
08/02/2024
إزاي أرفع معدل الحرق وأوصل للجسم المثالي :
١- إلغي من برنامجك الغذائي الوجبات السريعه والمشروبات الغازية والحلويات.
٢- فطارك يكون غني بالبروتين والدهون الصحيه لأن لها فاعليه كبيره في التحكم في رغبتك المستمره في تناول السكريات طول اليوم.
٣- إحرصي علي شرب القهوة بدون سكر لقدرتها علي تنشيط الجهاز العصبي بسبب إحتوائها علي نسبة ممتازه من مضادات الأكسدة.... وعند تناول القهوه مع ثمرة موز قبل التدريب بتديكي باور عالي.
٤- اهتمي في نظامك الغذائي بالكربوهيدرات المعقدة وده لأنها بتمد الجسم بالطاقه وبتساعد علي الشبع أطول وقت ممكن غير انها مصدر غذاء للعضله.
٥ - لازم تقسمي وجباتك من ٥ إلي ٦ وجبات منهم ٣ وجبات أساسيه ومن وجبتين إلي ٣ سناك وده علشان تفضلي محافظه علي طاقة جسمك ومستوي الإنسولين في الدم طول اليوم.
٦- حاولي تنوعي بين مصادر البروتين مابين النباتي والحيواني. وماتركزيش علي نوع واحد بس علشان الجسم ميتعودش عليه ويدخل في حالة ثبات للوزن.
٧- إدي للمشي إهتمام في روتين حياتك اليوميه وحاولي تستبدلي الاسانسير بالسلم. المشي أحسن رياضه تحرق الدهون غير انها بتظبط النفس.
٨- اهتم جدا بتناول الدهون الصحيه وده لقدرتها علي تحسين قدرة الجسم علي إذابة الدهون في القولون وطردها خارج الجسم وبالتالي قولون صحي أكتر وحرق بكفاءه أعلي غير ان لها دور كبير في القضاء علي الكوليسترول الضار في الجسم.
٩- إهتمي بالأكل الغني بالكالسيوم خلال فترة حرق الدهون وده لأنك بتفقدي كتير منه خصوصا في الدايت عالي البروتين.
١٠- تجنب الدايت اللي بيحتوي علي عنصر واحد زي دايت الميا او دايت الخضار لأنه بيرجع بالسلب علي الجسم كله وبيقلل الحرق جداااا.
لازم الدايت يحتوي علي جميع العناصر الغذائية ( كربوهيدرات - بروتين - دهون صحيه - الياف) بإختلاف النسب.
١١- ركز جداااا مع فيتامين E اللي بيكون متوفر جداااا في المكسرات النيه لانه من أهم مضادات الأكسده خلال عملية الحرق.