Howayda Al Demerdash - Harmony Co.

Howayda Al Demerdash - Harmony Co. Marriage & Family Therapist | Since 2006
Private counseling for Relationship, Marriage & Family challenges
1:1 Sessions | Professional Diplomas & Programs

30/04/2026

محتاجين 10 دقايق بس…

قالتها بهدوء…
رد عليها وهو عينه على الموبايل:
معلش يا حبيبتي اليومين دول مضغوط شوية

كان بيقلب في الإيميلات وعقله لسه في الشغل...
هي قالت: ماشي وسكتت

تاني يوم رجعت قالتله : ممكن نتكلم شوية؟
قال: طب أخلص بس اللي في إيدي ده
عدى وقت وهي قاعدة مستنية بس المرة دي ما سألتش تاني...

بعدها بكام يوم…

رجع متأخر لقاها نايمة فقعد جنبها شوية…
وبص في وشها وحس إن في حاجة اتغيرت.
هي جنبه بس مش قريبة زي الأول...

هو كان فاكر إنها مستنية وقت…
بس هي وصلت إنها بطلت تستنى

هي ما كانتش محتاجة يوم كامل ولا خروجة…
كل اللي كانت محتاجاه 10 دقايق بس باهتمام ووجود حقيقي...
محتاجة شعور انها متشافه، موجودة، وأولوية ودا كله ماحصلش...

🗨️ ياترى في حد في حياتك محتاج منك وقت بسيط وانت سايبه مستني؟



سامحت بس لسه موجوع !في فرق بين إنك تقول عدت…وإنها فعلًا تعدي...في ناس سامحت بالكلام لكن الألم لسه جواهم موجود...لسه بيفت...
30/04/2026

سامحت بس لسه موجوع !

في فرق بين إنك تقول عدت…
وإنها فعلًا تعدي...

في ناس سامحت بالكلام لكن الألم لسه جواهم موجود...
لسه بيفتكروا ويتوجعوا...
لسه بيخافوا يجربوا تاني...
لسه في جزء منهم واقف عند اللحظة القديمة...

التسامح الحقيقي مش إنك تنكر اللي حصل…
التسامح الحقيقي إنك تتحرر من أثره.
ومش لازم تنسى بس المهم تبطل تعيش جواه...

✨ كورس مفتاح السعادة التصالح مع الماضي
✅ هيعلمك معنى التسامح الصحي، وإزاي تخرج من أسر الذكريات المؤلمة، وتعيش خفيف تاني

🎯 الخطوة الأولى مش إنك تنسى…
الخطوة الأولى إنك تقرر تعيش خفيف تاني.
📩 اشترك في الكورس وابدأ رحلتك دلوقتي.
🔗 لينك الاشتراك في أول تعليق



29/04/2026

الفلوس خربت النفوس!

في خلافات بين الكبار اللي بيشيل إحساسها طفل صغير
الطفل مش فاهم تفاصيل اللي بيحصل بينكو
بس بيفهم حاجة واحدة: هل هو آمن؟
ولا ممكن احتياجاته تتأثر في أي لحظة؟

لما الأمان يرتبط بالخلاف…
الإحساس ده بيفضل جواه وهو بيكبر.

الموضوع مش مجرد فلوس…
الموضوع شعور بيتبني أو بيتكسر
وللاسف الطفل مش طرف في الخلاف لكن بيكون أكتر واحد متأذي فيه...

لو شايف إن الخلافات بدأت تأثر على أولادك يمكن الوقت إنك تبص للموضوع بشكل أعمق.
✨ مع أ/ هويدا الدمرداش المستشارة في العلاقات الأسرية بنشتغل على تنظيم العلاقة بشكل يحمي أطفالك ويقلل الأثر النفسي عليهم...

⬅️ اكتب "استشارة" في الكومنت
وهنبعتلك كل التفاصيل في رسالة 👇



الصمت أخطر من الخناق وده اللي محدش بيقوله‼️ بتاكلوا سوا وكل واحد ماسك تليفونه...بتناموا جنب بعض وكل واحد بعيد...اليوم بي...
29/04/2026

الصمت أخطر من الخناق وده اللي محدش بيقوله‼️

بتاكلوا سوا وكل واحد ماسك تليفونه...
بتناموا جنب بعض وكل واحد بعيد...
اليوم بيعدي بهدوء بس من غير كلام حقيقي !

مفيش مشاكل في حاجة أصعب من كده
في مسافة بتكبر كل يوم من غير ما حد ياخد باله...

العلاقات مش بتنهار دايمًا بخناقة كبيرة
بتنهار لما الاتنين يقرروا من غير ما يعرفوا
إنهم يسكتوا بدل ما يتكلموا...

لو حاسس بالمسافة دي ومش عارف إزاي تكسرها من غير ما الكلام يتحول لخناقة
ده بالظبط اللي هتتعلمه 👇
✨في كورس مهارات التواصل بين الأزواج
عشان تكسر الصمت وترجعوا أقرب من أي وقت
🔗 لينك الاشتراك في أول تعليق



وحدك فيهاأصعب شعور في العلاقة إنك تبقى لوحدك فيها...بتحاول، بتقرب، بتصلح...والطرف التاني سايب كل حاجة تمشي من غير مجهود....
28/04/2026

وحدك فيها

أصعب شعور في العلاقة إنك تبقى لوحدك فيها...
بتحاول، بتقرب، بتصلح...
والطرف التاني سايب كل حاجة تمشي من غير مجهود...

قال النبي ﷺ: "خيركم خيركم لأهله"
مش خيركم لبره البيت وجوه البيت صامت.

ومع الوقت بتتعب...
مش من العلاقة نفسها لكن من إنك شايلها لوحدك.
العلاقة مش بتقوم بطرف واحد ولا بتكمل بمجهود واحد...

ربنا قال: ﴿وجعل بينكم مودة ورحمة﴾
و"بينكم" دي محتاجة اتنين مش واحد بس

العلاقة محتاجة طرفين بيحاولوا حتى لو بيغلطوا.
ولو لقيت نفسك بتحاول لوحدك مش معناه إنك غلطان...
معناه إن في طرف لسه مش منتبه لقيمة اللي بينكم.

وده وقت الكلام...
ووقت محاولة الإصلاح...
مش وقت الصمت!

💬 لو قدرت تقول جملة واحدة للشخص ده دلوقتي هتقول إيه؟



ّية

28/04/2026

ولادك بيقلدوك كل يوم!

أولادك مش بيسمعوك هما بيراقبوك...
لما بيشوفوا أبوهم يحترم أمهك مش بيتعلموا إن الاحترام واجب
بيتعلموا إن الاحترام طبيعي...
ولما بيشوفوا أمهم بتقدر أبوهم مش بيحفظوا كلمة... بيحفظوا مشهد

ولما بيشوفوا خلاف بيتحل بهدوء…
بيتعلموا إن الاختلاف مش حرب وإن الحب مش غياب المشاكل…
لكن الحب هو إزاي بتتعامل معاها

ولما بيشوفوا اعتذار…
بيتعلموا إن القوة مش عناد وإن الغلط مش عيب...
العيب إنك ما تعترفش

قال ﷺ: "كلكم راعٍ وكلكم مسؤول عن رعيته"
أول رعية اللي بيناموا في أوضة جنبك...
البيت مش فصل دراسي مفيهوش سبورة ولا كتب...
البيت شاشة شغالة على طول وأولادك بيتفرجوا...

إيه المشهد اللي تتمنى يفضل معاهم للآخر؟


27/04/2026

قبل السكوت

قعدت ساعة كاملة تكتب رسالة فيها كل حاجة جواها…
الزعل، الضغط، الإحساس إنها مش مسموعة
كتبت: "أنا حاسة إني لوحدي…"
وقفت شوية ومسحت
و كتبت: "إنت مش مهتم بيا زي الأول…"
كانت كل مرة تقرب إنها تبعت…
وتقرب أكتر إنها تتراجع...
مش خوف منه قد ما هو خوف من اللي ممكن يحصل بعد ما تقول...
من إن تتفهم غلط أو يتقال عليها نكدية...

وفي لحظة قفلت الموبايل وكأنها ما قفلتش الرسالة بس…
قفلت الموضوع كله وقالت لنفسها:
"مش مستاهلة خليه يعدي"

تاني يوم…
اتعاملوا عادي، كلام عادي، ردود عادية، وابتسامات عادية بس حاجة جواها اتطفت...
وبعدها بقت بتسكت أسرع...
وبعدها بطلت تحكي....

لحد ما بقوا بيتكلموا بس مفيش حاجة واصلة
ويمكن دي مش أول رسالة ما اتبعتتش!

العلاقة دي ما باظتش في يوم
هي باظت من أول مرة…
اختارت تسكت علشان خايفة ما تتفهمش
ومن بعدها ما بقاش في حاجة تتكتب ولا حاجة تتقال...

🗨️ يا ترى كم رسالة جواك ما اتبعتتش؟



مش صدفة إن علاقاتك بتنتهي بنفس الشكل!🔻نفس الإحساس🔻 نفس القلق🔻 أو نفس الهروبكل مرة بتقول المرة دي مختلفة بس في الآخر بترج...
27/04/2026

مش صدفة إن علاقاتك بتنتهي بنفس الشكل!
🔻نفس الإحساس
🔻 نفس القلق
🔻 أو نفس الهروب

كل مرة بتقول المرة دي مختلفة بس في الآخر بترجع لنفس النتيجة...

الموضوع مش اختيار غلط بس
الموضوع إنك بتتحرك من نمط جواك
هو اللي بيكرر نفس القصة...

الاختبار ده هيساعدك تشوف نفسك بشكل أوضح
بس الفهم الحقيقي بيبدأ لما تقرر تبص جواك بجد
💬 قولي نتيجتك كانت إيه؟ A ولا B ولا C؟

🔗 لينك حجز الاستشارات في أول تعليق



26/04/2026

السَّكن الحقيقي..

أين يذهب الإنسان بعد يوم طويل حين يرهقه العالم، وتستنزفه الطرق، ويعود بقلبٍ أثقل من خطواته؟

في لحظة تعبك…
لما ترجع من زحمة الحياة بعد كلام كتير وضغط ما بيخلصش ووشوش أخدت منك أكتر ما ادتك…
لما يكون يومك مليان مسؤوليات وعقلك مش عارف يهدى وروحك نفسها في مكان ترتاح فيه…

في اللحظات دي…
إنت مش بتدور على بيت كبير ولا فرش شيك ولا شكل قدام الناس…

إنت بتدور على سَكن...
على باب أول ما تدخله تحس إنك هديت...
على شخص أول ما تشوفه حاجة جواك ترتاح...
على صوت يخفف صخب يومك...
على حضن يقولك من غير كلام.خلاص إنت وصلت...

وعشان كده ربنا وصف الزواج بأعمق وصف فقال:
﴿وَمِنْ آيَاتِهِ أَنْ خَلَقَ لَكُم مِن أَنفُسِكُمْ أَزْوَاجًا لِّتَسْكُنُوا إِلَيْهَا﴾

تأمل المعنى…
ما قالش تسكنوا معها… قال إليها
يعني السكن مش مكان...السكن إنسان.
إنسان تهرب من دوشة الدنيا له مش منه
ترجع مكسور… فيجبرك.
مرهق… فيريحك.
تايه… فيطمنك.

السكن الحقيقي…
إن البيت يبقى راحة، مش جولة جديدة من التعب..
إنك تدخل بيتك مش محتاج تدافع عن نفسك ولا تلبس وش جديد.ولا تستعد لخناقة...
إن في حد يفهم من سكوتك إنك تعبان ومن نظرتك إنك محتاج حضن...

كم بيت شكله جميل بس اللي جواه تعبانين ومخنوقين...
وكم بيت بسيط جدًا لكن فيه سكينة تخلي أهله أغنى ناس...

فلما تختار شريك حياة ما تدورش بس على حد يملأ البيت...
دور على حد يملأ قلبك راحة...
ولما تكون أنت شريك اسأل نفسك:
أنا راحة للي معايا ولا عبء جديد عليه؟

فالإنسان قد يجد في الدنيا أماكن كثيرة…
لكن قليلًا ما يجد بيتًا يسكن إليه.

اجعل بيتك موطن رحمة…
فالعالم في الخارج قاسٍ بما فيه الكفاية.



ّية

26/04/2026

أخطر وهم إنك فاكر القلق حب !
لو بتتوتر من تأخير الرد… البوست ده ليك👇🏻

في علاقات بتخليك مش على بعضك
مستني رد…
مستني اهتمام…
مستني تطمن...
بتبص للموبايل كل شوية مرة واتنين وعشرة...

وتفضل تقول لنفسك: "عادي أكيد مشغول"
بس جواك حاجة بتشدك وتقولك: "طب ليه مش مهتم زيي؟"
ومع كل تأخير ثقتك بتقل وقيمتك في عينيك بتتهز...
لحد ما تلاقي نفسك مستني كلمة علشان تحس إنك كويس...

وهنا المشكلة إنت مش بتحب…
إنت بتستنى حد يطمنك إنك مهم!
وده مش حب ده تعلق بيستهلكك واحدة واحدة لأن الحب الحقيقي مش بيخليك طول الوقت قلقان ولا مستني إثبات...

لكن في نوع تاني من القرب هادي، مريح مفيهوش شد أعصاب...
تحس فيه إنك ثابت مش محتاج تطلب اهتمام ولا تفسر نفسك...
شخص فاهمك، قابلك وقادر يحتويك
✨ زي ما قال ابن القيم:
"القلب لا يطمئن إلا بما يألفه ويأنس به"

الأمان الحقيقي مش إنك تفضل تطمن نفسك
الأمان إنك تكون مع حد بيطمنك 🤍
💬 قولي: إيه أكتر حاجة كانت بتخليك تفقد إحساسك بالأمان؟"



25/04/2026

٣ أفعال حب لو قدمتهم… هتاخد قصادهم ٣ تانين 💞

مش كل اللي بتديه بيتشاف حب....
وفي ناس بتحب بصدق…
لكن بتفضل حاسة إنها بتدي لوحدها...

مش لأن الطرف التاني ما بيحبش…
لكن لأن الحب لو ما وصلش بالشكل الصح بيتوه...

الحب مش مشاعر بس...
الحب أفعال بتتقال من غير كلام...💞

وده اللي بنفهمه جوه Harmony Cycle
٢٥ فعل حب وكل فعل بيفتح باب لفعل تاني....
و بندرسهم بعمق داخل Family Diploma 🤍

لو نفسك علاقتك يبقى فيها حب مفهوم
🔗 لينك الاشتراك في أول تعليق



دوائر مؤذية بتدخل علاقة وتخاف؟بتتعلق بسرعة؟بتكرر نفس النوع اللي بيوجعك؟بتحس إنك كل مرة بتعيد نفس القصة؟يمكن المشكلة مش ف...
25/04/2026

دوائر مؤذية

بتدخل علاقة وتخاف؟
بتتعلق بسرعة؟
بتكرر نفس النوع اللي بيوجعك؟
بتحس إنك كل مرة بتعيد نفس القصة؟

يمكن المشكلة مش في الناس...
يمكن في أثر قديم خلاك تشوف الحب بخوف وتعيش القرب بقلق…
وتختار من نفس الجرح كل مرة...

✨ علشان كده جهزنا لك "كورس مفتاح السعادة التصالح مع الماضي"
هتتعلم فيه إزاي:
✔️ تفهم ليه نفس العلاقات بتتكرر
✔️ تتحرر من آثار الخذلان والرفض القديم
✔️ تبني حدود صحية من غير خوف
✔️ تختار بعقل أهدى وقلب أوعى
✔️ تعيش علاقات صحية بدل دوائر الألم

📌 لو تعبت من نفس النهاية كل مرة يمكن الوقت جه تغير البداية...
🌍 الكورس مُسجل أونلاين
🔗 لينك الاشتراك في أول تعليق



Address

65 South Lotus, 9th District, Fifth Settlement, New
Cairo

Opening Hours

Monday 12pm - 8pm
Tuesday 12pm - 8pm
Wednesday 12pm - 8pm
Thursday 12pm - 8pm
Saturday 12pm - 8pm
Sunday 12pm - 8pm

Telephone

+201000771776

Website

Alerts

Be the first to know and let us send you an email when Howayda Al Demerdash - Harmony Co. posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Howayda Al Demerdash - Harmony Co.:

Shortcuts

Share

Category