09/09/2023
في سؤال بيتكرر الايام دي من حضراتكم كتير بخصوص تطعيم الانفلونزا الموسمية للموسم الجديد 2023-2024🤔🤔
يا تري نبدأ نطعم الاولاد من دلوقتي ولا نستني كده علي اخر 9 او اول 10 مع بداية الدراسة في معظم المدارس❓❓
الحقيقه تطعيم الانفلونزا 💉💉مهم اننا نبدأ فيه من دلوقتي و مع اقرب فرصة نقدر نطعم نفسنا و اولادنا لان التطعيم بياخد فترة عشان يحفز جهاز المناعه💪 و يخليه قادر علي حمايتنا و الفترة دي بتختلف من طفل ل طفل
و كمان الاطفال اللي اول مرة تاخد التطعيم و عمرها اقل من 9 سنين بيحتاجوا جرعتين بينهم شهر فرق 💉💉💉
عشان كده لما نطعمهم من دلوقتي هيبقي عندهم حماية اكبر وقت الدراسة و مع دخول الشتاء💪💪
و طبعا عارفين ان الاطفال كتير اوي بيتعبوا في اول اسابيع من الرجوع للمدارس🥺🥺 بسبب ان جهاز المناعه مش بيكون مستعد للفيروسات التنفسيه اللي اشهرها و اكترها انتشارا الانفلونزا 🤧🤧
1- التطعيمات المتوفرة في مصر حاليا
VAXIGRIP TETRA 2023/2024💉
INFLUVAC TETRA 2023/2024💉
التطعيم ده هو المعتمد علي مستوي العالم لموسم الشتاء القادم
التطعيم ده رباعي يعني بيحمي من أهم ٤ سلالات من فيروس الانفلونزا💉💉
2-التطعيم مناسب لجميع الاعمار بداية من عمر 6 شهور و لحد اي سن اكبر من كده👶🧒🧑
كمان مناسب للاباء و الامهات و الجدود و الجدات 🧓🧑🦳.
3-التطعيم عباره عن حقنه صغيرة في الكتف 0.5 مل 💉💉
**الاطفال اقل من 3 سنوات بنطعمهم في الفخد الامامي
4- ايه عدد الجرعات للتطعيم ده ؟🤔
**التطعيم بيكون جرعه واحده فقط من سن 9 سنين و لاي سن اكبر من 9 سنين💉
بالنسبه للاطفال اقل من 9 سنوات:
لو دي اول سنه ياخدو مصل الانفلونزا بيحتاجو جرعه تانيه منشطه بعد شهر💉💉
لو اخدوا التطعيم اي سنه قبل كده بياخدو جرعة واحده بس السنه دي💉
5- طيب هل محتاج اي فترة زمنيه فاصلة بينه و بين اي تطعيم تاني ؟
لأ
د/محمد حسين متولي
استشاري طب الاطفال و حديثي الولاده
لو عندكم اي اسئله ابعتولنا علي رسائل الصفحه او سيبوها في التعليقات و هنرد عليكم
للحجز والاستفسارات رجاء التواصل مع الرقم التالي
0106 943 3331
