01/04/2026
الالتهاب السحائي (الحمى الشوكية)… نهدى بس يا مامي و نفهم...☺️
في الأيام اللي فاتت سمعنا أخبار عن حالات وفاة واتقال إنها بسبب الالتهاب السحائي…
📌 المهم هنا: نفهم بدون خوف… ونتعامل بوعي.
❓ إيه هو الالتهاب السحائي؟
هو التهاب يصيب الأغشية المحيطة بالمخ والحبل الشوكي.
⏱️ المرض ممكن يتطور بسرعة خلال 24–48 ساعة
🦠 العدوى بتوصل إزاي؟
من حاجات بنعملها كل يوم بدون تفكير:
• نفس حد جنبك كح أو عطس
• شربت من نفس الكوب
• قعدت في مكان زحمة ومقفول
🚨 أعراض لو ظهرت… متستناش :
• حرارة عالية فجأة
• صداع كأنه بيكسر دماغك
• رقبتك مش قادر تحركها
• النور بقى مؤلم
• قيء وتعب غريب
• طفح جلدي
⚠️ ظهور الأعراض دي مع بعض = نكشف فورًا (مش مسكن… مش راحة)
⚠️ ليه بنخاف منه؟
لأنه ممكن يسيب وراه:
• فقدان سمع دائم
• تلف في المخ
• إعاقة
• وفاه لقدر الله
⚠️من ممكن أن يصيب أي شخص ..و لكن الأكثر عرضه هم الأطفال حتي مرحلة البلوغ وكبار السن والمهن الطبية..
🛡️ تحمي نفسك إزاي؟
*التطعيمات مش رفاهية… دي خط دفاع
*لو شكيت في حد… تعامل كأنها حالة خطرة لحد ما يثبت العكس..
⚠️هل في وباء؟
ببساطة: لا داعي للذعر
• الحالات (حتى لو تأكدت) تظل محدودة
• مفيش دليل على انتشار وبائي
💉 التطعيمات المتاحة :
1️⃣ تطعيم A و C
• بيتاخد في المدارس (برنامج وزارة الصحة) مدته تقريبًا سنتين
2️⃣ تطعيم الرباعي A,C, W,Y وده أفضل( Nimenrix / Menactra)
لانه الأكثر انتشارا في مصر و العالم كله
• من سن صغير (من 2-9 شهور)
• متاح لأي سن
• جرعة منشطة كل 3-5 سنين
3️⃣ تطعيم ( Bexsero)
بيغطي نوع (B) اللي منتشر في أوروبا و أمريكا
🧩 نقطة مهمة جدًا:
التطعيم اللي في المدارس مش بيغطي كل أنواع الالتهاب السحائي
علشان كده أحيانًا بنحتاج نكمل بأنواع تانية حسب الحالة
✅ الخلاصة:
• مفيش داعي للقلق أو الذعر
• الحالات (حتى لو تأكدت) تظل محدودة
لكن 👇
✔️ الوقاية بالتطعيم مهمة جدًا
✔️ المتابعة السريعة لأي أعراض هي الأهم
🌸الوقاية خير من العلاج
🌸مع تمنياتنا بوافر الصحة لأطفالنا
للحجز والاستعلام :
👇
السبت و الثلاثاء والخميس..من 11ص-8 م
Tel: 01067002093
027839304
العنوان:تقاطع ش شريف مع ش رياض-فوق شركة we-الدور الاول بجوار معمل المختبر
👇
الأحد و الأربعاء ..من 8م-10 م
Tel: 01555000434
العنوان:مول إلجانتري بجوار بنزينة إمارات مصر- الدور الاول-عيادة رقم L 130
