What are the opening hours?

Monday 5pm - 8pm Wednesday 5pm - 8pm Saturday 5pm - 8pm

https://www.facebook.com/130291261027008/

Dr. Sarah Saied’s Maternity Clinicعياده د.ساره سعيد للنساء و التوليد-

Home
Egypt
Cairo
Dr. Sarah Saied’s Maternity Clinicعياده د.ساره سعيد للنساء و التوليد-

عياده د. سارة محمد سعيد للنساء و التوليد
Your wellbeing is my delight

29/09/2025

ولادى كبروا و بقوا يعملوا لى كروت ما شاء الله...
ربنا يحفظهم و يبارك فيهم هما و مامتهم..... ❤️❤️❤️

28/09/2025

لسه داخلة البيت و انا سايقة كنت عاملة افكر هل فى انسان يشتغل الشغلانة دى بمحض ارادته.....

قعدت افتكر كام مرة ربنا سترها عليا و انا نايمة و انا سايقة و بلحق نفسى يدوب قبل ما اخبط فى عربية و لا فى رصيف عشان مطبقة......

كام مرة صحيت مفزوعة من النوم لحسن التليفون يبقى رن و مسمعتش عشان قبل ما انام فى حد كانت قايلة لى ان عندها وجع....

كام مرة ابقى داخلة السرير الضهر و حد يصيحنى من النوم عشان اى كلام و انا يدوب داخلة السرير عشان منمتش بالليل.....

كام مرة انزل من غير ما غسل وشى حتى على المستشفى......

كام مرة فوت مناسبات عزيزة عليا......

كام مرة يحصل مضاعفات فى العمليات و تعدى بلطف ربنا......

كام و كام مرة.......

الحقيقة اللى بتصبرنى دايما مش ان ده شغل، لانى ممكن اشتغل حاجات التانية....

اللى بيصبرنى فرحة استقبال البيبى، العيد اللى بشارك فيه مش مرتين فى السنة لا علطول، لمعان العيون،. دموع الفرحة، زغاريط الجدات، لهفة الاب، عياط الأمهات، و ان فى ناس حقيقى حلوة قلبا و قالبا حقيقى ببقى متشرف و فرحانة انى عرفتهم.....

و لذلك مش متخيلة نفسى بعمل حاجة تانية بالرغم من كل الضغط و التوتر و الحياة الملغبطة ......

تصبحوا على خير و حقيقى بحبكم ❤️❤️❤️

23/09/2025

و الله الحاجة اللى بتخلينى اكمل بنفس الطاقة و الحب و الشغف.... الناس الحلوين...
ربنا يديمها نعمه...
MY MORNING TEXTS IS MY ENDLESS LOVE ❤️❤️

29/08/2025

ان شاء الله هغير مواعيد العيادة ....
سبت و اتنين و اربع الساعة واحدة الظهر و الحجز بالتواجد فى العيادة .....

الاتنين 1/9 و الأربعاء 3/9 اجازة ان شاء الله .....

25/08/2025

مش محترم يبقى نتربى 😂😂😂

24/08/2025

لسه مخلصة ولادة هسميها ولادة بركة الصلاة على النبِىّ.

راس البيبى كانت عالية جدا و كنا عدينا الوقت المسموح بيه بعد الوصول ل 10 سم، اللى بعده بنضطر نعمل قيصرية، قلت هنعمل محاولة اخيرة بس و احنا بنصلى على النبى، انا و نائبة النسا و العيانة قعدنا نصلى على سيدنا محمد عليه الصلاة و السلام و الله الراس نزلت بمنتهى السهولة فجأة بدون مقدمات و لا كأنها كانت متوقفة و لا حاجة....
ربنا يرزقنا حسن الظن بيه وان نتبرأ دائما من حولنا و قوتنا اليه و يدبر أمورنا و يرفع كروبنا ببركة الصلاة على النبى و يرزقنا رؤية حبيبى محمد فى الجنة ❤️❤️

15/08/2025

مش عارفة ازاى معترفتش قبل كدة بحبى لطيبة و لطف و سماحة اهل السودان.....
ناس طيبة و على الفطرة و جمال فوق الوصف.....
انهاردة عيانتى كانت من اهل السودان الجمال و انا داخلة اطمنهم بعد العملية، أهلها كلهم سلموا على بعض بالتبادل و هم بيقولوا الحمد لله و مبارك، فى تصرف تلقائى جميل، 10 سيدات يسلموا على بعض بالتبادل بدون ترتيب منهم فاعتقد ان ده فى العرف عندهم.....
الحمد لله انها قامت بالسلامة و ده مش العادى ان الأورام اللليفية تكون بالحجم الصغير ده، بس بفضل ربنا شلناهم كلهم...

14/08/2025

غثيان الحمل
نصائح لتخفيف الأعراض والاستمتاع بوجباتك

الخوف من الأكل والقيء شائع جدًا في بداية الحمل
لتخفيف الغثيان جربي تناول وجبات صغيرة ومتكررة بدلًا من الوجبات الكبيرة
ركزي على الأطعمة الخفيفة سهلة الهضم مثل البسكويت السادة الأرز أو الخبز المحمص
اشربي السوائل بين الوجبات وليس معها مباشرة
وتجنبي الأطعمة الدهنية الحارة أو ذات الروائح النفاذة
استشيري طبيبتك دائمًا إذا كان الغثيان شديدًا ويؤثر على قدرتك على الأكل والشرب

العياده : شارع ٩عمارة ٧٤ اعلى كشرى ابو طارق- المقطم .
**الحجز باسبقية الوصول فى العيادة من الساعة 2 ظهرا.
مواعيد العياده : السبت والاتنين و الأربعاء 2 ظهرا .
**للحجز و الاستعلام : ٠١١١٧٧٧٣٧٣٦ او على ٠١٠٢٥٦٨٣١٨٣ من الساعة 2 ظهرا حتى انتهاء الزيارات
**للطوارئ واتس اب رقم ٠١٠٩٥٢١٢٥٩٤

10/08/2025

دكتورة انا عايزة اوزن، دكتورة انتى ليه مش بتوزنينى؟؟ ؟

هل تعلمى سيدتى الحامل ان الزيادة المقبولة فى الحمل من ربع لنص كيلو فى الاسبوع على أقصى تقدير يعنى تقريبا من 9 ل 15 كيلو فى الحمل كله....

شفتوا بقى انى عملا معاكم واجب و مش بوزن غير فى حالات قليلة....

ياريت محدش يسال على الميزان تانى عشان دى حاجات بتزعل 😂😂😂

09/08/2025

يزداد القلق عند الأمهات الحوامل بسبب ارتفاع درجات الحرارة وتأثيرها المحتمل على صحتهن وصحة أجنتهن.

تأثير ارتفاع الحرارة على الأم الحامل
الجفاف
تعاني الحامل من زيادة التعرق مما يجعلها أكثر عرضة للجفاف الجفاف قد يؤدي إلى انخفاض ضغط الدم والدوخة وفي الحالات الشديدة يمكن أن يسبب انقباضات مبكرة

الدوخة والإغماء
ارتفاع حرارة الجسم يمكن أن يوسع الأوعية الدموية مما يؤدي إلى انخفاض تدفق الدم إلى الدماغ والشعور بالدوخة أو حتى الإغماء

تورم القدمين واليدين
الحرارة تزيد من احتباس السوائل في الجسم مما يسبب تورمًا في الأطراف

تأثير ارتفاع الحرارة على الجنين
الأشهر الأولى
في الشهور الأولى من الحمل قد يؤدي ارتفاع درجة حرارة الجسم الأساسية للحامل إلى زيادة خطر حدوث عيوب خلقية في الأنبوب العصبي للجنين خاصة إذا كان التعرض للحرارة الشديدة متكررًا

الأشهر الأخيرة
في المراحل المتقدمة من الحمل قد يؤثر الجفاف الشديد على كمية السائل الأمنيوسي وهو ضروري لنمو الجنين وحمايته

نصائح للحامل لتجنب مخاطر الحرارة
حافظي على رطوبة جسمك
اشربي كمية كبيرة من الماء (بين 8 إلى 12 كوبًا يوميًا) لتجنب الجفاف. يمكنك أيضًا شرب العصائر الطبيعية الطازجة وماء جوز الهند

تجنبي الخروج في أوقات الذروة
حاولي البقاء في المنزل أو في أماكن مكيفة الهواء خلال ساعات النهار الأكثر حرارة (من 10 صباحًا حتى 4 عصرًا)

ارتدي ملابس خفيفة وفضفاضة
اختاري الأقمشة القطنية الفاتحة التي تسمح بتهوية الجسم

استحمي بماء فاتر
الاستحمام بماء فاتر يساعد على تبريد الجسم بشكل فعال

مارسي التمارين الرياضية في الأوقات الباردة
إذا كنتِ تمارسين الرياضة اختاري الأوقات المبكرة من الصباح أو المتأخرة من المساء

اهتمي بالتغذية
تناولي وجبات خفيفة ومتوازنة وغنية بالسوائل

العياده : شارع ٩عمارة ٧٤ اعلى كشرى ابو طارق- المقطم .
**الحجز باسبقية الوصول فى العيادة من الساعة 2 ظهرا.
مواعيد العياده : السبت والاتنين و الأربعاء 2 ظهرا .
**للحجز و الاستعلام : ٠١١١٧٧٧٣٧٣٦ او على ٠١٠٢٥٦٨٣١٨٣ من الساعة 2 ظهرا حتى انتهاء الزيارات
**للطوارئ واتس اب رقم ٠١٠٩٥٢١٢٥٩٤

06/08/2025

نعتذر عن العمل فى العيادة اليوم....

05/08/2025

عارفين ايه اكتر حاجة موترة ليكم فى اول زيارة فى الحمل و خصوصا اول اسابيع؟؟؟

البعبع السونار المهبلى!!!
و كمية حلفنات و الله العظيم ما بيعمل حاجة و قسما بالله العظيم مش بيأثر و نظرة رعب و لا أكنى بقضى على الحمل و تدخل الام و الحماة والأقارب و الاحباب و امة لا اله الا الله انى ارجع عن قرارى المتهور انى اعمل سونار مهبلى....

السونار المهبلى عامل زى ما تحاول تصور البيبى بi phone او نوكيا بالعقل مين هيبين افضل....
السونار المهبلى خلال الأسابيع الاولى مع صغر حجم الكيس ليه الافضليه و هو الاختيار الأفضل والادق....

طيب الحلفان التانى انه مش بيوجع، و الله مش بيوجع، إجراء بسيط غير مؤلم وغير مؤذى.....

يوفر صورً أوضح وأكثر دقة للرحم والجنين مقارنة بالسونار البطني في هذه المرحلة المبكرة من الحمل
يساعد على تأكيد وجود الحمل وموقعه (داخل أو خارج الرحم)
تحديد عمر الجنين بدقة
رؤية نبض الجنين
واستبعاد بعض المشكلات المبكرة
هو إجراء آمن تمامًا وغير مؤلم
ويوفر لكِ طمأنينة كبيرة في بداية رحلتكِ مع الأمومة.....

العياده : شارع ٩عمارة ٧٤ اعلى كشرى ابو طارق- المقطم .
**الحجز باسبقية الوصول فى العيادة من الساعة 2 ظهرا.
مواعيد العياده : السبت والاتنين و الأربعاء 2 ظهرا .
**للحجز و الاستعلام : ٠١١١٧٧٧٣٧٣٦ او على ٠١٠٢٥٦٨٣١٨٣ من الساعة 2 ظهرا حتى انتهاء الزيارات
**للطوارئ واتس اب رقم ٠١٠٩٥٢١٢٥٩٤

Address

Cairo

Opening Hours

Monday	5pm - 8pm
Wednesday	5pm - 8pm
Saturday	5pm - 8pm

Telephone

+201117773736

Website

facebook.com

Alerts

Be the first to know and let us send you an email when Dr. Sarah Saied’s Maternity Clinicعياده د.ساره سعيد للنساء و التوليد- posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Sarah Saied’s Maternity Clinicعياده د.ساره سعيد للنساء و التوليد-:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Cairo?