Zayed Mental Health

08/03/2026

دعواتكم بالشفاء لسكرتيرتي الغالية التي تعرضت لحادث، أسأل الله أن يحفظها ويكتب لها الشفاء العاجل ويجبر خاطرها ويطمئن قلب أهلها 🤲

ولحين عودتها بالسلامة إن شاء الله، أرجو من السادة الكرام الالتزام بالآتي لتنظيم المواعيد:

▪️ إرسال رسائل واتساب فقط بخصوص الحجز أو الاعتذار عن الموعد قبلها بـ 24 ساعة على الأقل.
▪️ في حالة إرسال رسالة وعدم تلقي رد، سيُعتبر الموعد ملغيًا تلقائيًا حتى يتم تأكيده مرة أخرى.

شاكرة تفهمكم وتعاونكم، وربنا يشفيها ويرجعها لنا بالسلامة 🙏
د/أسماء أحمد نصار
استشاري نفسي اكلينيكي

07/03/2026

القوة النفسية لا تعني أن الإنسان لم يُظلم…
بل تعني أنه لم يسمح للظلم أن يفسد قلبه. 💔➡️❤️
أحيانًا يتعرض الإنسان لمواقف قاسية،
اتهامات باطلة، أو خذلان من أقرب الناس.
وفي لحظات كهذه يكون الغضب طبيعيًا… والألم مفهومًا. 😔
لكن القوة الحقيقية تظهر في شيء آخر:
أن تختار ألا تتحول إلى نسخة مشوهة مما آذاك. 💪
الشخص القوي نفسيًا لا ينكر ألمه،
ولا يتظاهر بأن كل شيء بخير.
لكنه يضع حدًا لما يؤذيه، 🚧
ويحافظ على كرامته، 👑
ويمضي في طريقه دون أن يحمل في قلبه نفس القسوة التي وُجهت إليه. 🕊️
فالظلم اختبار صعب…
لكنه أحيانًا يكشف معادن الناس،
ويجعل الإنسان يعرف قيمته الحقيقية. ✨
القوة ليست في رد الأذى بالأذى،
بل في أن تظل إنسانًا سويًا رغم كل ما حدث. 🌿
د/ أسماء نصار
استشاري نفسي اكلينيكي

03/03/2026

كل حاجة في الدنيا ليها وقت…

النجاح بياخد وقت.النضج بياخد وقت.الشفا بياخد وقت.وحتى الفهم بياخد وقت.

زي ما أي حاجة غلط ما حصلتش فجأة،هي كانت نتيجة تراكمات…أيام…واختيارات صغيرة اتكررت.

برضه التغيير مش بيحصل في لحظة.هو رحلة.خطوة قدامها خطوة.وعي بعدها قرار.وقرار وراه التزام.

ما تستعجلش النتيجة…سيب للحياة وقتها الطبيعي.

كل شيء بينمو على مهله…واللي بيتبني بهدوء…بيفضل ثابت 🤍
د/اسماء نصار
استشاري نفسي اكلينيكي
01005148374

24/02/2026

أنا لا أشتكي… أنا أختار. ✨
القوي مش بيبان مظلوم… ليه؟
لأن القوة الحقيقية هادئة 🤍
مش بتصرخ…
ومش بتستعطف…
ومش بتطلب تعاطف.
الشخص القوي لما يتظلم:
▪️ ما بيجريش يشرح لكل الناس.
▪️ ما بيدورش على شهود.
▪️ ما بيستجديش تعاطف.
هو بيعمل حاجة أخطر…
يسحب طاقته ⚡
يحط حدود 🛑
ويمشي 🚶🏻‍♀️
الناس أحيانًا بتفتكر إن اللي بيشتكي هو المظلوم…
لكن الحقيقة إن في ناس كتير اتوجعت وسكتت،
مش ضعف…
لكن كرامة 👑
القوة مش معناها إنك ما بتتأذيش،
القوة إنك لما تتأذي
ما تتحولش لنسخة مشوهة من اللي أذاك.
أحيانًا القوي ما بيبانش مظلوم…
لأنه اختار يحافظ على نفسه 🌿
بدل ما يثبت للناس إنه على حق.
—
د. أسماء نصار
استشاري نفسي إكلينيكي 🧠

21/02/2026

20/02/2026

اضطرابات الكذب… لما الكذب يبقى نمط مش موقف
مش كل كذب عرضي.
في فرق بين كذبة عابرة بدافع الخوف…
وبين نمط متكرر بيأثر على العلاقات والثقة.
🔎 في علم النفس بنشوف إن الكذب المزمن ممكن يكون مرتبط بـ:
▪️ اضطرابات الشخصية (زي النرجسية أو المعادية للمجتمع)
▪️ هشاشة تقدير الذات
▪️ تاريخ صدمات أو بيئة اتعلم فيها الشخص إن الحقيقة خطر
▪️ أحيانًا ما يُعرف بالكذب القهري (Pathological Lying)
الشخص هنا ممكن: – يبالغ في قصصه
– يغير الحقائق حسب الموقف
– ينكر رغم وجود أدلة
– يصدق كذبته أحيانًا
المشكلة مش في الكلمة نفسها…
المشكلة في فقدان الأمان داخل العلاقة.
العلاج لا يبدأ باتهام
بل يبدأ بفهم:
إيه اللي بيخلّي الحقيقة صعبة كده؟
لكن…
وضع الحدود النفسية يظل ضرورة،
لأن التعاطف لا يعني السماح بالأذى.
دكتورة أسماء نصار
استشاري نفسي إكلينيكي
للحجز والاستفسار: 01005148374

15/02/2026

التغيير مش دايمًا بيبدأ بخطوة كبيرة…
أحيانًا بيبدأ بقرار صغير جدًا.
قرار إنك:
✔️ تبطل تبرر الأذى
✔️ تحط حدود
✔️ تقول “لأ” من غير إحساس بالذنب
✔️ تختار نفسك حتى لو حد زعل
التغيير مش معناه إنك تبقى شخص تاني.
هو إنك ترجع لنفسك الحقيقية…
النسخة اللي كانت مستنية حد ينقذها،
واكتشفت إن المنقذ هو أنت.
التغيير بيخوف…
لأن العقل بيحب المألوف حتى لو كان مؤلم.
لكن النمو دايمًا بيحصل خارج منطقة الراحة.
اسأل نفسك:
إيه الحاجة الصغيرة اللي أقدر أغيرها من النهارده؟
—
دكتورة أسماء نصار
استشاري نفسي إكلينيكي
للحجز والاستفسار: 01005148374

14/02/2026

🚑 دور "المنقذ" في العلاقات… لما المساعدة تبقى فخ
في ناس طول الوقت شايفة نفسها مسؤولة عن إنقاذ الآخرين…
تحل مشاكلهم
تتحمل عنهم
تدافع عنهم
وتصلّح كل حاجة حوالينها
لكن السؤال المهم:
هل ده حب… ولا احتياج داخلي للشعور بالقيمة؟
🔹 "المنقذ" غالبًا بيكون جزء من مثلث العلاقات غير الصحية المعروف باسم
Stephen Karpman
اللي وصف ما يُعرف بـ "مثلث الدراما"
(الضحية – المنقذ – الجلاد)
المنقذ:
بيخاف يحس بالعجز
بيشعر بالذنب لو ما تدخلش
بيعتقد إن قيمته في إنقاذ الآخرين
أحيانًا بيختار ناس محتاجة أو مضطربة عشان يفضل في دوره
لكن المشكلة إن: 🔸 المنقذ بيتستنزف
🔸 بيغضب لما محدش يقدّر مجهوده
🔸 أو يتحول فجأة لـ "جلاد" لما يحس إنه اتستُغل
الحقيقة النفسية المهمة 👇
أنت مش مسؤول عن شفاء حد…
أنت مسؤول عن نفسك فقط.
المساعدة الصحية = دعم بدون تحمّل زائد
حب بدون إنقاذ
قرب بدون تضحية بالذات
لو لقيت نفسك دايمًا في دور المنقذ…
اسأل نفسك:
"أنا بساعد عشان هو محتاج…
ولا عشان أنا محتاج أكون محتاج؟"
✨ العلاقات الصحية فيها مشاركة… مش إنقاذ.
—
د. أسماء نصار
استشاري نفسي إكلينيكي
للحجز والاستفسار: 01005148374

05/02/2026

"هل أنا مجنون؟"
سؤال بيسأله ناس كتير…
والإجابة 😳 لسه شوية.
اللي بتحسّه قلق، اكتئاب، توتر، لخبطة، أو مشاكل واختلافات
ممكن يكون احتياج نفسي للتأهيل
مش أكتر.
علشان: • تفهم نفسك
• تتعامل مع مشاعرك
• وترجع تمارس حياتك بشكل صحي ومتوازن
✨ التأهيل النفسي خطوات من الوعي الصحي
للوصول لصحة نفسية أفضل 🌱
🔹 كورس التأهيل النفسي
المدة: 3 شهور
النظام: جلستين أسبوعيًا – جلسات فردية
📞 للحجز والاستفسار يرجى الاتصال على:
01005148374

23/01/2026

*نفسي نعمل مشروع قومي للصحة النفسية…*
يبدأ من المدارس 🇪🇬
لأن اللي بنشوفه دلوقتي مش طبيعي:
اضطرابات نفسية بتظهر بدري
أطفال متألمة ومش مفهومة
وأسر مش عارفة حقوقها ولا واجباتها النفسية
الطفل السليم نفسيًا
هو أساس التعليم… وأساس الوطن... وأساس مستقبل أفضل.
من غير صحة نفسية: ❌ التعليم بيفشل
❌ السلوك بيتشوّه
❌ المجتمع كله بيتأثر
إحنا محتاجين: ✔️ وعي نفسي حقيقي
✔️ دعم للأسرة قبل ما تنهار
✔️ تدخل مبكر قبل ما المشكلة تكبر
الصحة النفسية مش رفاهية
ولا وصمة
ولا مسؤولية الأسرة وحدها
الصحة النفسية حق لكل طفل
وحق لكل ولي أمر
ومسؤولية دولة.
يمكن نبدأ من المدارس…
بس النتيجة هتوصل للوطن كله 🌱