مركز تطور لعلاج الحالات الخاصة للأطفال

09/06/2023

صحة طفلك بتبدأ من التغذية السليمة 👌

وعلشان كده بنقدملك في مركز القيعي برنامج علاجي متكامل لكل مشاكل التغذية الخاصة بالأطفال :
✅علاج التنشجات بالحمية الكيتونية
✅علاج السمنة المفرطة
✅علاج النحافة المرضية
✅علاج فقدان الشهية العصبي

تحت إشراف دكتور / عبدالعزيز تركي أخصائي تغذية الأطفال

العنوان : المنوفية ، شبين الكوم ، شارع الاستاد بجوار مركز حبيب للأشعة
للحجز : 01507445508

30/03/2023

عيادة الذكورة والعقم والامراض التناسلية

دكتور محمد رضوان
اخصائى امراض وجراحات الذكورة والعقم والامراض الجنسية والتناسلية
عضو الجمعية المصرية لامراض الذكورة
زميل جامعة لودفج ماكسيمليان
ميونيخ - المانيا

لعلاج ومتابعة الحالات التالية :
♦️علاج تاخر الانجاب عند الذكور
♦️علاج انعدام الحيوانات المنوية
♦️علاج ضعف السائل المنوى والتشوهات
♦️علاج تأخر البلوغ وفشل البلوغ
♦️عينات الخصية بالميكروسكوب
♦️جراحة دوالى الخصية بالميكروسكوب الجراحى
♦️فحوصات ماقبل الزواج
♦️علاج احتقان والتهاب وتضخم البروستاتا
♦️علاج انخفاض الرغبة الجنسية ونقص هرمون الذكورة
♦️اصلاح انحناء القضيب
♦️علاج صغر حجم القضيب
♦️زراعة دعامات القضيب
♦️علاج سرعة القذف
♦️علاج ضعف الانتصاب
____________________________________________________
ريت لو فيه اي استفسار يا ريت تكتبوا في الكومنتات واحنا هنرد عليكم…
وكمان ماتنسوش تتابعونا على صفحة مركز دكتور القيعى عشان كل يوم تستفيدوا بمعلومات جديدة مفيدة ليكم ولأولادكم.
عنوان المركز:
◀الفرع الرئيسي: التجمع الأول - البنفسج ١- خلف مول البركة – القاهرة الجديدة - للحجز ت: ( 01550110017 / 0223082945 )

29/06/2022

واحده من اهم المشكلات التى تواجه الاباء و الامهات مع اطفالهم فى فترات الدراسه هى النسيان و ضعف الذاكره بشكل ملحوظ , النسيان دا ممكن يكون طبيعى او ناتج عن اسباب مرضيه هنتعرف عليهم بإستفاضة

النوع الأول هو النسيان الطبيعى اللي بيحصل لكل الناس وبينطبق على كل البشر وده في العادة بيكون بسبب عدم التركيز أو اللهو وبسبب أن الطفل مش واخد بعض الأمور بجدية أثناء الدراسة والدروس أو عدم ارتياح من الطفل للمدرس اللي بيشرحله المنهج ودي حالات نسيان طبيعية مش مرضية

اما عن النسيان المرضي وده اللي بيؤدي لصعوبات في التعلم والفشل الدراسي وغيرها وده بينقسم لنوعين أولي وثانوي وهنتكلم عنهم بالتفصيل في سلسلة منشورات متتابعة.. تابعونا

عنوان العيادة: 29 شارع بن سندر - سراي القبة - القاهرة
تليفون: 24511740
موبايل: 01018333797
النسيان_عند_الاطفال #
اسباب_النسيان_و_علاجه

21/06/2022

النهاردة هنكمل مراحل تطور الطفل وهنتكلم عن التطور
الحركى فى الاطفال :
⛹🏻⛹🏻🚴🚴🤸🤸🤾🤾

تعالوا نعرف ايه المهارات اللى الطفل بيكتسبها مع كل مرحلة عمرية :

🌠عند عمر شهرين :

✍ يبدأ يصلب رأسه لما بيكون نايم على بطنه
✍بيحرك الايدين والرجلين
✍بيفرد قبضة ايديه بعد ماكان مولود مطبقها clenched fist

🌠عند عمر ٤ شهور :

✍بيصلب راسه كويس وبيتحكم فى حركتها
✍بيقدر يمسك لعبة صغيرة لو وضعتها فى ايده
✍بيدأ يحرك ايديه ناحية الفم
✍ بيحاول يفرد كوعه ويسند عليه لو نايم على بطنه

🌠عند عمر ٦ شهور :

✍ بيقعد مسنود
✍ بيقدر يتقلب على بطنه وعلى ظهره
✍ بيفرد كوعه ودراعه ويسند بيهم كأنه بيحبى ويسند بيهم نفسه لو قاعد

🌠 عند عمر ٩ شهور :

✍بيقعد كويس من غير مايبقى مسنود
✍ بيستخدم صوابعه فى انه يحاول ياكل بيهم ويوجهها ناحية الفم
✍بيقدر يحرك الاشياء من ايد للايد التانية

🌠عند عمر ١٢ شهر :

✍ بيمسك فى اى حاجة علشان يقف ويسند علشان ياخد خطوات
✍بيقدر يمسك الاشياء الصغيرة بين صباعين الابهام والسبابة

🌠 عند عمر ١٥ شهر :

✍ بيقدر يمشى بعض خطوات من غير مساعدة
✍بيستخدم صوابع ايديه علشان ياكل بيهم

🌠عند عمر ١٨ شهر :

✍بيمشى كويس من غير مساعدة
✍ بيعرف يشخبط
✍بيحاول يمسك المعلقة
✍ بيعرف يطلع على كنبة أو كرسى وينزل من غير مساعدة

🌠عند عمر ٢٤ شهر :

✍بيعرف يشوط الكورة
✍ بيجرى
✍ممكن يطلع درجات السلم بمساعدة طبعا
✍بيعرف ياكل بالمعلقة

🌠عند عمر ٣٠ شهر :

✍ بيقدر يستخدم ايديه فى حركات زى انه يلف أكرة الباب ويفتحها
✍ يقدر ينط فى الهوا برجليه الاتنين

🔥🔥🔥🔥🔥🔥🔥🔥🔥🔥

🌠طيب وايه هى علامات الخطورة أو Red Flags اللى ممكن تكون مؤشر للتأخر الحركى :

✍أى طفل فى أى مرحلة عمرية فقد مهارة كان اكتسبها يعنى كان بيقعد ودلوقتى لأ او كان بيمشى ومبقاش بيعرف

✍ اى طفل تحت عمر سنة بيستخدم ايد واحدة بس اليمين او الشمال لأن الطبيعى ان الطفل تحت سنة يستخدم ايديه الاتنين بنفس القوة

✍ لو عمر الطفل اكتر من شهرين ومش بيعرف يصلب رأسه

✍لو وصل عمر ٣ او ٤ شهور ومش بيحاول يوصل للأشياء بايديه ومش بيعرف يمسك الاشياء الصغيرة او مش بيلتفت برأسه لما يسمع صوت

✍ لو وصل ٦ شهور ومبيعرفش يقعد مسنود طبعا

✍ لو وصل ١٠ شهور ومبيعرفش يقعد كويس من غير مساعدة

✍لو وصل عمر ١٢ شهر ومش بيعرف يحبى

✍ لو وصل ١٨ شهر ومش بيعرف يمشى او لسة بيمشى على أطراف الأصابع

كل دى علامات ممكن تبين ان الطفل ده عنده تأخر ومحتاج استشارة طبيب متخصص


___________________________________________

يا ريت لو البوست كان مفيد تعملوا شير ولايك عشان الفائدة تعم ولو عندكم اي استفسار يا ريت تكتبوا في الكومنتات واحنا هنرد عليكم…
وكمان ماتنسوش تتابعونا على صفحة مركز القيعى عشان كل يوم تستفيدوا بمعلومات جديدة مفيدة ليكم ولأولادكم.
El Keiy Medical Center - مركز القيعي لطب الأطفال
مركز القيعى هو أكبر مركز متكامل متخصص للأطفال تحت اشىراف الدكتور محسن القيعى
للحجز والإستفسارات يرجى الاتصال على رقم: 01550110017 / 0223082945
عنوان المركز: التجمع الأول - البنفسج ١- خلف مول البركة – القاهرة الجديدة – أمام مدينة الرحاب

02/06/2022

♥️الفرق بين الشقاوة وفرط الحركة👻🤯
امهات كتير بيسالونا عن الفرق بين الشقاوة العادية اللي عند كل الاطفال والشقاوة المرضية اللي تستدعي اننا نزور دكتور مخ واعصاب الاطفال… 🧑🏻‍⚕️👩🏻‍⚕️

اولا ايه هي اعراض فرط الحركة 🧠🧐🤔؟؟؟؟؟
فرط الحركة والاندفاعية بتكون شكوى الام او المدرسة ومعناها بالمصري "مش عارف يقعد علي بعضه"...
اكثر الاعراض اللي بنشوفها هي:
◀️ "الفرك" وده بيكون في صورة تخبيط الايد او الرجل والفرك في الكرسي.🪑🔌🪛
◀️ عدم القدرة علي الجلوس في المدرسة او في اي مكان غريب.⌛️⏳
◀️ الجري الكتير في كل حتة زي في البيت وبرا البيت او تسلق الاشياء في كل مكان بداعي وبدون داعي.🪜🏃🏻‍♂️🏃🏻‍♀️
◀️ عدم القدرة علي اللعب في صمت.🗣
◀️ كثرة الكلام والاندفاعية في الكلام ((ونخلي بالنا قوي من النقطة دي عشان بتفرق معانا جدا في تشخيص سبب فرط الحركة)).
◀️ عدم القدرة علي اللعب في دور يعني ميقدرش ينتظر دوره في اي لعبة مع اقرانه.
◀️ بيرد علي اي سؤال بتسال بسرعة جدا حتي لو مش صح.
◀️ بيقاطع الاخرين بشكل ملحوظ ومش بيسمح لحد غيره يتكلم.

🚧🚧🚧
ثانيا في معظم حالات فرط الحركة بيكون مصاحب ليها تشتت الانتباه اللي بتكون اعراضه كالاتي:
- عدم القدرة علي التركيز علي التفاصيل وعمل اخطاء سهل تجنبها.
- عدم القدرة علي التركيز فترة كافية عشان يقدر يلعب مع اصحابه او يركز في المدرسة او في اعمال المنزل.
- عدم القدرة علي عمل اي حاجة تحتاج لتركيز.
- عدم القدرة علي ترتيب وقته او متعلقاته الشخصية ونلاقي دائما ان حاجته ضايعة منه زي كتبه او ادواته الرياضية.

🚧🚧🚧
اهم نقطة بقي ان لازم يكون الكلام ده مؤثر علي الطفل اكاديميا او اجتماعيا عشان نهتم بالاعراض دي ونكشف عند دكتور مخ واعصاب اطفال متخصص..

📌طيب بعد ما عرفنا يعني ايه فرط حركة وتشتت انتباه لازم نعرف معلومة مهمة جدا وهي ان اسباب فرط الحركة وتشتت الانتباه كثيرة وللاسف اقل سبب بنشوفه بيكون مرض فرط الحركة وتشتت الانتباه (ADHD) واللي للاسف بيكون تشخيص خاطئ في معظم الاحيان وطبعا لان العلاج بيختلف تحسن الاطفال دي بيكون بطئ جدا.. 🫣🫣

طيب عشان نفهم اكثر لازم نفهم الفرق ما بين العرض والمرض… العرض زي السخونية مثلا بيتكرر في امراض كثير زي ادوار البرد والنزلات المعوية والالتهاب الرئوي وامراض تانية كثير… هل ينفع نعالج اي طفل عنده سخونة بنفس العلاج؟؟ اكيد الاجابة لا.. لان العلاج بيكون علاج المرض مش علاج العرض.. فرط الحركة ده عرض بيحصل في امراض كثير منهم فرط الحركة وتشتت الانتباه (ADHD) مع العلم ان الADHD نسبته في مصر قليلة جدا جدا ولكن احنا للاسف بنشوف حالات كثيرة متشخصة كدا غلط..

طيب ايه فائدة اننا نشخص سبب فرط الحركة صح؟؟
اهم حاجة في الطب هو التشخيص الصحيح وده لان العلاج بيختلف اختلاف جذري علي حسب التشخيص...
والتشخيص ده بيتم عن طريق الكشف الطبي المتكامل وتقييم تطور الطفل العقلي والحركي وتقيم شخصيته.

طيب يا دكتور انت كلمتنا كتير عن فرط الحركة وان ليه اسباب كثيرة،، ايه هي اسبابه بقي؟؟

الاسباب كثيرة ولازم الطبيب المتخصص هو اللي يفرق ما بين الاسباب عشان خطة العلاج تكون صحيحة.
1️⃣ اسباب خاصة بنسبة الذكاء.. سواء تاخر في نسبة الذكاء (Intellectual disability) والغريب ان الاطفال العباقرة او اللي بيقولوا عليهم Gifted بيكون عندهم بعض اعراض مشابهة..
2️⃣ مرض زي التوحد اللي بيتشابه بنسبة كبيرة جدا مع تشخيصات تانية واللي التشخيص المبكر فيه بيفرق بشكل كبير جدا في تحسن الحالة.
3️⃣ امراض نفسية وطبعا انا سامع اللي بيقول ازاي امراض نفسية عند الاطفال … ايوة يا ستي ايوة يا سيدي في امراض نفسية عند الاطفال زي الاكتئاب والقلق والوسواس القهري وغيره.
4️⃣ اهم الامراض العضوية اللي لازم نستبعدها هي ضعف السمع ، اضطرابات النوم، انيميا الحديد واللي في اطفال كثير جدا بتعاني منها، امراض الغدة الدرقية.

📌📌طيب و التشخيص بيكون ازاى :
الحقيقة تأكيد التشخيص بيبقى عن طريق عدة مقاييس واختبارات اهمهم وأدقهم اختيار اسمه كونرز أو مقياس كونرز لتقييم السلوك الشامل
يساعد مقياس كونرز فى تشخيص الاطفال بين (٦_١٨) سنة
كمان بيساعد على فهم بعض المشاكل السلوكية والاجتماعية والدراسية لهؤلاء الاطفال
عشان الاسباب دي كلها بننصح اي ام عندها قلق انها تزور طبيب مخ واعصاب الاطفال المختص ومتخافش عشان التشخيص المبكر بيفرق بشكل كبير جدا في العلاج.
........................................................................
يا ريت لو البوست كان مفيد تعملوا شير ولايك عشان الفائدة تعم ولو عندكم اي استفسار يا ريت تكتبوا في الكومنتات واحنا هنرد عليكم…
وكمان ماتنسوش تتابعونا على صفحة مركز دكتور القيعى عشان كل يوم تستفيدوا بمعلومات جديدة مفيدة ليكم ولأولادكم.
El Keiy Medical Center - مركز القيعي لطب الأطفال
مركز القيعى هو أكبر مركز متكامل متخصص للأطفال.
للحجز والإستفسارات يرجى الاتصال على رقم: 01550110017 / 0223082945
عنوان المركز: التجمع الأول - البنفسج ١- خلف مول البركة – القاهرة الجديدة – أمام مدينة الرحاب

14/12/2016

14/12/2016

11/11/2016

11/11/2016

المهارات المطلوبة للتدريب على الحمام
- ان يدرك الوقت الئى يحتاج فيه قضاء حاجته
- ان ينتظر لا يقضى حاجته فى السروال حتى يدخل المرحاض
- ان يدخل الحمام
- ان ينزل سرواله او يخلعة
- ان يجلس على المرحاض ويقضى حاجته فى المرحاض
- ان يستخدم الشطاف بشكل صحيح والمناديل الورقية بشكل صحيح
- ان وان يرتدى سرواله مرة اخرى
- ان يشد السيفون مرة اخرى لينظف المرحاض
- ان يغسل يدية ويجففها