Stylish

30/06/2022

01/05/2022

روق عليه ---------» يروق عليك

10/03/2022

this cub is from that lion❤️

رزقنا الله وإياكم من فضله 🙏

21/12/2021

إنهاردة هنتكلم عن أهمية نشارة الخشب في العش

في حالة التجهيز مش شرط يكون في نشارة خشب في العش سواء كان الدرج خشب او حتى بلاستيك

انما أهميتها الحقيقية في وجود زغاليل

ناس كتير بتشتكي من نفوق الفروخ قبل الفطام بفترة وجيزة أو بعد الفطام بأيام و بتشخص الموت على إنه بسبب مرض معوي أو فيروسي

لكن السبب الحقيقي بنسبة ٩٠% هو عدم تغيير النشارة بصفة دورية أو عدم وجود نشارة من الأساس

ودا بسبب زيادة نسبة رطوبة العش وبيصيب الفروخ بنزلة برد أحيانآ يتكون بدون اعراض وبسببها بتموت الفروخ للأسف

وأخيرآ وليس آخرآ
وفقكم الله اخواني الهواه ورزقكم بالأفضل إن شاء الله

تحياتي


محمود البطريق

08/12/2021

معظم المربيين في الوقت الراهن بيشتكوا من تأخر التكاثر

سواء كان زوج جديد أول شغل

أو زوج اشتغل الموسم اللي فات وريح فجأة مع دخول الموسم دا

التقلبات الجوية سبب محوري ورئيسي في إن الطيور مش مستقرة فسيولوچيآ

سواء بتثبيط عنقود البيض عند الأنثى
أو الدخول في قلش مفاجئ لأي من الجنسين

لو عملنا إحصائية هتلاقي ٨٠ % من الطيور عند كل الناس كده

واللي اشتغل منهم كبس

فرجاءآ بلاش نضغط على طيورنا في الفترة دي بالأدوية زي المخصبات والمحفزات إعتقادآ مننا إن دا هو اللي هيجيب نتيجة

الصبر مفتاح الفرج
الصبر ثم الصبر ثم الصبر

وفي اعتقادي إن الجو لو استقر وثبت بدرجة حرارة ورطوبة اليومين اللي فاتوا دا مفيش اسبوع وهتلاقي تزاوج وتحضير عشوش وبيض لأزواج فقدت فيها الامل منذ بداية الموسم

وربنا يجعله موسم خير عالجميع إن شاء الله

تحياتي

محمود البطريق

01/12/2021

هنتكلم إنهاردة عن الطريقة المثلى لتعقيم قشر البيض وحفظه نظرآ لتداول الموضوع دا بكثرة في الفترة الأخيرة و التحذير منه ومن الإصابة ب بكتيريا السلامونيلا

مش هتكلم عن فوايده عشان طول المنشور لكنه هو فوايده لا تعد ولا تحصى للبشر قبل الطيور

بسم الله الرحمن الرحيم أوله وآخره

هتجيب قشر البيض تشيل منه الغشاء الأبيض اللي فيه و تغسله كويس تحت صفاية

وتنقعه في مية و ملح لمدة ٤٨ ساعة

وبعدين هتغسله و تنشره على ورقة بيضة لحد ما يجف تمامآ

وتحفظه في برطمان زجاج في درج التلاجة

وبعد ما تجمع الكمية المناسبة ليك

وهتجيبه وتغليه في مية وملح لمدة ١٥ دقيقة بعد الغليان (يعني اول ما تلاقي المية بتفور أحسب ربع ساعة وبعدين إطفي عليه)

بعدين تغسله كويس وتكرر عملية التجفيف
وتطحنه في مطحنه الخلاط وبكده يكون جاهز للتقديم سواء للأكل مباشرة أو للإضافة على خلطة الباودر اللي بتتحط على وجبة الطري 🙏🙏🙏

هدفنا مش بيع طيور وخلاص
الهدف الأسمى هو تبادل الخبرات التراكمية و نشرها للمربي الهاوي للإستفادة منها بقدر الإمكان

وإستنوا مننا منشورات تانية قريب إن شاء الله
ومش هيتم مسحها زي بوستات البيع 🤝

تحياتي
محمود البطريق