فيتامينات نفسية د. منة بدوىDr.menna Badawy

13/07/2025

#الهوايات

13/07/2025

13/07/2025

من أهم الأسباب اللي ممكن تخليك مش عارف "تقول لأ" أو "ترفض لحد طلب" إنك بتعتبر نفسك "مسؤول عن مشاعر الناس" ..🤎

وخلي بالك هنا إن ده مختلف عن "مراعاة مشاعر الناس"

"مراعاة مشاعر الناس" ده خلق رفيع ومطلوب بلا شك، وده بينتج من شعورك بالمسؤولية عن نفسك وعن كلامك وتصرفاتك، وبالتالي بتحاول توزن الكلام والأفعال اللي بتصدر عنك قدر المستطاع بحيث إنك ما تتفهمش غلط

أما إنك تعتبر نفسك "مسؤول عن مشاعر الناس" فده نوع من التشوهات المعرفية أسمه "Over Responsibility" أو الشعور الزائد بالمسؤولية، وهو إنك تتخطى حدود مسؤولياتك، وتعتبر نفسك مسؤول عن أفكار ومشاعر وتصرفات الناس، وإنك السبب الوحيد في أفكارهم ومشاعرهم

وده طبعًا تشوه لأنك مش مسؤول إلا عن الحاجات اللي ليك سلطة مباشرة عليها، وأفكار ومشاعر وتصرفات الناس، بتقع تحت نطاق سلطتهم هما مش سلطتك انت، وبالتالي هي مسؤوليتهم هما مش مسؤوليتك أنت!

والحل هنا،💥 إنك تدرب نفسك على الشعور المعتدل بالمسؤولية

إنك آه مسؤول عن كلامك وتصرفاتك تجاه الناس ومطلوب منك تراعيها قدر المستطاع ... لكنك في نفس الوقت مش مسؤول عن ازاي الناس دول هيستقبلوا أو هيفسروا تصرفاتك وأفعالك، لأن دي حاجة بتاعتهم هما وبالتالي مسؤوليتهم مش مسؤوليتك ...

إدراكك ده هيخلي عندك قدرة أكبر على رفض الطلبات👌 المؤذية ليك ... وهيخليك أكثر قدرة على التمييز بين طلبات الناس اللي انت عايز تلبيها من باب الإيثار وحب الخير، وبين الطلبات اللي بتعملها وكأنك مغصوب عليها
عشان محرج وخايف تجرح شعور الناس.
💕💚

13/07/2025

لن تكون قمراً رائِعاً لو لم يُحاصرك كُل هذا الظلام
🌑🌓🌒🌕

18/06/2025

الا ايه هو النرجسي دة ياكبير
دة واحد كدة فاكر نفسه اخر حته في الكيموكونو وهو طبق لوبيا

13/06/2025

🚨 احذر من ارتفاع هرمون الكورتيزول في جسمك!

ارتفاع الكورتيزول لفترات طويلة مش بس بيخليك "مضغوط" نفسيًا، ده كمان ممكن يدمّر صحتك بالتدريج:

🧠 ضعف الذاكرة والتركيز
الكورتيزول الزائد بيأثر سلبًا على خلايا المخ وبيضعف الذاكرة على المدى البعيد.

🍔 زيادة الوزن خصوصًا في البطن
بيرفع الشهية ويخزن الدهون حوالين البطن – أخطر نوع دهون على القلب.

💤 أرق واضطرابات النوم
بيمنع الجسم من الدخول في نوم عميق، وده بيزيد التعب والقلق.

💪 ضعف المناعة
بيقلل كفاءة جهاز المناعة، فتبقى عرضة أكتر للعدوى والأمراض.

❤️ ضغط الدم مرتفع وسكر غير منتظم
بيرفع ضغط الدم ويزيد مقاومة الأنسولين، وده ممكن يؤدي للسكري.

😔 تقلبات مزاجية وقلق واكتئاب
بيؤثر على المزاج وبيخليك دايمًا مش مرتاح نفسياً.

🎯 نصيحة مهمة:
حافظ على توازنه بالرياضة، النوم الجيد، تقليل الكافيين، وممارسة تمارين التنفس أو التأمل

11/06/2025

#متلازمةداون
#قادرون

أثار فيديو متداول عبر مواقع التواصل الاجتماعي يظهر شابًا مصابًا بمتلازمة داون يحتفل بزفافه جدلًا واسعًا بين رواد السوشيال ميديا، بين مشجعين يرونه انتصارًا للإنسان...

11/06/2025

ازاي اخلق ميزة للطفل🤔
ودا لو الام مكانتش شايفة له ميزة🥺
طب وبالنسبة للعيوب🤔

تعرفي إن أغلب العيوب اللي بتضايقنا ممكن نحولها لمزايا ومهارات

🍬الامثله

_ طفل بيكذب كتير وبيألف حوارات
ومفيش فايدة في الموضوع
نقعد معاه ونقوله انه خياله واسع ونطلب منه اننا هانعمل وقت في اليوم يحكي فيه حواديته
وانتي تسجليها على الموبايل
وفيه تطبيقات كتير بتحول الصوت لكتابة
وننزل نطبع الحدوتة ونجمع له كل شهر مجموعة قصص
ونخليه يسميها اسم
نطبع مثلا عشر نسخ
ونوزع تسعة على قرايبنا ومدرسينه
ونعرفهم انه مؤلف قصص ممتاز وليه مستقبل
ونحتفظ بنسخة في مكتبة خاصة بيه
_______________

_طفل رغاي ومبيبطلش كلام
اقعد معاه واعرفه انه موهوب في التقديم
وانه ينفع يبقى مذيع
وانك هاتساعديه في دا
واعمله قناة على اليوتيوب وابدأ
اطلب منه يحدد موضوع كل يوم يتكلم فيه
قدام الكاميرا واساعده يجمع معلومات من النت 😍
وابعت الفيديوهات لقرايبنا
واخليه يتفرج على نفسه 💚
_________________

_طفل مبيعرفش يكون صداقات
اكلمه عن موضوع عام مهم
يخص الاطفال
زي التنمر مثلا 😔
واطلب منه يبقى صاحب مبادرة
لان شكله قائد وطفل يقدر يغير العالم
وتقترحي عليه يعمل برشور
او ملصق عن التنمر
او استبيان
يجمع فيه معلومات
من زمايله
بس هايحتاج مساعدة من مجموعة من الصحاب
كمان الام تطلب من الميس تعمل زي اعلان في الفصل كده
ان فلان عاوز يقترح عليكم حاجه
وبعد ما يخلص تقولهم انه محتاج مساعدة من مجموعة😍
وبكدة يكون ليه هدف على المدى البعيد
واصحاب دلوقتي ،💚
___________________

ودي بعض الامثلة مش اكتر🥰
جربوا بقى في الكومنتات تبتكروا كدة حلول للعيوب وتقلوبها مميزات 🤩

07/06/2025

كل عام وأنتم بخير 📿

29/05/2025

الهشاشة النفسية تشير إلى حالة من الحساسية الزائدة تجاه الضغوط أو المواقف الحياتية الصعبة، بحيث يصبح الشخص أكثر عرضة للتأثر نفسيًا وعاطفيًا، وقد يواجه صعوبة في التعامل مع التحديات أو تجاوزها. لا تعني الهشاشة النفسية بالضرورة وجود اضطراب نفسي، لكنها قد تكون عاملًا مؤثرًا يزيد من احتمالية الإصابة به في حال غياب الدعم أو المهارات المناسبة للتعامل.

من مظاهر الهشاشة النفسية:
• التأثر الشديد بالمواقف السلبية أو الانتقادات.
• صعوبة التكيف مع التغيرات أو الفشل.
• الانهيار العاطفي السريع أمام الضغوط اليومية.
• الشعور المفرط بالخوف أو القلق أو الحزن دون مبررات واضحة.
• الاعتماد الكبير على الآخرين عاطفيًا.

أسباب الهشاشة النفسية المحتملة:
• تجارب الطفولة الصعبة (مثل الإهمال أو الإساءة).
• الحرمان من الدعم النفسي في مراحل النمو.
• نمط التربية المفرطة في الحماية أو في القسوة.
• الخبرات الصادمة أو المتكررة.
• غياب المهارات النفسية مثل: ضبط الانفعالات، المرونة النفسية، حل المشكلات.

كيف يمكن تقوية الصلابة النفسية؟
• بناء مهارات التكيف والمرونة.
• تطوير وعي الذات وتنظيم المشاعر.
• الحصول على الدعم النفسي عند الحاجة.
• تقبّل الفشل والنقص كجزء طبيعي من الحياة.
• الاهتمام بالصحة الجسدية والاجتماعية والروحية

19/05/2025

✓بقاطع الكلام كتير
يعني لو حد بيتكلم مش بديه فرصة يرد لو جات في دماغي كلمة، والناس بتفتكر دا قلة ذوق مني لكني بكون مش هاقدر امنع الكلمة تخرج🙆

👈 محدش عارف إني بنسى الكلام وبتوه ويمكن الجملة اللي عاوز أقولها دلوقتي لو مطلعتش ثواني ومش هالاقيها أصلا🫣
(ذاكرة عاملة واقعة اتكلمت عنها كتير)

✓ممكن اقول كلام أصلا ملوش علاقة باللي بيتقال دلوقتي وتحسبني بغير الموضوع 🙈

👈 محدش عارف ان دماغي عاملة زي مكنة الفشار عمالة تطأطأ أفكار ومخي اللي بيجي قدامه بيقوله
(اندفاعية فكرية اتكلمت عنها بردو)

✓ صوتي بيعلى ساعات لما بيكون فيه نقاش وأنت مش فاهمني فتفتكر إني بزعقلك 😱

👈 محدش عارف اني عندي حساسية الحاسة ساعات كتير بتكون ضعيفة وادراكي للكلام اللي بيتقال كتير بيكون واقع وعشان اتأكد إنك فاهمني بعلي صوتي لانك هاتفهم بالصوت العالي
( حساسية الحواس اتكلمت قبل كدة عنها )

✓ بعيد وازيد في نفس الموضوع معاك كتير كتير كتير وانت بتزهق وتشوفني شكاي أو فاضي😤

👈 محدش عارف ان الفكره ممكن تسيطر على دماغي زي الاغنية فمقدرش ابدا اتجاهلها عمالة تقولي اتكلم اتكلم عني ومسيطرة علبا
(شلل التفكير واتكلمت عنه قبل كدة مع
ال over thinking فكروني اتكلم عنه)

✓بتيجي تشتكيلي من موضوع تلاقيني بشتكيلك من نفس الموضوع اللي حصلي قبل كدة فتقول إني بزايد عليك 🙂

👈 محدش عارف اني بتخيل إنه بالشكل دا انا بتضامن معاك ومتفاعل جدا مع مشكلتك لدرجة إني بأكدلك اني فاهم كويس جدا اللي انت حسيت بيه وبحكيلك انه حصل لي
( ادراك اجتماعي ضعيف واتكلمت عنه قبل كدة بس هاتكلم عنه أكتر بالنسبة للكبار)

✓رغاااااي
لو بتكلم في موضوع محمسني، ممكن افضل اتكلم فيه بالساعات مبفصلش فتزهق مني 🤐

👈 محدش عارف فعلا ان الاندفاعية الفكرية عندي هاتحدف الكلام حدف وانا فعلا ببقى تعبان وعاوز حد يوقفني بس من غير ما يجرحني او يحرجني (لسه قايلة فوق عن الاندفاعية الفكرية)

⭕ شوية مشاكل بيقع فيهم ال ADHD بسبب أعراضه للاسف ومحدش بيفهمه فيها ويمكن هو نفسه مش بيبقى فاهم نفسه

16/05/2025

أختار الشكل واللون بتشعر بتوافق معاه وتناغم ويوصف حالتك الان..
اكتب رقم الشكل في كومنت وهتلاقي الاجابه👌😊