21/12/2023
حاجات مش لازم نقلق منها في شهور الطفل الأولي :
1️⃣ لو الطفل بدأ لونه يصفر تاني يوم الولادة ، دي في الغالب صفراء فسيولوجية بتزول مع الوقت، هنقيس الصفراء مرة بالجهاز للاطمئنان مع الرضاعة.
2️⃣ العياط الكتييير ، الطفل في الشهور الأولي مفيش عنده لغة تواصل غير العياط ، يعني جعان هيعيط، حران هيعيط، بردان برضه هيعيط ، دا غير العياط بسبب المغص او بسبب التهاب مكان الحفاض، ده لغته للتواصل .
3️⃣ الطفل بيحزق كتير وبطنه محجرة ، متقلقيش ده بسبب الانتفاخات وطبيعي جدا، قطارة سايمثكون بعد الرضاعة وتكرعيه كويس.
4️⃣ ابني بيخنفر ومناخيره مسدودة، عادي متقلقيش مدام مفيش اعراض تانية زي السخونية أو النهجان أو الكحة، كل ما عليكي هتسلكي مناخيره بمحلول ملح بسرنجة أو شفاط انف، أو نقط اوتريفين بيبي سالين.
5️⃣ بنتي بترجع ، مفيش اي مشكلة الترجيع عرض شائع في الشهور الاول خاصة لو بترضعي الطفل كل ما يعيط ، معدته صغيرة بياخد كفايته والباقي بيرجعه، طالما الطفل بيزيد ف الوزن وبيعمل براز كويس متقلقيش لو بيرجع لبن.
دمتم سالمين ❤️
