عيادة أمراض المفاصل والروماتيزم والمناعة / دكتور ابراهيم فوزى

  • Home
  • Egypt
  • Cairo
  • عيادة أمراض المفاصل والروماتيزم والمناعة / دكتور ابراهيم فوزى

عيادة أمراض المفاصل والروماتيزم والمناعة / دكتور ابراهيم فوزى د. ابراهيم فوزى استشاري الروماتيزم والمناعة كليه طب الأزهر

01/05/2026

لما أقول للمريض هاناخد علاج بيلوجي..... 😂
#الروماتويد #الروماتيزم
010 11094225

إمبارح في رسايل وصلت من عندنا لمرضي العيادة بتهنيهم بمناسبة عيد الفطر المبارك 😂😂اعذرونا ياجماعه... ابلكيشن العياده كان م...
27/04/2026

إمبارح في رسايل وصلت من عندنا لمرضي العيادة بتهنيهم بمناسبة عيد الفطر المبارك 😂😂
اعذرونا ياجماعه... ابلكيشن العياده كان متقمص شخصية انترنت اكسبلورر 🤣🤣
010 11094225

بيعجبي الدقة المتناهية في الهبد 😂ممنوع في الروماتويد السلبي ❌إنما الإيجابي عادي ✔️😂
24/04/2026

بيعجبي الدقة المتناهية في الهبد 😂
ممنوع في الروماتويد السلبي ❌
إنما الإيجابي عادي ✔️😂

لا حول ولا قوة الا بالله العلي العظيمسبحان الله ‼️‼️ ربنا يرحمه ويغفرله ويرحمنا كلنا برحمته يارب
19/04/2026

لا حول ولا قوة الا بالله العلي العظيم
سبحان الله ‼️‼️
ربنا يرحمه ويغفرله ويرحمنا كلنا برحمته يارب

المرضي بتوعنا اللي بياخدوا #أدوية لعلاج الأمراض الروماتيزمية المناعية زي الروماتويد مثلاً.. وهايدخلوا يعملوا ... يعملو...
17/04/2026

المرضي بتوعنا اللي بياخدوا #أدوية لعلاج الأمراض الروماتيزمية المناعية زي الروماتويد مثلاً.. وهايدخلوا يعملوا ... يعملوا إيه مع الأدوية.... ❓

هل يكملوا علي الأدوية بتاعتهم عادي.... 🤔‼️
طيب ماهو ده ممكن يزود فرصه حدوث العدوي بعد الجراحه.. وكمان ممكن يأخر إلتئام الجروح.... ⚠️

طيب يوقفوا الأدوية بتاعتهم كلها... 🤔‼️
ماهو ده برضو ممكن يسبب نشاط كبير في المرض المناعي.. وده في حدث ذاته هايخلينا نزود جرعات الأدوية أكتر وأكتر.... ⚠️

الحقيقة في قواعد وضوابط علمية واضحة بتنظم موضوع ايقاف او استمرار أدوية أمراض الروماتيزم والمناعة في حالة إن المريض هايعمل عملية جراحية 👌

وده بيعتمد علي حاجات كتير........
هل الجراحة كبيرة.. ولا مجرد عملية بسيطة ❓
هل المرض المناعي نشط.. ولا في حاله خمول ❓
هل في عوامل عند المريض بتزود فرص حدوث العدوي ولا مافيش ❓

اعملوا شير للبوست واللي عنده سؤال عن علاج معين بخصوص الموضوع ده يكتبلنا في الكومنتات.. 👇👇

✅
✅
#الرحاب ✅

القزحية جزء من نسيج العين 👀 ولما بتلتهب بتسبب وجع واحمرار في العين.. ودموع وزغلله وعدم تحمل العين للضوء .... ساعتها ممكن...
14/04/2026

القزحية جزء من نسيج العين 👀 ولما بتلتهب بتسبب وجع واحمرار في العين.. ودموع وزغلله وعدم تحمل العين للضوء .... ساعتها ممكن دكتور الرمد يشك إن في مرض مناعي هو السبب .... ‼️
وهنا بيجي دورنا (طبيب الروماتيزم والمناعة) 👨‍⚕️ ...... بنسمع المريض كويس ونعرف تاريخه المرضي.. ونفحصه كويس جدا فحص إكلينيكي.. ونطلب بعض التحاليل لمعرفه سبب الالتهاب القزحي للعين.... 🤚
ومن أشهر الأسباب الروماتيزمية اللي بتسبب كده... مرض الالتهاب الفقاري اللاصق ومرض الصدفية المفصلية ومرض التهاب المفاصل المصاحب للقولون التقرحي او كرونز ومرض بهجت ومرض الساركويد....
👌 ✅

11/04/2026

نعتذر عن عيادة مدينة نصر غداً الأحد لظروف طارئة

🔴 دي أهم النقاط اللي قولتها إمبارح في محاضرتي المهمة جداً بعنوان (( )) أثناء مشاركتي في مؤتمر جمعيات الروماتيزم بحضور كب...
10/04/2026

🔴 دي أهم النقاط اللي قولتها إمبارح في محاضرتي المهمة جداً بعنوان (( )) أثناء مشاركتي في مؤتمر جمعيات الروماتيزم بحضور كبار أطباء الروماتيزم في مصر والوطن العربي... 👇👇

🔸 الروماتويد السلبي معناه تشخيص مرض الروماتويد لكن المريض بتكون تحاليل أجسام المناعة RF & AntiCCP سلبية (روماتويد مش بيبان في التحاليل).
🔹 حالات الروماتويد السلبي بتمثل حوالي 30% من أعداد حالات الروماتويد.
🔸 الروماتويد السلبي شبه الروماتويد الإيجابي في الأعراض.. يعني المريض هايشتكي من وجع وورم وتيبس في المفاصل... لكن التأثيرات اللي خارج المفاصل زي أعراض العين والرئة والأوعية الدموية بتكون أقل بكتير.. مقارنة بالروماتويد الإيجابي.
🔹 الروماتويد السلبي للأسف ممكن تشخيصه يتأخر كتير مقارنة بالروماتويد الإيجابي نظراً لإن التحاليل بتاعة أجسام المناعة بتكون سليمة... وكمان ممكن يتشخص غلط علي إنه فايبروميالجيا نظرا لإنه مش بيبان في تحاليل المناعه.
🔸 الروماتويد السلبي أحيانا يكون عنيف جداً من حيث الأعراض وقت تشخيصه نظراً للتأخير في التشخيص.
🔹 للأسف في معتقد لدي بعض الأطباء ان الروماتويد السلبي أعراضة خفيفه ومش بيسبب تآكل في المفاصل... وللأسف ده بيخليهم يستخدموا خطة علاج بسيطه... لكن الدراسات والأبحاث والمشاهدات أثبتت إن الروماتويد السلبي ممكن يكون عنيف جدا من حيث الأعراض.. ولو مااتعالجش بسرعه بيسبب تآكل وتشوهات في المفاصل.
🔸 للأسف أحيانا الروماتويد السلبي بيكون الشماعه اللي الدكاتره بيعلقوا عليها التشخيص.... يعني ممكن أمراض تانيه زي خشونة اليد او الروماتيزم الصدفي أو الأملاح.. تتشخص غلط علي إنها روماتويد سلبي.
🔹 بعض حالات الروماتويد السلبي ممكن نعتبرها ((إلتهاب مفصلي غير مصنف)) وبتحتاج متابعه دورية مع العلاج.. عشان ممكن الأعراض تتغير مع الوقت وبالتالي التشخيص يتغير.
🔸 الروماتويد السلبي بيحتاج مجهود أكبر من الدكتور في التشخيص نظراً لإن تحاليل المناعه سلبية... عشان كده لازم نستبعد كل الأمراض المشابهه اللي ممكن تعمل التهابات في المفاصل شبه الروماتويد السلبي.
🔹 سونار المفاصل له دور مهم جداً جداً في تشخيص الروماتويد السلبي... لإنه بيقدر يشخص التهابات المفاصل بدري.. ويقدر يشخص أي تآكل في المفاصل بدري.. ويقدر يستبعد الأمراض التانية الشبيهه بالروماتويد السلبي زي الخشونه أو الروماتيزم الصدفي.
🔸 مع الخبرة و المشاهدات اليومية بالإضافة للدراسات والأبحاث... اكتشفنا إن في بعض أدوية الروماتويد الإيجابي مش بتجيب نتيجه كويسه مع مرض الروماتويد السلبي.. نظراً لبعض الإختلافات في منشأ المرض... عشان كده ضروري جدا الدكاترة تراعي النقطه دي في علاج الروماتويد السلبي.
🔹 وأخيراً.. 🤚 الروماتويد السلبي بيحتاج دكتور روماتيزم شاطر جداً عشان يشخصه صح ويعالجه صح .. وده عن طريق سماع شكوي المريض كويس جدا... والفحص الاكلينيكي الدقيق جداً.. واستخدام جهاز سونار المفاصل.. عشان نستبعد كل الأمراض المشابهه... وكمان محتاج دكتور فاهم جداً في استخدامات أدوية الروماتويد المختلفه وتوظيفها بطريقة صحيحة في علاج الروماتويد السلبي 👌 ✅

بنسمع المريض كويس جدا ونفحصه كويس جدا ونشوف كل فحوصاته القديمه والجديدة ونكشف عليه بالسونار حسب شكوته والاستشارة مجانية ...
09/04/2026

بنسمع المريض كويس جدا ونفحصه كويس جدا ونشوف كل فحوصاته القديمه والجديدة ونكشف عليه بالسونار حسب شكوته والاستشارة مجانية وبنرد علي استفساراته السريعه علي الواتس آب..
وكل ده مش مكمل 15 دولار 😁

🔴 يحدث الآن 🔴... محاضرتي في مؤتمر جمعيات الروماتيزم في مصرباتكلم عن متاهة التشخيص والعلاج في الروماتويد السلبي 👌✅
08/04/2026

🔴 يحدث الآن 🔴... محاضرتي في مؤتمر جمعيات الروماتيزم في مصر
باتكلم عن متاهة التشخيص والعلاج في الروماتويد السلبي 👌✅

05/04/2026

مواعيد مدينه نصر كلها محجوزه اليوم ويوم الثلاثاء.... أول موعد متاح الخميس بإذن الله
010 11094225

🚨 ركزوا في الكلام ده كويس عشان بيحصل كتير....بعض مرضي #الروماتويد (أو حتي أي مرض روماتيزمي مناعي آخر).. ياخد العلاج ويخ...
04/04/2026

🚨 ركزوا في الكلام ده كويس عشان بيحصل كتير....
بعض مرضي #الروماتويد (أو حتي أي مرض روماتيزمي مناعي آخر).. ياخد العلاج ويخف كويس جدا بعد فترة... وتيجي تقولي في العيادة أو في الرسايل ....
⚡يادكتور أنا خفيت وعايز أوقف العلاج بتاعي ...
طبعاً إجابتي بتكون.. لأ.. لأ.. لأ..... ❌
⚡طيب ليه يادكتور.... ماهو في ناس عندها روماتويد ووقفت العلاج بتاعها والدنيا ماشية معاها تمام .... ‼️

أولاً..... الكلام ده صحيح ✅ وممكن يحصل فعلا إن مريض روماتويد يوقف علاجه بعد فتره.. والدنيا تبقي تمام...... وده له شوية أسباب هاقولكم عليها .......

▪️ مرض الروماتويد أصلاً مرض مناعي.. بيكون في شكل فترات من الخمول.. والنشاط... وممكن يكون حظ المريض إن الفترة اللي وقف فيها العلاج هي فترة الخمول بتاعة المرض... وتطول عنده شوية..... ويتهيأله إن المرض راح خلاص..... 🤚
▪️ بعض الأدوية ممكن يستمر تأثيرها شويه بعد ما المريض يوقفها... يعني انت متهيألك إن المريض كويس من غير علاج ... لكن في الحقيقة تأثير العلاج لسه شغال لفترة من الزمن..... 🤚
▪️ بعض المرضي يوقفوا العلاج بتاعهم... ويعتقدوا إنهم كويسين عشان مافيش ألم ولا ورم زي الأول.... لكن في الحقيقة المرض شغال ع الهادي 🔥 من تحت لتحت.. من غير ما المريض ياخد باله... وبيعمله مشاكل وهو مش داري..... 🤚
▪️ بعض المرضي فعلاً بيقولوا إنهم كاااااااان عندهم روماتويد ووقفوا كل الأدوية بتاعتها تماااااااماً.. واكتفوا بالأعشاب الفلانيه.. ولا نظام الأكل الفلاني.. و حياتهم زي الفل بقالها سنين.... لكن تعالي أصدمك وأقولك... إنهم أصلاً أصلاً ماكانش عندهم روماتويد..... 🤚

⚡ ملخص الكلام.... ممكن توقفي علاجك وتلاقي نفسك فعلاً كويسه لفترة من الزمن..... لكن للأسف وقت ما تحصل الإنتكاسه هاتزعلي أوي والله.... لإنها ممكن تكون أسوأ من الأول بكتير ... وكمان ممكن الأدوية اللي كنا كويسين عليها قبل كده ماتشتغلش كويس بعد ما نرجع ناخدها تاني........ ‼️ والكلام ده ينطبق علي أي مرض روماتيزمي مناعي مزمن.... 🤚

اللهم بلغت اللهم فاشهد
اللهم بلغت اللهم فاشهد
اللهم بلغت اللهم فاشهد

Address

٢٦ ش هشام لبيب مدينه نصر
Cairo

Telephone

+201011094225

Website

Alerts

Be the first to know and let us send you an email when عيادة أمراض المفاصل والروماتيزم والمناعة / دكتور ابراهيم فوزى posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة أمراض المفاصل والروماتيزم والمناعة / دكتور ابراهيم فوزى:

Shortcuts

Share

Category