مروة نصر - اخصائي نفسي إكلينيكي Marwa Nasr

12/09/2025

"أهم إنجاز لك، وأفضل هدية تقدمها لطفلك، هو ألا تدفعه للذهاب إلى الطبيب النفسي عند الكبر، بسبب ترسباتك بداخله"

10/09/2025

في اليوم العالمي لمنع الانتحار لازم نفتكر كلنا إن الناس اللي حوالينا ممكن يكونوا شايلين وجع مش ظاهر.
كلمة صغيرة، وقت تسمع فيه باهتمام، أو حتى وجودك جنب شخص بتحبه.. ممكن يغيّر حياته.
خلونا نكون أقرب لبعض، ونفكر دايمًا إن الدعم البسيط بيفرق كتير 🧡

05/09/2025

أوقات كتير، بنمر بمشاعر تجاه أشخاص أو مواقف، لكن بنختار ننكرها أو نقلل منها… مش لأننا مش حاسين، لكن لأن في دوافع نفسية بتخلينا نتهرّب منها.

ليه ممكن ننكر مشاعرنا؟

🔹 الخوف من الرفض: لما نكون مش متأكدين إذا كان الطرف التاني بيبادلنا نفس الإحساس، بنخاف نواجه مشاعرنا عشان ما نتعرضش للخذلان.
🔹 التربية والمجتمع: ممكن نكون اتعلمنا من بدري إن "إظهار المشاعر ضعف"، فبقينا نكبت أو نتهرب منها تلقائيًا.
🔹 الخوف من التغيير: في بعض الأحيان، مجرد الاعتراف بمشاعرنا معناه إن في حاجة هتتغير في العلاقة أو في حياتنا، وده بيكون مرعب.
🔹 الخلط بين أنواع المشاعر: ساعات بنفتكر إننا واقعين في الحب، لكن الحقيقة إن إحنا بس حاسين بألفة أو تعلق، وده بيخلينا نشكّ في مشاعرنا، فننكرها بدل ما نحاول نفهمها.

💡 الاعتراف بالمشاعر مش معناه إننا لازم نتصرف على أساسها، لكن إنكارها بيخلينا دايمًا في حالة ارتباك داخلي وتشويش على قراراتنا.

🎯 خد بالك: مشاعرك مش ضعف. فهمك ليها هو أول خطوة في النضج العاطفي واتخاذ قرارات صحية لعلاقاتك.

04/09/2025

لو الهروب مش هو الحل.. إزاي نواجه ضجيج الأفكار بطريقة صحية؟ 🤔

✅ شوية خطوات ممكن تساعدك:
- جرّب التأمل أو تمارين التنفس.. بتهدي العقل وتخلي التفكير أوضح.
- اكتب اللي في دماغك على ورق، مجرد الكتابة بتفرّغ الحمل اللي جواك.
- العب رياضة أو حتى امشي شوية.. الحركة بتقلل التوتر وبتحسن المزاج.
- ولو الإحساس بالضيق مستمر.. متترددش تكلّم متخصص نفسي.

الموسيقى كمان ليها دور إيجابي لو استخدمناها صح:
- اختار مزيكا هادية تساعدك على التأمل أو النوم.
- أو استخدمها كطريقة للإبداع.. زي الرسم أو الكتابة.

والسوشيال ميديا مش كلها سلبية.. بالعكس:
- ممكن تبني من خلالها علاقات صحية وتبادل خبرات.
- وكمان تتابع محتوى تعليمي أو إيجابي يلهمك.

خطوات بسيطة تقلل اعتمادك على الهروب العقلي:
- خطط ليومك بين شغل وراحة.
- حدد وقت معين للموبايل، ومتحاولش تكسره.
- اقعد مع أهلك أو أصحابك في الواقع.. ده بيفرق جدًا.

في الآخر.. ضجيج الأفكار شيء طبيعي، بس طريقة تعاملك معاه هي اللي بتحدد:
هل هيكون عبء عليك؟ ولا فرصة تنمو وتفهم نفسك أكتر؟
الهروب بيدي راحة لحظية.. لكن المواجهة الواعية هي الحل الحقيقي ✨


#التأمل #التنفس #الوعي

04/09/2025

اللهم صلى وسلم وبارك على سيدنا محمد 🌹
في هذا اليوم المبارك، نسأل الله أن يملأ قلوبنا حبًا للخير وطمأنينة وسعادة، وأن نكون خير أمة أخرجت للناس.

تهانينا القلبية لجميع المسلمين في أنحاء العالم

03/09/2025

زحمة الأفكار: ازاي بتتشكل جوه عقلنا!

زحمة أو ضجيج الأفكار حالة بتحصل لعقلنا وبيختلط فيها التفكير الزائد مع القلق والمخاوف والتوقعات المستقبلية، فينتج شعور بعدم الراحة.

في محاولات بنقوم بها عشان نهرب من زحمة الأفكار:
▪️ رفع صوت الموسيقى كآلية تشتيت: بعضنا بيرفع صوت الموسيقى عشان يسكت الدوشة أو الزحمة اللي جواه، معتقد أن الصوت العالي هيغطي على القلق اللي حاسس بي.
▪️ الغرق في السوشيال ميديا كمهرب وهمي: التمرير المستمر عبر المنشورات والفيديوهات بيدي إحساس مؤقتًا بالراحة، لكن بسرعة الإحساس ده هيروح.

وفي انماط لسلوكيات تانية زي مشاهدة الأفلام أو الأكل العاطفي أو الانشعال الزائد بالعمل.

بس كل ده له تأثيرات سلبية:
◻️ التأثير على الصحة النفسية: الاعتماد على التشتيت بدلاً من المواجهة هيزود من القلق والاكتئاب.
◻️ اضطراب النوم وضعف الإنتاجية: الموسيقى العالية أو الإدمان على الشاشات هيضر بجودة النوم وهيضعف تركيزك في العمل.
◻️ العلاقات الاجتماعية: الهروب المستمر هيؤدي إلى عزلة نفسية وابتعاد عن التفاعل الحقيقي مع الآخرين.

طيب.. لو الهروب مش حل، إزاي نواجه ضجيج الأفكار بطريقة صحية؟ 🤔 تابعوا الجزء التاني 👇


#التأمل #التنفس #الوعي

03/09/2025

بمناسب البوست ده .. في ناس بعتتلي تسألني نفرق ازاي بين التعود والمشاعر الرومانسية..

التعود أو الحميمية الإنسانية العادية بنحس فيها براحة وألفة لمجرد وجود الشخص، وغياب الشخص بيحسسنا بفراغ لأنه جزء من الروتين اليومي، أو لأنه صديق مقرب بنرتاح له. والمشاعر دي طبيعية لكن مش بالضرورة حب رومانسي.

لكن الحب الرومانسي بيكون فيه يشغف وانجذاب ورغبة في مشاركة تفاصيل أعمق وحياة مشتركة مستقبلية.

عشان كده مهم نسأل نفسنا:
- هل غياب الشخص بيخليني افتقد الروتين ولا افتقد الشخص نفسه؟
- هل مشاعري فيها انجذاب عاطفي، ولا مجرد راحة وأمان؟
- هل بتخيل مستقبل مشترك معاه، ولا بس بفتقد وجوده في تفاصيل يومي؟





#توازن
#تعود #مشاعر

02/09/2025

مش كل جرح باين على الجسم.. فيه جروح بتفضل جوانا سنين
الإساءة الوالدية ممكن تكسر ثقة الطفل في نفسه، وتخلي المراهق ضايع، وتخلي البالغ يعاني في علاقاته وحياته

الخبر الحلو؟ الجرح ده ممكن يلتئم بالدعم والعلاج وإعادة بناء صورتنا عن نفسنا

لو شايف إن الموضوع مهم.. شاركه، يمكن يساعد حد محتاج يقرأه 🙏


#التربية #العلاقات #الطفولة #المراهقة #التعافي

29/08/2025

أحيانًا مشاعرنا ما بتكونش نتيجة "حب" بالمعنى التقليدي، لكن نتيجة التعوّد والمشاركة 🧠💬

الإنسان بطبعه بيتعلق أكتر باللي بيشارك معاه تفاصيل يومه وأفكاره ومواقفه، وده بيسمى في علم النفس "ألفة التكرار" أو Mere Exposure Effect

كل ما بنتعرّض لشيء أو لشخص بشكل متكرر، بيزيد شعورنا بالارتياح ناحيته، لأن عقلنا بيربط المألوف بالإحساس بالأمان..

مثلًا:
أغنية أول مرة نسمعها ممكن ما تعجبناش، لكن بعد تكرار سماعها بنلاقي نفسنا بنحبها 🎶

أو شخص عادي في البداية مش ملفت، لكن مع الوقت والتواصل المتكرر نبدأ نحس تجاهه بألفة وارتياح 🤍

وده مش معناه إن المشاعر دي دايمًا "حب رومانسي".. ممكن تكون مجرد حميمية إنسانية نابعة من الاعتياد على وجود شخص معين في حياتنا..

خلي بالك إن التكرار أحيانًا بيخلي مشاعرك تبدو أقوى مما هي عليه في الواقع. علشان كده مهم نفرّق بين الاعتياد والحب الحقيقي، عشان ناخد قرارات أوضح في علاقاتنا..





#الالفة
#الاعتياد

26/08/2025

عمرك ما هتعرف تحب حد.. لو لسه مش قادر تحب الشخص اللي بتشوفه في المرايا 💙

Send a message to learn more

22/08/2025

أحيانًا بنفتكر إننا عدينا كل حاجة في الماضي، لكن خطوة في مكان قديم أو أغنية معينة كفيلة تفتح باب مشاعر افتكرناها انتهت.

التجاوز مش معناه ننسى، لكن إننا نعرف نعيش مع الذكرى من غير ما تكسرنا أو تعطلنا.

في رأيكم.. هل في حاجة فعلاً اسمها تجاوز كامل؟


#مشاعرنا #حياتنا

Send a message to learn more

19/08/2025

✨ متحطش نفسك في أي قالب… استنى القالب اللي على مقاسك ✨

في الشغل أو في الحياة ساعات المجتمع أو الزملاء بيحاولوا يفرضوا علينا قالب جاهز:
- إزاي تنجح.
- إزاي تتواصل.
- إزاي تتصرف عشان تكون "مقبول".

لكن الحقيقة إنك مش محتاج تكسر نفسك علشان تدخل في قالب مش بتاعك.
الصحة النفسية بتبدأ لما نكون صادقين مع ذاتنا ونختار بيئة تناسب قيمنا وشخصيتنا.

💡 مش كل قالب معمول لك… بس أكيد في قالب معمول على مقاسك.