من إيد نهي

18/07/2025

شوية نصائح 👌🏻👌🏻👌🏻👌🏻

❤جربتى تنظفى دهون الفرن بالخل وكربوناتو وسائل غسيل الاطباق هتلاقي الفرن بقى مرايا

❤جربتى لأزالة بقع الصدأ حطى عليها كوكاكولا ١٠ دقايق وبعدين أريال بودر وأدعكى كويس هتختفي بقع الصدأ

❤جربتى لما تيجى تعصجى اللحمة وانتى بتحطى المادة الدهنية تشوحى معاها فصين مستكة وقبل ما تطفى عليها تحطى كمان معلقة صويا صوص جربي يا قمريه👍

❤جربتى وانتى بتعملى الحواوشى تضيف معلقة طحينة أو معلقة دقيق التكة دى بتخلى اللحمة متنزلش سوايل على العيش ومتبوشهوش خصوصا في عجينة الحواوشى الاسكندراني جربى يا عسل 👍

❤جربتى وانتى جايبة كمية بطاطس وخايفة تبوظ منك
حطى رأس توم هتساعد من أنها تفضل فترة طويلة من غير ما تبوظ جربى يا سكره👍

❤جربتى وانتى بتخزنى البامية تضيفى عصير ليمون
عليها بكده هتحتافظ على خضارها

❤جربتى وانتى بتعملى الكفتة تضيفى في الخلطة بتاعتها معلقة نشا ومعلقة بيكنج بودر وبياض بيضه بالطريقة دى عمرها ما هتفك ولا تكش منك يا عسلية👌

❤جربتى لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى
هيبقى سهل معاكى جدا وانتى بتستخدميه يا جميله👍

❤جربتى وانتى بتعملى الكيك تضيفى معلقة خل
هتفرق جدا فى لون وهشاشة الكيك يا سكر👍

❤جربتى برضوا معلقة الخل لما تيجى تفرمى التوم علشان تخزنيه ده بيخلى لون التوم فاتح لآخر
لحد ما يخلص يا عسل👌

❤جربتى تنضفى ضهر الطاسات اللى مليانة دهون بالصنفرة الخشنة بجد رهيبة ونتايجها رووووووعة يا شطورة
متنسيش بقى تصلي على اشرف المرسلين سيدنا محمد صلى الله عليه وسلم

18/07/2025

ما تكسليش عن تنظيف المطبخ، لأنه فعلاً قلب البيت ❤️‍🔥
كل ما كان مطبخك نضيف، كل ما حياتك تكون أهدى وأنضف!

✨ أهم النصايح اللي هتفرق معاكي في مطبخك:
👇👇👇

1️⃣ البوتاجاز: تنظيفه يوميًا بقطنة وفيّري أو أي سائل مواعين، عشان الدهون ما تسيبش أثر أو شكل وحش.

2️⃣ مروحة الشفط: مرة كل شهر نظفيها بماية سخنة، بيكربوناتو، وملح ليمون. ده السحر!

3️⃣ الحوض: آخر اليوم، حطي فيه شوية ديتول أو كلور أو حتى نص ليمونة في شوية مايه دافيه.

4️⃣ الخلطة السرية للمواعين اللامعة: في علبة الفيري، ضيفي معلقة خل أبيض + رشة بيكربوناتو ✨

5️⃣ التلاجة: مرة في الشهر تتغسل كويس من جوه، وحطي فيها قطعة فحم لتمتص أي ريحة.

6️⃣ علب التلاجة: مهمة لبواقي الأكل عشان ما يكونش فيه ريحة مش حلوة جوا التلاجة.

7️⃣ بلاش تحطي حلل في التلاجة! شكلها مش لطيف، وبتاخد مساحة… استخدمي علب أو غلفي بأطباق ونايلون.

8️⃣ العيش: في الفريزر مش التلاجة عشان ما ينشفش.

9️⃣ البيض للكيك: لازم يكون بدرجة حرارة الغرفة، مش من التلاجة على طول!

🔟 الطاسة بالزيت السخن: ما تدخليهاش الفرن، هتكون طبقة دهون صعبة أوي تتشال!

🔄 كملي معايا بقيت النصايح السحرية:👇👇👇

🍒 الزيت اللي استخدمتيه ما يترميش في الحوض ❌
حطيه في برطمان أو كيس مقفول كويس.

🍒 قشور الليمون بعد العصر، احتفظي بيها في الفريزر، واغليها مرة في الأسبوع للمسح والتنضيف – رهيبة!

🍒 اللحوم وقت السلق: ما تضيفيش ملح إلا بعد ما تستوي.

🍒 للتسبيكة: معلقة سكر صغيرة تظبط الطعم وتخليه زي المحلات.

🍒 الرز لو شاط منك؟ البطاطساية المنصوفة هتسحب الريحة وأنتي مغمضة!

🍒 المعجنات اتحرقت؟ استخدمي المبشرة ونظفي الطبقة السفلية.
🍒 عاوزة الكيك فاتح وهش؟ ضيفي معلقة خل أبيض.

🍒 خصصي علبة للملاعق بس، ما تتحطش في الحوض – دي نظافة وترتيب.

🍒 كيك الشوكولاتة: لما تبطني الصينية، استخدمي كاكاو بدل الدقيق.

🍒 الكاتل: غليه بماية + خل أبيض + ملح ليمون، وامسحيه بعد الغلي.

🍒 الميكرويف: طبق فيه ماية + خل + بيكربوناتو أو ملح ليمون، شغليه ثواني، وامسحيه – هيبرق!

---

18/07/2025

الي ربات البيوت...عارفين المصفى دى مطلعتش لتصفية الطماطم وبس ده طلع ليها استخدامات تانيه كتير👌👌

اولا : تسخين الأرز البايت
نحط فيها الأرز ونضع المصفى على حلة فبها ميه ونضع الحلة على الناااار ونغطى المصفى بغطاء الحلة ونسيبها خمس دقايق الأرز يسخن على البخار بيطلع كأنك لسه عاملاه صابح👌

ثانيا : تسخين العيش البايت
العيش البلدى او الناشف حطيه فى المصفى وهبيبقى صابح كأنك لسه جايبه من الفرن وبما ان بيقولوا تسخين العيش على النااار مباشرة غير صحى فطريقة المصفى دى افضل👌

ثالثا : تسخين السمك البايت
لو عندك سمك مشوى أو مقلى بايت ممكن نحطه فى المصفى ونسخن فيه السمك وممكن نحطه فى الفرن ولكن ممكن ينشف ولكن المصفى بتخليه طرى👌

رابعا : تسخين المخبوزات
زى القرص والبيتزا والباتيه والفينو واى مخبوزات كانت طريه ونشفت وممكن تفتحي الفينو وتحطى فيه جبنة رومى وحطيه فى المصفى العيش هيطرى والجبنة هتسيح وهيبقى تحفة👌

سادسا : تسخين المحشى البايت
اى نوع محشى بايت سخنيه فى المصفى بتنجان كرنب كوسة كله فى المصفى هيرجع طرى كأنك لسه طالع من الحلة👌

خامسا : تسويه الخضار
الخضار المسلوق فى الميه بيفقد معظم الفيتامينات ولكن التسويه على البخار افضل بكتير زى الكوسة الجزر اى نوع خضار وبعد كده نشوحه بمعلقة زيت زيتون وفلفل اسود وملح خضار سوتيه صحى جدا👌

البخار بيتصاعد للمصفى وبالتالي اىبيساعد أى طعام بايت او ناشف بيطرى ويرجع يطرى ويبقى زى الصابح بالظبط وده بالنسبالى ميكرويف الغلابة 🤗
دعوة حلوة من قلبكم ♥️
ومتنسوش اللايك والشير علشان غيرك يستفيد👌
وصلوا عالحبيب المصطفى

20/11/2024

17/11/2024

18/09/2024

خير صديق

18/09/2024

صباحكم رضا من الرحمن

18/09/2024

صباح الخيرات

18/09/2024

حاجات لو عملتيها واتعودتى عليها هتحسي أن البيت دايما نظيف ورايق

✴️هاتي كيس اسود ولفي في الشقة وارمي اي زبالة تقابلك، ورق . مناديل. اكياس فاضيه. علي دواء خلصان. شامبو اي حاجة وطلعيها بره البيت

✴️اضبطي التايمر علي ساعة واحدة وكأن في ضيوف جاينلك بعد ساعة وبسرعة روقي من فوق الوش ماتحنتفيش اي حاجة مش في مكانها شيليها

✴️اتخلصي كل يوم من عشر كراكيب، حاجة مكسورة وبقالها سنين ومش هتتصلح، لبس في قطع او بقع وشايلاه يمكن تحتاجيه، انتي اجمل من كده وتستحقي حاجات جميلة زيك

✴️متقعديش تندبي في حظك انك زي الخدامة ومحدش حاسس بيكي والعيال مش منظمين زيك
ده بيتك انتي وانتي تستحقي بيت جميل ونضيف،

✴️كل حاجة ليها دورة لازم تكمل
الغسيل نشف انشريه
استخدمتي المقص شيليه مكانه
رجعتي من بره فضي اكياس المشتروات وشيلي الاكياس وعلقي هدومك وحطي جزمتك في مكانها

✴️اي حاجة بتاخد اقل من خمس دقائق اعمليها فورا
وضبي سريرك، امسحي حوض الحمام بعد الاستخدام
امسحي مراية لو محتاجة تتمسح، امسحي رخامة المطبع وانتي بتطبخي

✴️وانتي بتطبخي ومستنيه حاجة تغلي مثلا، اشطفي المعالق أو كام كوباية من الحوض
خلصتي مصفاه المكرونة اغسليها علي طول
عملتي قهوة اغسلي الكنكة
مهو محدش هيغسلها غيرك يبقي تعمليها بسرعة قبل ما تبقي اصعب

✴️حاولي اسطح المطبخ والتسريحة والبوفيه .. يبقوا فاضيين خالص، عشان الكراكيب بتجيب كراكيب
9. اضبطي التايمر علي ربع ساعة ووضبي درج أو درفة أو رف كل يوم أو رف تلاجة
بعد شهر هتحسي بالفرق

✴️ اضبطي التايمر وشوفي كل حاجة بتاخد وقت قد ايه في التضيف، كل اوضة بتاخد وقت ايه، هتعرفي أن الموضوع مش بياخد كل الوقت اللي في دماغك

✴️اسمعي حاجة بتحبيها وانتي بتنضفي أو بتروقي، هيخفف عنك كتير

✴️ لو افتكرت حاجة تانية هبقي ا كتبها

✴️اختاري بند واحد بس و التزمي به كل يوم لمدة شهر ، ولما تتعودي عليه زودي بند تاني وهكذا
حبيباتي لو حسيتي أنك استفتي
لايك حلو منك وتعليق وشير
لأختك حبيبتك😘


✴️. ادعولي بقي لو حد استفاد حاجة

11/07/2024

قرص الدايت المقرمشة في نفس الوقت 👌
المكوّنات
٢ كوب دقيق اسمر
ربع كوب سمن بلدي
٣ معالق زيت زيتون
ملعقة كبيرة خميرة فوريه
ملعقة صغيرة سكر
رشة ملح
ماء دافئ للعجن
2 ملعقة كبيرة سمسم

الخطوات
1
يقلب الدقيق مع البيكنج بودرة والخميرة والسكر والسمسم
2
يبث الدقيق مع الماده الدهنيه
3
يضاف الماء للعجن
4
تختمر

5
تخبز بفرن 200 درجه مئوية
6
تحفظ بعد تمام برودها بعلبة محكمة الغلق
#منقول