كلنا الطبيب احمد عبداللطيف - ثوره الاطباء

23/12/2013

د. أحمد عبد اللطيف
طبيب عناية مركزة دفعة 2006 جامعة الأزهر
أصيب بعدوى من إحدي مريضات العناية المركزة ببنها أثناء تأدية عمله
وتوفى على إثرها بعد أيام قليلة وصراع مع الموت
إنا لله و إنا اليه راجعون

أحمد ذنبه في رقبتنا كلنا

أحمد ذنبه في رقبة الدولة اللي أهملت الطبيب و ضحكت عليه بالكلمتين بتوع ملايكة الرحمة و المهنة الإنسانية و بقت بتديله 19 جنيه بدل عدوى

أحمد ذنبه في رقبة الدولة اللي مابتصرفش على تجهيز المستشفيات و جعلها مستشفيات آدمية مش بؤر لإنتشار العدوى نتيجة الإهمال و نقص التجهيز بميزانية صحة تكسف .. 4% من الموازنة

أحمد ذنبه في رقبة كل مسئول في البلد كان في ايده انه يعمل حاجة علشان حال الصحة و الأطباء في مصر ووقف يتفرج و قعد يحسبها حسبة تانية وكان اهم حاجة عنده انه يظبط مرتبات المستشارين و الموظفين الكبار في ديوان عام وزارة الصحة و توابعه

أحمد ذنبه في رقبة سنين من ترهل آداء النقابة العامة و تقاعسها عن الضغط على الدولة نتيجة الحسابات و التوازنات و المواءمات و التوجيه السياسي

أحمد ذنبه في رقبة كل دكتور بيتقاعس عن المطالبة بحقه و بيكسل و لما نقول وقفة احتجاجية او جمعية عمومية او اضراب او مسيرة أو اي حاجة يقولك ياعم كبر مخك ماهي متقضية تزويغ و برايفت و 100 فل .. انتوا اصلكوا ناس فاضية بتوع نقابة

أحمد ذنبه في رقبتنا كلنا
الله يرحمك يا أحمد و يصبر أهلك وأسرتك
وحقك مش هانسيبه .. وأي دكتور هايتقاعس وهايطنش عن حقه مايستبعدش أبدا انه في يوم من الأيام ممكن يكون مكان أحمد الله يرحمه

شوفي يا حكومة .. شوفوا يا دكاترة .. خلاص ملف الإنتخابات انتهى .. وملف اخوان و مش اخوان المفروض يكون اتقفل عند الدكاترة .. كلنا ايد واحدة دلوقتي .. دكاترة مطحونين حقوقهم ضايعة .. وحال الصحة المايل هانعدله .. ومش هانتنازل عن حقوقنا .. ولا عن حق أحمد

د. تامر حسن
نقابة أطباء الإسكندرية

23/12/2013

كان طبيبا بمستشفى بنها - قسم العناية المركزة , انتقلت إليه عدوي شديدة جدا ( MRSA ) منذ أيام قليلة من إحدى المريضات التى يشرف على علاجهن ويسهر لأجل راحتهن وشفائهن , الدكتور أحمد فى ذمة الله بسبب تلك العدوى القاتلة بعد صراع مع المرض دام لعدة أيام وُضع خلالها على أجهزة التنفس الصناعى وتوقف قلبه خلالها عدة مرات.

23/12/2013

https://www.facebook.com/DocToRs.ReVolUtIoN

د.أحمد عبد اللطيف .. طبيب رعاية مركزة .. مرتبه هزيل و بدل العدوى الذي يتقاضاه 19 جنيه .. اصيب بعدوى تنفسية مميتة من مريضة كان يركب لها انبوبة حنجرية .. دخل في فشل تنفسي حاد و تم وضعه على جهاز التنفس الصناعي في أحد مستشفيات بنها وكانت حالته حرجة جدا جدا .. لم يهتم به أحد لأنه ليس باشا ..أو فنان أو ضابط او لاعب كرة ...أحمد توفاه الله صباح اليوم تاركا زوجة و طفلة عمرها أيام ...تاركا وطنا فيه ظلم و قهر و انعدام ضمير ... حسبنا الله و نعم الوكيل ...و انا لله و انا اليه راجعون ...

" اللهم اغفر له وارحمه، وعافه ،واعف عنه ،وأكرم نُزُله ، ووسع مُدخلهُ ، واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه، وأدخله الجنة ،وأعذه من عذاب القبر ( ومن عذاب النار )"

افيقوا يرحمكم الله ..من اجل كرامتنا وحقوقنا المهدره .. ك?

23/12/2013

23/12/2013

بلد المهازل