The Shack Counselling

29/04/2026

ويبنار مجاني
🎗️ رحلة بين الألم والأمل
دعم نفسي لمرضى السرطان ومقدمي الرعاية
في رحلات المرض الكبيرة في مشاعر كتير بتتخزن جوا الانسان من غير ما تتقال
وجع وخوف ووحدة حتى وهو وسط الناس
الويبنار ده مساحة آمنة 🤍 نتكلم فيها بصراحة وهدوء عن التجربة النفسية لمرضى السرطان وكمان لمقدمي الرعاية
لأن كل طرف شايل حمله بطريقته وغالبا محدش شايفه
هنتكلم خلال الويبنار عن
🔹 صوت المريض والمشاعر الأولى بعد التشخيص والمعاناة اللي بتستخبى
🔹 مقدم الرعاية والتعب النفسي اللي بيعيشه من غير ما يطلب مساعدة
🔹 الكلام اللي ممكن يجرح من غير قصد والكلام اللي فعلا بيدعم
🔹 الاحتياجات النفسية والعاطفية خلال رحلة المرض
🔹 معنى الأمل الحقيقي وإزاي نقدر نتمسك بيه من غير ضغط أو إنكار
الويبنار مناسب ل
💜 مريض بيخوض رحلة العلاج
🤲 أي حد بيقدم رعاية لمريض
❤️ شخص قريب من مريض ومش عارف يساعده ازاي
🌱 متعافي وعايز يفهم رحلته بشكل أعمق
مش لازم تعدي في الرحلة دي لوحدك
في مساحة هنا تشوفك وتسمعك من غير حكم 🤍
الميسرين للويبنار
👩‍⚕️ سحر عبد النعيم
مشيرة نفسية
حاصلة على دبلومة المشورة من مؤسسة بيت المشورة
حاصلة على دبلومة العلاج السلوكي المعرفي CBT
تدريب متخصص في إدارة مجموعات الدعم ومجموعات هنا والآن
تدريب متخصص في العلاج السلوكي الجدلي DBT
خبرة عملية في جلسات المشورة الفردية
متخصصة في الإرشاد النفسي ودعم الأفراد
تستخدم أدوات CBT و DBT بشكل عملي
لديها خبرة في قضايا التربية والأسرة وبناء الحدود الصحية والعلاقات الآمنة
عضو فريق المشورة بمؤسسة ذا شاك
👩‍⚕️ هبه بشاي
أخصائية نفسية
حاصلة على ماجستير في الصحة النفسية
حاصلة على تدريب متخصص في المشورة من The Shack
درسات متخصصة في المدارس العلاجية المختلفة
ACT و IFS و DBT و Schema Therapy
تعمل على دعم الأفراد في فهم ذواتهم والتعامل مع الضغوط النفسية بوعي ومرونة
المعاد والمكان
📅 الأربعاء ٦ مايو ٢٠٢٦
🕖 من الساعة ٧ إلى ٨:٣٠ مساء
💻 أونلاين عبر Zoom
للاشتراك عبر الانضمام للجروب
https://chat.whatsapp.com/GU2APUvVjQvKOcMBzF9Hj9?mode=gi_t

📩 للاستفسار والحجز
01556119766
او التواصل عبر واتساب
https://wa.me/+201556119766

29/04/2026

لسنوات طويلة ظل الإنسان يحاول أن يفهم
هل الحقيقة واحدة أم أن لكل شخص روايته الخاصة

وهل يمكن لقرار واحد بسيط أن يغيّر مصير أسرة كاملة

لأننا في كثير من الأحيان لا نرى إلا الجزء الذي يخصنا
ولا ندرك كيف تبدو الصورة كاملة من عيون الآخرين

انضم وانضمي لنا لنقترب أكثر من تعقيد النفس البشرية
ونفتح مساحة أوسع للفهم بدلًا من الحكم

هذه المرة نلتقي مع قصة تبدو عادية
لكنها تمس كل بيت وكل علاقة
سنرى أنفسنا في تفاصيلها دون أن نشعر

سنشاهد معًا فيلم
A Separation
أحد أهم أفلام السينما الإيرانية
والحاصل على جائزة الأوسكار لأفضل فيلم أجنبي

سنرافق أبطاله في رحلة مليئة بالاختيارات الصعبة
حيث تختلط الحقيقة بالوجهات المختلفة
وتصبح العدالة سؤالًا مفتوحًا لا إجابة واحدة له

هناك حيث سنكتشف
كيف يمكن للحب أن يتشابك مع الألم
وكيف تتحول النوايا الطيبة أحيانًا إلى نتائج موجعة
وكيف يحمل كل شخص داخله حقيقته الخاصة

انضم لنا لتستمتع بمشاهدة فيلم يحمل عمقًا إنسانيًا شديدًا
يجعلك ترى وتفهم وتشعر
لكن الأهم أنه يجعلك تتوقف قليلًا لتسأل نفسك
هل أنا أرى الحقيقة أم جزءًا منها فقط

📅 ننتظرك .. فلا تنس تسجيل الموعد

📅 الخميس 7 مايو
⏰ من 6 إلى 9 ونصف مساءً
📍 مؤسسة كوخ العائلة المصرية

📩 احجز مكانك الآن عبر واتساب
https://wa.me/201556119766

28/04/2026

الحب كله… في التفاصيل

قضينا وقت مختلف فعلا بين أزواج قرروا يقربوا من بعض تاني مش بالكلام الكبير لكن بالتفاصيل الصغيرة اللي كانت غايبة
رجعنا نكتشف بعض من خلال خرائط الحب وشفنا قد إيه في حاجات كتير لسه محتاجة تتشاف وتتسمع
ضحكنا على أسئلة بسيطة لكن إجاباتها كانت عميقة وصادقة بشكل لمس القلوب
اشتغلنا على تمارين خلت كل طرف يقف لحظة ويبص للتاني بعين جديدة فيها اهتمام وفضول مش اعتياد
كان في لحظات هدوء حقيقي اتقال فيها كلام يمكن ما اتقالش بقاله سنين
واتخلق جو آمن خلّى كل زوجين ياخدوا خطوة صغيرة ناحية القرب من غير ضغط أو خوف
اللي حصل مش مجرد ورشة لكن بداية رجوع لعلاقة فيها وعي واهتمام واحتواء

الحب فعلا ما بيختفيش… إحنا بس محتاجين نرجع نشوفه في التفاصيل

27/04/2026

سمعنا الأيام اللي فاتت عن انفصال جواز دام 25 سنة واكتر .
والسؤال اللي طلع في كل حتة:
“بعد العمر ده كله؟ إزاي؟”

الحقيقة إن الانفصال ما بيحصلش فجأة…
اللي بيحصل فجأة هو اكتشاف إننا بقالنا سنين تايهين.

بعد سنين طويلة من الجواز
بيحصل نوع من الاغتراب:
“مين الشخص ده؟
أنا معرفهوش…
ويمكن عمرنا ما وقفنا نعيد اكتشاف بعض”.

العشرة الطويلة أحيانًا بتخلّي العلاقة تشتغل على الأوتوماتيك.
بيت… مسؤوليات… أولاد… شغل…
لكن من غير مراجعة،
من غير سؤال:
“إحنا لسه مناسبين بعض؟
لسه شايفين بعض؟
لسه بنختار بعض؟”

إيه اللي بيوقع جوازات طويلة في الحفرة؟

1️⃣ عدم تجديد الرؤية

الناس بتتغير…
واللي ما يتغيرش مع التغيير،
بيبعد من غير ما يحس.

2️⃣ تراكم الوجع الصغير

مش خناقات كبيرة…
لكن سنين من عدم الشوفان،
كلام اتساب،
مشاعر اتكبتت
لحد ما القلب تعب.

3️⃣ العيش كشركاء إدارة مش شركاء حياة

كل واحد بيقوم بدوره…
بس مفيش قرب.
مفيش حنية.
مفيش مشاركة.

4️⃣ الصمت الطويل

السكوت اللي على حساب النفس.
اللي شكله هدوء…
وحقيقته انسحاب.

5️⃣ الإحساس المتأخر بالفراغ

يجي وقت – غالبًا بعد ما الأولاد يكبروا –
حد فيهم يبص حوالين نفسه ويقول:
“أنا عشت… بس ما اتحبتش”.

الانفصال بعد سنين مش خيانة للعِشرة…
أحيانًا بيكون صرخة متأخرة
إن العلاقة محتاجة كانت تتصان مش نعدي وخلاص.

أوعي الحفرة.
العلاقات الطويلة مش بتموت فجأة…
بتموت بالإهمال البطيء.

شايفين إيه أخطر سبب ممكن يهد جواز طويل؟
ولا لسه في أسباب تانية ما اتكلمناش عنها؟

26/04/2026

من النوح إلى السلام
رحلة سيكودراما لفهم الفقد والتعافي
في وجع بنعرف نحكيه
وفي وجع بنسكنه جوانا لسنين… من غير صوت
بس الحقيقة إنه عمره ما بيختفي
هو بس بيغير شكله… ويفضل عايش جوانا

💔 ذكريات فقد… حكايات ما اتقالتش
مشاعر اتحبست… ووجع ما اتعاشش للآخر

ورشة السيكودراما دي مش مجرد تجربة
هي مساحة آمنة نرجع فيها لنفسنا
نقرب من الألم… من غير ما نغرق فيه
نسمع صوت جوانا يمكن أول مرة نسمعه بصدق

🎭 هنشتغل بطريقة تفاعلية عميقة
كل واحد فينا هيكون جزء من الحكاية
مش متفرج… لكن حاضر بجزء منه

💭 هنستخدم السيكودراما وتقنيات من IFS علشان
نقرب من الأجزاء اللي موجوعة جوانا
نفهم مشاعر الفقد والنوح بشكل أعمق
ندي مساحة آمنة للتعبير من غير خوف أو حكم
نحرر مشاعر متخزنة بقالها سنين
ونبدأ نلمس معنى السلام الحقيقي من جوه

👥 الورشة مناسبة لأي حد حاسس بفقد
فقد شخص… علاقة… حلم… أو حتى نفسه القديمة

💛 لأن السلام مش إننا ننسى
لكن إننا نقدر نعيش من غير ما الوجع يفضل ماسك فينا

👥 الميسِّرين:
جرمين سعد و سماح إسحاق

🌟 جرمين سعد
مشيرة وميسّرة ورش للدعم النفسي

ماجستير في المشورة وعلم النفس – Southwest Bible College & Seminary، تكساس، 2018

دبلومة وفاق للأطفال والمراهقين – مؤسسة دوار، 2019

تدريب ديناميات الصدمة، تدريب المدارس العلاجية، تدريب بلاي باك – مركز جسور

برنامج سوا للعلاج بالسيكودراما (2022–2024)

كورس العلاج المتمركز حول المشاعر (EFT) – فردي وأسري، 2024

خبرة طويلة في تيسير ورش العلاج بالفن، الدعم النفسي، والسيكودراما بالتعاون مع جهات متعددة

مؤسسة ورئيسة مجلس إدارة مؤسسة "ذا شاك"

🌟 سماح إسحاق

ماجستير في المشورة والإرشاد النفسي – 2018، USA South West-College Seminary

التدريب على ديناميات الصدمة ومعالجتها (١٢ ساعة)

دبلومة دولية في التعامل مع السلوكيات القهرية الإدمانية (ISAACS) – 2018

دبلومة علاج بالسيكودراما مع الدكتور أحمد سواحل

تدريبات متخصصة في:
✅ العلاج الجدلي السلوكي (DBT)
✅ العلاج بالتقبل والالتزام (ACT)
✅ العلاج بنظام الأسرة الداخلي (IFS)

دبلومة المشورة من سنودس النيل الإنجيلي

مؤلفة وكاتبة مقالات توعية، ولها العديد من الكتب، منها:
📖 كراكيب نفسية
📖 قصة لم تكتمل

المعاد والمكان
📅 الخميس 14 مايو من 6 ل 10 مساء
📅 الجمعة 15 مايو من 11 صباحا ل 4 مساء
📅 السبت 16 مايو من 11 صباحا ل 4 مساء

📍 المكان
The Shack مصر الجديدة

📩 للاستفسار والحجز
01556119766
او التواصل عبر واتساب
https://wa.me/+201556119766

25/04/2026

الخيانة نقطة مفصلية
لكن التعامل معها محتاج وعي
ومساحة آمنة
وأدوات واضحة
مش انفجار ولا صمت

لو محتاجين دعم
راسلونا



#خيانة

23/04/2026

في علاقات كتير بتتكسر مش بخيانة ولا ضرب…
بتتكسر بـ هزار.
هزار باين إنه ضحك…
بس جواه تقليل.
وكلام بيتقال قدام العيلة أو الأولاد
ويتحسب على إنه “خفة دم”.
الجملة اللي بتطلع على سبيل الهزار:
– “ما هو دماغه على قده”
– “سيبكوا منها دي مش فاهمة”
– “أصل هو كده دايمًا”
الجملة دي ما بتضحكش الطرف التاني…
بتكسره.
الهزار الجارح بيعمل إيه؟
– بيهزّ صورة الشخص قدام نفسه
– بيكسر الأمان
– بيعلّم الأولاد إن التقليل عادي
– وبيخلّي الشريك يحس إنه مش في أمان حتى وهو وسط أهله
المشكلة مش في الضحك…
المشكلة إن الضحك يبقى على حساب كرامة حد بتحبه.
والأخطر؟
لما الشخص اللي بيتوجع
يتقال له:
“إنت مكبّر الموضوع”
أو
“عادي بنهزر؟!”
لكن الحقيقة:
الهزار اللي يوجع…
مش هزار.
أوعي الحفرة دي.
الكرامة قبل الضحك.
والأمان قبل خفة الدم.
عمرك اتوجعت من هزار قدام الناس؟
ولا شفت أثره على الأولاد؟
اكتبولنا رأيكم في التعليقات.

22/04/2026

منتظرنكم انهارده
وبينار المراهقة
الساعه ٧ مساء

&*✦ ويبنار مجاني ✦*
*لأول مرة في شاك 🤩*
*ويبنار يجمع بين الحضور المباشر والأونلاين*

*وبينار المراهقة*
*فهم أعمق لمرحلة حساسة وبناء تواصل أكثر وعيًا مع المراهق*

مرحلة المراهقة من أكثر المراحل التي تحتاج إلى فهم ووعي وصبر
لأنها ليست مجرد تغيرات عمرية عابرة
لكنها مرحلة مليئة بالتحولات النفسية والانفعالية والسلوكية التي تؤثر على المراهق وعلى الأسرة كلها

في هذا الويبينار سنتناول فهمًا أعمق لطبيعة المراهقة
واحتياجات المراهق النفسية والانفعالية
وأهم التحديات التي قد تظهر في هذه المرحلة
وكيف يمكن التعامل معها بشكل أكثر وعيًا واتزانًا
بما يساعد على بناء علاقة أكثر أمانًا واحتواءً وفهمًا

*الميسرات للويبينار*

*منة محمد*
أخصائية دعم نفسي واجتماعي للأطفال والمراهقين ومتخصصة في تعديل السلوك
تعمل كأخصائية نفسية اجتماعية داخل المدارس وتقدم جلسات فردية وأنشطة تفاعلية لدعم التنظيم الانفعالي وتنمية مهارات التواصل والنمو النفسي والاجتماعي
لديها خبرة في العمل داخل البيئات التعليمية والعلاجية وتقديم ورش حول التعبير عن المشاعر وتقدير الذات والصورة الذاتية
تعتمد على أساليب علاجية متنوعة تشمل الأنشطة التعبيرية والفنية والحركية وتقنيات تعديل السلوك
حاصلة على بكالوريوس اضطرابات السلوك والانفعال إلى جانب تدريبات متخصصة في الإرشاد والتحليل النفسي وIFS والعلاج بالفن والعمل مع الأطفال والمراهقين

*سحر عبد النعيم*
مشيرة نفسية ومعالج سلوكي معرفي
متخصصة في استخدام أدوات CBT وDBT بشكل عملي لدعم الأفراد في فهم مشاعرهم والتعامل مع التحديات النفسية والحياتية
لديها خبرة في الإرشاد الأسري والتربوي وتعمل على بناء حدود صحية وتعزيز التواصل داخل الأسرة
ضمن فريق المشورة بمؤسسة The Shack وتقدم دعم نفسي للأفراد والأسر مع التركيز على رفع الوعي وتطوير مهارات التعامل مع الضغوط
حاصلة على تدريبات متخصصة في إدارة المجموعات والمدارس العلاجية CBT وDBT

*المعاد*
يوم الأربعاء 22 أبريل
من 7 مساءً إلى 8:30 مساءً

*المكان*
حضور مباشر وأونلاين

📍 المكان
The Shack مصر الجديدة
&ZOOM
📩 والحجز
https://chat.whatsapp.com/ENVKpzNI02aDaGkKKMk8uV?mode=gi_t

او التواصل عبر واتساب
https://wa.me/+201556119766

20/04/2026

في نوع تاني من “الحفر” اللي العلاقات تقع فيها من غير ما تاخد بالها:
البُخل العاطفي.
ومش قصته بس إن حد مايعبرش…
أوقات كتير بيكون شكله كده:
• ردود مقتضبة
• مجاملات قليلة
• مشاعر مش بنعبر عنها
• أو إحساس إن الطرف التاني مش فارق معاه إنك تعبان/زعلان/فرحان
لكن الحقيقة؟
البُخل العاطفي مش دايمًا قسوة…
ساعات بيكون خوف من التعلّق بعد فقد أو جرح كبير.
الشخص يقول لنفسه:
“لو فتحت قلبي… هخسر تاني.”
فيشدّ على نفسه… ويشدّ على مشاعره.
النتيجة؟
العلاقة تتنفس بصعوبة…
والقرب يبقى دايمًا ناقص خطوة.
عمرك حسيت إنك بتدي في العلاقة أكتر بكتير مما بتاخد؟
أو قابلتِ/قابلت شخص جواه حب… بس بيطلّعه بقطارة؟
وإيه أكتر شكل من أشكال البخل العاطفي مرّ عليكم؟
شاركونا في التعليقات…

19/04/2026

التعلق مش ضعف
ده غريزة بقاء اتبرمجنا عليها عشان نحس بالأمان ونفضل عايشين

ويبنار لإيهاب يوسف عن التعلق مع سحر نعيم
لمشاهدة الويبنار كامل اللينك في تعليقات

18/04/2026

جروب إدارة الغضب 🔥

الجروب اكتمل بالكامل
Fully Booked

الاماكن اتحجزت بشكل سريع
وده بيعكس قد ايه في احتياج حقيقي نفهم الغضب بدل ما نخاف منه او نهرب منه

الغضب مش مشكلة
لكن الطريقة اللي بنتعامل بيها معاه هي اللي بتحدد
هل هيقربنا من نفسنا
ولا يبعدنا عن الناس اللي بنحبهم

شكرا لكل حد قرر ياخد خطوة
ويواجه نفسه بصدق
ويتعلم ازاي يحول الغضب من رد فعل مؤذي
لصوت مفهوم واحتياج متشاف

لو ما لحقتش تحجز المرة دي
هنفتح جروب جديد قريبا

لان الواضح
ان في مشاعر كتير محتاجة مساحة آمنة
وان في ناس مستعدة تفهم نفسها بعمق اكبر

انتظروا المعاد الجديد قريبا

📍 المكان
The Shack مصر الجديدة

📩 للاستفسار والحجز
01556119766
او التواصل عبر واتساب
https://wa.me/+201556119766

18/04/2026

مش كل جواز بيقوم على الحب بس
حسب نظرية جوتمان الصداقة هي الأساس الحقيقي للعلاقة
إنكم تعرفوا بعض بعمق وتهتموا بتفاصيل بعض ده اللي بيبني الأمان
الاهتمام البسيط والاستجابة لبعض بيقووا العلاقة أكتر من أي كلام كبير
الصداقة مش رفاهية دي اللي شايلة العلاقة وقت الخلاف وقبل الهدوء



#زواج
#علاقات