نشر الوعي النفسي، وزيادة المرونة النفسية، لحياة ذات قيمة.
03/11/2024
قوم قابل ضيوفك 🤔
كمية الأفكار والذكريات اللي بتزورك في اللحظة ملهاش عدد، وسرعتها ملهاش حسبة.
كمية الأفكار و سرعتها هيضغطك وهيعطلك عن حياتك، هتبقى عايش في عقلك بس.
المذاكرة أو كتابة اليوميات بيعتبروا من أبسط الأدوات الفعالة اللي بتساعد بيها نفسك في النقطة دي.
إنك تسجل ضيوف عقلك من أفكار وذكريات و و و …
كأنك فرد أمن ومهمتك ملاحظة وتسجيل الزوار، ملاحظة وتسجيل وبس.
سواء بقى كانوا ضيوف لذاذ أو ضيوف تقال!
زمان كانوا بيقولوا إن،
"الحياة اللي تستحق إنك تعيشها، تستحق إنك تسجلها"
فلو بتواجه صعوبة، اطلب المساعدة، حياتك مش تجربة!
لاحظ … سجل … شارك
25/10/2024
مين أولى بقناع الأكسجين؟
أكتر جملة بديهية هتستغربي سماعها من ضمن التعليمات في أي رحلة بالطيارة: "في حالة الطوارئ، لازم تستخدمي قناع الأكسجين الأول لنفسك، قبل ما تفكري في إنقاذ غيرك".
بصراحة، كلام بديهي؟ طب ما تيجي نقف لحظة ونراجع كل اللي فات.
فاكرة كام مرة خسرتي فيها قيمك والحياة اللي بترسميها لنفسك اللي واثقة ومتأكدة إنك تستحقيها عشان اخترتي تبقي السوبر هيرو في حياتهم بدل حياتك أنتِ، اخترتي ترضيهم وتنقذيهم بدل نفسك!
متخيلة شكل حياتك وشخصيتك لو بس اتعلمتي تدي لنفسك الأولوية في الإنقاذ،
لو بدأتي تدي الأولوية لاحتياجاتك وقيمك أنتِ!
تفتكري إيه اللي ممكن يتغير؟
الحقيقة إن التعافي والنضج مش سهل، هتمري ب 3 مراحل في رحلتك ليهم.
الأولى، إنك تتعلمي تدي الأولوية لاحتياجاتك وتعافيك أنتِ.
أما التالتة، إنك تتعلمي ازاي تحددي الناس اللي ليهم الأولوية في استقبال مساعدتك ودعمك واستقبالك أنتِ منهم المساعدة والدعم.
جاهزة دلوقتي تقرري مين اللي هيلبس القناع؟
22/06/2024
تحيا مشاعر قديمة من جديد باصطدامك بذلك الموقف الآن
لتجد نفسك واقفًا أمام خيارين:
إما أن تغرق في تلك المشاعر، وتتصرف -بحكم العادة- بعينين معصوبتين وجسم عرائس الماريونيت،
فيمر العمر، وترتفع الفاتورة، ويزداد المرض قوة.
وإما أن تحترم تلك المشاعر وما كانت تمثله سابقًا، وتتقبل حضورها،
فتزول الغمامة، وترى الموقف الحالي بوضوح، بعقلٍ حكيمٍ يعرف الكثير عنك. وتكن لك حرية الاختيار برد فعلٍ أصيلٍ يشهد على قيمك، وعلى ما بذلته في طريق التعافي.
22/06/2024
قد تعلمنا كيف نبقي علي قيد الحياة، ولكن مسؤليتنا الشخصية ان نتعلم كيف نعيش الحياة بشروطها.
20/04/2024
المعاناة والشقاء أمر حتمي ولا اختياري؟
تعالى أحكيلك قصة تساعدك على الإجابة
قصتنا بطلها اسمه سيزيف، راجل ذكي جدًا، ذكائه كان شديد لدرجة إن معاقبته بالجحيم مكانش أمر صعب عليه إنه يهرب منه، وبالفعل، سيزيف نجح في خداع المسئول عن عذابه وهرب من الجحيم.
طب وبعدين هيتسكت على هروبه دا؟ لأ بالعكس، المسئولين عن عذابه غضبوا من ذكائه ونزلت عليه لعنة أبدية في صورة قهرية.
سيزيف اتعاقب بإنه يفضل طول حياته يدحرج صخرة تقيلة لأعلى الجبل، بس كدا؟ طب ما بسيطة يعني
لأ مش بس كدا، مجرد ما يقرب سزيف من قمة الجبل الصخرة هتفلت منه وتقع لأسفل الجبل -اللي بتمثل لحظة الفشل- ويضطر سيزيف يبدأ تاني رحلة دحرجة الصخرة من الأول.
تخيل معايا حياة أبدية متكررة عبارة عن مشهد واحد من محاولات لا نهائية، للوهلة الأولى هنفكر إن العقاب هنا في بذله المجهود دا طول حياته، أو في ذهقه من تكرار نفس المشهد دون جدوى.
لكن حقيقة الأمر مش كدا، خلينا نبطئ هنا شوية...
هسألك سؤال هترد رد تلقائي عليه من أول ثانية، ياترى سيزيف سعيد؟
خليني أقولك إن عكس مانت فكرت فالإجابة هي آه!
سيزيف كان سعيد طول ماهو شايف إنه بيقوم بالمجهود المطلوب منه -دحرجة الصخرة لفوق-، هي دي حياته وهي دي قواعد اللعبة اللي مش بإيده يغيرها من برا ولا له سيطرة عليها.
طيب وفين كدا المعاناة والمشقة بقى!
المعاناة والمشقة كانت بتظهر في اللحظة اللي بتفلت الصخرة فيها وتقع منه، في اللحظة دي بس بيدرك سيزيف عدم جدوى كل المجهود اللي بذله، كل المعافرة والتعب دي ملهاش لزمة ومضطر يعيد كل حاجة من الأول تاني.
خليني أقولك إن معاناة سيزيف مكانتش في تقل الصخرة، ولا في المجهود، ولا في تعبه، معاناته اتمثلت في إدراكه إن مشقته وتعبه دا كله من أجل ال ولا حاجة.
وهنا بس هيبدأ اكتئابه.
أعتقد هنا أقدر أجاوبك وأقولك
إن الألم حتمي، بس المعاناة اختيار.
08/09/2023
إيه معنى المكافأة بالنسبالك؟ وياترى بتكافئ نفسك ازاي؟
أو خليني اسألك هنا سؤال تاني، ياترى أنت اللي بتكافئ نفسك ولا دايمًا مستني غيرك يكافئك ع أي سلوك بتقوم بيه؟
فكر معايا كدا كام مرة قررت تمنح نفسك مكافأة على أي حاجة عملتها وحسيت إنها تستاهل دا فعًلا.
وقبل ما تكمل خليني أفكرك إن المكافأة مش بس حاجة مادية ولا نشاط هتقوم بيه.
المكافأة بتبدأ باختيارك للكلمات اللي بتقولها لنفسك وقت بذلك مجهود في موقف يهمك.
كمان استحقاقك للمكافأة مش قائم بس على اللي عملته
أنت تستاهل مكافأة دايمًا من نفسك علي بذلك للمجهودك وعزيمتك ومحاولاتك في أي موقف يهمك.
فمثلًا، أنت مش مسؤول عن نتيجة الامتحان طالما إنك عزمت النيه وخططت وبذلت مجهود حقيقي في المذاكرة ودخلت الامتحان بانتباه.
هنا، ايًا يكن إيه النتيجة، فكر كدا إيه المكافأة اللي بتقولها لنفسك في الموقف ده بعد الامتحان وفي الامتحان نفسه.
وخليني أخد من تفكيرك دقيقة كمان فكر فيها ياترى نفسك بتسمع منك إيه وقت ما بتقرر تكافئها وتدعمها؟ وياترى تأثير دا إيه عليك؟
28/07/2023
لا يوجد ما يمكن تقديمه لأولادك أفضل من أن تكون مرآه صادقة لهم.
يسمعك ويراك تتراحم مع نفسك، فيتعلم التراحم مع نفسه منك.
يري لك قيم ومبادئ واضحة، فيكبر وهو صاحب قيم ومبادئ لا يتنازل عنها ولو كان الموت منتظره.
يراك متحملًا لمسئولية أفعالك، فيتعلم عدم الهروب من أخطائه.
والآن، أود منك إلقاء نظرة، وأخبرني، هل أعجبتك النتيجة؟
22/05/2023
تراكم مواقف الحزن بدون حل ينتج عنها غضب
يتم التعبير عنه بسلوكيات تدميرية
إما بعدوان، تجاه مصدر هذا الحزن
وإما باكتئاب تجاه أنفسنا
ويظل الغضب دومًا أشبه برسالة لجذب الانتباه تجاه آلامنا
14/02/2023
المشهد المعتاد في أفلام الأكشن للغرفة اللي واقف عليها خمسة ستة يحموها بمنتهى الحزم ويمنعوا حد يقرب منها لخطورة اللي جواها مطلعش مجرد مشهد في فيلم!
المثير للدهشة إنه طلع بيمثل مشاعرنا في لحظات معينة.
هتقولي ازاي؟ هقولك.
بس الأول تعالى نحاول نستدعي موقف من المواقف الغير مريحة ليك، مثلًا، لحظة ما حد قلل من شغلك أو شكلك.
قادر تحدد مشاعرك كانت إيه وقتها؟
مشاعرك في كل موقف من المواقف دي كانوا واقفين زي الحراس المتأهبين للخطر، مليانين بالغضب وبيحاولوا يحموك بأي شكل.
تفتكر في كل مرة الحراس غضبوا بسبب المواقف الغير مريحة دي كانوا غضبانين ليه؟ ليه حسوا بتهديد على مهمتهم؟
بص بصة من وراهم، إيه المهم بالنسبالك جوا الغرفة المظلمة خلاهم يحسوا إنه مُعرض للتهديد؟
تعالى نقف لثواني ونوقف صراعك معاهم، تعالى نتخيل لو هما أهملوا مهمتهم وتخلوا عنك!
حاول ترمي سلاحك، وتقف في صفهم، تقدر أهمية وجودهم زي أهمية اللي مستخبي في الأوضة.
وتخيل معايا لو أهملت قيمك؟ لو أهملت حريتك، مبادئك، استقلالك، وجودك، رأيك، آثرك...
11/12/2022
حاسس بإيه دلوقتي؟ عملت إيه في الموقف الفلاني؟ كنت محتاج إيه؟ يومك كان حلو؟ طب احكيلي عملت إيه في أسبوعك؟
مين آخر حد اتطمن عليك بسؤال زي دا؟ أنا واثق إنك فاكر.
الأسئلة البسيطة اللي زي كدا بتوصل رسالة لإبنك، بنتك، أخوك، أختك، زوجتك أو أي شخص عزيز عليك ازاي حياته مهمة للي حواليه وله هو كمان.
متنساش في نهاية اليوم النهاردة تفكرهم بأهميتهم عندك.
Be the first to know and let us send you an email when Omar Salah - Psychotherapist posts news and promotions. Your email address will not be used for any other purpose, and you can unsubscribe at any time.
