انا مُدمن

18/09/2024

سلام عليكم ورحمه الله وبركاته
نتمني منك التواصل معنا و سنكون معكم بأستمرار و نأسف للسادة الاعضاء علي التأخير في الرد قد تم تعديل الصفحة و سنكون معكم علي مدار ٢٤ ساعه

25/06/2024

هأعيش في الماضي وخلاص

يا شمس الصبح ليه غبتي
تعالي نرجع الماضي اللي كان سبتي
تعالي نفرح العشاق والمشتاق

ونزرع كل يوم وردة
ونسقيها لحد ما يتصلب عودها

كفاية قطف لأملنا
دا كله راح بلا معنى
كفاية بكرة خلاص ييجي
أنا الماضي دا عندي اهم

هأعيش جوه وأحن وألم
جراحي وألمي وحياتي
وأسيب مستقبلي الاتي
وأعيش في الماضي وخلاص

زمان كان أفضل الايام
في عز الازمة كنا هناك
بنتعجز على بعضينا وألمنا

وندعي ربنا يوفق
ونحقق كل أحلامنا

محمود عاشور الجنيدي
25/6/2024

08/04/2023

نحن موجودون لمساعدتكم في اي وقت تفاعلوا مع الصفحة واشتركوا في المجموعة. انطلاقة جديدة للصفحة. الله المستعان

06/06/2022

🦋مجموعة ماراثون الوحده العربيه
نرحب بالاعضاء والعضوات 🤝
اجتماعاتنا اون لاين ٢٤ ساعة على مدار الاسبوع باللغة العربية 🎧

موعد الاجتماع 🛎️📢:
٥ 🕔ص بتوقيت سلطنة عمان🇴🇲
٤ 🕓ص بتوقيت السعودية🇸🇦
٣ 🕒ص بتوقيت مصر🇪🇬

قائـــــد : مؤمن ح 🇪🇬
مساعد : آيـــــه بـ 🇪🇬
مساعد : كــريـــم 🇪🇬

موضوع الاجتماع :👈ميني سبيكر
(كتيب IP تجربة مدمن مع التقبل)


مشاركتكم وتجاربكم هي قوة وامل لنا لا تحرمونا منها🙏😇🌹🌹🌹
لأننا لا نستطيع الاحتفاظ بما لدينا إلا بتقديمه للاخرين 💞💞💞

اللينك في الكومنتات >>>

11/05/2022

كان إيان باول عضواً بالمنتخب الأمريكي للتسلق في بداية التسعينيات من القرن الماضي، وبحلول عام 2010 وعندما وصل من العمر إلى 39 عاماً أصبح مشرداً ومدمناً للمخدرات بمدينة دنفر، عاصمة ولاية كولورادو الأمريكية.

وكمدمن على الكوكايين والكريستال ميث، عانى باول من آلام انسحاب المخدرات من جسده، وهو يختبئ بعيداً عن الناس في حاويات للنفايات التجارية.

وكان باول يسرق ليشتري المخدرات، حتى ألقي القبض عليه في نهاية الأمر وأرسل إلى السجن لتزويره بطاقة ائتمان. يقول باول متذكرا ما حدث: "ما قمت به كان بمثابة خطة لتدمير حياة أي إنسان".

ويتذكر باول، الذي ولد عام 1971 في أتلانتا بولاية جورجيا، أن عشقه للتسلق بدأ منذ أن كان صغيراً جداً، عندما كان في الثالثة أو الرابعة من عمره.

لكن طفولته كانت قاسية، حيث انتحر والده، الذي كان مدمناً على الكحول، عندما كان هو في العاشرة من عمره. ومن ثم انتقل للعيش مع والدته في ولاية تكساس، حيث بدأ يشق طريقه في التسلق عندما كان مراهقاً.....

#منقول اللينك في الكومنتات >>>

#مدمن #مخدرات #مخدر
#متعافي #متعاطي #الادمان #ادمان #مدمنين

05/05/2022

زمالة المدمنين المجهولين مصر

برنامج زمالة المدمنين المجهولين هو زمالة أو جمعية لا تهدف إلى الربح وتتكون من رجال ونساء أصبحت المخدرات مشكلة رئيسية بالنسبة لهم فنحن مدمنون نتعافى ونجتمع معاً بانتظام لنساعد بعضنا البعض كي نبقى ممتنعين. إنه برنامج للامتناع التام عن كافة أنواع المخدرات وعضويته لا تتطلب إلا شيئاً واحداً وهو الرغبة في الامتناع عن التعاطي، نقترح عليك أن تكون متفتحاً ذهنياً وتعطي نفسك فرصة، برنامجنا عبارة عن مجموعة من المبادئ مكتوبة ببساطة شديدة ونستطيع إتباعها فى حياتنا اليومية وأهم ما يميزها هوأنها ناجحة. لا توجد قيود على زمالة المدمنين المجهولين فنحن غير منتسبين لأية منظمات أخرى وليس لنا أية رسوم إشتراك أو مستحقات ولا نوقع تعهدات ولا نقدم وعوداً لأي شخص ولا صلة لنا بأية جهة سياسية أو دينية أو بأجهزة تطبيق القانون ولا نخضع للمراقبة إطلاقاً. يستطيع أي شخص أن ينضم لنا بغض النظر عن عمره أو جنسه أو هويته الجنسية أو عقيدته أو ديانته أوإفتقاره إلى الدين.

https://naegypt.org/


#مدمن #مخدرات #مخدر
#متعافي #متعاطي #الادمان #ادمان #مدمنين

برنامج زمالة المدمنين المجهولين هو زمالة أو جمعية لا تهدف إلى الربح وتتكون من رجال ونساء أصبحت المخدرات مشكلة رئيسية بالنسبة لهم فنحن مدمنون نتعافى ونجتمع معاً بان....

23/04/2022

رحلة كريم مع المخدرات بدأت فى سن 8 سنوات والآن هو أصغر معالج

الصدفه البحته أتت به من القاهرة إلى الإسكندرية، لاشتياقه إلى مقهى معتز الذى يحمل الدفء للمتعافين، ليكون ثانى حالة نلتقيها ليروى عن نقطة أمل بعد طريق الإدمان المظلم، ولن تصدق أن هذه الابتسامة المشرقة واللباقة والثقة فى الحديث لشاب مر بتجربة مؤلمة وهو فى ربيعه الثامن، ولكن هذه هى الحقيقة التى عاشها" كريم"، وحكى عنها بدون خجل أو كسوف، متفاخرا بأنه استطاع التغلب على ضعفه فى سن صغير مكنه من بناء شخصية متوازنه متصالحة مع نفسها والمجتمع.



"آه اتبهدلت فى سن صغير جدا بس تبطيلى فى السن ده خلى خسائرى أقل بكتير وقدرت أعوض 95% من اللى فاتنى"، هكذا بدأ كريم حديثه ملخصا تجربته التى بدأت كطفل مدمن وانتهت بشاب 23 عاما يدرس "بيزنس"، ويعمل كمدير علاجى لمركز خاص لعلاج الإدمان، ومشرف علاجى فى صندوق مكافحة الإدمان وتعاطى المخدرات بمستشفى العباسية، ولديه خبرات ومهارات يتم انتدابه لكافة مستشفيات علاج الإدمان بالجمهورية من أجل الإستفاده منها.



فقدان "كريم" لوالده فى سن السادسة من عمره كان الصدمة ونقطة الضعف التى جعلت هذا العود الأخضر عٌرضة للانكسار السريع، فى ظل علاقة خاصة كانت تربطه به والذى وصفه بأنه الصديق الأوحد له ويصطحبه دوما فى سفرياته للخارج، حتى أن كريم من هول الصدمة تعرض إلى شبه شلل فى عضلة اللسان أصابته بالخرس لفترة شهر ونصف.



بداية احتكاك "كريم" بالمجتمع الخارجى بعد موت الأب كانت لشباب من عائلته أكبر منه سنا عرف معهم الطريق للسجائر، ثم المخدرات تدريجيا، أو كما قال و"ركبت المرجحية".



وأضاف كريم: "بدأت أشرب حشيش وبانجو ودمرونى دراسيا ورياضيا بعد أن كنت أول الجمهورية جودو والرابع سباحة"، وعندما طلب المشورة من أحد الخبراء فى عالم المخدرات نصحة بالترامادول، وقال: "وطبعا لقيت بعدها الدنيا زى الفل بذاكر وباروح التمرينات، وشوية بشوية بدأت الجرعة تزيد لحد ما ما وصلت شريطين ونص فى اليوم يعنى حوالى 45 حباية"، وعندما فقد الترامادول تأثيره نصحة أهل الشر بالهيروين فى سن 13 سنة.



وبدأ كريم فى طريق السرقة والنصب لتوفير متطلبات الكيف، قائلا: "رغم إنى فى مستوى مادى كويس، بس كطالب أكيد مش معايا اللى يكفينى المخدرات لأنى وصلت فى مرحلة كنت باشرب 4 أنواع فى اليوم الواحد (خمرة وحشيش وبرشام وبوردة) ومتوسط الصرف كان من 400 لـ500 جنيه يوميا.. أنهى طفل 13 سنة يقدر يوفر ده، وبالتالى كان لازم أكدب وأسرق".



على مدار 7 سنين تعاطى خلالها كريم جميع أنواع المخدرات، لم تستطيع عائلته اكتشاف الحقيقة، ورغم السرقة المستمره من البيت، إلا أن والدته توقعت أن يكون ابنها مريض نفسى، ولم يخطر بذهنها أنه مدمن المخدرات، ويحكى كريم: "كل مرة كنت بسرق فيها كان فى حجة مرة بخرج مع صحابى ومرة مصاحب، ووالدتى افتكرت إنى مريض نفسى وأخدتنى لأكبر دكاترة نفسيين فى مصر، عشان تعالجنى".



الطريق كان مظلما، لكن ترتيبات القدر دائما مختلفة، ويقول: "عندنا محل فى البيت بتاعنا متأجر لشخص وفى يوم وأنا راجع متأخر وضارب، الراجل إدانى الإيجار عشان أوصله لوالدتى وأخدته بس طبعا ضربت بيه، ولما والدتى سألتنى كدبت قلتلها لأ، بس المرة دى الكدب مكانش ينفع، لأن حصلت مشكلة كبيرة قررت بسببها أنى أعترف بالحقيقة، وقلت كل حاجة إنى مدمن، وطلبت إنى أتعالج"، ومن وقتها وكريم المدمن أصبح من أهم المعالجين اللى فى المجال ده رغم حداثة سنه.

#منقول اللينك في الكومنتات >>>


#مدمن #مخدرات #مخدر
#متعافي #متعاطي #الادمان #ادمان #مدمنين

16/04/2022

"لم يكن يتخيل أن المقهى الذى سيشارك فيه ستتحول إلى حاضنة للمتعافين فى الإسكندرية، ليكونوا داعمين لبعضهم البعض على الاستمرار فى "التبطيل"، فمنذ دخلنا مقهى معتز، المتعافى منذ أكثر من 3 سنوات، والتى استضفنا فيها ولا حظنا أن جميع المتواجدين على "الترابيزات" المختلفة يعرفون بعضهم البعض، وهنا قاطع معتز الأسئلة التى بدرت إلى ذهنى "أيوه اللى فى المكان هنا أغلبهم متعافين بييجوا يطمنوا على بعض وبيطمنوا مع بعض، اللى عنده مشكلة أو متضايق عارف أنه هاييجى هنا هيلاقى حد يفهمه ويستوعبه".



ولم تكن المقهى هى المشروع الأساسى الذى افتتحه معتز من قرض الصندوق الذى صرفه فى نوفمبر الماضى، حيث قال: "أخدت القرض عشان أجدد مصنع أبويا لملابس التريكو، هو كان مقفول ومحتاج معدات وخيوط، وأخذت القرض وجددته واشتغلت موسم الشتاء اللى فات وبنستعد دلوقتى للموسم الجديد، وعلشان شغل المصنع موسمى فكرت فى الكافيه معاه عشان يكون عندى دخل مستمر".



وبسؤال معتز عن فترة تبطيلة نظر إلى ساعته بتلقائية، ثم قال مبتسما: "بقالى 3 سنين و9 شهور و7 أيام، وببص فى الساعة عشان أعرف التاريخ لأنى باحسبها باليوم"، ومعتز كان من أوائل المتعافين الذين ساهموا فى وضع أسس للعلاج بمستشفى العباسية بالقاهرة، حيث عمل معالج إدمان بعد 11 شهرا من تعافيه فى مستشفى المعمورة لعلاج الإدمان، وقام بنقل خبرته التى اكتسبها لمستشفى العباسية، حيث لم تكن فى ذلك الوقت لديها سيستم للعلاج والتأهيل، قائلا: "أكتر حد هيصدقه المدمن واحد كان مدمن زيه مر بنفس ظروفه وحس بنفس مشاعره".



وبنظرة أمل قال: "أنا لما دخلت البرنامج من 3 سنين مكانش فى قدام منى غير 5 تقريبا اللى كانوا مبطلين، النهارده فى طفرة فى العدد، وفى آخر حفله لمستشفى المعمورة من سنتين العدد كان 100، اعتقد لو عملنا الحفلة دى السنة دى هيكون العدد تضاعف".



"معتز" له تجربة سابقة لنشر صورته فى الإعلام، ولكنها للأسف كانت فى فترة إدمانه عندما قُبض عليه فى 2010 وهو يتاجر فى المخدرات "ليؤمن ضربه"، وقال: "بدأت أبيع مخدرات واتحبست فى مرة وقعدت فترة 8 أشهر تحقيقات، أنا لسه عندى الجرنال اللى اتنشر فيه خبر القبض عليا وعلى عنيا شريطة سودا محتفظ بيه عشان افتكر وأحافظ على تبطيلى".



القبض على "معتز" كان صدمة لأهله، لأنهم لم يكونوا على علم بإدمان ابنهم على الرغم من تعاطيه لـ14 عاما، وقال: "فى الأول كنت بحاول أدارى ومحدش يعرف عنى حاجه، وكان ليا علاقات بتجار، وبالتالى المخدر موجود، لحد ما علاقتى بالتجار بدأت تتغير ولقيوا حد يوزع أحسن منى، بعدها بدأت أسرق من البيت وبدأوا يعرفوا المشكلة".



"فى الحفلة" معتز لم يكن لديه أى شعور بالندم على ما يفعل، ولكن مواقف متراكمة أدت الى لحظة الصدق التى قرر فيها التعافى، وقال "بقى فى رفض اجتماعى ليا، واكتر حاجه كانت مأثرة فيا انى كنت أروح لأختى البيت تبص من العين السحرية لو لقيتنى متفتحش الباب وتطفى النور.. عايزة تقولى أنا جوه ومش هافتحلك، كل ده بدأ يصحى فيا شويه حاجات، والموقف اللى قررت بعدها إنى هتعالج فى يوم كنت عايز فلوس ومفيش فى البيت ووالدتى نزلت تستلف من حد من الجيران قالها أنا مش هاديكى الفلوس لأن معتز هايخدها يضرب بيها، ولما أمى عيطت قدامه الراجل عطاها الفلوس، وقالها أنا ممكن أديكى لحد مليون جنيه بس يتعالج".

"معتز" كان مُغيبا تماما عن الواقع لدرجة انه لم يشعر بما حدث فى ثورة يناير كباقى المصريين، حيث قال: "من مدى التغييب اللى كنت فيه، إن يوم المظاهرات كنت نازل أجيب مخدرات ومش فاهم البلد فيها إيه، وكنت طالع من منطقة شعبية بجيب مخدرات وماشى وشايف أمناء شرطة بيقلعوا هدومهم وبيخبوها فى أكياس ومش فاهم، وأنا ساكن جنب قسم لقيت الناس بتاخد حاجات وبتمشى ومش فاهم، مفكرتش أسأل طلعت وضربت وبعد كده بدأت أسأل الدنيا فيها إيه عرفت إن فى ثورة !!!".



معتز شاعر بالامتنان لوالدته التى يرى أنها كانت سنده الأول، ولم تتخلى عنه ويعتبرها السبب فى تعافيه، ومع احتفال معتز بعام على حصوله على القرض و3 سنين تبطيل، هناك مناسبة أخرى يحتفل بها معتز وهى زواجه الذى لم يمضى عليه سوى شهرا واحد لتكتمل أركان حياته الجديدة."
#منقول اللينك في الكومنتات >>>

#مدمن #مخدرات #مخدر
#متعافي #متعاطي #الادمان #ادمان #مدمنين

06/04/2022

دلوقتي تقدروا تدخلوا جروب الواتس ده للمساعدة وطلب المساعدة لكل مدمن أو للأهالي الجروب حيوي في ناس كتير فعلا عاوزين يفيدوا الناس ويوصلوهم لحلول حقيقية لمشكلة الادمان وفيه مجموعة كبيرة من المدمنين المتعافين يارب يفيدكوا

https://chat.whatsapp.com/LVI53VDPN0A0gA5Evm94rL

WhatsApp Group Invite