Randa El-tahan

31/03/2026

لحظات الدندنة مع أغاني #التسعينات الكئيبة 😁😊

30/03/2026

الحياة مفيهاش يأس ولا احباط إلا من خلال حكمك انت علي نفسك في سجن افكارك .. وان الاتفاق والاحترام قبل الحب وده اللي الإعلامية قررت تبني علي اساسه حياتها الزوجية علي الرغم ان ناس كتير فكروها #معقده وقالوا عليها #المتوحشة وشخصيتها قوية ومفيش راجل يتحملها ولكنها مرأة عاطفية ليها صفات ناضجة تبني عليها استقرارها وأمانها العاطفي عشان توصل وتفرح بلقب أم بعد ما انجبت "هارون" طفلها الاول وده نصيبها من صبرها وتحملها علي تحديات وصعوبات كتير عصرناها وشاركتها مع جماهيرها .. عشان كده متحكمش علي شخصية من برا

مبروك وربنا يباركلك في مولدك ويرزقك بره يارب 🤲❤️

28/03/2026

مش كل الأعراض الخطيرة الظاهرة اللي لازم تأثر علي اللي حواليك بس هي اللي تستدعي زيارتك للمعالج والطبيب النفسي بالعكس في أعراض بسيطة خفية لكن تأثيرها اقوي واخطر عليك من اللي بتظهر للي حواليك

لان زي ما انتم عارفين #المشاعر من اخطر المشاكل اللي بتعرض الإنسان للازمات النفسية واللي بتأثر علي حياته يعني لو سيطر عليك الحزن فترة طويلة بيتحول لاكتئاب صامت وممكن يوصل بيك للإنتح-ار او حتي التفكير فيه وأنك تأذي نفسك بشكل او بأخر

مشاعر اللامبالاة اللي بتحسسك بفقدان المتعة وعدم الشعور بقيمة الحياة ولا قيمتك الذاتية

مشاعر القلق والإحباط اللي ممكن تخليك #عاجز ومشلول ومحبط ومش قادر تفكر صح ولا تسيطر علي تفكيرك السلبي ولا مخاوفك لدرجة حياتك تلاقيها اتعطلت كلها فجأة ❗️

وغيره وغيره من #المشاعر المضطربة اللي علي اساسها حياتك بتتبدل وبتيجي تقول اول كلمه أنا مش عارف أنا ليه متغير وحاسس إني مش كويس وحياتي ملغبطة ومش عارف أتبسط بحياتي

كلنا بنعرف نقيس اضطرابنا او مشكلتنا حتي لو مش عارفين نحددها بمقياس شعورنا المضطرب فترة من الوقت واللي سيطر علي أسلوب حياتنا اول ما تلاقي الشعور السلبي اثر علي جودة حياتك اعرف انك في ⚠️ومحتاج مساعدة من غير تردد او تحضير لشكل الكلام والرد .

المساعدة مش محتاجة غير الطلب وبس 😔🫂.

__________________________________

للحجز والاستفسار تواصل معانا
وجلستك في سرية تامة بالعيادات او اونلاين

00201201322966

26/03/2026

احيانا شعورك باللحظة اللي أنت فيها مش قادر تعيشها ولا تحسها وكأنك في حلم وعالم تاني إنت فيه وكل لحظة بتعدي انك مش يقظ ليها وبتعدي بيك ثانية او بتعدي بيك سنين
فأنت يأما عايش وأنت صاحي في أحلام اليقظة دايما وكان الحاضر ضاغطك وبتهرب بيه بأحلام اليقظة
او انك مش عارف تحس بالوقت الحالي ولسه واقف في لحظات الماضي او في عجلة المستقبل ومش متحكم في الحاضر اللي هو اصل #وعيك وتحكمك في الزمن وحياتك اللي تمُلكها

عشان كده تمرين من تمارين اليقظة الذهنية هو تمرين التأمل بالدقيقة .

لحد ما تشوف الدقيقة بتمر معاك في التمرين بطيئة ولا سريعة لحد ما تحس انك شايف الوقت بيمر بيك ببطء ولا بتحس انك دايما عندك وقت كافي ومش عارف تنظمه فبتتاخر في حياتك ومعندكش وعي بيه كافي .

للحجز والتواصل معانا عن طريق الواتس اب او الاتصال
لحجز الجلسات علاج نفسي / علاج ادمان / تعديل سلوك مراهقين/ ارشاد زواجي
01201322966

25/03/2026

تقبل ضعفك قبل قوتك .. ليه دايما بتعرف تكلم عن نقط قوتك وتنكر أي نقطة ضعف فيك وتحس انك مش قادر تعبر عنها واحيانا مع الوقت بتنسي تتعرف علي نفسك صح ✔️
علي أساس انك خُلقت علي بطن الأرض قويا ونسيت قول الله تعالي " وخلق الإنسان ضعيفا" من سورة النساء
يعني معرفة مصادر ضعفك دي زي مثلا انك بتتعصب بسرعه او قلق زايد مش معناها مرض دي نقط ضعف في البشر لما يتعلمها بتقويها فبتحسنها فهنا بيحصل توازن في شخصيتك مش بتشوف نفسك نفسك ع طول صح ومش بتغلط
يعني بتحاسب نفسك صح
بتقيم نفسك في ميزان سوي عادل وايه اللي فيك محتاج يتقوم وايه محتاج تتمسك بيه فيك وتعظمه في شخصيتك هو ده السواء النفسي اللي تحاول تسعي ليه عشان قيمك دايما تكون معلومة وثابته وبوصلتك متنحرفش عن مسارها 🤚🏻
فتحس انك تايه عن نفسك و في حياتك ومش لاقيها 😔

——-
متاح حجز الجلسات النفسية
01201322966

25/03/2026

مهمة جدا بس تفتكر ليه ممكن تكون مرهقة ومش مفيدة في علاقتك الاسرية او الشخصية رغم أنها بتحميك !؟

لان طبيعي في ناس لما بتيجي تفتكر ان البعد والانفصال عن الأهل جزء من #الحدود النفسية الواضحة وده صورة مغلوطة في علم النفس عن الابتعاد والتجنب الأسري والتفكك بس بشكل غريب مرن علي أساس انك تقدر تتجنب آذاهم حرصا علي نفسيتك وده عمره ما كان حل ولا عمر طبيب شاطر ولا معالج ممتاز يقدر ينصحك انك تبعد وتاخد شنطة هدومك وتستقل ودي تعتبر حقوقك النفسية وحفاظا علي مشاعرك

وبالفعل بعدها بتحس بمشاعر سلبية منها وحدة وتوهج وحرية سلبية غير مدروسة ولا مفهومة لأنك نسيت وهربت من حل المشكلة جواك وروحت لعالم تاني بالمشكلة تزودها عليك اكتر لأنك مش هتهرب من قيمك اللي اتربيت بيها وهي قيمة #الانتماء و المواجدة والاحتواء الأسري حتي لو كان بالشعور مش بالتواجد المهم مش انك تنفصل عن اهلك بالمكان المهم متنفصلش عنهم بمشاعرك لأنك في احتياج لإصلاح العلاقة بيهم من جواك عشانك أنت وعشان نفسيتك متخربش حتي في علاقتك الجاية .

23/03/2026

22/03/2026

مهما كبرت وكبرت مسئولياتك بس في حاجة في #العيد بتستني تحسها زي زمان

✨أولها بتنزل يوم صلاة العيد عشان تلحقها وتسمع تكبيراتها وترددها في المسجد وتشوف فرحة الأطفال بالبلايين ولبس العيد وجمال صوت المساجد مع بعضها وزحمة الصلاة والمصليين كبير وصغير فيها .

✨انك تحب تسمع أغنية "يا ليلة العيد "او "اهلا بالعيد " ودي في حد ذاتها بتبسط الطفل اللي جواك وبتحسسك انك فرحان من غير مجهود لانها أوتوماتيك بترجعك بأجمل لحظات عشتها في العيد علي مدار عمرك مش بتنساها فبتفرح بيها ولا أكنك طفل صغير ٦سنين 😁

✨وتعالي بقي عن اي حاجة تجيبها لنفسك جديدة ليوم العيد مهما قولت انك كبرت وخلاص مبقتش حاسس بالعيد زي زمان إلا انك جواك حتة كده بتقولك أنا عايز أعيش ذكريات زمان حتي لو "بتيشيرت" جديد علييه في العيد احس انه عيدت بيه ولكن الراشد البالغ يتعامل علي انه عادي مش فارقة لكن من جواك بتفرح من اي حاجة جديدة هتلبسها اليوم ده تعيد فيها زي ما تربيت واتعودت ما الطفل اللي جواك مش هيسيبك 🤨

✨اماً عن خروجك العيد بتتحمل الزحمة والرخامة عشان تخرج اولادك اليوم ده تحديدا وتتبسط معاهم وتكونلهم ذكريات بالمناسبات والأعياد زي ما انت عشتها ،، ما انت عارف ان العيد زحمة ومش عادية بس صبرك بيطول لأنك واثق دي مراسم العيد ومتقبلها ومشارك فيها لأنك مسئول عن نفسية اطفال تانية في حياتك 🤗♥️

✨انت كمان بتستني اجازة العيد عشان تفرح نفسك بنومة هنية براحتك من غير Alaram تنزل انت في السهرة مع أصحابك وتضحك رغم انك بتشوفهم في العادي لكن في العيد تظبيط معاد الخروجة يومها ونزولك يومها مختلف وليه لذة تاني خالص

✨متنساش بقي اني اختملك بطقوس مصرية فرعونية أصيلة وهي اكل الكحة والبسكوت طوال ايام العيد و"ومتعدش يا جيمي" مهما كنت مزنوق ماديا ولا متعسر بس لازم تشتريهم للبيت وإلا العيد ميبقاش عيد وانت مش هتتبسط ،،غير التسالي اللي بتحبها من ترمس وبليلة ونقانق وسهرتك علي أفلام تتفرج عليها براحتك ☺️

لسه برضه هتقول وسط كل ده مش حاسس بالعيد وتنكر شعور صغير قادر يبسطك وتعيشه في لحظته بدل ما يعدي عليك .

21/03/2026

اتمني لكم لحظات سعيدة تدوم في قلوبكم
في ايام عيد الفطر المبارك وسط من تحبون♥️🫂

✨عيد مبارك ✨

19/03/2026

جربت تعيش تجربة عاطفية مع شخص بس سابت ذكري جميلة في حياتك اثرت عليك وخليتك لما تفتكرها تحس بفرق كبير كانت مصدر قوة قوة والهام لأنها سابت اثر فارق في حياتك علي عكس علاقات بتسيب تاثير سلبي كل ما تفتكرها ..

زي ما شوفنا في مسلسل .kaly.official كان تاثير روح زوجك علي وقت موتها حتي اثر علي "علي" بعد مروره بصدمة وفاتها إلا أنه بدأ بعد كده يقوي بحبه ليها ويكمل حياته في شغله ويستعيد شغفه بسبب وعده ليها بانه "هيكسب البطولة" وده كان الدافع لحياته مرة تانيه بغض النظر عن شكل النهاية في آخر حلقة
الحب الحقيقي والعلاقة الصحية هي اللي بتخلي صحابها ينمو داخليا في سلام ويكون متصالح مع نفسه وحاببها مهما كان الطرف التاني فضل جنبه او بعد عنه لأسباب .. العلاقة هي اللي تخليك تشوف نفسك بعين حلوة راضية 🤍

اختار علاقتك صح ☑️

11/03/2026

في العشرة الأواخر و #المراهقة ..

كتير بسمع في جلساتي الأيام دي من المراهقين و المراهقات إني كل ما اتفق مع صحابي ننزل نصلي نلاقي نفسنا عملنا حاجة تانية نروح نقعد في كافيه او علي القهوة ولما بنروح بنضايق من نفسنا أننا معملناش حاجة ونقول بكره لحد ما خلاص الأيام بتخلص وملحقناش حاجة 😱😨

ده شعور الإحباط السريع اللي بيجي بعد الحماس السريع الناتج من #الاعتمادية علي الصحاب وقت الاتفاق علي الصلاة عشان كده لما مش بيلتزموا ويعملوا حاجة تانية ضميرهم مش بيأنهم وقتها عشان هما جماعه لكن لما بيروحوا وكل واحد لوحده بيحس بالضيق من نفسه والندم طب ايه الحل !؟

الحل انك تبدّا بنفسك من غير ما تتفق مع حد وده هيخلي تعتمد علي نفسك وتحقق هدفك وفي نفس الوقت بدون حماس زايد عن اللزوم يتحول لإحباط فوري مفاجئ يعطلك

وبعدها ليك حرية الاختيار في وقتك المهم خير الاعمال أدومها وان قل 👌🏻☺️ سهلها علي نفسك

اللهم تقبل منا ومنكم صالح الاعمال
وبلغنا 🌙