04/10/2023
مساء الخير ♥️
يلا ندردش شويه ونتكلم على كام معلومه كده ناخد بالنا منها .
١)الدايت مش حرمان 🥹
٢)اوعي تسيب نفسك جعان 😔
٣)لو قللت اكلك عن اللي محسوب لك ده مش هيخسسك زيادة😱
٤)اشرب مايه كتير 😊
٥) وانت دايما بره خد معاك كسناك فاكهة او مكسرات علشان متجبش اي حاجة تاني مش صحية.🥜🍎
٦) نام كويس و بلاش سهر 🥹
٧)بلاش ملح زيادة في الاكل هيخزن مايه كتير في الجسم.
٨)قلل من التوتر والعصبية علي اد ما تقدر🙄 .
٩) هقول تاني اشرب مايه كتير 😂.
١٠)بلاش توزن كل شوية 😏
١١)كتر من اكل الخضار و الفاكهة.🥒🥬🍎🥝
١٢)وانت بتاكل بلاش الاكل بسرعة امضغ الاكل كويس جدا 😋
١٣) خلي طبق السلطة ده حاجة اساسية في الغدا👀
١٤)خليك دايما مع ناس بتشجعك وبتقولك كمل 💪بلاش الناس صاحبة الطاقة السلبية.😎
١٥)هقول تالت اشرب مايه كتير ميقلش عن ٣ لتر يوميا.😅
١٦)الرياضة مهمة جدا حتي لو مشي نص ساعة يوميا.🤸
١٧)اشرب اعشاب زى الشاى الأخضر والقرفة والزنجبيل وينسون ونعناع وكل اللى يجى فى بالك .🍵
١٨)قلل من السكر الابيض علي اد ما تقدر ليك فى اليوم معلقتين وكدا تبقى بطل 😎 .
١٩) الميزان مش هو الاساس في الوزن ،الاساس هو تغيير مقاسات الجسم .
٢٠)اوعي تعمل دايت عشوائي لازم يكون دايت صحي كل حاجة محسوبة فيه علشان صحة جسمك الداخلية قبل شكلك الخارجى
