
لوحظ في حيوانات التجارب حدوث نوع نادر جدًّا من سرطانات الغدة الدرقية، ولكن لم تسجل حالات بين البشر؛ لذا فهناك تحذير بضرورة عدم استخدام هذه الحقن لعلاج المرضى الذين لديهم تاريخ سابق من سرطان الغدة الدرقية، أو لديهم تاريخ في العائلة لهذا النوع من السرطان... كان هناك أيضًا اعتقاد بإمكانية حدوث سرطان البنكرياس باستخدام هذه الحقن، ولكن الأبحاث المقارنة لم تثبت ذلك.
5- ما الأعراض الجانبية الخطيرة لهذه الحقن؟
ممكن حدوث التهاب حاد في البنكرياس بنسبة ضئيلة جدًّا؛ لذا ينصح بعدم استخدام هذه الحقن لمن له تاريخ سابق لالتهاب البنكرياس، ومن على استعداد لهذا الالتهاب، وهم مرضى حصوات المرارة، ومن يعانون ارتفاعًا كبيرًا في الدهون الثلاثية بالدم، ومن يشرب الكحوليات بكثرة. والتهاب البنكرياس الحاد يظهر في صورة ألم شديد في البطن، وقيء شديد، وارتفاع حاد في إنزيمات البنكرياس.
6- هل تسبب هذه الحقن شلل الأمعاء؟
هذه الحقن تُبطئ حركة المعدة والأمعاء، وقد تؤدي في حالات نادرة جدًّا الى الشلل الوقتي لحركة المعدة، وخاصة عند مرضى السكر من النوع الأول المصابين بالتهاب الأعصاب، وخاصة أعصاب الجهاز الهضمي. والحقن ليس مرخصًا لها بالاستخدام لعلاج ارتفاع السكر عند مرضى النوع الأول للسكر.
7- هل خفض الوزن كله من دهون الجسم الزائدة؟
لا! مع الأسف، 40% من الوزن المفقود من عضلات الجسم، وخاصة عضلات الفخذين والحوض والأكتاف وهذا اخطر ما في الموضوع ،ويؤدي إلى الوهن العام، كما أن فرصة رجوع العضلات إلى سابق عهدها بعد توقف العلاج ضئيلة؛ مما يشكل خطورة، خاصة على كبار السن؛ بسبب نقص جميع هرمونات النمو مع تقدم العمر. كما أن انخفاض حجم العضلات يؤدي إلى خفض حرق السعرات الحرارية؛ مما ينذر بعودة الوزن إلى سابق عهده.
8- كيف نوقف الانخفاض في عضلات الجسم مع هذه الحقن؟
للمحافظة على عضلات الجسم، يجب زيادة أكل البروتين حتى 1- 1.5 جرام لكل كيلو جرام من وزن الجسم، مع ممارسة تمارين تنمية وتقوية العضلات، خاصة عضلات الفخذين والكتفين. وينصح أن يقوم الشخص بتمارين يومية لمدة عشرين دقيقة.
9- هل يعود الوزن إلى الارتفاع عند التوقف عن استخدام هذه الحقن؟
نعم، يعود الوزن عادة إلى سابق عهده عند التوقف عن استخدام هذه الحقن، ومعظم الوزن العائد في هذه الحالة هو من دهون الجسم، وليس عضلات.
10- هل العلاج بنفس مادة الأوزيمبك عن طريق الفم يؤدي إلى خفض الوزن وتحسن مستوى السكر في الدم؟
هناك علاج عن طريق الفم من نفس مادة الأوزيمبك، ويسمى ريبالسس ولكن تأثيره على السكر والوزن أقل بكثير من الحقن، وله نفس الأعراض الجانبية، وتؤخذ هذه الحبوب قبل الإفطار بنحو نصف ساعة وإلا فقدت تأثيرها.
11- هل لهذه الحقن فوائد طبية أخرى؟
نعم، عند المرضى المصابين بجلطات القلب والمخ، تقلل هذه الحقن من فرصة حدوث هذه الجلطات مرة أخرى. كذلك تُخفض هذه الحقن "ضغط الدم"، وتقلل التدهور في وظائف الكلى عند مرضى السكر.
12- هل يمكنني أن أشتري هذه الحقن مباشرة من الصيدلية وأستخدمها لخفض الوزن، أو لعلاج السكر؟
قطعًا لا، لا يجب استخدام هذه الحقن إلا تحت إشراف طبيب متخصص في الغدد الصماء والسكر والسمنة، وليس عن طريق أخصائي تغذية، أو دكتور علاج طبيعي او طبيب عام ليس متخصصًا في علاج السكر والسمنة.
أتمنى أن تكون هذه الإجابات مفيدة لمن يحاول استخدام هذه الحقن لعلاج السكر أو لخفض الوزن.

صيدلية الدكتور ايمن -عزبة النخل Dr.Ayman pharmacy

21/04/2025

20/04/2025

16/04/2025

15/04/2025

01/04/2025

31/03/2025

30/03/2025

30/03/2025

30/03/2025

23/01/2025

14/12/2024

14/12/2024

Address

Website

Alerts

Shortcuts

Share