Dr.Ali Elhaddad - د.علي الحداد

Dr.Ali Elhaddad - د.علي الحداد الصفحة الرسمية لـ د. علي الحداد 🇪🇬- استشاري الحقن المجهري
ومناظير: النسا_البطانة المهاجرة _الأورام الليفية_ولادات المشيمة الملتصقة
(1)

الصوره دي فيها جزء من تيم يهب اللي بيشرف بخدمتكم ،مركز يهب دا من فتره قريبه كان عباره عن دكتور وسكرتيره فقط ،،لكن اتجمع...
30/01/2026

الصوره دي فيها جزء من تيم يهب اللي بيشرف بخدمتكم ،مركز يهب دا من فتره قريبه كان عباره عن دكتور وسكرتيره فقط ،،لكن اتجمعنا انا ومجموعه من الزملاء علي الحب والتعاون والاخلاص لمرضانا وبقينا اكتر من ٨اطباء في المكان و٣ فروع والسكرتيره الواحده بقت
٤ واكتشفنا اننا محتاجين خدمة عملا قويه فجبنا موظفه للموضوع دا لقينا مش كفايه جبنا اتنين كمان معاها ،،و٣ تمريض ،،،الحمدلله لما بنقولكم يهب بيكبر بيكم ،،،مش من فراغ ،،فعلا يهب بيكبر بيكم ولسه اللي جاي افضل ،،،وباذن الله هنكون رقم واحد في الوطن العربي خلال ال٥ سنين الجايين ❤️

30/01/2026

الاسبوع اللي فات كان عندي قيصريه في مستشفي من أرقي مستشفيات التجمع ،لقيت المستشفي رافضه دخولها ليه ؟ مش معاها قسيمة زواج قولتهم ياجماعه حامل وهتولد ليه محتاجين قسيمة زواج ؟ هي معاها اثبات شخصيه جواز سفر فقط لانها مش مصريه ،،،ياجماعه حامل وهتولد وتروح بس كدا ،،مش هينفع ،ليه ؟مفيش هي دي التعليمات ،،،،ياجماعه هي لما بتولد المستشفي بتطلع اخطار ولاده بتكتب فيها تمت ولاده للسيده كذا هل بتكتبوا في الاخطار اسم الزوج؟ لا طيب عايزين القسيمه ليه ؟ هي بقي لما تروح بالاخطار تطلع شهادة ميلاد من مكتب المواليد ساعتها لازم الزوج انما دي واحده جت المستشفي تولد بس كفايه اوي بطاقتها ،زي اللي هتعمل المراره والزايده ،،ولا انا اللي غريب مش عارف،،المهم انتهي الموقف ونقلتها مستشفي تانيه ،،،لكن رأيكم ايه ؟ هل ضروري فعلا قسيمه

كنت رايح الشغل انهارده سايق عربيتي و معدي علي موقف عربيات لقيت توكتوك متخلف كسر عليا بغباء ،،نزلت من العربيه علشان اديله...
30/01/2026

كنت رايح الشغل انهارده سايق عربيتي و معدي علي موقف عربيات لقيت توكتوك متخلف كسر عليا بغباء ،،نزلت من العربيه علشان اديله كلمتين ،،، لقيته طفل صغير ميجيش ٥ سنين ،،قولتله بعصبيه وضيق انت ابوك فين يابني ؟ لقيت واحد جاي يجري من بعيد كدا وماسك كوباية شاي في ايده وصوته في خروشة مخدرات كدا 😀
قي حاجه يااستاذ ؟ لا ابدا كنت بس عايز احييك علي انك بتعود ابنك علي اهمية العمل في السن دا وان دا بيطلع نشأ جميل وان كل شركات الاستارت اب بتبدأ كدا وان ممكن بعد كدا يتوسع ويبقي عنده ١٠ تكاتك وتتحول لشركه كبيره ،،ومديت ايدي في جيبي اديت للولد ٢٠ جنيه ومع السلام عليكم😅

🔴حصلت معاك كام مره ،الشخص اللي سألت عنه طلع احسن بكتير من الشخص اللي انت سألته عنه🙂🔴٨٠في الميه من السعاده في الدنيا في ا...
29/01/2026

🔴حصلت معاك كام مره ،الشخص اللي سألت عنه طلع احسن بكتير من الشخص اللي انت سألته عنه🙂

🔴٨٠في الميه من السعاده في الدنيا في الصلاه والرياضه

🔴اتمني تكون لاحظت ان ال٨٠ في الميه دول مش محتاجين فلوس

🔴الغباء درجات ،وأعلاها انك تتمني تعيش عيشة حد

🔴من يظلم ،(وهو مدرك )هو شخص متأكد انه لن يموت

🔴مهما ضاق بك الحال لازال عندك فرصه لتجبر بخاطر أحد ما

🔴اي محاوله لمنطقة الحياه بعيدا عن الدين ستبوأ بالفشل

🔴كسبت فلوس كتير ثم ؟ بقيتي أجمل واحده في اصحابك ثم ؟اشتريت احدث عربيه ثم ؟ بيت جميل ثم ؟ كل دا جميل ونعم من ربنا نفرح وننعم ونسعي اليها ،،،لكن دايما زود كلمة ثم ؟ ثم ؟ ثم

ثم ايه ؟ ثم هنمشي كلنا وبعد ١٠٠ سنه محدش هيفتكر اسمك ،،،
ولو مش مصدقني ،،راجع اللي حصل للي اتخن منك قبل كدا فلوس ومال وذكاء وصحه ولو اتشقلبت الف مره لاخر عمرك مش هتوصل لربعه ،،،ودي مش دعوه للدروشه ،،،لكن فكر والعبها صح ،،،الهدف من الدنيا مش اننا نجمع اكتر رررررر ،،،الهدف نعيش احنا واللي حوالينا افضل،تسعد نفسك انت وحبايبك واي حد يقع في طريقك قد ماتقدر،،، ولو مقدرتش يبقي علي الاقل متكونش سبب في اذيته او معاناته ،،،،
مفيش تارجت لازم نحققه في النهايه وهتطلع عالمنصه ونقولك مبروك سلام عليك لن تشقي ابدا ،،، مبيحصلش ومش هيحصل هتموت وتتنسي عادي ،،،،الهدف نخرج بسلام ،،،،

29/01/2026

ابوها راجل طيب ،،لكن أمها غلبتني😀

28/01/2026

فيديو مبهج ،،،، الأطفال هم مصابيح البيوت ،،،
لكل زوجين بيراقبوا من بعيد ومحتارين وقلقانيين ومترددين،،،الحقن المجهري نعمه ،، مش لازم العمر يجري بيكم ،،،علشان تلجأوا ليه ،،،لو تم نصحكم بيه من طبيب ثقه ،،توكلوا علي الله ،،
فقد يكون الكنز الذي تبحث عنه ،،داخل الكهف الذي تخشي دخوله❤️

26/01/2026

استئصال ورم ليفي بالمنظار الرحمي

اللي عنده خدود زينا ،،نقوله ياعمنا😀
25/01/2026

اللي عنده خدود زينا ،،نقوله ياعمنا😀

أحيانا ربنا بيبعتلك جمله علي لسان شخص هو نفسه ممكن يقولها بشكل عفوي ،،مش مدرك ازاي الجمله دي أثرت عليك ،،،بيقولها ويمشي ...
22/01/2026

أحيانا ربنا بيبعتلك جمله علي لسان شخص هو نفسه ممكن يقولها بشكل عفوي ،،مش مدرك ازاي الجمله دي أثرت عليك ،،،بيقولها ويمشي ،،لكن الجمله مبتمشيش،،،،كان في صديق ليا محامي وهو شخص محترم جدا ،،شخص عادي لاملتحي ولاماسك سبحه في ايده ،،،كنت بنتكلم علي قضيه معينه ،،فبيقولي لازم بتاخد وقت يتعمل اخطار الأول للشخص المشكو في حقه ،،،فالقاضي بيلزمك تبلغه في محل سكنه ،،،علشان ميتفاجئش بالحكم ،،،قولتله مانتم عندكم اساليب للتهرب من الموضوع دا بتبعت ع محل سكن غلط بالقصد ،،،او بتدي قرشين للمحضر ميبلغش، وفجأه تلاقي الانسان واخد حكم ميعرفش عنه حاجه ولا حد قاله اصلا تعالي نسألك ،،،فصديقي دا قالي (ثم لتسألن يومئذ عن النعيم )،قالها وسط الكلام ولا انا علقت ولاهو ،،،ومشينا ،،معرفش ليه الجمله دي علقت في دماغي ،،،،وفكرت في معناها ،،يعني ربنا هيحاسبك عالنعمه لو حتي كوب ماء بارد في يوم حر ،،، مابالك بقي بذنب اوظلم لحد ،،الجمله عدت عليا وقتها عادي لكن فضلت افكر فيها لحد ما انتهيت الي كتابتها في هذا البوست ،ليه بقي دلوقت وليه انت اللي شوفتها ؟ يمكن تكون مبعوتالك بردوا علي لساني

في نكته شهيره بتلخص حال مصر والمصريين :راجل دخل مستشفي مجانين لقاهم كلهم معلقين واحد ف السقف ماعدا واحد قاعد في جنب كدا...
21/01/2026

في نكته شهيره بتلخص حال مصر والمصريين :

راجل دخل مستشفي مجانين لقاهم كلهم معلقين واحد ف السقف

ماعدا واحد قاعد في جنب كدا بيقوله هم بيعملوا ايه قالوا دول مجانيين فاكرينه لمبه قالوا طيب ماتحاول تنزله قاله وعايزني اقعد في الضلمه؟

فنصيحتي من البوست دا متنبهرش بأي حد مهما بان عليه العقل والحكمه والزهد والورع ،،،ولا حتي كاتب هذا البوست ،،،،لأنه فجأه هيخبطك واحده في نص دماغك (وعايرني ااقعد في الضلمه 😀)تجيب أجلك

18/01/2026

لو القيصريه بتاخد وقت نص ساعه ،،ولو المنظار العادي بياخد وقت في المتوسط ساعه ،،،العمليه دي المتوسط بتاعها ٤ ساعات ،،،اقسي مرض في تخصص النسا والمبتليات بيه فعلا مبتليات بمرض صعب ،،،هو البطانه المهاجره في درجاتها الشديده،،،زي الفيديو دا

17/01/2026

فضفضه😃

Address

المنصورة : شارع جيهان . أمام بوابة الجهاز الهضمي. برج جيهان الطبي . الدور التاني
Cairo
53111

Opening Hours

Monday 12pm - 8pm
Tuesday 12pm - 8pm
Wednesday 12pm - 8pm
Thursday 12pm - 8pm
Saturday 12pm - 8pm
Sunday 12pm - 8pm

Website

Alerts

Be the first to know and let us send you an email when Dr.Ali Elhaddad - د.علي الحداد posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Ali Elhaddad - د.علي الحداد:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category