Dr.Moataz El Moteily - د.معتز المطيلي

11/01/2023

12/10/2022

29/08/2022

⬅️ اللولب

اقوي وسيلة منع حمل متوفرة بس بشرط ⚠️

اللولب هو عبارة عن جهاز طولة اقل من ٣ سم بيوضع داخل تجويف الرحم لمنع حدوث الحمل لفترة تصل ل ١٠ سنين
✅ اهم مميزاته هو عدم التعرض للاثار الجانبية للوسائل الهرمونية علي مدار فترات الاستخدام الطويلة يعني مفيش زيادة في الوزن ❗مفيش تقلبات مزاجية ❗مفيش دوخة وغثيان❗الوسيلة الوحيدة المتاحة للحلات الممنوعة من استخدام الوسائل الهرمونية زي الي عندهم تاريخ مرضي عائلي لاورام النساء او ارتفاع الضغط او السكر

❎ اعراضه الجانبية انه ممكن يزود كمية الدم مع الدورة الشهرية و كذلك الالم المصاحب ليها وده بيختلف من حالة لحالة

⭕اللولب اكتسب سمعة سيئة عند بعد الحالات بعد تكرار حالات الحمل علي اللولب مؤخرا علي الرغم من كفائته
وده لان معظم الناس بيهملوا متاباعاته⚠️
اللولب بيحتاج منك سونار علي البطن كل ٦ شهور عشان نطمن انه في مكانة مظبوط

وفي الحالة دي اعتمدي عليه وانت مطمنة🤝

29/07/2022

الحموضة وارتجاع المريئ ⚠️
عرض مصاحب تقريبا لكل الحوامل علي مدار فترة حملهم

للاسف انا مضطر اهدملكم ثابت من ثوابت الكون عند معظمكم وهو ان الحموضة بتكون بسبب شعر البيبي🤔

لان الحموضة اثناء الحمل بيكون سببها هو اضطراب حركة الجهاز الهضمي مع ضعف عضلة بواب المعدة تحت تأثير هرمونات الحمل اضافة لضغط الرحم في الثلث الاخير من الحمل وده بالتبعية بيؤدي ان عصارة المعدة - الي في تكوينها بتعتبر مادة كاوية - تطلع لفوق بدل ما تنزل لتحت✋

الحموضة من الاعراض الي بطلب منك الاهتمام بيها لان بعض الحوامل مع تعرض جدار المريئ لعصارة المعدة(مادة كاوية⚠️) لفترات طويلة علي مدار الحمل ممكن يؤدي لتقرحات بالمريئ قد تستدعي تدخل سواء بعلاج مزمن او عمل منظار تداخلي ما بعد الولادة

اعراضها:
☝️وجع في فم المعدة
✌️حرقان في منتصف الصدر
👌غثيان و احتقان اول ما تصحي من النوم

وبما ان معظم علاجات الحموضة وارتجاع المريئ آمنة تماما في الحمل

وقت ما تشتكي منها عرفيني نعالجها بدون ما تتحاملي علي نفسك وتقولي عادي لان الموضوع ملوش اي علاقة لا بشعر البيبي ولا دقنه 🤝

12/06/2022

مساء الخير عليكم❤️

لاحظنا مؤخرا تكرار حالات الاسهال المصاحبة لاكل البطيخ والخوخ في الفترة دي

الموضوع مش مقلق بس الاسهال مع الحمل وخاصة مع ارتفاع درجة حرارة الجو هيخليكي عرضه للجفاف نتيجة زيادة فقد السوائل من الجسم
(والبيبي كمان بيسحب سوايل من جسمك) 🤔

وعليه✋

☝️نغسل الفاكهة كويس بماء جاري ويفضل لو تتساب في المية شوية قبل الغسيل

✌️نشرب سوايل كويس بما لا يقل عن ٢ لتر علي مدار يوم

👌وفي حالة ان حصل اسهال او قيئ منتأخرش في اننا نبدأ العلاج

10/06/2022

تيا ❤️
من ساعة ما اتولدت علي ايدي وهي كل فترة لازم تيجي تزورني وتطمن عليا
لما سألتها انا بمثلك ايه في حياتك
قالتلي اني اول حاجه شافتها او ما فتحت عينيها عالدنيا
انا وتيا الحب في زمن البزازات

22/05/2022

🙆😁

20/05/2022

للرد علي اكتر موضوع بتسألو دايما عنه هنعيد نشر سلسلة حلقات مرتبة عن اعراض الحمل الطبيعية من اول يوم حمل وحتي بعد الولادة
ازاي تتعاملي معاها🤔
و ازاي تفرقي بين الاعراض الطبيعية والاعراض الغير طبيعية الخاصة بالامراض المصاحبة للحمل⚠️

تابعونا 🤝

17/05/2022

المجهود في الحمل 🤰
انزل الجيم ولا لا وانا حامل ؟🤷‍♀️
ارتاح اد ايه اثناء الحمل في اليوم؟ 🤦‍♀️
انام على ظهري كل يوم اد ايه اثناء الحمل يا دكتور ؟🙄
اصلي علي كرسي ولا انزل العب مع العيال في الشارع يا دكتور 😄

وأسأله كتير بتسألها الأم الحامل عن المجهود والراحة في الحمل لكن في الحقيقة مفيش قاعدة 👌

دي بتبقى حاجه تقديرية تختلف من شخص للتانى
بمعني ممكن واحدة تقولى انا بطلع للدور العاشر على رجلى ومبحسش بأي تعب فبقولها اطلعيهم مفيش مشكلة 🤗
وممكن واحده تانيه تقولى انا بطلع للدور الثاني على رجلى ومبقدرش اطلع للدور الثالث فبقولها خلاص يبقى أخرنا ده 🤚
وعلي هذا الاساس المجهود اثناء الحمل متروك لتقديرك الشخصي وكل المطلوب منك متضغطيش علي نفسك عشان تعملي المجهود مش اكتر من كده 🧐

موضوع انك تنزلى الجيم لو تقدرى ومبيبقاش مجهد بالنسبالك انزلى مفيش مشكلة و قيسى على ده اى حاجة تانية 👌

ممكن تتصدمو لما تعرفو ان الراحة التامة مش مطلوبة أثناء الحمل وده خطأ شائع لأن الحركة عموما هي المحرك الرئيسي للدورة الدموية للجسم وده الي بيساعد علي وصول الدم للبيبي 👶

وطبعا الكلام ده يستثني منه حالات الحمل الحرج 🤚


👶.