https://www.facebook.com/1270649379639398/

Dr Ahmed Adel - دكتور أحمد عادل, 39 شارع أحمد عرابي أمام محطة مترو التوفيقية المهندسين, Cairo (2026)

25/12/2025

مش كل ضعف نظر ليه ليزك!
ناس كتير بتفكر إن الليزك هو الحل الوحيد…
بس الحقيقة إن في حل تاني مهم اسمه زراعة العدسات ICL
🔹 العدسات ICL بتتزرع جوه العين
🔹 من غير ما نلمس القرنية
🔹 ومن غير ما نشيل عدسة العين الأصلية
📌 طيب إمتى نلجأ ليها؟
✔️ لو درجة ضعف النظر عالية
✔️ لو القرنية رفيعة
✔️ لو الليزك مش مناسب للحالة
👁 النتيجة؟
رؤية أوضح
ثبات في النظر
وإحساس مختلف في جودة الإبصار👌
القرار دايمًا بعد فحص شامل ودقيق
علشان نختار الحل الأنسب لحالة العين...
لو عند أي استفسار تقدر تبعتلنا علي رسايل الصفحه أو الواتساب أو الاتصال على الرقم : 01101921000

22/12/2025

🚨 أمراض عيون مينفعش نستنى عليها
فيه مشاكل في العين التأخير فيها ممكن يسبب ضعف نظر دائم أو فقدان نظر لا قدر الله 😔
لازم نتحرك بسرعة لو ظهر أي عرض من دول:
👁️ فقدان مفاجئ في النظر
حتى لو من غير وجع ده حالة طوارئ ولازم كشف فورا.
👁️ ألم شديد في العين مع صداع أو قيء
ممكن يكون ارتفاع مفاجئ في ضغط العين.
👁️ احمرار شديد مع ألم وتشوش في الرؤية
خصوصًا لو بيزيد ممكن التهاب خطير داخل العين.
👁️ وميض أو فلاشات + نقاط سودا كتير
ممكن يكون بداية انفصال شبكي.
👁️ إصابة مباشرة في العين أو دخول جسم غريب
حتى لو الألم بسيط، الكشف ضروري.
👁️ تورم واحمرار شديد في جفن العين مع حرارة
ممكن يكون التهاب يحتاج علاج سريع.
👁️ تغير مفاجئ في شكل أو حجم حدقة العين
ده مؤشر خطر ومينفعش يتساب.
📌ملحوظة مهمة:
أي عرض مفاجئ في العين متستناش
الكشف بدري بيفرق جدًا في النتيجة 👌
لو عندك أي استفسار تقدر تبعتلنا علي رسايل الصفحه أو الواتساب أو الاتصال على : 01101921000

30/11/2025

🩺✨ الأمراض المزمنة… وإزاي بتأثر على العين؟

العين مش بس بتشوف… دي كمان بتكشف بدري عن أمراض كتير في الجسم.

1) السكر

أكتر مرض بيأثر على العين

ارتشاحات ونزيف في الشبكية

تشوش في القراءة والوجوه

زيادة فرصة الجلوكوما والمياه البيضاء
مهم: كشف قاع عين مرة سنوياً… ولو السكر مش مظبوط يبقى كل 3–6 شهور.

2) الضغط العالي (Hypertension)

تضيق الأوعية اللى بتغذّي الشبكية

نزيف وبقع قطنية

في الحالات الشديدة: فقدان رؤية مفاجئ
مهم: قياس الضغط باستمرار… وأي زغللة مفاجئة = طوارئ.

3) الغدة الدرقية

خصوصًا فرط النشاط

جحوظ العين

جفاف شديد

ازدواج رؤية

ممكن يضغط على العصب البصري
🔍 مهم: ضبط هرمونات الغدة + متابعة دورية للعين.

4) أمراض المناعة الذاتية

زي الروماتويد – الذئبة – الصدفية – بهجت

التهاب قزحية (ألم + احمرار + حساسية ضوء)

جفاف العين
مهم: أي ألم أو احمرار يستمر يوم = لازم كشف.

5) أمراض القلب والكلى

ارتشاحات بسبب احتباس سوائل

ضعف تغذية الشبكية

بعض الأدوية تسبب جفاف بسيط
مهم: متابعة سنوية لقاع العين.

اللى حابين نقوله...
الأمراض المزمنة لو مش متظبّطة… بتأثر على العين بدري.
متابعة عيون كل 6 شهور بتحميك من فقدان نظر ممكن يكون دائم.

✨ حافظ على مرضك متظبط… عشان تحافظ على نظرك.
لو عندك أي استفسار تقدر تبعتلنا علي رسايل الصفحه أو الواتساب أو الاتصال على : 01101921000

29/11/2025

👁️ إزاى أعرف إن طفلي ممكن يكون محتاج كشف نظر؟

في علامات بسيطة لو ظهرت على الطفل لازم نتحرك ونعمل كشف 👇

* بيشتكى انه مش قادر يشوف البورد كويس فى المدرسة.
* يقرب من التلفزيون أو الموبايل زيادة
ده ممكن يكون دليل إن نظره مش واضح من بعيد.

* يحول أو عين بتزوغ أوقات
الحَوَل لو ظهر حتى بشكل متقطع لازم كشف.

* يفرك عينه كتير أو بيشتكى من صداع
ممكن يكون عنده إجهاد أو ضعف نظر.

* يغمّض عين ويفتح التانية وهو بيبص
علامة إن عين أحسن من عين.

* يقرب الكتاب من وشه وهو بيكتب أو بيذاكر

* يحصل عنده دموع أو رمش زيادة من غير سبب
أحياناً بيبقى ضعف نظر أو مشكلة فى سطح العين.

* يتعثر أو يخاف من السلالم
ممكن يكون مش شايف كويس العمق والمسافات.

💡 نصيحة مهمة

أول كشف نظر للطفل يكون عند سن 6 شهور، وبعدها عند 3 سنين، وبعد دخول المدرسة مرة كل سنة لو مفيش شكوى.
لو عندك أي استفسار تقدر تبعتلنا علي رسايل الصفحه أو الواتساب أو الاتصال على : 01101921000

27/11/2025

"لو عرفنا إزاي اتخلقت العين… مش هنقدر غير نقول سبحان الله."

"من أوّل شعاع نور يدخل عينك لحد ما تشوف الصورة كاملة… ملايين العمليات بتحصل في جزء من الثانية. كل دا من صنع الله. وتأمُّل النعمة أول خطوة لشكرها."

"ربنا أودع في العين تفاصيل لا تُحصى… من شبكية أرفع من الشعرة لعصب بصري بيشيل ملايين الإشارات. نِعم الله حوالينا بس محتاجين نبصّ عليها بقلب."

"لو وقفنا دقيقة وتأمّلنا إزاي ربنا خلق العين—الضبط، والدقة، والتناسق—هندرك إننا قدّام آية من آياته. نعمة بتخدمنا طول اليوم وإحنا يمكن ما بنحسّش بيها. والتوعية الحقيقية تبدأ لما نقدّر النعمة ونحافظ عليها."

صحة عينيك مهمة عندنا كل وقت نتمنى لكم دوام الصحة والعافيه 👁🤍
لو عندك أي استفسار تقدر تبعتلنا علي رسايل الصفحه أو الواتساب أو الاتصال على : 01101921000

26/11/2025

لو بتستخدمي عدسات لاصقة… تحافظي على عينِك إزاي؟

👁️ العدسات مش خطر… الخطر في طريقة استخدامها.

✅ إزاي نحافظ على العين لو بنلبس عدسات؟

* غسل اليدين قبل اللمس

أي لمسة بسيطة بأيد مش نضيفة = ميكروب = التهاب.

* ممنوع تنامي بالعدسات

حتى لو مكتوب عليها “مناسبة للنوم”.
النوم بيقلل الأكسجين للقرنية وده ممكن يسبب قرحة خطيرة.

* السائل المخصص فقط

❌ ممنوع مياه
❌ ممنوع محلول ملحي
الحاجات دي بتنقل ميكروبات تسبب التهابات شديدة.

* تغيير المحلول كل مرة

مش نغيّره نص تغيير لازم جديد بالكامل.

* تنظيف العلبة كل يومين

وتتغير كل 3 شهور مهما كانت شكلها نظيف.

* ممنوع الاستحمام أو نزول البحر/حمامات السباحة بالعدسات

المياه فيها ميكروبات ممكن تعمل التهاب قرنية خطير.

* مدة الاستخدام

– عدسات يومية = تتشال بعد يوم واحد
– شهرية = 30 يوم من أول الفتح
– ماينفعش تستخدمي الشهرية 45 يوم!

* لو في إحمرار أو حرقان

شيلي العدسات فورًا…
ولو الألم مستمر لازم كشف.

* لو بتستخدمي مكياج

العدسات تتحط قبل المكياج وتتشل قبل إزالة المكياج.

* استخدمي قطرة مرطبة

العدسات ساعات تعمل جفاف، والمرطبات بتريح العين جدا.

❌ علامات خطر لازم تشيلي العدسات فورا وتعملى كشف ضرورى

* ألم شديد
* إحمرار مش بيروح
* دموع زيادة
* إحساس بجرح
* غشاوة في النظر

دي علامات ممكن تكون بداية التهاب قرنية وده لازم علاج بدري.

اللى حابين نقوله....
العدسات آمنة جدا
لو اتلبست صح واتشالت صح واتنضفت صح..

وأخيرا صحة عينيك مهمه لينا كل وقت نتمنى لكم دوام الصحة والعافيه 👁🤍
ولو عندك أي استفسار تقدر تبعتلنا علي رسايل الصفحه أو الواتساب أو الاتصال على : 01101921000

25/11/2025

إيه علاقة السكر بالعين؟ وليه العين أول عضو بيتأثر؟

🍬 السكر مش بيأثر على النظر بس… ده بيأثر على شبكية العين نفسها.

لما السكر يعلى لفترات طويلة:

الأوعية الدموية الصغيرة اللي في الشبكية بتتعب

يحصل ارتشاحات ونزيف

الدم مش بيوصل للشبكية كويس

ومع الوقت ممكن النظر يقل بشكل تدريجي من غير ما تحس

👁️ طب إيه علامات إن السكر بدأ يأثر على العين؟

* زغللة بتيجي وتروح
* تلاقي العين بتدمّع أو بتنشف بسرعة
* رؤية ضبابية
* بقع سودة أو ذباب طاير
* ضعف تدريجي في النظر
* نزيف قدام الشبكية (أوقات بيظهر فجأة)

لكن أهم نقطة:
❗ أغلب مشاكل الشبكية بتحصل من غير أي أعراض!
عشان كده الكشف مش رفاهية.

ليه لازم كل مريض سكر يعمل كشف شبكية؟

لأن الكشف بيشخص بدري لو فيه:

ارتشاحات بسيطة

نزيف صغير

مناطق ضعيفة محتاجة ليزر

ضغط العين (اللي كمان السكر ممكن يعلّيه)

وكل ده ممكن يتعالج بدري جداً قبل ما يؤثر على النظر.

🛡️ إزاي أحافظ على عيني وأنا عندي سكر؟

* سكر ثابت

التراكمي أقل من 7.

* ضغط مظبوط

أقل من 130/80.

* كشف شبكية

كل 6 شهور حتى لو النظر ممتاز.

* لا للتدخين

يزود تدهور الشبكية 3 مرات.

* علاج أي ارتشاح أو نزيف بدري

سواء ليزر أو حقن حسب الحالة… العلاج بدري يعنى نظر محمي.

و أخيراً صحة عينيك مهمه لينا كل وقت نتمنى لكم دوام الصحة والعافيه 👁🤍

لو عندك أي استفسار تقدر تبعتلنا علي رسايل الصفحه أو الواتساب أو الاتصال على : 01101921000

24/11/2025

🤕 مش كل صداع سببه العين… بس فيه علامات مهمة لازم ناخد بالنا منها:

✅ أولاً: الصداع اللي ليه علاقة بالعين وعايز كشف

* صداع بعد القراءة أو الموبايل
لو بتحس صداع وانت بتشتغل على الموبايل/كمبيوتر أو بعد المذاكرة غالباً إجهاد عين أو ضعف نظر.

* صداع يروح لما تريّح عنيك
لو بمجرد ما تبعد عن الشاشة يخف → ده شبه مؤكد من العين.

* صداع الجيوب بيأثر على حوالين العين
لكن ساعات بيبقى الإحساس إنه “من جوه العين”.

* صداع مع احمرار وحرقان
ده غالبًا جفاف عين شديد.

* صداع نصفي مع حساسية للضوء
ده مش ضعف نظر… بس محتاج كشف عشان نتأكد مفيش مشكلة في ضغط العين.

* ألم شديد مفاجئ حوالين العين + غشاوة
ده خطر… ممكن ارتفاع كبير في ضغط العين طوارئ فوراً.

❌ تانياً: الصداع اللي غالباً مالوش علاقة بالعين

* صداع الصبح أول ما تصحى (غالباً ضغط أو نوم مش كفاية)

* صداع نصفي لوحده من غير مشاكل في النظر.

* صداع ثابت بيزيد مع الصوت والضوء لكن النظر تمام.

* صداع بسبب قلة المياه، التوتر، الجيم، قلة نوم، أنيميا…

* صداع قوي بيزيد مع الكحة أو الانحناء (غالباً جيوب أو ضغط).

واخيراً صحة عينيك مهمه لينا كل وقت نتمنى لكم دوام الصحة والعافيه👁🤍

لو عندك أي استفسار تقدر تبعتلنا علي رسايل الصفحه أو الواتساب أو الاتصال على : 01101921000

23/11/2025

ناس كتير بتشتكي إن مع دخول فصل الشتاء بتبدأ عينهم تدمع اكتر من أى وقت بيحسوا بحرقان دموع واوقات زغلله أو صداع وعشان كدا دى شويه خطوات سهله للحفاظ على صحة عنينا فى الشتاء...

1. رطّب عينِك
الجو فى الشتاء ناشف، فبيسبب جفاف.
– لو بتحسّ بجفاف أو رمل فى العين استخدم قطرة مرطبه 2 : 3 مرات فى اليوم.

2. إلبس نضارة شمس حتى فى الشتاء
كتير يفتكروا النضارة للشمس بس… لأ، الهوا الساقع والبرد بيأثر على العين.
النضارة بتقلل الجفاف وبتحمى من التراب.

3. قلّل استخدام الدفايات
الدفايات بتسحب الرطوبة من الجو ف جفاف العين يزيد.
لو لازم:
– خلي الدفايه على حرارة هادية.

4. الرمش كتير
قدام الموبايل بننسى نرمش ف الجفاف يزيد.
اعمل قاعدة: كل ٢٠ دقيقة… ارمش ٥–٦ مرات ببطء.

5. اشرب مية كويس
الشتا يخلى الواحد ينسى يشرب، بس العين محتاجة رطوبة من جوه زّى ما هى من برّه.

6. لو بتركب موتوسيكل/بتتمشى فى هوا جامد
إلبس نضارة واقية تحمى من الهوا المباشر.

7. لو عينيك بتدمّع فى البرد
ده بسبب البرد… مش دموع فرح بجو الشتاء اللى بتحبه😂
حلها:
– نضارة
– وقطرة جفاف بسيطة.

8. حافظ على مناعة جسمك
نزلات البرد ممكن تعمل احمرار وإفرازات فى العين.
– فيتامين C
– نوم كويس
– أكل صحى
يحميك من الالتهابات.

وأخيراً صحة عينك مهمة عندنا فى كل وقت👁🤍

لو عندك أي استفسار تقدر تبعتلنا علي رسايل الصفحه أو الواتساب أو الإتصال على : 01101921000

16/10/2025

It’s. priceless emotions to feel love and gratitude from your patient😊🤍
شكراً لكل كلمة حلوة من مرضانا❤️
"ورانا دايماً فريق كامل بيشتغل عشان كل مريض يخرج مبتسم"😊
رضا المريض غالي... بس رضانا عن نجاح أى عملية أغلى وأعمق بكتيير💙
✨لو عندك أي استفسار تقدر تبعتلنا علي رسايل الصفحه أو الواتساب أو الاتصال هاتفياً علي☎️ 01101921000
#الليزك

10/10/2025

It’s. priceless emotions to feel love and gratitude from your patient😊🤍
شكراً لكل كلمة حلوة من مرضانا❤️
"ورانا دايماً فريق كامل بيشتغل عشان كل مريض يخرج مبتسم"😊
شكر الناس لينا هو أكبر نجاح بنفتخر بيه💙
✨لو عندك أي استفسار تقدر تبعتلنا علي رسايل الصفحه أو الواتساب أو الاتصال هاتفياً علي☎️ 01101921000
#الليزك

Dr Ahmed Adel - دكتور أحمد عادل

25/12/2025

22/12/2025

30/11/2025

29/11/2025

27/11/2025

26/11/2025

25/11/2025

24/11/2025

23/11/2025

16/10/2025

10/10/2025

Address

Telephone

Website

Alerts

Shortcuts

Share

Category