https://www.facebook.com/113170051659301/

Dr/psychotherapy, 8 الاديب علي ادهم, Cairo (2025)

24/01/2025

مكانتش صدفة إنك متعرفش تنام فتقرر تسهر اليوم ده فتعرف حقيقة كانت متداريه عنك .. 🖤

- مكانتش صدفة إن الدنيا ترجع تجمعك بحد تعرفه من سنين من تاني ويرجع أغلى من الأول ...🖤

- مكانتش صدفة إن يحصل بينك وبينهم سوء تفاهم فتعرفهم علي حقيقتهم ...🖤

- مكانتش صدفة إن كل ال posts فجأه تتحول لمسج ليك وكإن ربنا بيطبطب بيها علي قلبك ...🖤

- مكانتش صدفة إن الأيام تبعدك عن حد فجأه في وقت معين وتنقذك منه ...🖤

- مكانتش صدفة إنك تروح مكان معين في وقت معين فيبقي ليك رزق فيه من غير حول لك ولا قوة...🖤

- مكانتش صدفة إنك تسمع من حد متعرفهوش حكايه تشبهك وكإن ربنا بيقولك إنت مش لوحدك والعيب مش فيك ...🖤

- مكانتش صدفة إن يظهر في حياتك حد روحك تتعلق بي ويبقى سندك من غير حتى ميتكلم ...🖤

- مكانتش صدفة انك تنزل بعد ميعادك بنص ساعة وتبقى زعلان فربنا يسترها معاك من حادث محقق ...🖤

-الستر مش صدفة .. الصحة مش صدفة .. الحب مش صدفة ..🖤

مفيش حاجة بتحصل صدفه سواء حلوه او وحشه كل حاجه بتحصل لسبب هتعرفه دلوقتي أو بعدين ...🖤

لا أؤمن بالصُدف كنت دائماً أرى اللَّه في كل شيء 💙

20/01/2025

#الفيبروماليجيا مرض بقينا بنسمعه كثير ومع ذلك بيتأخرفي التشخيص ،يعني ممكن تقعد سنين عشان تتشخص صح🙅🏻♀️
عشان كدا إسمه المرض الغامض أو اللص الخفي!

ودا غير أعراضه المتشابهة مع أعراض أمراض كتير جدا.

◀️وخليني اقولك أنه
مرض غير معروف سببه للأسف وملوش أي تفسير.😖

وزيادة على كل ده فهو مرض مؤلم جدا
📌بس في شوية حاجات بتميزه وبتخليني نعرف اذا كان هو دا أو لأ زي:
• ألم العضلات وبيكون ألم مستمر لمدة طويلة.
•كمان ألم العظام و قلة النوم
•أو كثرة النوم والتعب المستمر
•والنسيان وقلة التركيز والقلق والإكتئاب
•ألم البطن وجفاف العين والإجهاد المزمن
•تشنج العضلات وألم في الفك أو صوت طرقعة مع فتح وقفل الفك
•وإسهال وانتفاخ وغازات
•حساسية من الضوضاء والضوء

◀️أعراض تحس إنها مش ماشية مع بعضها🤏🏼

اللي بيحصل في المرض ده إن المخ بيبالغ في رد الفعل وتفسير إشارات الألم
يعني الشخص بيكون عنده حساسية من اللمس.
مجرد اللمس ممكن يحس بالألم.

◀️النساء أكتر عرضة للفيبروماليجيا 🙅🏻♀️

📌طب إزاي بنشخص المرض دا؟

هنا التشخيص بيتم بناء علي الإستبعاد والفحص الاكلينيكي .👌🏻
يعني انت عملت كل التحاليل والفحوصات وكله سليم ومفيش أي سبب لحدوث ألم العضلات فبالتالي بيتشخص فيبروماليجيا💔

📌مهم لو تتشخصت بالفيبروماليجيا •أنك تمشي علي نظام صحي👌🏻 البعد عن التوتر
•التمارين الرياضيه
و اليوجا والمساج
كما أنا هناك علاج دوائي

📌الفيبروماليجيا مش النهاية بس لازم تتعامل معاه صح 👌🏻

-----------------------------------------

للحجز أو الاستعلام عن الجلسات أو الاستشارات
برجاء التواصل علي
(01229540615) (01225568507)

19/01/2025

7 نصائح لتحقيق الشفاء الذاتي من كل مرض ...

إكتشف أطباء في علم النفس في جامعة أميركية أن جميع أمراض القلب خاصة الجلطات سببها نفسي كالحزن أو التوتر العصبي. هذا ووجد علماء النفس أن المرض السرطاني قد يأتي بعد مرض نفسي لذا قاموا بعلاجه نفسيا من خلال تجربة أجروها على مرضى مصابين بالسرطان بأن جعلوهم يجلسون جلسات تأمل لمدة عشر دقائق كل يومين فوجدوا بعد شهر أن ردود أفعال المرضى كانت مختلفة تماما ولكن بعد سنة كاملة بدأت الخلايا السرطانية تخفّ بشكل كبير.

ويختلف العلاج بالتأمل وطرق التأملّ من شخص لأخر أما المبدأ الأساسي فواحد وهو الإسترخاء وإغلاق العينيين والتفكير بشيء تحبه

وينصح الخبراء باستعمال النصائح السبع التالية لنتائجها المضمونة على صعيد الإرادة وتحفيز الشفاء الذاتي:

1ــ لا تؤمن مطلقاً بكلمة «لا» التي قد يعلنها الطبيب ليؤكد صعوبة العلاج أو استحالته.

2ــ عليك البحث عن كل احتمالات العلاج والشفاء، وعن أشخاص لديهم المرض نفسه وتمكنوا من العلاج، وإيجاد علاقة بناءة مع أطباء ليساعدوك في البحث عن علاج.

3ــ عدم التردد في تغيير أسلوب حياتك.

4ــ اعتبر المرض امتحانا أو حافزاً قوياً للتغيير.

5ــ الاستعداد لقبول التحدي مهما كانت النتائج.

6ــ أعط جسمك الفرصة لكي يعالج نفسه، لذا لا تهمل جانب الراحة والحركة وتعزيز أسلوب الحياة الحي، فالجسم يعرف كيف يدافع عن نفسه.

7ــ اقتنع بأن لديك قوة في العقل الباطن لتشفيك من المرض وتعطيك القوة من جديد وتعلمك كيف تستفيد من قوتك الداخلية...

09/01/2025

ماتاخدش اي قرار وانت في عز الاحتياج..
لان غالباً وبنسبة كبيرة هيكون قرارك غلط ..
هتبقي عامل بالظبط زي الشخص اللي بيكون جعان جداً ..بيحس ساعتها انه مستعد ياكل اي حاجة قدامه وخلاص ..
مش قادر يستني الحاجة المعينة اللي هو بيحبها فعلاً و محتاج ياكلها ..
علشان كده ماتدخلش في علاقة لمجرد انك مضايق من الوحدة .. ماتتجوزش حد لمجرد فكرة الجواز وخلاص وخوف ان الوقت يسرقك وماتتجوزش ..
ماتصاحبش اي شخص وخلاص لمجرد ان الظروف فرضته عليك و مفيش غيره قدامك..

من الاخر ماتقبلش باقل مما تستحق و لا تخلي مشاعر الاحتياج الشديدة هي اللي تقودك في اختيارك لحاجة ماتناسبكش ولا انت محتاجها اصلاً ..
علشان للأسف اما تفوق وتجمع كده وتستوعب اللي عملته هتلاقي نفسك بتندم علي قرارك وهيبقي من الصعب اوي ساعتها انك تغيره ..

02/01/2025

ايه اكتر حاجة متحمس تعملها النهاردة؟؟ 🤔

30/12/2024

ساعات قليلة تفصلنا عن عام جديد 💐
عن أيام جديدة وشهور جديدة وفرص جديدة.
اطلب من ربنا تكون بداية جديدة تحقق فيها كل اللى بتتمناة

22/12/2024

‏متوعدوش حد بحاجة أنتوا مش قدها عشان هو بيبنى على وعودكوا الكدابه دى حياه كاملة و أنتوا بتيجوا فى لحظة و بتكسروا وعدكوا وبتكسروا كل حاجة و فى الآخر نستغرب ليه الناس كلها عندها Trust issues !!

كان فيه ملك زمان راجع القصر بتاعه بالليل والجو كان برد جدا ، فشاف حارس عجوز واقف بردان فسئله انت مش بردان قاله انه معندوش هدوم غير اللي لابسها دي .

فالملك وعده انه هيدخل القصر وهيبعتله هدوم وبطانيه عشان تحمي من الجو ده فدخل الملك القصر ونسي يبعت للحارس الهدوم ، فصحي الصبح لقى الحارس ميت ونشف وجمد من البرد وجمبه رساله بيقول فيها بخط مرتجف " كنت اتحمل شده البرد كل يوم ولكن وعدك بأن تأتي لي بملابس تحميني من شده البرد سلب مني قدرتي علي تحمل البرد وقتلني " .

#الخلاصه متوعدش حد بحاجه انت مش قدها
و خلي بالك لتقتل حد بوعودك خصوصا الناس اللي بتحبك ..

ِفس_وحشة
!!

13/12/2024

لو حبيت بجد و الحكاية فشلت لأي سبب مهما
كان إوعي تزعل أو تنكسر ؛ اياك تفارق ضحكتك ؛ متخليش ضحكة عيونك تنطفي - بالعكس - خلي راسك
مرفوعة و إضحك !!
آه اضحك و سمع الكون كله صوت ضحكتك و
صوت قوتك ، واياك تستسلم للحظة ضعف أو يأس ؛ لأنك حبيت بجد ؛ لإنك أخلصت ؛ لأنك حاولت تحافظ عليهم ؛ لأنك خفت ربنا فيهم ؛ لإنك كنت انسان نطيف ؛ ارفع
راسك لفوق لإن اللي زيك مش كتير !
الخاين و المنافق و الغشاش و اللي باع هو اللي ضعيف ؛
هو اللي المفروض يوطي وشه في الأرض و يداري نفسه
من الناس ؛ صدقني بجاحته وجبروته شيء مؤقت
هينكسر في يوم .!

الحب الحقيقي و الكامل و لو لمدة دقيقة واحدة ،
هو اللي بيحسسنا في لحظة النهاية قد ايه الحياة
حلوة ؛ حلوة بجد . يبقي حرام القلب اللي شال الحب ده يزعل ، حرام يتقهر ، حرام يبكي .

انت قلبك ماس نادر فإياك تفرط فيه .
تجاهلهم ، متبصش وراك و تستني منهم أي حاجة ،
رجوعهم مضر بالصحة ، ربنا هيعوضك بفرحة أكبر .

انجح ، ركز في حياتك و عوض اللي فاتك ، شغل ،
صحاب ، حاجات كتير ضيعوها منك ، بس اياك والاستسلام لسمومهم المريضة الوهمية .

وديما اعرفوا ان عوض ربنا بينسي اي وجع👌🏻

12/12/2024

في نسخة وحشة جدا منك لقيت نفسك بتتعامل بيها مع شخص ما.ونسخة حلوة جدا منك لقيت نفسك بتتعامل بيها مع شخص تاني...

في الحالتين انت نفس الشخص، لا عندك فصام ولا عندك اضطرابات في الشخصية، ولا عندك أي مشكلة...بس في الحالة الأولى انت اتعاملت مع شخص صعب، جاف، ماكنش بيقدرك، ضغط عليك، قلل منك.....لحد ما نسختك السيئة طغت عليك وبقت انعكاس لمعاملته ليك..وفي الحالة التانية انت اتعاملت مع شخص لطيف، لين، عاملك بتقدير، ريحك، رفع مكانتك...لحد ما نسختك الحلوة اتحكمت فيك وبقت انعكاس لمعاملته ليك...الحكاية ببساطة...لو حد عايز يشوف النسخة الحلوة بتاعتك يبقى لازم هو يقدم السبت، لازم هو اللي يعاملك بأفضل طريقة ممكنة... عمر انعكاس صورتك ما هيبقى واضح ونضيف إلا لو المراية اللي قدامك نضيفة وبتلمع...!!👌

10/12/2024

ساعات غلطك كله بيتلخص في كلمة واحدة
وهي في انك " عودتهم " ..
عودتهم انك مهما يحصل مابتزعلش فا بطلو يعملو خاطر ليك و لزعلك ..
عودتهم انك بتسكت وبتعدي ليهم طول الوقت فا بقو بيتمادو و بيجو عليك اكتر ..
عودتهم انك بتريحهم حتي لو علي حساب نفسك فا مابقاش فارق معاهم راحتك ..
عودتهم انك في اي حاجه بتوافقهم وبتطاوعهم فا بقي بنسبالهم حق مكتسب ..
للأسف الغلط الاكبر مش علي اللي خد كتير وماقدرش ،
قد ما علي اللي عودهم اصلاً انه بيدي كتير من غير حساب ..

08/12/2024

أغلب الناس بتعاني من نغزة جواهم مأثرة عليهم بشكل كبير ومخلية روحهم مطفية ، اللي توفى له شخص غالي ، واللي عاش فترة حزن مش قليلة ، واللي اتصدم في أقرب الناس ليه، هتلاقي كل واحد عنده حكاية لو سمعتها هيصعب عليك، وبين كل 10 أشخاص هتلاقي 9 منهم مرو بصدمة واحدة على الأقل في حياتهم ومن يومها مش عارفين يرجعو تاني نفس الشخص بتاع زمان .. عشان كدا هونوا على بعض ورفقا بالقلوب لإن كل واحد فيه اللي مكفيه وزيادة..

بس أكتر الحاجات اللي بتخلينا نصبر ونتحمل ونرضى إن ربنا مطلع على كل اللي بيحصل، أعتقد إن مفيش سبب للتحمُّل غيرها أصلا ، مفيش حاجة في الدنيا دي كلها مريحة بالنسبة لي قد فكرة إن ربنا عالم ، عالم بنيَّتك حتى لو كانت مش زي أفعالك ، عالم بصدقك وحُسن نيتك حتى لو كل الناس أساءت الظن فيك، عالم بمحاولاتك والتعب اللي تعبته في مشوارك كله ، عالم بإحساسك، عالم بالكلام اللي عمره ما طلع ولا هيطلع لحد ، وعالم بكل حاجة كل حاجة .. أكاد أجزم إن مفيش حد في العالم كله ما بيجيش عليه وقت بييأس ويزهق من العالم ومن كل اللي حواليه وما بيصبّروش بس ويهون عليه غير فكرة إن ربنا موجود ، عالم بكل حاجة ، وقادر على كل حاجة..

" ربك موجود وجنبك اوعا تخاف "

06/12/2024

كل حاجه بتحصل في حياتنا ليها سبب !! ..اوعى تفتكر إن ربنا بيعمل حاجة ف حياتك كدا وخلاص ، كل حاجة بتحصل لحياتك بتكون ليها سبب ، ممكن تعرفه وقتها او هتعرفه بعدين ، صدقني بيكون في سبب لأي حاجة بتحصلك ودايمآ بيكون خير ليك حتى لو انت شايف عكس كدا وقتها ، لما تعدي الساعات وتمر الأيام هتعرف إن ربنا اخترلك الخير وإنك كنت مضايق عشان مكنتش عارف السبب وقتها. حاجات كتير حصلت ف حياتي انا شخصيآ مكنتش أعرف ليه حصلت وكنت مضايق منها لما حصلت ، لكن اكتشفت بعد كدا إنها حصلت عشان حاجات تاني هتحصل بعدها مترتبة عليها وكان ف الآخر خير ليا ، وسواء عرفت السبب وقتها او معرفتوش تأكد إن ربنا قدرلك الخير بس احنا دايما مستعجلين حبتين ، عشان كدا دايما توكل على الله وريح بالك وهدي اعصابك ومتزعلش واصبر وسلم امرك لله وتخيل إنك ف افضل مكان دلوقتي ربنا حطك فيه !!
👌

Dr/psychotherapy

24/01/2025

20/01/2025

19/01/2025

09/01/2025

02/01/2025

30/12/2024

22/12/2024

13/12/2024

12/12/2024

10/12/2024

08/12/2024

06/12/2024

Address

Telephone

Website

Alerts

Shortcuts

Share

Category