26/04/2017
...
استغاثة إلى السيد وزير الصحة
كالعادة يخرج المسئول في المستشفى محل الكارثة والإهمال الطبي ليبرر وينفي الجريمة عن المستشفى التي ينتمي إليها حفاظاً على سمعتها التجارية دون الإكتراث بالمواطن الضحية أي كان عمره وحتى إن كان فقط بضع ساعات لا تعطي له حول ولا قوة تشفع له بشمول الرحمة!!! ... متى تنتهي كارثة الإهمال الطبي بقوانين رادعة ومتى يحاسب المخطيء في مصر؟!!!
المؤسسة للجبهة الشعبية للدفاع عن مصر
... #الصحة ... ... ... #المستشفيات ... ... #الأطفال ... #القانون
وعلى لسان والدة الطفل يحيى خالد طالخان ... بعد رفض عمل المحضر.
Heba Nasrallah
تحديث:
تم عمل المحضر الحمدلله
تحديث :
انهارده روحنا قسم مصر القديمه عشان نعمل المحضر ... هناك مارضيوش يعملولنا المحضر و قالولنا نروح النيابه بكرة نبقى نجيب طلب عمل محضر من هناك و بعد كدة نرجع القسم نبقى نعمل المحضر!!!!!!
هنفضل نحاول لحد اما نجيب حقه ان شاء الله
ابني يحيى ايده اتحرقت في -nada_hospital بسبب إهمالهم ... ايوه حرقو ايد ابني الي كان عمره ساعات و أهملو في علاجه و فهمونا انه جرح سطحي و مفيهوش اي حاجة ... للأسف ابني دخل عندهم الحضانه بسبب مشكله في التنفس و بعد اما نزل الحضانه نزلت اشوفه لقيت ايده محشورة بين المحضن و المكان الي كان نايم عليه ، المكان ده بيكون سخن جدا عشان يضمن درجة حرارة المحضن دافيه ... طبعا لما طلعت ايده لقتها حمرا جدا و لما نديت على الممرضات الي كانو قاعدين بيتكلمو في حوارات شخصيه و محدش فكر يجي يشوف ايد الولد الي هما مسئولين عنه حصل فيها ايه ... طبعا استنيت تاني يوم لما الدكتور الي بيشرف على حالته( دكتور شريف الأنواري) الي هو نفسه مدير الحضانه في مستشفى الندى يقولي ايه الي حصل في ايد ابني ... اكدلي ان ايده حصل فيها حرق بسيط سطحي بس هما جابو جراح و اكد ان الحرق بسيط و مش هيحتاج غير كريم ميبو و تيراميسين ... من بعدها كل اما انزل ايد ابني بتكون متغطيه طبعا مكنتش اعرف ايه الي حصل فيها غير يوم اما خرج من الحضانه شوفت ايد ابني الي كان باين جدا عليها انها مش سطحيه و لما خرجنا روحنا الأستشارة مع دكتور شريف الي خلانا نعرض الجرح للهوا عشان الجرح ينشف بقى و كفايه كدة ... بعدها بيومين ايد ابني ورمت جدا و كنا يوم الخميس بليل طبعا مفيش دكاترة ... و لما سألنا دكاترة اصحبنا نصحونه نروح مستشفى طوارئ ... روحنا مستشفى دار الفؤاد في الفجر و استقبلنا دكتور الطوارئ هناك الي اول اما شاف ابني و ايده اتصدم من المنظر و لما جه دكتور الجراحة في الطوارئ بردو اتصدم من ايد ابني الي لا يتعدا 10 ايام و حالتها عمله كدة ... قالنا بالحرف ايده متستنوش عليها الصبح لازم مختص تجميل حروق يشفها و كتبلنا على مضاد حيوي و مسكن لأنه يا حبيبي كان الم لا يحتمل حاسس بيه ... الجمعة الصبح روحنا بيه المستشفى العسكري في الحلميه الي تخصصها في الحروق و هناك اكدولنا ان الحرق دة من الدرجة التانيه عميق ... يوم السبت روحنا لدكتور مأمون اسماعيل و هو دكتور تجميل كبير الي أكد كلام مستشفى الحلميه و كمان قالنا انه ميقدرش يحدد الضرر واصل لحد فين لأن وارد يكون واصل للأوتار او اعصاب تحته و ده كله يبان لما القشرة الخارجيه تقع كلها لوحدها و ساعتها نحدد لو في تدخل جراحي ... طبعا و لما واجهنا المستشفى بده مفيش اي رد فعل غير ان احنا هنبقى نحقق في الموضوع ... و كمان اكدو ان دي اول مرة يحصل اهمال في الحضانه عندهم و اتضح ان ده كله كدب و انهم لما بيحصل عندهم اهمال بيطرمخو عليه زي ما حصل معانا و مع ناس تانيه
https://m.facebook.com/story.php…
لما جوزي راح قسم مصر القديمه علشان يقدم بلاغ بكل الي حصل القسم طلع قوة معاه و راحو المستشفى و هناك موظفة العلاقات العامه اسمها مي قالت انهم على استعداد انهم يعملو الي احنا عايزينه ... كل طلبتنا كانت انهم يعلجو ابني صح عند الدكتور الي احنا هنجيبه و كلامها كله انهم موافقين ... و لما طلبنا اقرار بألتزمهم بعلاجه بدأت المماطله و ظهر واحد من اعضاء مجلس الأدارة اسمه د. احمد حسين لأستكمال المماطله ان احنا اه نتكفل بعلاجه بس من غير اوراق و لو العلاج طول سنه يعني يبقى ملناش دعوه!!!!!
كل الي احنا عايزينه دلوقتي هو دعاوتكم و ان المستشفى دي الناس تعرف ان اولادها مش بيكونو في امان فيها .... لازم يتفضحو في كل الدنيا
