Ahmed Becks Athlete

07/09/2025

قانون اللعبه ❤️

07/09/2025

السوشيال ميديا بختصار:

07/09/2025

🎯 عايز فورمة رونالدو؟ خصوصًا عضلات البطن؟ ركز في الـ 6 نصايح دول👇


🔥 ١. نسبة الدهون أهم من عدد التكرارات
مهما تمرنت بطن، لو نسبة دهونك فوق 12-13٪، عمرها ما هتبان. نظف أكلك الأول.

🥗 ٢. نظام غذائي مش قاسي.. ذكي
كريستيانو مش بيجوع نفسه، بيأكل نظيف ومتوازن. ركّز على البروتين، قلل السكريات، وخلي الكارب ذكي (بطاطا - شوفان - فواكه).

⏱ ٣. التمرين مش بس للبطن
رونالدو جسمه كامل، تمرينه شامل (حديد – كارديو – تمارين مقاومة)، وده بيحرق دهون من الجسم كله.

💥 ٤. تمرن بطن ٣ مرات في الأسبوع بكفاءة
مش لازم كل يوم. تمرن البطن بتمارين مركبة وزيادة الحمل التدريجي (مثل الكابل كرنش - أب رولر - بلانك مع مقاومة).

😴 ٥. نوم كافي = فورمة أسرع
رونالدو بينام ٨ ساعات + بيقسم نومه طول اليوم! النوم بيزود الحرق وبيساعد في بناء العضلات.

🚿 ٦. ثبات وانضباط
الفرق الحقيقي؟ الالتزام اليومي. رونالدو بقاله سنين بنفس الروتين. مفيش سحر، بس فيه نظام بيكرر كل يوم.

07/09/2025

لما تجيب مشايه في البيت

06/09/2025

العضلات عايزه كده 🤷‍♂️

06/09/2025

لما تشوف نفسك فى مراية الجيم 😁

06/09/2025

الاب الجيماوى جميل 😍

06/09/2025

🏋️‍♂️ التمارين الحرة المركبة.. سر القوة والشكل المثالي

التمارين الحرة المركبة هي التمارين اللي بتستخدم وزن جسمك أو أوزان حرة زي البار والدنابل، وبتشغل أكتر من عضلة ومفصل في نفس الوقت.
يعني مش زي الأجهزة اللي بتعزل عضلة واحدة بس، لأ.. هنا جسمك كله بيتعاون.

🔹 أمثلة واضحة:

Squat (سكوات) → بيشغل الرجلين، المؤخرة، أسفل الظهر، والبطن.

Deadlift (ديدليفت) → تمرين شامل لكل الجسم تقريبًا (رجلين، ظهر، قبضة، كور).

Bench Press (بنش برس) → صدر، تراي، أكتاف.

Pull Ups (العقلة) → ظهر، بايسبس، كور.

✅ الفوائد الضخمة للتمارين المركبة:

قوة أكبر: لأنك بتشغل عضلات كتيرة في حركة واحدة، عضلاتك بتتعلم تشتغل مع بعض، وده يديك قوة فعلية مش شكل بس.

زيادة كتلة عضلية أسرع: بدل ما تضيع ساعة على جهاز لكل عضلة، تمرين واحد مركب يكفي.

حرق سعرات عالي: كل ما عدد العضلات المشاركة زاد → الحرق أعلى.

اختصار الوقت: في 30 دقيقة ممكن تعمل برنامج كامل لو اعتمدت على تمارين مركبة.

تحسين التوازن والمرونة: لأن الحركات دي طبيعية زي الحركات اللي بتعملها في حياتك اليومية (تشيل حاجة، تتحرك، تنزل تقعد).

وقاية من الإصابات: بتقوي المفاصل والأوتار مع العضلات.

نتايج عملية: مش بس شكل عضلة منفردة، لكن جسم متناسق وقوي.

⚡ الخلاصة:
لو هدفك تبني عضل، تحرق دهون، وتكسب قوة حقيقية → خلي التمارين المركبة أساس برنامجك.
الأجهزة كويسة كإضافة، لكن مش هتوصلك لوحدها.

06/09/2025

👌👌

الكائن الچيماوى ده غريب بجد 😅

بيكون مبسوط جداً وهو جسمه وجعه من التمرين يوم ولا اتنين بعد التمرين

لو خرج من التمرين مش مفرهد ومش قادر يقف على رجله يزعل ويحس انه مش بيتمرن

اليوم اللى بيريح فيه من التمرين بدل ما يكون مبسوط انه مريح جسمه بيكون زعلان انه مش هيتمرن ومضطر يقعد

الاكل بالنسباله سعرات وبروتين وخلاص مش طعمه ايه ولا هناكله فين

يبقى مصاب وكتفه وجعه ومصمم يتمرن ومش فارقه معاه ألم كتفه

يبقى يومه زحمة ومضغوط بس عادى بروح يتمرن ويسيب اى حاجه تانيه بدل ما يروح يريح جسمه

يعنى لو مش عايش موجوع وتعبان فى حياته يبقى مش مبسوط احنا ناس غريبه جداً 😂

05/09/2025

الجزء الاصعب فى لعبتنا 😐

05/09/2025

وجبة مثالية جداً بعد التمرين

05/09/2025

انت قدوة فى حياة أحدهم … فكن خير قدوة