https://www.facebook.com/120903887766219/

Mae Ramos, Cairo (2025)

24/09/2023

"التين والزيتون"

التين المجفف المنقوع في زيت الزيتون من الوصفات الفعالة والمغذية جدا
تعالو نعرف ليه 🤭

أولًا
التين هو غني جدا بالفيتامينات زي فيتامين
A , B , C
وفيه نسبة عالية من الحديد والكالسيوم والبوتاسيوم والنحاس دا غير أنه غني بالألياف
يعني 100 جرام من التين فيه حوالي 10 جرام ألياف
وبينظم ضغط الدم
والنسبه الكبيرة فيه من فيتامين A بتساعد كمان في الحفاظ على البصر

ثانيًا
زيت الزيتون هو من أفضل مصادر الدهون الصحية الي بتساعد الجسم يتخلص من الكولستيرول الضار وغني بمضادات الأكسدة اللي بتحمي الجسم من الإصابة بأمراض خطيرة زي السرطان
ومضاد للالتهابات
غني جدا بالحديد
وفيه كميات كبيرة من فيتامين B1, B6, B12

الاتنين بقى سوا التين المجفف مع زيت الزيتون مع بعض يعتبر ثنائي غذائي قوي لمحاربة مشاكل صحية كتير زي مشاكل الجهاز الهضمي من عسر هضم أو إمساك أو الارتجاع بسبب نسبة الألياف العالية
وبيساعد على الحفاظ على صحة العظام لوجود الكالسيوم وفيتامين B وده يخلينا نعتبره من الوصفات الغذائية المهمة لمرضى الروماتويد والتهابات العظام

كمان فيه فيتامينات تانية كتير بتحسن من مظهر وصحة البشرة وبتحارب علامات الشيخوخة والتجاعيد وبتحسن من صحة الشعر والأظافر ..
ومن الفوائد كمان الحفاظ على معدل سكر الدم والوقاية من مقاومة الإنسولين

-طيب ازاي نعمله؟
بنحط التين في برطمان ونحط عليه زيت الزيتون وممكن للفايده اكتر نحط معاه عين جمل و حبة البركة
ونقفله ونسيبه يوم كامل
وبعدها نقدر نستخدمه
وطبعاً في حدود احتياجاتك تبعاً لنوع الدايت بتاعك♥️

لو حد عنده اي سؤال او استفسار
ولمعرفة اسعار الاشتراكات الشهرية
اتواصلوا معانا على رسايل الصفحة او رقم الواتساب : 01005680917

16/09/2023

اتكلمنا عن أهمية الغدة الدرقية ودورها في العمليات الحيوية للجسم لأنها بتحدد معدل حرق الجسم للسعرات الحرارية…

طيب ده بيتم ازاي؟
كل ده عن طريق هرمونات الغدة الدرقية بتفرزها واللي بتتحكم بيها في كل جانب من جوانب التمثيل الغذائي في الجسم
ف لما يحصل قصور في الغدة بيحصل بطئ في إفراز الهرمونات وده طبعا بيقلل عملية التمثيل الغذائي وحرق
السعرات الحرارية وزيادة الوزن

مشكلة خمول الغدة دي موجودة ومنتشرة جدا وبتصيب النساء اكتر من الرجال بنسبة 4:1
وبتظهر في أي مرحلة عمرية لكن بتزيد احتمالية الإصابة بيها بالتقدم في العمر
ايه اسباب بقى حدوث القصور ده في الغدة؟
التهاب الغدة الدرقية
نقص الفيتامينات والمعادن الأساسية وخاصة (اليود - السيلينيوم - الماغنسيوم - فيتامينات B - الحديد - فيتامين D )
السهر وقلة النوم
كثرة تناول السكريات والمحليات الصناعية والنشويات
كثرة استخدام الزيوت المهدرجة
قلة النشاط وعدم ممارسة الرياضة
العوامل النفسية والضغوط العصبية لفترات طويلة

اعراض خمول الغدة الدرقية

-برودة الاطراف و التحسس الزائد للبرودة
-الكسل والخمول
-كثرة النوم
-النسيان
-تقلبات المزاج
-تساقط الشعر
-جفاف الجلد
-انخفاض الضغط
-زيادة الوزن
-احتباس السوائل
-الامساك
-انتفاخ الوجه

واكيد في أغذية بتساعد ان ده ميحصلش لو حطيناها للنظام الغذائي بتاعنا
زي:

-الاسماك
-الملح المتوازن في الأكل لأنه مصر اليود اللي يعتبر أكثر -عنصر بيتحكم في خمول الغدة
-العدس
-عين الجمل
-اللوز
-الطماطم
-البصل
-الورقيات الخضراء
-البرقوق
-الشمام
-التوت
-اليوسفي
-الفراولة

**وبشكل عام لازم نهتم بالأطعمة الغنية بمضادات الاكسدة والالياف وفيتامين E وشرب كمية مناسبة من الماء
وطبعا الاهتمام بالمكملات الغذائية من الحديد
وفيتامين D والزنك واوميجا 3 والماغنسيوم وفيتامين C

ومن هنا نرجع لنقطة ان النظام
الغذائي المتوازن ونظام الحياة الصحي وممارسة الرياضة بانتظام هتحمينا من الدخول في مشاكل خمول الغدة
الدرقية وتبعاتها♥️

و لأي سؤال او استفسار
ولمعرفة اسعار الاشتراكات الشهريه
اتواصلوا معانا على رسايل الصفحة او رقم الواتساب

15/09/2023

الغدة الدرقية هي أساس العمليات الحيوية في الجسم وبتحدد معدل حرق الجسم للسعرات الحرارية

ونشاط الغدة الدرقية بيتأثر بنمط الحياة و بالأخص الصحة النفسية من قلق وتوتر وغيرها..

14/09/2023

الهيموجلوبين (الحديد) مهم جدا لكتير من وظائف الجسم لانه مسئول عن نقل الاكسجين والمغذيات لجميع خلايا الجسم وله دور في مستويات الطاقة والمناعة

مشكلة فقر الدم والانيميا من اكتر المشاكل المنتشرة وخصوصا عند النساء وده علشان الحمل والدورة الشهريه وعدم التغذية الجيدة وقلة تناول اللحوم وغيرها من اسباب تانية كتير

طيب هل تحليل الهيموجلوبين كافي عشان نعرف عندنا نقص حديد ولا لا ؟
-لا مش كافي وهنحتاج نعمل تحليل مخزون الحديد (ferritin)

طيب امتى بنحتاج نعمل تحليل مخزون حديد ؟
-لما نحس بأغلب الاعراض دي :
ضيق النفس المستمر
التعب والضعف العام
الصداع والدوخة
برودة الاطراف
اصفرار الوجه والشفايف
ضعف التركيز
تساقط الشعر
هشاشة الاظافر
ضعف المناعه
زغللة العين
الرغبة بتناول التراب او الثلج او الليمون(اثناء الحمل)

طيب هل اخد مكملات الحديد وبس كده هتعالج من نقص الحديد؟

-اكيد لا...لان الحديد بيحتاج عناصر وفيتامينات تزود كفاءة امتصاص الجسم للحديد
زي
-فيتامين B12 اللي بيدخل اساسي في تكوين الهيموجلوبين ووعلشان كده لو الحديد قليل بيبقى هو قليل ومصادره هي هي نفس مصادر الحديد واسباب نقصه هي نفس اسباب نقص الحديد (اللي موجود فى الدواجن و الاسماك ومنتجات الالبان)
-وفيتامين A ( اللي موجود في الخضار والفواكه اللي لونهم اصفر والورقيات الخضراء والكبدة والعدس والفاصوليا )
-وبالاخص فيتامين C (اللي ممكن ناخده من الفلفل الالوان والجوافه والبرتقال والتفاح والطماطم )

طيب ايه مصادر الحديد نفسه ؟
الكبدة
اللحوم الحمراء
البيض
السردين
البقوليات
المشروم
البنجر
العسل الاسود
الزبيب
الرمان
الموز
الجزر
العدس
الحمص
الخضروات الورقية الداكنة ( الجرجير - السبانخ - الخس - الملوخية )
المكسرات ( عين الجمل - اللوز )
والاعشاب زي ( الزعتر والكمون والرشاد والحلبه )

-واكيد لازم ننوع بين مصادر الحديد الحيوانية (Heme-Iron )
ومصادر الحديد النباتية
‏(Non Heme-Iron)
وطبعا المصدر الحيواني افضل من المصدر النباتي

**لكن في حالة النقص الشديد بنحتاج ابر حديد وفي حالة الحمل والرضاعة لازم جرعة الحديد سواء ف الاكل او عن طريق المكمل يكون تحت إشراف طبيب مختص

09/09/2023

حد سأل نفسه قبل كده ايه سبب الأمراض المزمنة المنتشرة ؟
وليه مرض السكر هو مرض العصر ؟
هي هي بسبب الچينات والوراثة بس ؟
اكيد لا ... السبب الجذري لأغلب المشاكل الصحية الشائعة هي بسبب مقاومة الانسولين

طب هو يعني ايه مقاومة انسولين اصلا ؟
ببساطه معناها ان الانسولين فقد وظيفته وقدرته انه ينقل السكر من الدم يدخله الخلايا
فيفضل السكر عالي ف الدم وبالوقت تظهر بقى المشاكل الصحية المزمنة زي السكر والضغط وتكيس المبايض وغيرها..

طيب ايه هي الحاجات اللي تخلينا ندخل في دوامة مقاومة الانسولين !
أكيد مش بيظهر فجأة و دايما فيه بوادر وعوامل خطر ممكن تزود فرصة الإصابة زي:
- زيادة الوزن أو السمنة وخاصةً لما يكون الوزن الزائد تحت الحجاب الحاجز أو في منطقة البطن
- أسلوب حياة مستقر أو أسلوب منخفض في ممارسة الرياضة
- التدخين
-مشاكل النوم
-ارتفاع ضغط الدم
- أمراض القلب
- العمر من المرجح أن يكون بعد عمر 45 سنة
- الأدوية زي الستيرويدات (Steroids) ومضادات الذهان وأدوية علاج فيروس نقص المناعة

طب لو انا عندي عوامل الخطر دي أقدر احمي نفسي إزاي ؟
نقدر نقلل من خطر الإصابة بمقاومة الإنسولين والنوع الثاني من داء السكري عن طريق إجراء تغييرات وقائية في نمط الحياة
وفي المقام الأول عن طريق فقدان الوزن وزيادة النشاط البدني

1- ممارسة الرياضة لمدة لا تقل عن 30 دقيقة يوميًا من النشاط المعتدل زي المشي السريع 5 أيام أو أكثر في الأسبوع
2- الحصول على وزن صحي
3- اتباع نظام غذائي صحي متوازن في الفواكه والخضروات، والحبوب الكاملة، والمكسرات، والفول، والأسماك، والبقوليات، وغيرها من البروتينات الخالية من الدهون
4- الإقلاع عن التدخين عشان للنيكوتين تأثير ملحوظ على مقاومة الجسم للأنسولين
5- بعض الأدوية: ممكن بعض الدكاترة يكتبوا دوا زي الميتفورمين عشان نتحكم في معدل السكر في الدم

الخلاصة إننا محتاجين نحسن من جودة اكلنا ونمارس الرياضة حتى ولو كان مجرد المشي
واكيد نهتم بالمكملات الغذائية وناخد كفايتنا من الفيتامينات والمعادن اللي هتكلم عنها بشكل مفصل في بوست تاني

08/09/2023

ممكن نلاقي حلويات وكوكيز سعراتها قريبه من سعرات
فواكه وخضروات
لكن هل التغذية السليمة حساب سعرات وخلاص !!
اكيد لا..

احيانا قد تكون متساوية في السعرات لكن فيه فرق كبير في المغذيات من الياف وفيتامينات ومعادن مفيدة للجسم ..

فالأصل هو التركيز على نوعية وجودة الغذاء أكثر من حساب السعرات ( لأن السعرات مش كل شيء )

05/09/2023

المياه ليها اهمية كبيرة جدا ف اننا نحافظ علي جسمنا وصحتنا بشكل عام
من فوايدها انها:
•بتوصل الفيتامينات والمعادن للجسم
‏‎لإن الحاجات ديه بتذوب في المياه و بالتالي بتوصل لاعضاء الجسم

‏‎ •بتمنع تلف الكلى‎
عدم شرب المياه الكافية بيسبب حصوات في الكلى و التهابات في المسالك البوليه
٠بتساعد علي تحسين الاداء في التمرين

وطبعا كل ده اساسي جنب انها بتساعد على خسارة الوزن وده في حالة
‏‎•إذا شربتوا مياه بدل العصاير و الصودا
‏‎•وإذا شربتوا مياه قبل الاكل بتملى معدتكم ف هاتشبعوا اسرع

‏‎طيب هحتاج اشرب مياه قد ايه كل يوم ؟
كل انسان مختلف عن التاني حسب وزنه وحسب المجهود اللي بيبذله
كل كيلو من وزننا بيحتاج 30:35 مل
يعني نضرب وزننا ف 30 او 35

اكتر الحاجات اللي لازم تشرب فيها مياه
إذا عندكوا حرارة
إذا يكون عندكوا اسهال او ترجيع
إذا بتعرقوا كتير ( بتلعب رياضة كتير)
إذا كان الجو حر
وممكن الديتوكس يكون مفيد جدا ويساعد ناس كتير من اللي مش بتعرف تشرب مياه كويس
وهنزل افكار اكتر للديتوكس قريب جدا♥️

04/09/2023

دايما بسأل اي حد عاوز يعمل دايت
ضغطك اخباره ايه
طب ليه ده من اهم الاسئلة اللي لازم تتسأل قبل وضع أي نظام غذائي ؟
هو الاكل له علاقة بالضغط العالي ؟

طبعاً...بالفعل منظمة الصحة العالمية معتمدة نظام صحي لمرضى ضغط الدم المرتفع اسمه
DASH Diet
النظام ده أساسه عباره عن فواكه وخضروات ومنتجات الألبان قليلة الدسم ويشمل الحبوب الكاملة والدواجن والأسماك والمكسرات مع الحد من كمية اللحوم الحمراء والحلويات والمشروبات المحتوية على السكر
طيب ليه !
عشان مرض الضغط العالي بيكون بسبب ارتفاع في نسبة الصوديوم في الجسم
اللي الملح بيعتبر مصدر اساسي من مصادر الصوديوم
وبكده الاكل المملح كله هيأثر على الضغط ويؤدي لأرتفاعه

‎كمان فيه علاقة عكسية بين مستوى الصوديوم ومستوى البوتاسيوم
‎بمعنى أنه المأكولات الي بتحتوي على نسبة بوتاسيوم عالية زي الموز مثلا هتسبب خفض في مستوى الصوديوم وتقليل ضغط الدم المرتفع

‎كمان من الأكلات الي بتسبب زيادة في ضغط الدم هي الأكلات اللي بتحتوي على دهون مشبعة أو نسبة سكر عالية لأنها مع الاستخدام على المدى البعيد بتسبب ضيق في الأوعية الدموية و دا يترتب عليه ارتفاع في ضغط الدم

‎عشان كدا لازم مرضى ضغط الدم يبدأو ياخدو بالهم من كمية الملح والسكر والدهون في نظامهم الغذائي
ومينفعش ليهم إلا دايت معمول مخصوص ليهم حسب حالتهم ♥️

02/09/2023

"اشرب المشروب العظيم ده وهينضف معدتك"

هو تنضيف المعدة بيبقى بمشروب ؟
و هو احنا فعلا بنحتاج ننضف معدتنا ؟
اه احنا فعلا بنحتاج ننضف معدتنا وده بسبب عاداتنا الغلط اصلا في الاكل بس ده مش بيكون بمشروب سحري بنشربه
لكن بأننا ناكل اكل نضيف..
طب ازاي نمشي على نظام اكل صحي نضيف ؟

الخضار :
كل ما زاد كل ما كان أحسن وخصوصا الخضروات الورقية زي الشبت والبقدونس والجرجير

الفاكهة:
لازم تكون طازة ومتنوعة ناخد من كل الوان الفاكهة
ولو اضطرينا ناكل الفواكة المعلبة فيستحسن تبقى من نوع بيتحفظ في العصير بتاع الفاكهة نفسها (الكمبوت) أحسن ما تبقى بتتحفظ في مياة وسكر

الحبوب الكاملة:
الشوفان والقمح الكامل والشعير والكينوا كلها إختيارات مغذية وصحية

المكسرات والحبوب:
نحاول دايما نختار المكسرات النية
ونتجنب اللي عليها سكر او عسل
و في نفس الوقت لو هنختار نوع زبدة فول سوداني نختار النوع اللي فيه بس فول سوداني وملح

الدهون الصحية:
الأسماك الدهنية زي السالمون ومصادر تانية للدهون الصحية زي زيت الزيتون والأفوكادو

البقوليات:
الفول والعدس مليانين بالألياف والبروتين

البروتين:
نحاول دايما لما نختار بروتين يبقى الفراخ الديك الرومي و السمك و الزبادي والبقوليات واللحم الاحمر و البيض

30/08/2023

"دي معمولة بالسمنة البلدي"

ناس كتير بتخاف اول ما تسمع الكلمة دي خصوصاً لو ماشيين ع دايت
عشان المعروف عن السمنة انها مليانة دهون
وده اللي بيخلي ناس كتير تخاف تستخدم السمنة في اكلها
وبيستخدموا بدالها الزيت بحجة إنه أقل ضررا وأخف على القلب

بس بالعكس
الأبحاث والدراسات أثبتت إن استهلاك السمنة بمعدل 10% فقط مش هيزود مخاطر الإصابة بأمراض القلب
إلا إذا كان المريض عنده مشاكل صحية بسبب وراثي فساعتها الـ10% دول ممكن يبقوا كتير.
وبكدة السمنة البلدي تعتبر أحسن من الكتير من الزيوت النباتية والمهدرجة فـ إذا كنت عاوز تاكل صحي وتزود محتوى الدهون في نظامك الغذائي فالسمنة تعتبر اختيار آمن
وده لأسباب كتيرة منها إن السمنة غنية بالبيوترات وده بيقلل الالتهابات وبيحسن من عملية الهضم
و غنية بالفيتامينات الدهنية القابلة للذوبان في الدهون زي
Vitamins A,E,D,K

تخيل بقى إن معلقة واحدة من السمنة ممكن توفرلك 15% من إحتياجك من vitamin A

بالإضافة لإنها غنية بحمض اللينوليك(Linoleic acid) اللي بيحسن من مقاومة الإنسولين وبيحارب السرطان
غير كده فالسمنة ليها طعم حلو وكأن فيه مكسرات وده بيخليها مناسبة جدا للطبخ خصوصا مع الرز والخضار
وكمان مناسبة للأشخاص اللي بيعانوا من حساسية الألبان وهتعوض جزء كبير من الدهون اللي مش بيعرفوا ياخدوها من اللبن

وعموما إذا كنا هنستخدم السمنة في نظامنا الغذائي لازم نستخدمها بإعتدال وبكميات مناسبة عشان متضرناش وفي نفس الوقت نستفيد من مكوناتها الغذائية♥️

27/08/2023

بسمع كتير جملة :
"لا انا همنع الدهون خالص انا عاوز اخس دهون وازود عضلات"

طب هي الدهون كلها وحشة اصلاً !
ولازم نمنع الدهون من اكلنا علشان نخس دهون ؟
الاجابه لا طبعا
مش كل الدهون وحشة🤷‍♀️
لأن زي ما في دهون غير صحية فيه انواع من الدهون صحية ومهمة جدا كمان ودي بتبقى الدهون الأحادية أو العديدة غير مشبعة وبتبقى مفيدة للقلب وصحتك عامة
كمان فيه انواع فيتامينات مهمه جداً جسمنا مش هيمتصها ويستفيد منها الا في وجود الدهون 🤷‍♀️
طب نلاقيها فين الدهون المفيدة دي !
نلاقيها في المكسرات و بذر الكتان واليقطين والأسماك الدهنية زي السالمون والتونا
والأفوكادو وزيت الزيتون وزبدة الفول السوداني

بتفيدنا إزاي بقى الدهون دي؟🤔
- بتقلل من فرص الإصابة بأمراض القلب والجلطات
- بتقلل مستويات الكوليسترول الضار وبتعلي من مستويات الكوليسترول الجيد
- بتمنع عدم انتظام ضربات القلب
- بتقلل الدهون الثلاثية اللي بتصاحب أمراض القلب وبتقاوم الالتهابات
- بتقلل ضغط الدم
- بتمنع انسداد الشرايين
كمان لو اهتمينا إننا نستخدم الدهون الصحية في وجباتنا فاحنا بنساعد على تقليل إحساسنا بالجوع وبالتالي المساعدة على فقدان الوزن♥️

25/08/2023

أول ما نسمع كلمة اخصائي تغذية
نفتكر الدايت ونفتكر محاولاتنا طول الوقت اننا نخس او نتخن
طب ليه منغيرش نظام حياتنا ونخلي اكلنا كله صحي ومفيد من غير دايت وحرمان!!

النظام الصحي هو اسلوب حياة صحي ومختلف هيوصل جسمك للشكل المناسب ويخلي صحتك احسن
هنساعدك تخلي اكلك العادي صحي ومفيد ويتعمل بطريقة صحية
الدايت مش مجرد ورقة مطبوعة تمشي عليها
الدايت نظام متوازن معمول ليك انت مخصوص باللي يناسب احتياجاتك وحالتك الصحية♥️

ابعتولنا اسئلتكوا وهنرد عليكوا
وتابعونا هننزل نصايح تساعدك تطبق الدايت بتاعك بشكل
سليم وتعيش حياة صحية♥️

Mae Ramos

24/09/2023

16/09/2023

15/09/2023

14/09/2023

09/09/2023

08/09/2023

05/09/2023

04/09/2023

02/09/2023

30/08/2023

27/08/2023

25/08/2023

Address

Telephone

Website

Alerts

Shortcuts

Share

Category