22/06/2021
مع السؤال الرابع من أسئلة الأمهات🤱🤱
(ليه دائما بتأكد علينا في العيادة على أهمية الرضاعة الطبيعية. وإننا مانفطمش بدري🤱)
اولادنا هم اجمل حاجة في حياتنا علشان كده لازم كل ام تبقى فاهمة أن اجمل هدية ممكن تديها لأبنائها اول ما يتولدوا هي الرضاعة الطبيعية 😇
ليه الرضاعه الطبيعيه؟ 🤔
الطب القائم على الدليل أو ما يعرف بال evidence based medicine بيقولنا إن الأطفال الي بيرضعوا طبيعي بس اول ٦ اشهر من عمرهم أو ما يعرف ب(الرضاعة الطبيعية المطلقة)، نموهم العقلي والحركي بيكون اسرع من الأطفال الي بيرضعوا لبن صناعي أو صناعي وطبيعي🤓
بالإضافة إن معدل ذكاء هؤلاء الأطفال او الIQ بيكون اعلى بكتير من غيرهم من الأطفال 🤓🤓
بعض الدراسات أيضا بتقول ان نسب حدوث النزلات المعوية 🤮وعدوى الجهاز التنفسي 🤒بتكون اقل بكتير في الأطفال الي بيرضعوا رضاعة طبيعية بس و ده لأن حليب الأم اللّبأ (او السرسوب اللى هو اللبن اللى بينزل فى اول ايام الرضاعه) بيشتمل على أجسام مُضادة IgA و انواع اخرى مكافحة للفيروسات والبكتيريا، و ده بيشكّل طبقة وقائيّة في أنف وحلق الرّضيع وجهازه الهضمي
و كل ده يرجع الى تعرّض الأم للفيروسات أو البكتيريا المختلفة على مدار حياتها بيخلى الجهاز المناعى ليها ينتج أجسام مضادة و اللى بدورها بتُفرَز في حليب الأم وتنتقل إلى الرّضيع أثناء عمليّة الرّضاعة، لكن طبعاً حليب الأطفال الاصطناعي لا يُزوّد الأطفال بهذه الأجسام المضادة، و ده للاسف بيخليهم أكثر عرضة للمشاكل الصّحيّة كالالتهاب الرّئوي، والإسهال، والعدوى.
لذلك أصبح من المشهور جدا في الدول الغربية انشاء بنوك اللبن وديه حاجة عاملة زي بنوك الدم عندنا يعني ايه؟ يعني الامهات بتتبرع باللبن بتاعها للاطفال في الحضانات و الملاجىء🤗
==> لبن الأم ايضاً فيه مواد تساعد على نمو الجهاز العصبي للطفل مش بتكون موجودة في اللبن الصناعي
==> وكمان مضادات حيوية بتحمي إبنك من التهابات الجهاز التنفسي والهضمي وبتقلل فرص حدوث الحساسية وسرطان الدم 🤔.
==> لبن الأم بيقوي العلاقة بينك وبين إبنك🤱
==> لبن الأم بيقلل حدوث سرطان المبيض عند الامهات بنسبة ٢٨٪ وسرطان الثدي بنسبة ٨٪
==> لبن الأم ايضاً بيقلل فرص حدوث اكتئاب ما بعد الولادة وبيقلل حدوث النزيف ما بعد الولادة والأهم من ده كله أنه بيساعد الامهات أنها تخس😃😎🤱.
طيب يا دكتور أنا اللبن عندي قليل ليه ماديش رضعة صناعي؟
نزوده.... في طرق كتير لزيادة لبن الأم منها تعليم الأم الطريقة الصحيحة للرضاعة الطبيعية ومنها بعض الأدوية ومنها بعض الطرق الغذائية
د. محمد مجدي سنيور
=============================
طبيب الاطفال و حديثى الولادة 👶
استشاري قسم الاطفال ووحدة الرعاية المركزة للاطفال المبتسرين بمستشفى الرحمة
استشاري دولي في طب الرضاعة الطبيعية
مدرس (م) بكلية الطب
📍العنوان : ٢٢١٦ زهراء مدينة نصر آخر شارع العيادة بجوار مسجد الرحمة المهداة
📍مكان العيادة على الخريطة https://maps.google.com/?q=30.043173,31.398773
📞 للحجز او التواصل مع الدكتور: ٠١٠٦٢٨٢٢٠٠١
