DBT Aid - psych Riham Sakr

12/11/2024

الحقيقه كالعملية الجراحية ، تؤلم لكنها شافيه .....
الكذب كالمسكنات ، يمحنك الراحه لكن ضرره دائم لا يزول ..

16/07/2024

بوست متأخر شهور كتير بعد انتهاء الراوند الثاني لجروب التدريب على مهارات العلاج الجدلي السلوكي 🧡
اللي نبهني اني أشاركه هو رسائل وصلتني من إحدى المشاركات العزيزات اللي حضرت الجروب كامل بإصرار لافت للنظر رغم الصعوبات اللي كان ممكن تمنع اي حد في مكانها انه يثابر ويكمل لمدة عشر شهور كاملين و يخوض رحلة التغيير حتى النهايه 🥹 شكرا ليكي على المثابره و الاصرار وعلى مشاركتك الجميله والمحفزه لينا🙏🏻
الجروب كالعاده كان رحله متميزه و مُغيره ليا قبل اي حد تاني ، ممتنه لأعضاء الجروب اللي خاضوا الرحله كلها و اللي شاركونا أجزاء منها ،، الجميع حضورهم كان مؤثر وفارق 🙏🏻
كمان النجاح ده تم بفضل مجهود الفريق كله رفيقة المشوار الزميله
دكتور سالي والي Sally Waly
والزميله العزيزه دكتور دعاء عبد الحافظ ممتنه جدا لوجودكم معايا على مدار الرحله 🙏🏻
و شكر واجب للقلب النابض لعيادة براح دكتور أمينه لطفي على تعاونها و دعمها الدائم للكل
🙏🏻

10/05/2024

يقولون إنكِ حساسة للغاية
أن قلبكِ يجلس بهدوء على حافة جرف
مستعدًا للانحدار عند أدنى استفزاز،
كلمة قاسية يمكن أن تطيح بك
نظرة لا مبالية ترجفك حتى النخاع

لا تعرفين سبب امتصاصك المشاعر بسهولة هكذا،
حتى وإن لم تخصك!

لكن، يومًا ما
ستتعلمين تقدير المنحة التي وهبتِ
ستعيشين في سلام مع فيض مشاعرك
ومن هذا الموضع الصافي الرهيف
سوف تخلقين أكثر الأشياء جمالًا.


لانج لييف - ترجمة ضي رحمي
sensitive

02/10/2023

إيديا في جيوبي وقلبي طِرِب ،،
سارح في غربة بس مش مغترب ،،
وحدي لكن ونسان وماشي كده …
ببعد معرفش أو بقترب !

لو سمعت الأغنية دي لمحمد منير وعجبتك …. أحب أقولك ان مش كل حد حواليه ناس كتيرة وهو باعد نفسه عنهم و شكله رايق كده تفتكر انه زي الشخص اللي منير بيوصفه في الأغنية !

الوحدة -زي ما وضحنا في البوست اللي فات - ممكن تكون حالة ظرفيه مؤقته مرتبطه بسياق معين أنا موجود فيه لوحدي the state of being alone .
و ممكن تبقى حالة أصعب و أعمق لما بترتبط بالحالة النفسية والذهنية للانسان the state of mind .
للأسف مشاعر الوحدة بتكون قوية و بتحتاج مجهود كبير للتغلب عليها لما مصدرها بيكون داخلي .. يعني سبب وجودها تجارب قديمة خلِّفت مشاعر مؤلمة وأفكار سلبية اترسخت في ذهن الشخص و بتمنعه يقرب من الناس او يكون علاقات معاهم حتى لما الظروف بتبقى سامحه و مواتيه …

▪️طيب ليه الوحدة اللي أسبابها نفسية أصعب ومقاومه أكثر للتغيير ؟

لإنها مش مجرد حالة من الحزن سببها ان الشخص محتاج ناس ومش عارف يلاقيهم أو الظروف بعدته عنهم ، لكن إضافة للحزن بيكون في احساس عميق بالفراغ و الخواء الداخلي emptinesses ،
أو ممكن نقول حالة من الجوع لتواصل إنساني يشبع احتياج الشخص لمشاعر الحب و الرعاية والانتماء المهجورة من سنين .
ولإن الانسان كائن اجتماعي بفطرته ، فإشباع حاجاته الاجتماعية مش رفاهية ، بالعكس ده مرتبط ارتباط وثيق بجودة حياته النفسية والعقلية والجسمانية mental, emotionsl and physical well-being … وبالتالي نقدر نتخيل حجم المعاناه اللي بيعاني منها اي حد عاش في وحدة لمدة طويلة حتى لو كانت تصرفاته الظاهريه بتوصل ان هو اللي مختار الوحدة دي و مرتاح معاها كمان .

🔸 لو في شخص قريب منك عايش في عزله من سنين هطلب منك تتفهم إن مش دايما قرار الانعزال والبعد عن الناس بيكون قرار واعي من الشخص أو حتى مريح ليه ، و غالبا في أسباب قوية مانعاه من كسر وحدته و مشاركة الناس كل المشاعر اللي هو محتاجها منهم .

🔸 ولو أنت الشخص اللي بقاله كتير اوي لوحده هشجعك تستكشف الأسباب اللي حبساك في السجن ده ..
و بطمنك إن مشكلتك ليها حل .
تابع معانا البوستات للآخر هنقدملك فيها خطوات تساعدك و هنقولك امتى ممكن تكتفي بيها وامتى هتحتاج لمساعدة متخصصة .
ريهام صقر
اخصائي نفسي إكلينيكي

#الوحدة

16/09/2023

حاسس بالوحده مع انك مش لوحدك ؟!
- (1) -

معظمنا مرينا بأوقات حسينا فيها بالوحدة مع إننا كنا في وسط ناس ولمّة ..
و مرات كتيرة أو قليلة كنا مع أصحابنا أو بنقضي وقت مع العيله و رغم وجودهم حوالينا مقدرناش نحس بقرب أو ونس !
بنسمع عن مشاهير و فنانين و bloggers على السوشيال ميديا ؛ عندهم مئات و آلاف المعجبين والfollowers و مع ذلك لو قربنا بنلاقي كتير منهم مفتقدين علاقات دافية و حقيقية .
و بنشوف كل يوم زوجات وأزواج بيشتكوا من الوحدة والفراغ وغياب الحميمية و التفاهم بينهم وبين شركاءهم اللي عايشين معاهم تحت نفس السقف !

بس كمان على الجانب الآخر بنلاقي علاقات تانيه بتجمع ناس ؛ بينهم و بين بعض مسافات بعيدة جدا long distance relationships و رغم المسافات دي بيكون الطرفين متواصلين connected و شبعانين اهتمام و مواجدة ودعم ..

عشان نفسر الحالات دي كلها محتاجين نميز بين مفهومين اساسيين…
المفهوم الأولاني :
🖌 لوحدي alone و بنقصد بيه الجانب المادي أو المكان اللي انت فيه و إن مفيش حد غيرك موجود معاك في نفس المساحه.
والمفهوم التاني :
🖌الوحدة loneliness و المقصود بيه الحالة الشعورية emotional state اللي بتحس بيها بغض النظر عن وجود ناس معاك من عدمه ..

🔘الشعور بالوحدة بيظهر لما بكون عايز أقرب واتواصل مع شخص و التواصل متعطل blocked لأي سبب … إما لانشغال الطرف الثاني او عدم تواجده not available أو حتى عدم رغبته في التواصل معايا ..
تعطل التواصل بيولدمشاعر مؤلمه من الحزن و الضيق و العجز و لو الموقف اتكرر بتبدأ ثقتي في نفسي تقل و بتظهر عندي أفكار سلبية و مشوهة عني كشخص وعن مدى استحقاقي للحب والاهتمام .

🔘الحاله السابقه دي بتتعكس تماما لما العزله solitude بتكون اختيارية ..يعني ببقى قاصد اكون لوحدي و مختلي بنفسي في حالة شعورية فيها احساس بالهدوء و السكينه والراحة
و بقدر بوعي ويقظه استكشف نفسي و اغوص في أعماقها و أزود فهمي لاحتياجتي و قيمي واهدافي في الحياة .

🔹السؤال المهم دلوقتي …
هل الوضع دايما يا أبيض يا أسود و بس؟
يعني يا إما أكون شخص وحيد و حزين وبجري طول الوقت ورا الونس والصحبه ومش لاقيهم …
يا اما بكون مختار العزله و مرتاح معاها و بلاقي نفسي فيها ؟؟؟؟
الاجابة ….. أكيد لأ ……
لإن الوحدة شعور زي المشاعر الإنسانية كلها …
طبيعي إنه يزورنا من وقت للتاني لما نتعرض لحدث أو موقف يحركه ، بيستمر لمدة معينه و بمجرد ما تزول أسبابه بيقل ويهدى لحد ما يختفي …

كده فاضل آخر سؤال……
🔹هل في اشخاص بيعانوا من الشعور بالوحده بشكل دائم و مستمر ؟؟
الاجابه أيوه ده بيحصل و في عوامل كتير ممكن تسببه …

🔜 لو مهتم تتعرف أكتر على الشعور بالوحدة و الأسباب اللي ممكن تحوله من شعور طبيعي لعرض مرضي ممكن يبقى مزمن ، وازاي نتعامل معاه في الحالة دي ؛ تابع معانا البوستات الجايه .
ريهام صقر
أخصائي نفسي إكلينيكي
عضو فريق عيادة براح للطب النفسي

13/03/2023

18/02/2023

Highly sensitive kids ♥️

12/12/2022

الدوره الثانيه لجروب العلاج الجدلي السلوكي .
شرفونا يوم الاربعاء القادم لمعرفة تفاصيل الجروب ..

تعلن عيادة براح عن بدء جروب علاجي لتعلم مهارات العلاج الجدلي السلوكي . ✨

الجروب موجه لتعليم مهارات اساسيه تساعد في التعامل مع المشاعر الصعبة و العلاقات المضطربة و ادمانات كتير سواء للأكل او للسلوكيات المؤذية للنفس بشكل عام.
و عشان تعرفوا اكتر عن محتوي التدريب قررنا يكون حضور اول يوم مجاناً (الأربعاء 14/12) للتعريف بالجروب و الإجابة على كل استفساراتكم !!
الجروب مدته ٦ - ٨ شهور قابلة للزيادة

في جروب المهارات هيتم التدريب على اكتساب أربع مهارات حياتية، وهي :
1- مهارات اليقظة ( واللى هنتعلم من خلالها ازاى نعيش حياتنا ونستمتع بيها ).
2- مهارات تنظيم المشاعر ( هنفهم من خلالها مشاعرنا ونتعلم ازاى ندير المشاعر المؤلمة واستبدالها بمشاعر ايجابية ).
3- مهارات العلاقات الفعالة ( هنتعلم ازاى نتمسك بأهدافنا في العلاقة ونرفض اللى مش مقبول منها من غير اى خسارة للعلاقة).
4- مهارات تجاوز الازمات ( هنتعلم من خلالها إدارة الأزمات وقبول الواقع ).

يقدم التدريب من فريق عيادة براح:
أ. ريهام صقر
أخصائي العلاج النفسي - معالج جدلي سلوكي - عضو فريق القاهره للعلاج الجدلي السلوكي

د. سالي والي
طبيب زمالة الطب النفسي
مستشفى العباسية للصحة النفسية

للحجز والاستفسار كلمنا دلوقتي على 01146128833 أو ابعتلنا على رسائل الصفحة

29/10/2022

سلاماً لقلوبكم الفياضه بالمشاعر الصادقه و النقيه ♥️
أغلى هدية وصلتني و اتعملت عشاني بحب
متفرد و حقيقي 🥰


#اكتوبر٢٠٢٢