Emy Nutrition

19/04/2026

حلقة جديدة من حلقات برنامجى رحلة التغيير على راديو ممكن🥰

10/04/2026

Rehab El Shenawy بداية جديدة مع رحاب الشناوي
انك تشحن روحك مع تجمع حلو و نقى 🥰
في حاجات بنعملها واحنا فاكرين إنها رفاهية…
لكن الحقيقة إنها ضرورة لصحتنا النفسية.

واحدة منهم:
إنك تختار تقعد مع ناس “تشحنك”… مش تستهلكك.

تجمع حلو ونقي
مش معناه ضحك بس
لكن معناه:
مساحة آمنة تتكلم فيها من غير ما تتجمّل
ناس تسمعك بجد مش تستنى دورها في الكلام
طاقة تخرج منها أهدى… مش أرهق

العلاقات الصحية بتعمل إيه؟
بتقلل التوتر
بترفع هرمونات السعادة
وبتخلي جهازك العصبي يحس بالأمان

ببساطة…
هي مش رفاهية
دي إعادة شحن لروحك

فاسأل نفسك بصراحة:
مين الناس اللي بعد ما تقعد معاهم… بتحس إنك أخف؟

اختارهم… وقرّب منهم أكتر

06/04/2026

خلينا نلعب شوية بالAI بس بشكل كيوت بعيدا عن الطماطم الغضبانة و الخيار اللى بيصرخ 😁

05/04/2026

عميلة:
• ملتزمة طول اليوم
• بتبوظ بالليل

ده معناه غالبًا 3 حاجات مع بعض:

1. حرمان فسيولوجي
• سعراتها قليلة
• أو مفيش شبع كفاية

2. إرهاق عصبي
• طول اليوم مقاومة وضبط
• بالليل “الجهاز العصبي بيستسلم”

3. تفريغ مشاعر
• الوحدة
• الضغط
• الملل

إذن:
مش “إرادة ضعيفة”…
دي نظام حياة بيكسرها يوميًا
و علشان كده تغيير العادات مع كوتش محترف و يكون اخصائى تغذية فاهم كويس هيبقى مختلف
اه بياخد وقت و مجهود من الطرفين لكن تعيير مستدام و فهم ووعى
علشان كده عملائنا مختلفين 🥰

04/04/2026

28/03/2026

لو حاسة إنك تايهة وسط الدايتات، وكل شوية تبدأي نظام وتوقفي… يبقى الوقت مش محتاج دايت جديد
الوقت محتاج تفهمي الأكل صح ✨

معاكِ أخصائية تغذية وهيلث كوتش معتمدة من
ICF
وبقدم لك ورشة مختلفة تمامًا عن أي حاجة جربتيها قبل كده 👇

🔹 هتتعلمي مبادئ التغذية بشكل بسيط وعملي
🔹 هتعرفي بدائل ذكية لكل أكلك المفضل
🔹 هتفهمي إزاي تعدلي لايف ستايلك بدون حرمان
🔹 والأهم… هتعرفي تصممي نظامك الغذائي بنفسك حسب جسمك واحتياجاتك

💡 الورشة أونلاين – متاحة مدى الحياة
💡 يعني ترجعي لها في أي وقت وتطبقي براحتك

🎯 مش بس كده…
بعد الورشة في متابعة أسبوع كامل
عشان نطبق سوا ونتأكد إنك ماشية صح
وكمان هتتعلمي تحسبي حصصك المناسبة ليكِ شخصيًا

لو هدفك مش بس تخسي…
لكن تفهمي جسمك وتتحكمي في أكلك طول حياتك 👌

📩 ابعتي "ورشة" في رسالة
وهبعت لك كل التفاصيل

ابدئي المرة دي بفهم… مش بحرمان

26/03/2026

أغلب الناس… عايشة بوهم كبير

فاكر إن قيمتك في:
إنك خسيت
إنك ناجح
إنك مُلتزم
إن الناس بتحبك
إنك “ماشي صح”

بس الحقيقة الصادمة؟
كل ده ممكن يختفي… في أي لحظة

تخيل معايا:

زودت 10 كيلو
اترفضت في شغل
حد انتظرته خذلك
التزمت فترة وبعدين وقعت

هل ساعتها… هتشوف نفسك أقل؟
لو الإجابة “أيوه”
يبقى أنت مش شايف نفسك… أنت شايف “نتايجك”

المشكلة مش في الفشل…
المشكلة إنك رابط قيمتك بالنتيجة

وده أخطر نوع سجن نفسي
لأنك طول عمرك هتجري… ومش هتوصل

خليني أقولك حاجة ممكن تضايقك شوية:

انضباطك مش هو قيمتك
شكلك مش هو قيمتك
حتى نجاحك… مش هو قيمتك

دي أدوات… مش تعريف

طيب إيه قيمتك بقى؟

قيمتك في إنك:
إنسان عنده وعي
بيحاول
بيقع ويقوم
بيختار يكمل رغم كل حاجة

لو محتاج دايمًا حاجة “تثبت” إن ليك قيمة…
يبقى أنت لسه مش شايفها أصلاً

السؤال الحقيقي بقى:

لو كل حاجة بتستخدمها عشان تحس بقيمتك اختفت…
هتفضل واقف؟
ولا هتقع؟

رسالة ليك:

طوّر نفسك… بس من مكان قوة مش من خوف
خسّ… بس مش عشان تثبت إنك كفاية
انجح… بس مش عشان تحب نفسك

أنت مش محتاج تثبت إنك ليك قيمة
أنت محتاج تصدّق ده

ايمان منجى اخصائية تغذية و هيلث كوتش ICF

21/03/2026

✨ خبر سار لعشاق الصحة والرفاهية ✨
انضميت رسميًا لعيادات تراست التخصصية لتقديم استشارات التغذية والهيلث كوتشينج لأول مرة داخل عيادات التغذية!

📅 يوم واحد أسبوعيًا
الاربعاء من ٣ ل ٥ مساءا ً

بالحجز المسبق
📍 زهراء المعادي
برج أورانج (برج المليجى ) امام الHub 50 الدور الثانى عيادات تراست التخصصية
مع إيمان منجى اخصائية تغذية وهيلث كوتش معتمد من الاتحاد الدولي للكوتشينج ICF، حاصلة على:
🎓 ماجستير التغذية – جامعة القاهرة
🌟 عضو الجمعية المصرية الدولية للتغذية والسمنة EISNO
🏅 مدربة معتمدة TOT
🧠 معالج نفسي شعوري وطب تصنيفي شعوري

💡 أول مرة تجربة متكاملة بين التغذية وعلم النفس الشخصي، لمساعدتك على الوصول لأهدافك الصحية والعاطفية بشكل عملي ومستدام.

📞 للحجز والاستفسار: أ/ كاريمان
+20 103 003 5600

21/03/2026

حلقة جديدة من برنامجى رحلة التغيير على راديو ممكن

Emy Nutrition
Radio Momken

19/03/2026

كل سنة و انتم جميعاً بخير و صحة و عافية و وواعيين بنفسنا💖

14/03/2026

خطوة جديدة تفتكروا ايه؟