21/07/2018
خزعبلات طبيه . الجزء التالت 😋
معلومات كده بسيطه يمكن تفيدكوا 😋
-الصدفيه مش بتعدي . الامراض المناعية عموما مش بتعدي 🎉🎉
-مفيش حاجه اسمها حقنه برد ٣ في ١ 😂😂
-مش كل وجع مفاصل يااوساذ يبقي أملاح في مصايب تانيه كتير "خشونه ، روماتيزم، التهابات وغيره " 😉
-وجع صدر ناحيه الشمال تقل ، تنميل في الكتف والرقبه والفك الشمال مع بروده وعرق في الاطراف جري علي المستشفي ... 🤭
-التهاب البول مش هيتعالج بالميه ياست هانم لازم تحليل ومزرعه ومضاد .. ولو بيتكرر ده سبب ادعي 👌🏻
-بلاش اكل من بره ... بلاش اكل من بره 🤮🤮
-بلاش مسكنات زي البروفين والكتفلام والفولترين علي معده فاضيه ويستحسن بلاش منهم خالص .. وممنوع لو في مشكله بالكلي .
-وانت مسافر في الطيارة قوم واتمشي واعمل تمارين بلاش قعده ... بتخن ولو عندك مشاكل ممكن جلطات 😋
-بلاش لُب ومكسرات للأطفال والله بيقف في زورهم ويشرقوا والنفس ممكن يتقطع وممكن يعمل التهابات في الرئه وتحتاج تخدير ومنظار . سامعاني ياللي في بالي 😂😂 عملنالها منظار وطلعنا مكسرات من الرئه اليمين 😂😂
-البهاق والصدفية مش بيعدي والله ياريت نعلم اولادنا ان دول أطفال وناس طبيعين 🗣🗣
-ارتجاع المرئ ممكن يعمل حموضه، طعم البق متغير وريحه ، كحه وشرقه ، تآكل بالأسنان ... آه والله 😮
-المصيف يعني شرب ميه كتير ، بلاش النزول وقت الظهر ، وكريم وقايه للشمس آكتر من 20 SPF. 👨👨👧👦
-عندك ضغط أو سكر تاخد علاجك من سكات إنما متجيش العباده تقولي باخد الدوا لما احس إنوا عالي ... لا والله كتر خيرك 😡
-مش كل واحد ينفع ياخد نفس دوا الضغط بتاع صاحبه كل مريض أيه ظروفه. .بلاش فتي 💊
-النيبيوليزر أو جلسه الاكسجين مش بنتعود عليها مش كوكايين هو .. ده علاج والله علاج ..
آه والكورتيزون علاج مهم يعني مش من اول جمله تقولي هتخن ولا لأ لأني أكيد كاتبه وانا قلقان عليك اكتر منك !!!!!
-الناس السهيره إليّ بتصحي باليل وتنام الصبح معرضين بنسبه ١٠٪ أو أكثر من الوفاه بمشاكل صحيه عن الناس إليّ بتنام طبيعي ... وانا منهم 😅
-مش لازم تاخد اسبرين بعد متعدي الأربعين 🤫.
-فيتامين دال مش بيجي من الشمس ذي معلومة كدزه .. هو بينشط بأشعة الشمس جوا الجسم .
-فيتامين "C" مش بيحمي من الإصابة بالأنفلونزا، ولكن يمكن أن يساعد في تقليل الأعراض وفترة المرض.💊
-علي فكره القلب من بيقف لما بنعطس 😀
-الصداع النصفي مش شرط يجي في نص الدماغ بس ممكن يجي في كله 🙃
-السجائر طريقك السريع للوفاه ومش هشرح ليه 🤫
-في متلازمة كتير مش عارفينها بتيجي للأطفال والكبار حبين اعرف بيها ADHD إليّ هيه متلازمة فرط الحركه الا اراديه المصحوبة بضعف التركيز والتشتت والافعال المندفعة لو حد محتاج شرح أكتو يبلغني عشان كتير حوالينا عندهم واحنا مش واخدين بالنا🚶🏾♂️🚶🏼♀️ .
اَي أضافه أو تحديث أو معاونه غلط برجاء قولولي للتعديل 😉
وشير ياولاد😀😀😀
Mahmoud Ali Hewaidy
