Dr.Ali Elhaddad - د.علي الحداد

Dr.Ali Elhaddad - د.علي الحداد الصفحة الرسمية لـ د. علي الحداد 🇪🇬- استشاري الحقن المجهري
ومناظير: النسا_البطانة المهاجرة_الأورام الليفية
(2)

21/08/2025

بعيدا عن الاشخاص ،،لفت نظري تصريح غريب لنقيب الموسيقيين المغني مصطفي كامل بيعاتب وبيلوم وزعلان من المطربه أنغام
لأنه بعتلها رساله علي وتساب يطمن عليها فلم يتلقي رد وقال لما اتصل بيكي أو ابعتلك لازم تردي عليا انا مش بتصل اطلب منك فلوس ،،،بعدها بكام يوم انتشرت الأخبار انها محجوزه في مستشفي في ألمانيا لوجود كيس علي البنكرياس ومحتمل انه سرطاني وتم تدخل جراحي لها واحتاجت تدخل تاني وطلع الاعلامي محمود سعد قال انها تعاني من الالام شديده وعدم استقرار لحالتها الصحيه (ربنا يشفيها ويشفي كل مريض يتألم ) لكن عايز ااقول حاجه ،،وناخد العبر
عن التماس الأعذار ،،كل انسان ممكن يكون في ظروف لا أحد يعلم عنها شيء ،،،كام موقف انت كنت فيه زي مصطفي كامل وحكمت وظلمت
وكام موقف كنت فيه زي انغام وحكم عليك وظلمت في حين انك كنت في أمس الحاجه للمساعده،،،

16/08/2025

متستنزفيش نفسك مادياً ولا معنوياً… أحياناً الحل بيكون بسيط بين اختيار التنشيط المناسب أو الحقن المجهري، وبعد توفيق ربنا بيجي دور مهارة الطبيب

Don’t drain yourself financially or emotionally… Sometimes the right choice is simply between proper stimulation or IVF — and after God’s will, it’s the doctor’s skill that makes the difference.

#تنشيط

15/08/2025

دعوات من القلب ❤️

12/08/2025

في يهب، النجاح مش صدفة… ده فريق قوي، نظام دقيق، وروح بتحب تساعدك. 💙

"At Yehab, success is no coincidence… it’s a strong team, a precise system, and a heart that truly wants to help you. 💙

#يهب

07/08/2025

الدكتور خرملها المثانه 🙂

This video dives into a crucial topic: when is a complication a normal part of surgery, and when does it become negligence?
It's not about whether a complication happens — it's about how the doctor handles it.

#الرحم #اللولب

30/07/2025

لو حد ليه تجارب مع جمعيات خيريه في المنصورة
(من جوا المطبخ )
زي رساله أو مرسال أو الأورمان أو غيره
ايه أفضل جمعيه خيريه في المنصوره من حيث
النظام والشفافيه والمصداقيه ؟

ويكون دور الجمعيه :دراسة الحاله اجتماعيا +اثبات عدم المقدره +اصدار افاده رسميه

ياريت ترشيحات في الكومنتات أو رسايل البيدج❤️
ولو في لينك ليهم ياريت تكتبوه في الكومنتات

26/07/2025

حسيت ان واجب عليا اكتب البوست دا يمكن يوصل لطالب حزين دلوقت أو أسره قلبها مكسور (لأن الكلام دا لما يطلع من طبيب الحمد لله ناجح ومتحقق فلازم تصدقوه )مأساه بتتكرر كل عام😢 ،انهارده قريت خبر عن انتحار طالبه بسبب نتيجتها في الثانويه العامه ،،،شوفوا ياجماعه الطريق اللي ناس كتير كان نفسها تمشي فيه او كنتي راسماه لابنك أوبنتك وخاب أملهم بسبب المجموع في الثانويه ،،،،الطريق دا انا راجع منه وبقولكم والله لايستحق اللي بيتعملوه في نفسكم دا وفي أطفالكم ،،لدرجة ان بنت زي دي تنتحر ،،وليه ؟ من أجل وهم ،،،الطب مبيديش الا لقله قليله جدا من الأطباء وحتي لما بيدي مبيبقاش من غير تمن صحه ونفسيه ولايف ستايل ،،،دكاتره كتير بتتغرب لأن البيئه مش مناسبه لممارسة طب امن ،،وسعيا لرزق أوسع ،،و٨٠ ف الميه من الأطباء عياداتهم مش شغاله ودا بيسببلهم ضغط نفسي رهيب ،،،دراسة الطب نفسها في منتهي القسوه ،،،والعمر قصير للبهدله دي ،أنا عن نفسي متمناش ابدا ولادي يشوفوا البهدله اللي انا شوفتها وباذن الله لو عشنا وفضلت مصمم علي رأيي وقناعاتي هجاهد ان محدش من ولادي يدخل طب ،،حتي لو جاب المجموع ،،حتي لو هو حابب ،،هنصحه( بلاش ) طيب ايه الحلول البديله ؟ عايزين نضمن مستقبله ؟ عايز تضمن مستقبله ربيه كويس ،،احتويه ،،حبه ،،احميه ،،فهمه ،،،جمل شخصيته خلي الناس تحبه ،،علمه يمارس رياضه وحببه فيها ،،حببه في الدين، في القراءه ،ركز كل امكانياتك الماديه انه يتعلم يقرا وينطق انجليزي بلكنة أهلها ،،مش بكتشر وسيفن ،،،علمه برمجه لو تقدر ،،،خليه حنين مع أخواته وجدع مع أصحابه ،،الثانويه مرحله ف رحله طويله اسمها العمر ،،وبالنسبه للكليه انت ممكن تدخل تجاره او ادارة اعمال وتبقي رجل اعمال وتعمل مستشفي وتشغل فيها ابن خالتك الدكتور (وملكش بركه الاهو )أو تبقي محامي مشهور (رغم انها مهنه مرهقه بردوا ) وهتكسب كويس جدا أو حتي ادخل أي كليه لزوم الشهاده لكن اتعلم برمجه أو اتعلم تسويق أو اتعلم صنعه وابقي برنس فيها ،،المجالات كل يوم بتزيد ،،شوف كل اللي ناجحين حواليك ،،هتلاقي اللي عمل شركة سياحه واللي عمل معرض عربيات واللي عمل شركة مقاولات صغيره واللي عمل محلات حلاقه واللي عمل محلات حلويات ونجحت واللي عمل مصنع صغير بيصنع اي حاجه واللي سافر يستورد أي منتج وموصلوش لدا الا لما اشتغلوا في وظيفه بسيطه وعرفوا سرها وبدؤا يطوروا فيها لحد ويمكن لو كان ندهته النداهه ودخل طب كان زمانه دلوقت متغرب ومش عارف ينزل بعياله يعيشهم في مصر ولايفضل ف الغربه وكلهم بلانقاش أفضل حالا من ٨٠ في الميه من الأطباء المهم دماغك وروحك تبقي حلوه وادخل أي مجال واصنع انت قمتك فيه والمهم يبقي بالك مرتاح وسيبك من تفكير أبوك وأمك وخالتك لأنهم لو كانوا عدلين ،،كان زمانك مش فارق معاك الثانويه دي وكان زمانك دلوقت عضو مجلس اداره في شركة دادي،،،هونوا علي نفسكم بتزعلوا ومبهدلين نفسكم في الاتجاه الغلط

ورجعنا تاني للعمل 🙏💪 توأم طازه 😃 عقبال كل المنتظرات
22/07/2025

ورجعنا تاني للعمل 🙏💪 توأم طازه 😃 عقبال كل المنتظرات

لا بأس من أن يُوضع الطبيب مكان المريض وتستبدل الأدوار كل فترة،حتى لا يعتاد على رؤية آلام الناس من خلف صندوق زجاجي،وحتى ل...
22/07/2025

لا بأس من أن يُوضع الطبيب مكان المريض وتستبدل الأدوار كل فترة،
حتى لا يعتاد على رؤية آلام الناس من خلف صندوق زجاجي،
وحتى لا ينسى نعمة الصحة… وأنها ليست أبدًا شيكًا على بياض.

الصورة دي من٤ او٥ سنوات، لأصعب أزمة صحية مررت بها (على الأقل حتى الآن 😀).
كان عمري وقتها تقريبًا ٣٦ عامًا.
وقتها كنت في العيادة، وفجأة شعرت بدوخة وتعرق وثقل في صدري.
اعتقدت وقتها أنها ربما انخفاض بسيط في السكر بسبب الخروج مثلًا بدون إفطار، أو مجهود زائد.

مر اليوم بسلام،
ثم في اليوم التالي بدأت أشعر بنفس الأعراض، لكن بشكل أقوى.
حاولت تجاهل الأعراض، ولكن جسمي لم يتجاهل.
اضطررت للذهاب لطبيب أمراض قلب، لأني اعتقدت أنها مشكلة قلبية.
عملت فحوصات رسم قلب، وإيكو، وتحاليل سكر وغدة… وكلها سليمة.

دكتور القلب، وهو بياخد مني التاريخ المرضي، لفت نظره وفاة والدي المفاجئة في سن ٤٧ سنة،
بدون أي أعراض، لا أي مرض… فجأة رجع من شغله شهق… مات، ببساطة كده.

الدكتور مشكورًا يبدو إن التشخيص ماكانش واضح معاه،
فقرر يديني علاجات احتياطية زي مذيبات جلطات بجرعات عالية، رغم سلامة الفحوصات والتحاليل.
شكرت الطبيب، ثم عدت للمنزل، وتناولت الدواء.

بعد نصف ساعة، جاءتني نوبة رهيبة من الألم، وعدم القدرة على التنفس.
ذهبت للمستشفى، وكان فحص رسم القلب سليم.
وقتها، من الألم، أصريت على الطبيب إني أعمل قسطرة قلبية تشخيصية،
رغم رفضه لعدم اقتناعه بوجود ما يستدعي القسطرة.لكن

(الصورة دي قبل القسطرة بساعة)

كنت في عناية القلب، في أحد المستشفيات اللي بشتغل فيها،
وفعلًا تم عمل القسطرة القلبيه، وأكدت إن القلب سليم تمامًا.
ذهبت إلى المنزل وأنا لا أدري: أين المشكلة؟

بعد بحث عميق، اتضح إن المشكلة هي إني أعاني من ما يُسمى
نوبات هلع (Panic Attacks)
نوبات تحدث نتيجة فرط استجابة من الجسم للقلق، حتى بدون سبب،
أو بسبب زي المجهود والتوتر (القاتل الأول للإنسان) وقلة ساعات النوم.
لسبب ما… يطلق الجسم صافرات إنذار لا تستطيع إيقافها.
لكن تعافيت منها إلى حد كبير، والحمد لله
وهحكيلكم يوما ما عن طريقة تخطيها
⸻

من يومين، بمرّ بأزمة صحية جديدة (مختلفة)
ويبدو إنها خفيفة، الحمد لله،
لكنها اضطرتني أغيب عن العيادة ٣ أيام.
تجربة جديدة، مش سهلة، لكن رغم قسوتها… اتعلمت منها كتير.

وإن شاء الله بكرة أكون موجود في العيادة،
وأنا كلي عزيمة إني أساعد وأُسعد أي بني آدم يحتاجني، قدر استطاعتي.

⸻

هرجع وأنا:
• مقدّر آلام الناس أكتر
• مقدّر نعمة الصحة أكتر وأكتر
• ومستمتع بالنَفَس اللي داخل وخارج بدون ألم
• بدخول الحمام والخروج منه بدون ألم
• بحبكم أكتر وأكتر علشان بني آدمين زيّي
• مقدّر الضعف الإنساني
• مقدّر نعمة حب الناس
• مقدّر نعمة الأسرة والأهل و الأصدقاء
• عندي طاقة تسامح أعلى
• وعارف إن الدنيا ممكن يتقلب حالها في لحظة
• مقدّر الحديث: “من بات معافى في بدنه…”

هرجع وأنا عارف إن كل قاسي هو غبي غرّ، ساذج، لم يرَ من الدنيا شيئًا.
وكل حنون عطوف… فاهم.

الشغل اللي كنت بشتكي منه؟ نعمة
تخفيف آلام الناس؟ نعمة
خد نفس عميق كده…
الحمد لله

وربنا يخليكم ليا يا أسرتي الكبيرة ❤️
وان شالله بكرا متواجد في العياده 💪

شكرا ليكم❤️
14/07/2025

شكرا ليكم❤️

10/07/2025

من الرحمه والحكمه ان لايستقوي الزوج علي الزوجه عندما يطمئن علي سلامة فحوصاته لأنه ولأسباب إلهيه ،،الزوجه هي الطرف الأضعف في موضوع تأخر الحمل ،لأن دورها في الموضوع دا اكبر واعقد واعظم وهي دايما من نلقي عليها اللوم ،،وسبحان الله حتي الحقن المجهري نفسه في صف الزوج🙂،،

شم رائحة الأطفال حديثي الولاده يحفز مراكز المكافأه في المخ المسؤوله عن السعاده ❤️ودا فعلا كلام حقيقي ومثبت علميا ،هتيجي ...
10/07/2025

شم رائحة الأطفال حديثي الولاده يحفز مراكز المكافأه في المخ المسؤوله عن السعاده ❤️ودا فعلا كلام حقيقي ومثبت علميا ،هتيجي واحده في الكومنتات تقول امال انا ليه بحس اني هتعمي من اللي بشمه،،هنقولها الدراسه يافندم كانت معموله من غير بامبرز

Address

المنصورة : شارع جيهان . أمام بوابة الجهاز الهضمي. برج جيهان الطبي . الدور التاني
Cairo
53111

Opening Hours

Monday 12pm - 8pm
Tuesday 12pm - 8pm
Wednesday 12pm - 8pm
Thursday 12pm - 8pm
Saturday 12pm - 8pm
Sunday 12pm - 8pm

Website

Alerts

Be the first to know and let us send you an email when Dr.Ali Elhaddad - د.علي الحداد posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr.Ali Elhaddad - د.علي الحداد:

Shortcuts

Share

Category