05/11/2024
؟! 🥛
🤷🏻♂️
🔹🔹🔹🔹🔹
🌿 معظم الاسئلة اللي بتجيلي عن اللبن، يا دكتور مينفعش اشرب لبن عشان بيثبت الوزن، اللبن مينفعش مع الدايت؟ والنوعية من دي من الاسئلة.
🌿 عشان ننهي السؤال دا بقي تعالوا مع بعض نفهم ايه هو اللبن وبيعمل ايه لما يخش الجسم! 😃
🔹🔹🔹🔹🔹
🌿 اولا اللبن هو من اكتر السوائل الغنية بالعناصر الغذائية من ڤيتامينات وبروتينات وعناصر تانية، وبيستخدم علي مدار العصور من قرون فاتت.
🌿 اللبن دا بقي بيبقي مكون من نوعين بروتين، بروتين بطئ الامتصاص بنسبة ٨٠٪ اسمة كازيين *Casein*, وبروتين سريع الامتصاص اسمة واي *whey*.
🌿 ايه بقي المشكلة هنا؟
- المشكلة ان البروتين سريع الإمتصاص دا بيزود الإنسولين في الدم ولكن مش بيزود السكر في الدم بشكل كبير.
Glycemic index score 15-30
Insulin index score 90-98
🔹🔹🔹🔹🔹
🌿 ايوا انا فهمت ايه كدا؟ 🤔
- هقولك يا عم، مش احنا اتفقنا ان شئ اساسي في الدايت اننا نحافظ علي الإنسولين يكون منخفض؟!
عشان الإنسولين لما بيزيد بيفضل يخزن دهون وبيبقي صعب تحرق دهون لما الانسولين يكون عالي. 🤷🏻♂️
🌿 عشان كدا الناس بتوع الچيم وكمال الأجسام بيحبوا يستخدموا البروتين سريع الامتصاص دا *whey protein* لانه بيديلهم ضخامة.
🌿 طب تعرف ان نوع البروتين دا بيزود الإنسولين اكتر من عيش القمح. 👀
🔹🔹🔹🔹🔹
🌿 بس في بقي حاجة حلوة اوي اللبن بيعملها، ايه هي بقي؟
- لما بتشرب لبن بتحس بشبع وشهيتك بتتحكم فيها وبتبقي محتاج اكل بكميات اقل. 🕺
🌿 عشان زي ما قولنا اللبن فيه بروتين بطئ الامتصاص اسمة كازين، دا بيشغل هرمون اسمة *Incretin GLP-1*.
🌿 اللي بدوره بيبطئ خروج الاكل من المعدة، يعني عملية الهضم وامتصاص العناصر بتكون بطيئة عشان كدا بتحس بشبع.
🔹🔹🔹🔹🔹
🌿 ايوا يعني نشرب لبن ولا لأ يا دكتور؟ 🤔
- أشرب لبن عشان مليان عناصر غذائية زي ما قولنا بس متزودش عن كوباية في اليوم لو انت عامل دايت، ويستحسن تكون بعيدة عن الوجبات الأساسية.
