Sally Pharmacy

18/07/2025

ماهو الفرق الهام بين سيبروفلوكساسين وليفوفلوكساسين؟

الفرق الهام بين سيبروفلوكساسين وليفوفلوكساسين هو أن ليفوفلوكساسين يمتاز بطيف مضاد أوسع ضد الجراثيم موجبة الغرام وخاصة المكورات الرئوية، مما يجعله الخيار الأفضل في حالات مثل التهاب الرئة المكتسب من المجتمع، بينما سيبروفلوكساسين أكثر فعالية ضد الجراثيم سالبة الغرام مثل الزائفة الزنجارية Pseudomonas، ويُستخدم غالباً في التهابات المسالك البولية والعدوى داخل المستشفيات؛ كما أن ليفوفلوكساسين يُعطى مرة واحدة يوميًا بسبب نصف عمره الأطول، في حين يُعطى السيبروفلوكساسين مرتين يومياً مما قد يؤثر على الالتزام العلاجي.

06/07/2025

لو بتاخد مسكنات من نوع الـNSAIDs، أو بتوصفها كتير في الصيدلية… يبقى البوست ده لازم يكون عندك محفوظ، لأنه ممكن يخلّصك من مشاكل كتير بتحصل بسبب جرعة غلط، أو نوع مش مناسب، أو حتى معاد مش في مكانه.

ناس كتير بتفكّر إن كل المسكنات زي بعضها… لكن الحقيقة إن كل نوع فيهم ليه استخدام مختلف، وجرعة مختلفة، وتحذيرات مهمة ممكن تقلب بوجع بدل ما تخففه.

تعالى نمشي مع بعض وحدة وحدة ونفهم أشهر الأنواع ونفرّق بينهم 👇

━━━━━━━━━━━━━━━━━━━

🔹 إيبوبروفين

🧪 بيقلل الالتهاب والحرارة والألم
💊 200 – 400 مجم كل 4–6 ساعات
🚫 أقصى حاجة 1200 مجم بدون وصفة، أو 3200 بوصفة
⏱️ بعد الأكل
⚠️ مش مناسب للي عنده مشاكل كلى أو قرحة

━━━━━━━━━━━━━━━━━━━

🔹 ديكلوفيناك

لو الإيبوبروفين مش بيكفي… كتير بيلجأوا للديكلوفيناك.

🧪 فعاليته أعلى، مفيد لآلام المفاصل والعضلات
💊 50 مجم مرتين يوميًا (ممكن 75 حسب الحالة)
⏱️ بعد الأكل
⚠️ ممنوع مع الضغط العالي أو أمراض القلب
🚫 ممنوع تمامًا في آخر 3 شهور من الحمل

━━━━━━━━━━━━━━━━━━━

🔹 نابروكسين

ولو بتدور على حاجة مفعولها يطوّل شوية… النابروكسين حل ممتاز.

🧪 طويل المفعول، ممتاز لآلام الروماتويد
💊 250 – 500 مجم كل 12 ساعة
🚫 الحد الأقصى 660 مجم يوميًا
⏱️ بعد الأكل
⚠️ أقل خطر على القلب من غيره… بس برضه بحذر

━━━━━━━━━━━━━━━━━━━

🔹 كيتوبروفين

ولو محتاج حاجة تبدأ تشتغل بسرعة وتخفف ألم حاد… يبقى الكيتوبروفين هو اختيارك.

🧪 أسرع شوية في مفعوله، مناسب للألم الحاد
💊 25 – 50 مجم كل 6–8 ساعات
🚫 الحد الأقصى 300 مجم يوميًا
⏱️ بعد الأكل
⚠️ مش مفضل لو بتاخد أدوية سيولة أو عندك مشاكل في المعدة

━━━━━━━━━━━━━━━━━━━

🔹 ميفيناميك أسيد

أما في آلا.م الدورة الشهرية… فالميفيناميك أسيد بيبقى الاختيار الأول عند بنات وستات كتير.

🧪 بيستخدم كتير في آلام الدورة
💊 250 – 500 مجم كل 8 ساعات
⏱️ بعد الأكل
⚠️ مايتاخدش أكتر من 7 أيام ورا بعض

━━━━━━━━━━━━━━━━━━━

🔹 إيتوريكوكسيب

طب لو المريض عنده تاريخ مع مشاكل في المعدة؟ بنلجأ أحيانًا لأنواع ألطف زي الإيتوريكوكسيب.

🧪 من أدوية COX-2 → ألطف شوية على المعدة
💊 60 – 90 مجم مرة يوميًا
⏱️ بعد الأكل
⚠️ خطره أعلى على القلب، يُمنع لو في تاريخ سكتات

━━━━━━━━━━━━━━━━━━━

🔹 سيليكوكسيب

نفس الفكرة مع السيليكوكسيب، بس بيعتبر أهدى شوية من ناحية التأثير.

🧪 شبيه بالإيتوريكوكسيب لكن أقل شدة
💊 100 – 200 مجم مرتين يوميًا
⏱️ بعد الأكل
⚠️ يُستخدم بحذر لو في أمراض مزمنة

━━━━━━━━━━━━━━━━━━━

🚫 ممنوع استخدام الـNSAIDs في الحالات دي:

وهنا لازم نوقف ونفكر… مش أي حد ينفع ياخد المسكنات دي، ودي أهم الحالات اللي يُمنع فيها استخدامها:

– قرحة نشطة أو نزيـ.ف معدي
– فشل كلوي أو كبدي
– حمل في الشهور الأخيرة
– مرضى القلب أو اللي عندهم دعامات
– مع أدوية السيولة من غير إشراف طبي

━━━━━━━━━━━━━━━━━━━

❌ أوعى تجمع بين نوعين من الـNSAIDs

ناس كتير بتفتكر إن تنويع المسكنات بيزود الفعالية… لكن الحقيقة العكس:

– استخدام نوع الصبح ونوع تاني بالليل مش بيساعد، ده بيزود الخطر
– خليك على نوع واحد، وبالجرعة الصحيحة

━━━━━━━━━━━━━━━━━━━

🧩 ممكن تضيف مع المسكن:

وساعات بنحتاج نضيف حاجات مع المسكن نفسه علشان نحسّن تأثيره أو نقلل ضرره:

– 🔰 مثبّتات المعدة (PPI) لو المعدة حساسة
– 💪 باسط عضلات في الشد العضلي
– 🌸 ماغنيسيوم مع آلام الدورة

━━━━━━━━━━━━━━━━━━━

🔁 بدائل آمنة لبعض الناس:

لو المسكنات دي مش مناسبة ليك، فيه بدائل أأمن ممكن تريحك من غير مضاعفات:

– ✅ باراسيتامول → آمن نسبيًا على المعدة والكلى
– 💆 جيل موضعي → لو الألم في مكان محدد
– 🧘 تمارين علاجية أو علاج طبيعي

━━━━━━━━━━━━━━━━━━━

📌 أشهر الأخطاء اللي بنشوفها:

عشان ما تقعش في نفس الغلط اللي بيقع فيه غيرك، دي أشهر الأخطاء اللي بنشوفها يوميًا:

– 💥 تاخده على معدة فاضية = مغص وقرحة
– ⏳ تكرار الجرعة بدري = خطر تسمم
– 📆 استخدامه بشكل يومي من غير سبب
– ❤️ مريض قلب بياخده كل يوم = كارثة!

━━━━━━━━━━━━━━━━━━━

⏱️ مدة الاستخدام الآمن:

كل دواء ليه فترة ممكن تستخدمه فيها بأمان، والـNSAIDs بالذات لازم ناخد بالنا:

– يفضل استخدام الـNSAIDs من 3 لـ7 أيام بحد أقصى بدون متابعة طبية
– لو الألم مزمن (زي خشونة أو روماتويد)، لازم يكون تحت إشراف طبي منتظم

━━━━━━━━━━━━━━━━━━━

🧴 الجيل والكريمات الموضعية:

بديل رائع لو الألم في مكان محدد:

– مفيدة جدًا لو الألم موضعي (ركبة – عضلة – مفصل)
– آمنة لكبار السن واللي عندهم مشاكل في المعدة
– تُستخدم 3–4 مرات في اليوم بالتدليك بلُطف

━━━━━━━━━━━━━━━━━━━

👶 الحمل والرضاعة:

الـNSAIDs في الحمل والرضاعة محتاجين حذر شديد:

– أول 3 شهور: يُستخدم بحذر شديد وتحت إشراف طبي
– الشهور الأخيرة (من الأسبوع 28): ❌ ممنوع تمامًا
– الرضاعة: يُفضل تجنبهم، ماعدا إيبوبروفين بجرعات قصيرة وتحت إشراف طبي

━━━━━━━━━━━━━━━━━━━

👴 كبار السن:

الفئة دي أكتر ناس ممكن يتأثروا:

– نبدأ بأقل جرعة ممكنة ومدة قصيرة
– نفضّل البدائل الموضعية أو باراسيتامول

━━━━━━━━━━━━━━━━━━━

💉 الحقن:

مش علشان الحقنة ريّحتك يبقى نستخدمها كل يوم:

– تُستخدم فقط في الألم الحاد جدًا ولمدة قصيرة
– مش آمنة لوحدها بدون إشراف، خصوصًا مع ضغط عالي أو كلى ضعيفة

━━━━━━━━━━━━━━━━━━━

💊 التداخلات الدوائية المهمة:

قبل ما تدي المسكن لأي مريض، اسأل نفسك بياخد إيه كمان؟

– مع مدرات البول أو ACE inhibitors = خطر على الكلى
– مع أدوية السيولة = خطر نزيف
– مع الكورتيزون أو SSRIs = يزيد خطر النزيف المعدي

━━━━━━━━━━━━━━━━━━━

🌙 تاخده قبل النوم؟

ممكن؟ آه… لكن الأفضل:

– بعد الفطار أو الغدا
– قبل النوم ممكن يعمل حرقة أو مغص يصحيك من النوم

━━━━━━━━━━━━━━━━━━━

🔬 الميكانيزم ببساطة:

علشان تفهم بتشتغل إزاي وليه بتعمل مشاكل:

– الـNSAIDs بتشتغل عن طريق تثبيط إنزيم COX
– COX-1 مسؤول عن حماية المعدة والكلى
– COX-2 مسؤول عن الالتهاب
– عشان كده كل ما الدوا يثبط COX-1 أكتر → يزيد الضرر للمعدة

━━━━━━━━━━━━━━━━━━━

🧾 مع المضاد الحيوي؟

مفيش تعارض مباشر، بس خد بالك:

– ممنوع مع بعض الأنواع اللي بتضغط على الكلى (زي جنتاميسين أو فانكوميسين)
– أو مع السيبروفلوكساسين لو المريض عنده استعداد للتشنجات

━━━━━━━━━━━━━━━━━━━

🦷 بعد الجراحة أو خلع الضرس؟

مش كل الحالات تنفع فيها الـNSAIDs:

– بعض الدراسات قالت إنها ممكن تأخر التئام الجروح
– الأفضل باراسيتامول في أول يومين، وبعدها نحدد حسب الحالة

━━━━━━━━━━━━━━━━━━━

🏋️ الرياضيين والجيم:

بعد التمرين مباشرة؟ استنى شوية:

– المسكنات ممكن تضعف تعافي العضلة
– الأفضل التبريد، المساج، أو باراسيتامول

━━━━━━━━━━━━━━━━━━━

🩸 مع اللولب أو النزيـ.ف الرحمي:

آه ممكن يفيد في تقليل النزيـ.ف… بس مش لكل الحالات:

– ممكن تقلل النزيـ.ف الناتج عن اللولب في بعض السيدات
– لكن لازم يكون تحت إشراف طبي.
━━━━━━━━━━━━━━━━━━━

✅ الخلاصة:
🔹 استخدم نوع واحد من الـNSAIDs فقط – بلاش تخلط أنواع
🔹 خليك دايمًا على أقل جرعة ممكنة ولأقل مدة ممكنة
🔹 لازم يتاخد بعد الأكل علشان تحمي معدتك
🔹 لو عندك مشاكل في الكلى، القلب، المعدة، أو حامل → استشير دكتورك قبل أي مسكن
🔹 الباراسيتامول والجيل الموضعي بدائل آمنة في حالات كتير
🔹 ممنوع تمامًا في آخر شهور الحمل أو مع أدوية السيولة بدون إشراف
🔹 المسكن مش حل دائم… لو الألم متكرر أو مزمن → لازم تشخيص ومتابعة

خليك واعي… وخلي الدوا في خدمتك مش ضدك.

28/06/2025

28/06/2025

مخاطر تناول أدوية منتهية الصلاحية ومغشوشة

تحتفظ بعض الأدوية بخصائصها حتى بعد عدة أشهر من تاريخ انتهاء صلاحيتها. ولكن أدوية، مثل مضادات الحيوية والأنسولين، يمكن أن يتغير تركيبها الكيميائي أو تفقد فعاليتها مع مرور الوقت.
وتقول الدكتورة أولغا إولانكينا الخبيرة الطبية في مختبر هيموتيست: “من الخطر بصورة خاصة تناول الأدوية منتهية الصلاحية التي تنظم عمل القلب والجهاز العصبي. مثل الأدوية المستخدمة لعلاج عدم انتظام ضربات القلب، وزيادة تخثر الدم، ونوبات التشنج لأنه إذا تناول الشخص هذه الأدوية لتخفيف حالة تهدد حياته لن تعمل بشكل صحيح لأن تاريخ انتهاء صلاحيتها قد انتهى بالفعل، والعواقب قد تكون خطيرة جدا”. لذلك توصي بالانتباه إلى تاريخ انتهاء صلاحية الأدوية والتخلص من جميع الأدوية الفاسدة.
وتقول: “يمكن في بعض الأدوية (خاصة الأشكال السائلة – الشراب، القطرات، المعلقات) أن تتكاثر البكتيريا مع مرور الوقت. ويمكن أن يؤثر هذا سلبا على عمل الجهاز الهضمي، ويسبب عدوى بكتيرية في العين والأنف، وخاصة عند الأطفال والمرضى الذين يعانون من ضعف المناعة. وبالإضافة إلى ذلك، يمكن أن تسبب الأدوية منتهية الصلاحية ردود فعل تحسسية والتسمم وحتى مشكلات في القلب والكلى والكبد والرؤية”.
ووفقا لها، الوضع مع الأدوية المقلدة أكثر خطورة لأنها لا تحتوي على المادة الفعالة المطلوبة، كما تنتج من مواد خام رديئة الجودة، وأحيانا سامة، مع انتهاكات لتكنولوجيا الإنتاج. لذلك قد يكون لها تأثير غير متوقع على الجسم.
وتقول: “توجد الأدوية المقلدة في أغلب الأحيان بين الأدوية باهظة الثمن: مضادات الحيوية، والهرمونية، وأدوية علاج أمراض القلب والأوعية الدموية. يكاد يكون من المستحيل التمييز بينها وبين المنتج الأصلي دون تحليل مختبري. لأنه حتى العبوة قد تبدو متطابقة”.
يمكن أن تظهر أعراض تسمم مختلفة، من الغثيان والتقيؤ إلى الاضطرابات العصبية الشديدة: التشنجات، والاختلاط الذهني وقصور التنفس، وقصور القلب. كما قد يحدث تلف في الكلى والكبد. لذلك في حالة الشك في الإصابة بالتسمم الدوائي، يجب الاتصال بالإسعاف فورا، بدلا من محاولة علاج الحالة ذاتيا.

26/06/2025

أسرة صيدلية سالي تهنئكم بالعام الهجري الجديد 1447
مع أطيب الأماني بالصحة والسلامة والعافية والشفاء العاجل
🕊🌸🕊🌸🕊

21/06/2025

( داء #باركنسون)
هو أحد أمراض الاضطرابات الحركية هو مرض تنكس عصبي تضمر فيه الخلايا المسئولة عن إفراز مادة الدوبامين في جذع المخ ، و يعد وجود الدوبامين حتميا من أجل انسيابية حركة الجسم حيث أنه أحد أهم موصلات الإشارات العصبية من المخ إلى باقي أجزاء الجهاز العصبي و بالتالي باقي أجزاء الجسم

09/06/2025

لو انت "خمسيني" أو أكبر ، وفم المعدة بيضايقك، وحتى لو بيروح بأدوية الحموضة أو بيخف بالقئ، اطلع على عيادة القلب او استقبال الطوارئ.

على الارجح انت في عرض الـ 60 دقيقة القادمة.
الموضوع "غالبا" قلب، وبلا ألم، ولا ضيق تنفس ولا نهجان.

منقول من صفحة د/بهي الدين مرسي

06/06/2025

أسرة صيدلية سالي تهنئكم بعيد الأضحى المبارك وتتمنى لكم موفور الصحة والعافية ✨️✨️

21/05/2025

أسهل طريقة لخفض ضغط الدم.. دون التوقف عن تناول الملح

"إضافة المزيد من الأطعمة الغنية بالبوتاسيوم إلى النظام الغذائي، مثل الموز أو البروكلي، يمكن أن يكون له تأثير إيجابي أكبر على ضغط الدم، مقارنةً بخفض الصوديوم"

في حين أن تقليل تناول الملح لطالما كان ركيزة أساسية في علاج ارتفاع ضغط الدم، تشير أبحاث جديدة إلى أن زيادة تناول البوتاسيوم ربما يكون له تأثير أكبر، وبالتالي يمكن أن يكون الوقت مناسبًا لتناول الموز والمشمش والبطاطا الحلوة، نقلًا عن الدورية الأميركية Renal Physiology.
تقليل مستويات الصوديوم
تشير التقديرات إلى أن حوالي 30% من سكان العالم يعانون من ارتفاع ضغط الدم، وهو السبب الأول لأمراض القلب والوفاة المبكرة. ولعقود، روّجت مؤسسات مثل جمعية القلب الأميركية لفوائد تقليل تناول الصوديوم كطريقة سريعة وسهلة لخفض ضغط الدم.

لكن الأبحاث الجديدة التي أجرتها جامعة واترلو الكندية، أشارت إلى أن زيادة تناول البوتاسيوم الغذائي يمكن أن يؤثر على ضغط الدم أكثر من خفض الصوديوم.

الموز والبروكلي
قالت دكتورة أنيتا لايتون، الباحثة في الدراسة ورئيسة قسم الأحياء الرياضية والطب في جامعة واترلو: "عند ارتفاع ضغط الدم، يُنصح عادة بتناول كمية أقل من الملح"، مضيفة أن نتائج الأبحاث الجديدة تشير إلى أن "إضافة المزيد من الأطعمة الغنية بالبوتاسيوم إلى النظام الغذائي، مثل الموز أو البروكلي، يمكن أن يكون له تأثير إيجابي أكبر على ضغط الدم، مقارنةً بخفض الصوديوم".

دعم وظائف القلب والأوعية الدموية
إن الصوديوم والبوتاسيوم من العناصر الغذائية التي تلعب دورًا في تنظيم ضغط الدم. فبالإضافة إلى دعم وظائف الأعصاب والعضلات، يساعد الصوديوم على تنظيم سوائل الجسم. فهو يجذب الماء، فإذا زادت نسبة الصوديوم في الجسم، يحتفظ الجسم بالماء لموازنته. وهذا يزيد من حجم الدم في الأوعية الدموية، مما يزيد من ضخ القلب للدم ويؤدي إلى ارتفاع ضغط الدم.
أما البوتاسيوم، فيساعد جدران الأوعية الدموية على الاسترخاء، ويدعم وظائف القلب، كما يساعد الأعصاب والعضلات. فهو يعمل ضد الصوديوم، ويساعد الكلى على إخراجه عبر البول، مما يقلل من حجم السوائل والضغط في الأوعية الدموية، وبالتالي يؤدي إلى خفض ضغط الدم.

مؤشر أقوى لضغط الدم
وقال الباحثون: "في الواقع، وُجد أن نسبة الصوديوم الغذائي إلى البوتاسيوم الغذائي تُعدّ مؤشرًا أقوى لضغط الدم، وخطر الإصابة بأمراض القلب والأوعية الدموية، والوفيات لجميع الأسباب.
وتماشيًا مع هذه الملاحظات، تشير نتائج الدراسة إلى أن البوتاسيوم الغذائي له فوائد في خفض ضغط الدم حتى مع وجود مستويات من الصوديوم تتراوح بين الطبيعي والمرتفع".